Tünzalə Əliyeva

Vikipediya, açıq ensiklopediya
Keçid et: naviqasiya, axtar
Tünzalə Əliyeva
Tünzalə Məcid qızı Əliyeva
Tünzalə Əliyeva (Amfiteatr (2007)).JPG
Doğum tarixi: 15 fevral 1973 (1973-02-15) (41 yaş)
Doğum yeri: Gəncə
Peşəsi: aktrisa

Əliyeva Tünzalə Məcid qızı — azərbaycanlı aktrisa.

Həyatı[redaktə]

Tünzalə Əliyeva 1973-cü il fevralın 15-də Gəncədə anadan olmuşdur. 1990-cı ildə Azərbaycan Dövlət Mədəniyyət və İncəsənət Universitetinin "Dram və kino aktyorluğu" fakültəsinə qəbul olmuşdur. Ali məktəbi başa vurandan sonra bir müddət özəl teatrlarda çalışmışdır. Sonra Gəncəyə qayıdıb bir müddət Gəncə Televiziyasında, sonra Kukla Teatrında, daha sonra da Gəncə Dövlət Dram Teatrında fəaliyyət göstərmişdir. Oradan çıxıb Bakıya gəlmiş və C.Cabbarlı adına İrəvan Dövlət Azərbaycan Dram Teatrında işləmişdir. Bu teatrın səhnəsində Qəmər (Ə.Əmirli, "Müqəddəs Valentin günü"), Natella (M.Haqverdiyev, "Qısqanc ürəklər"), Şahnaz (A.Rəhimov "Pul hərisləri"), Qadın (H.Mirələmov, "Ləyaqət"), Mehriban (Ə.Nesin, "Toros canavarı"), Gülzar (Elçin, "Poçt Şöbəsində xəyal"), Sənəm (Ü.Hacıbəyov, "O olmasın, bu olsun"), Nanı Kişi (İftixar, "Dan yeri söküləndə") rollarını uğurla ifa etmişdir. Gəncə-Kəpəz Müstəqil Şirkət telekanalında "İzinlə", "Vətənim" və "Gülüş qatarı" verilişlərinin aparıcısı olmuşdur. ATV kanalında nümayiş etdirilən "Çal-Çağır" şou proqramının aparıcısı olan "Toppuş bacı" obrazının ifaçısıdır. Hazırda ATV kanalında "Gülmək qadağandır" şou proqramının aparıcısıdır.

Filmoqrafiya[redaktə]

  1. Kişiləri qoruyun (film, 2006)
  2. Yoxlama (film, 2006)
  3. Qocalar (film, 2008)
  4. Bir ovuc torpaq (film, 2009)
  5. İstanbul reysi (film, 2010)
  6. Qayınana (film, 2011)
  7. Üç bacı

Xarici keçidlər[redaktə]