Takab şəhristanı

Vikipediya, açıq ensiklopediya
Keçid et: naviqasiya, axtar
Takab şəhristanının bəxşləri və şəhərləri
Vaxtilə sahilində Atropatena dövlətinin paytaxtı Qazaka şəhərinin yerləşdiyi, bu gün isə həmin şəhərin Təxti-Süleyman adlı xarabalıqlarının olduğu, Zərdüştlükdə suyu müqəddəs hesab edilən Şiz gölü

Takab şəhristanı (fars. شهرستان تکاب‎) — İranın Qərbi Azərbaycan ostanının 17 şəhristanından biri və bu ostanda inzibati ərazi vahidi. Şəhristanın inzibati mərkəzi Takab şəhəridir. Şəhristanın ərazisi 2,523 km²-dir. 2006-cı ildə aparılmış əhalinin siyahıya alınmasının nəticələrinə görə şəhristanın əhalisi 17 618 ailədə 81 395 nəfər (kişilər - 40 161 nəfər, qadınlar - 41 234 nəfər) olmuşdur.[1][2]Takab şəhristanında əsasən azərbaycanlılar[3], qismən kürdlər yaşayırlar. Şəhristanda yaşayan azərbaycanlılar Azərbaycan dilində (əfşar şivəsində), kürdlər isə kurmanc və soran ləhçələrində danışırlar.

Takab şəhristanının bəxşləri[redaktə]

Takab şəhristanı iki bəxşə bölünür:

Takab şəhristanının şəhərləri[redaktə]

Təkab vilayəti ərazisində Atropatena dövlətinin paytaxtı Qazaka şəhərinin xarabalıqlarının yerləşdiyi Təxti-Süleyman abidəsi

Takab şəhristanında yalnız bir şəhər var:

Takab şəhristanının kəndistanları[redaktə]

Şəhristanın bəxşləri aşağıdakı dehestanlardan ibarətdir[1]:

  • Mərkəz bəxşinin kəndistanları:
Əfşar kəndistanı
Ənsar kəndistanı
Kərəfto kəndistanı
  • Təxti-Süleyman bəxşinin kəndistanları:
Əhməd Ava kəndistanı
Saruq kəndistanı
Çəmən kəndistanı

Tahab şəhristanının kəndləri =[redaktə]

Şəhristanın bəxşlərinin dehestanlarında irili-xırdalı 102 kənd yerləşir.[1]

Türk kəndləri[redaktə]

Qırxlı, Qəynərcə (280 şiə türk ailəsi)[4] və sairə.

Kürd kəndləri[redaktə]

Görməli yerlər[redaktə]

  • Balqız dağı (və ya Bilqeys - Balqız dağının farslaşdırılmış adıdır) - türk eli arasında ona Haça dağ da deyirlər, səbəbi iki qoşa zirvəsinin olmasıdır, hündürlüyü 3350 metr. Bu dağın iki zirvəsinin başı ilin bütün fəsilləri boyu qarlı olur. Yay aylarında qar nisbətən azca əriyir və tarixən bu qar sularının əmələ gətirdiyi və bu iki zirvə arasında yerləşən möhtəşəm mənzərəyə sahib gölə tökülür.
  • Dev zindanı dağı (və ya Zindan dağı) - 120 metr hündürlüyə sahib olan içi boş dağ olan təbii komleks, ağzının eni 50 metrdir. Ətrafında bizim eradan əvvəl 1000 il öncəsinə - o dövrdə mövcud olmuş Manna dövlətinə aid abidələr vardır. UNESCO-da İranın tarixi əsərləri siyahısında qeyd olunmuşdur.
  • Qəynərcə şəlaləsi - Təxt-i Süleyman yaxınlığında yerləşən Qəynərcə kəndində yerləşir.
  • Birincə dəryası - Töhül dağının ətəklərində Birincə kəndində yerləşir.
  • Çəmligöl (və ya Çəmlibel və ya Çənlibel) - təbii əsər, 85 metr eni olan göldə yerləşən və onun üzərində hərəkət edən 70 metr eni olan adadır.
  • Savruq körpüsü - Səfəvilər dövrünə aiddir, türk kəndi olan Durbaş kəndinin yanında yerləşir.
  • Balqız qalası - qala 3350 metr hündürlüyü olan Balqız dağının başında tikilib və Təxt-i Süleymanın yaxınlığındadır.
  • Sərdar Əfşar qalası - Tikantəpə şəhərinin ortasında yerləşir.
  • Sarıqurqan qalası - qala Tikantəpədən Sayınqalaya gedən yolun üzərində yerləşir.
  • Oğulbəy kəndinin Cümə məscidi
  • Oğulbəy buzlu xanası
  • Kərəfto köhülü
  • Təxti-Süleyman (və ya Soğurluq) - bizim eradan 1000 il əvvəl yəni 3000 il öncə əsası qoyulmuşdur, bu ərazidəki qədim yaşayış komleksi öncə Manna dövlətinin, daha sonra Atropantena dövlətinin paytaxtı olmuşdur, hazırda qədim Qazaka şəhəri xarabalığının yerləşdiyi tarixi kompleksdir. UNESCO-da İranın tarixi əsərləri siyahısında qeyd olunmuşdur.

Mineral sular[redaktə]

  • İstisu, Qəynərcə suyu, Birincə suyu, Çardaq suyu, Ağbulaq suyu, Oğulbəy suyu, Durbaş suyu, Tamay suyu və s.

Mədənlər[redaktə]

  • Ağdərə qızıl mədəni - Tikantəpə şəhərinin 30 km-liyində yerləşir, burada fəaliyyət göstərən Puyazərkan karxanası mədəndən ildə 4 ton saf qızıl hasil edir, mədəndə filizlər arındırılarkən onun tərkibindən saf qızılla yanaşı gümüş və civə də hasil edilməktədir, karxananın təkcə qızıl hasilatından əldə etdiyi gəlir illik 150 milyard İran tüməni dəyərindədir, karxananın bütün səhmləri fars əsilli səhmdarlara məxsusdur. Ağdərə mədəni İran İslma respublikasının Zərəşoran qızıl mədənindən sonra ikinci ən böyük qızıl mədənidir.
  • Zərəşoran qızıl mədəni - fəaliyyətdə deyil, 150 min ton real qızıl ehtiyyatına sahibdir. İran İslam Respublikasının ən böyük qızıl mədənidir.
  • Balqızın qranit mədəni - Səhənd və Savalan dağlarından sonra Güney Azərbaycanın üçüncü ən uca dağı olan Balqız dağının zirvəsində yerləşir. Bugün Tikantəpə şəhristanı ərazisində 220 bu cür dəyərli daşlara sahib mədənlər mövcuddur ki onlardan 85-i fəaliyyətdədir, digər mədənlərin də fəaliyyətə başlaması üçün texniki hazırlıqlar hökumət planındadır. Mədən tikinti materialları ehtiyyatlarına görə Tikantəpə İranın ən zəngin ərazisi hesab olunur. Bütün mədənlər qeyri-Tikantəpəli və qeyri-azərbaycanlı olan əsasən fars əsilli və İsfahanlı sahibkarlara, qismən digər bölgələrdən olan kürd əsilli sahibkarlara məxsusdur. Bütün karxanalarda mədənlərdən orta hesabla ildə 108 milyard İran tüməni dəyərində mədən tikinti materialları - qiymətli tikinti daşları hasil edilir.

Görkəmli şəxslər[redaktə]

  • Pr.Şəhriyar Sadiq Əfşar Çıraqtəpə: ABŞ-da yaşayan tanınmış fizika alimi, şəhristanının türk kəndi olan Çıraqtəpə kəndində anadan olmuşdur.
  • Yədullah Məftun Əmini: 1926-cı ildə Tikantəpə şəhərində anadan olmuşdur. Güney Azərbaycanın tanınmış şairlərindən biridir.
  • Seyyid Yəhya Yəsrubi: 1942-ci ildə Çıraqtəpə kəndində anadan olmuşdur. İranın böyük islam alimi və mütəfəkkirlərindən biridir.
  • Əbasələt Sadiqi
  • Cəmşid Yari

İstinadlar[redaktə]

  1. 1,0 1,1 1,2 Government of Takab city (Takab şəhristanının rəsmi saytı) :معرفی شهرستان
  2. Statistical centre of Iran
  3. روزنامه جام جم - JameJamOnline.ir :تکاب شهر قلعه هاي تاريخي
  4. Qəynərcə kəndinin saytı

Xarici keçidlər[redaktə]

Həmçinin bax[redaktə]