Subantarktika qurşağı

Vikipediya, açıq ensiklopediya
Keçid et: naviqasiya, axtar

Subantarktika qurşağı - cənub yarımkürəsində coğrafi qurşaq. 58—60° ilə 65—67° cənub en dairələri arasındadır. Sakit, Atlantik və Hind okeanlarının bir hissəsini əhatə edir. Subantarktika qurşağı üçün hava kütlələrinin mövsüm üzrə bir-birini əvəz etməsi xarakterikdir. Qışda Antarktika, yayda isə mulayim enliklərin hava kütlələri hakimdir. İqlimi soyuqdur. Havanın orta temperaturu qışda -5-dən (şimalda) —15°S-yə qədər (cənubda), yayda 0-2°S, suyun orta temperaturu isə müvafiq olaraq —1,5°S-dən —2°S-yə qədər və 0—2°S-dir. İllik yağıntının miqdarı 500 mm-dir. Qışda subantarktika qurşağının akvatoriyası üzən buzlarla örtülür, yayda isə buzlardan tamamilə azad olur. Tez-tez çovğun, qar fırtınaları, duman müşahidə edilir. Hündürlüyü 10 m-ə çatan dalğalar xarakterikdir. Suyun duzluluğu il boyu az dəyişilir (33-34%). Subantarktika qurşağı balıq və balina ovunun mühüm rayonlarındandır. Su sahəsi planktonlarla zəngindir. Adalarda şibyə, otkolluqlar yayılmışdır.