Talış dağları
Talış dağları - Azərbaycan Respublikasının cənub-şərq hissəsində yerləşir.
Talış dağları əsas etibarilə üçüncü dövr çöküntülərindən təşkil olunmuşdur. Talış dağları Kiçik Qafqaz dağlarından Elbrus (İran) dağlarına keçid həlqəsini təşkil edir və hündürlüyü 2477 metrə çatan üç əsas dağ silsiləsi və onların bir sıra qollarından ibarətdir. [1] Talış dağları Burovar, Peştəsər və Taliş dağ silsilələrindən ibarətdir. Taliş dağ silsiləsi Cənubi Azərbaycan ərazisindədir. Taliş dağları cənub-şərqdə Əlbürs, qərbdə isə Savalan dağları ilə birləşir. Vilayətin ən hündür nöqtələri Gömürgöy (2493 m) və Qızyurdu (2433 m) zirvələridir. Vilayətin Lənkərançay (Bəşəru), Vazaru, Sadaşaru, Astaraçay, Təngərüd, Pensərçay, Ləkər, Veravulçay, Qumbaşıçay, Viləş, Mişarçay, Göytəpəçay, Bolqarçay və b. çayları öz başlanğıclarını Taliş dağlarından götürürlər. [2]
[redaktə] Mənbə
- ↑ Azərbaycan təbiəti haqqında ümumi məlumat
- ↑ Azərbaycanın Etnoqrafiyası 1-ci Cild, səh 14 – Prezident Kitabxanası
