Tamar

Tamar, Tamara (12 əsrin 60-cı illərinin ortaları - 1207) - Gürcüstan çariçası (1184 - 1207), Gürcüstan çarı III Georginin qızı. 1185 ildə Vladimir-Suzdal knyazı Andrey Boqolyubskinin oğlu Yuriyə ərə getmiş, iki il sonra boşanmışdı. 1189 ildə Baqrationların osetin qolundan olan David Soslaniyə ərə getmişdi (sonuncu nikahdan Georgi Laşa adlı oğlu, Rusdan adlı qızı olmuşdur). Tamaranın hakimiyyəti dövründə Gürcüstan çarlığının hərbi-siyasi qüdrəti yüksəlmiş, ərazisi genişlənmişdi. Tamara dövlət işlərini ali dövlət şurasının ("Darbazi") iştirakçıları ilə birlikdə həll edirdi. İri feodalların mənafeyini müdafiə edən Tamara Gürcü dağlılarının üsüyanlarını amansızlıqla yaratmışdı. 1192 ildə Tamara Şirvanşah I Axsitan və atabəy Məhəmməd Cahan Pəhləvanın oğlu Əmiran Ömər ilə dostluq əlaqələri yaratmışdı. Tamaranın dövründə Azərbaycan və Gürcüstan arasında müttəfiqlik münasibətləri olmuşdur. Tamara elm və incəsənətə hamilik edir, yollar çəkdirir, karvansara, qalalar, kilsələr və s. tikdirirdi. Ş. Rustaveli "Pələng dərisi keçmiş pəhləvan" poemasını Tamaraya həsr etmişdir.