Türkiyə milli futbol komandası

Türkiyə Milli Futbol Komandası

Türkiye Millî Futbol Takımı

Ümumi Məlumat
Quruluş ili:	1923
Məşqçi:	Abdullah Avcı
Konfederasiya:	UEFA (Avropa)
Ən çox forma geyinmiş oyunçu:	Rüştü Reçber (119)
Ən çox qol vuran oyunçu:	Hakan Şükür (51)
Fifa kodu:	TUR
İlk matç:	İstanbul, Türkiyə. 26 oktyabr 1923 Türkiyə 2-2 Rumıniya
Ən yaxşı nəticəsi:	Ankara, Türkiyə. 20 noyabr 1949 Türkiyə 7-0 Suriya Cenevrə, İsveçrə. 20 iyun 1954 Türkiyə 7-0 Cənubi Koreya İstanbul, Türkiyə. 10 noyabr, 1996 Türkiyə 7-0 San Marino
Ən pis nəticəsi:	Çorzov, Polşa. 24 aprel 1968 Polşa 8 – 0 Türkiyə İstanbul, Türkiyə. 14 noyabr 1984 Türkiyə 0 – 8 İngiltərə London, İngiltərə.14 oktyabr 1987 İngiltərə 8 – 0 Türkiyə
Ev	Səfər
Uğurları
Dünya çempionatı:	2002 -3 yer
Avropa çempionatı:	2008 -3 yer

Türkiyə Milli Futbol Komandası, Türkiyə Cumhuriyyətini beynəlxalq turnir və oyunlarda təmsil edən futbol komandasıdır. Türk Milli Komandası milli qarşılaşmalara Avropa seçmələrindən qatılır. 2002 FİFA Dünya Kubokunda Şenol Günəşin və Futbol üzrə Avropa çempionatı-2008də Fatih Terimin rəhbərliyi altında əldə etdiyi üçüncülüklər tarixindəki ən böyük müvəffəqiyyətdir və yenə Şenol Günəş rəhbərliyində gəncləşdirilmiş heyətiylə 2003 FİFA Konfederasiyalar Kubokunda da üçüncülüyü qazanıb. Tarixində 2 dəfə FİFA Dünya Kubokuna qatılma müvəffəqiyyəti göstərmiş Türk Milli Komandasında ən çox forma geyinmiş oyunçu Rüştü Rənçbər (119 dəfə), milli forma altında ən çox qolu atan oyunçu isə Hakan Şükürdür (51 dəfə). Üstəlik Hakan Şükür Dünya Kuboklarında ən erkən qol vuran oyunçusudur (9-cu saniyədə).

Milli komandanın istifadə etdiyi geyim forması – ev oyunlarında Türkiyə bayrağının rənglərini simvolizə edən klassik qırmızı-ağ formadır. Xarici meydanlarda istifadə edilən forma isə yeni dizayn edilmiş göytürk mavisi və ağ rəngdən ibarətdir.

Tarixi

Türk idmanının ilk təşkilatı olan Türk İdman Cəmiyyətləri İttifaqının qurulmasından sonra Yusuf Ziya Önişin rəhbərliyi altında ilk Türk Futbol Federasiyası 1923-cü ildə Şəhzadəbaşında yerləşən Lətafət Apartamentinin zalında keçirilən yığıncaqda "Futbol Heyət-i Müttehidesi" adı ilə qurulmuşdur. Ardından FIFA-ya müraciət edilmiş və Türkiyə 21 May 1923-cü ildə FIFA-nın 26-cı üzvü olmuşdur. FIFA-ya üzvlükdən sonra 1923-cü ildə Türk Milli Komandası ilk rəsmi oyununda Rumıniya ilə İstanbulda Taksim Stadionunda qarşılaşdı və 2-2 hesabı ilə heç-heçə oynadı. Qarşılaşmada 2 qol vuran Zeki Rıza Sporel Türk Milli Komandasının ilk qolunu ataraq tarixə düşdü. 1949-cu ildə Suriyanı məğlub edərək 1950-ci il FİFA Dünya Kubokunda iştirak haqqını əldə etməsinə baxmayaraq maliyyə problemləri səbəbindən turnirə qatıla bilmədi. 17 İyun 1951-ci ildə, sonradan 1954-cü il FİFA Dünya Kubokunu qazanacaq olan Almaniya Federativ Respublikasını Berlindəki Olimpiya Stadionunda 2-1 məğlub edən Türk Milli Komandası Türk futbol tarixinin o zamankı ən böyük zəfərinə imza atdı. 1954-cü ildəki Dünya Kuboku seçmələrində İspaniya ilə qarşılaşan Ay-ulduzlular səfərdəki oyunu 4-1 uduzaraq, öz sahəsində 1-0 qalib gəldi. Qaydalara görə neytral sahədə 3-cü oyun oynandı və 2-2 heç-heçə bitdi. O vaxtkı qaydalara görə qalibi müəyyənləşdirmək üçün əlavə vaxt və ya penalti vuruşları deyil püşk atılırdı. Atılan püşk nəticəsində Türk Milli Komandası İspaniyanı keçərək tarixində ilk dəfə Dünya Kubokuna qatıldı. İsveçrədə təşkil edilən çempionatda qrup oyunlarında Cənubi Koreyanı 7-0 məğlub edərək tarixinin ən fərqli qalibiyyətlərindən birini alan milli komanda, 3 il əvvəl məğlub etdiyi Almaniya Federativ Respublikasına qrup qarşılaşmasında 4-1, play-off matçında isə 7-2 məğlub olaraq sonrakı mərhələyə çıxma şansını itirdi. 1955-ci ildə 1954-cü il FİFA Dünya Kubokuna qatılan heyətin çoxunun əsgərlikdə olması sayəsində Ordu Milli Futbol Komandası finalda İtaliyanı məğlub edərək Dünya Çempionu oldu. 1956-cı ildə 1950-ci il Dünya Kubokunda final oynayan Macarıstanı İstanbulda 3-1 məğlub edən milli komanda tarixinin unudulmaz qalibiyyətlərindən birinə imza atdı.

2002 FİFA Dünya Kubokundakı müvəffəqiyyət səbəbiylə buraxılan poçt markası

Oktyabr 2011 həyəti

• Sinan Bolat
• Tolqa Zəngin
• Burak Yılmaz
• Volkan Dəmirəl
• Gökhan Gönül
• Serdar Kesimal
• Səlçuk Şahin
• Əmrə Bəlözoğlu
• Kazım Kazım
• Sabri Sarıoğlu
• Gökhan Zan
• Sərvət Çətin
• Hakan Balta
• Çağlar Birinci
• Səlçuk İnan
• Egemen Korkmaz
• İsmail Köybaşı
• Mehmet Ekici
• Tunay Torun
• Mehmet Topal
• Arda Turan
• Gökhan Törə
• Cenk Tosun
• Umut Bulut