Tamir Süleymanov
| Tamir Süleymanov | |
| Tamir Yaysın oğlu Süleymanov | |
 |
|
| Doğum tarixi: | 12 noyabr 1988-ci il |
|---|---|
| Doğum yeri: | Qaçağan, Marneuli rayonu,  Gürcüstan SSR |
| Fəaliyyəti: |  Gürcüstan Türkləri Konfederasiyası Ali Şurasının katibi |
Tamir Süleymanov – Gürcüstanın gənc ictimai-siyasi xadimi, Borçalı Gənc Türklər İttifaqının Başkanı, Gürcüstan Türkləri Konfederasiyası Ali Şurasının katibi.
Mündəricat |
[redaktə] Həyatı
Tamir Yaysın-oğlu Süleymanov 12 noyabr 1989-cu ildə Gürcüstan SSR-in Marneuli (Sarvan) rayonunun Qaçağan kəndində dünyaya göz acıb. Milliyətcə Qarapapaq türküdür.
[redaktə] Təhsili
1996-cı ildə Qaçağan 2 saylı orta məktəbinə daxil olub. 2007-ci ildə həmin məktəbi ugurla başa vurub. 2009-cu ildə Ə.Topçubaşov adına Ali Siyasi Məktəbi “İdarəetməni təşkili” ixtisası üzrə bitirib. 2011-ci ildə H.Əliyev adına Bakı Stomotoloji Kollecini fərqlənmə diplomu başa vurub. Azərbaycan, türk, türkmən, gürcü, rus, və ingilis dillərində sərbəst danışır.
[redaktə] İctimai-siyasi fəaliyyəti
Tamir Süleymanov hələ orta məktəb illərində ictimai-siyasi fəaliyyətə başlayıb. Gürcüstanda Qarapapaq və Azərbaycan türklərinin milli hüquqları uğrunda başlayan gənclər hərakatının fəal iştirakçılarından biridir. 2005-ci ildə Gürcüstan Azərbaycanlılarının Milli Assambleyası Gənclər İttifaqının üzvlüyünə daxil olub. 2006-cı ildən Gürcüstan Azərbaycanlı Jurnalistlər Federasiyasının üzvüdür. 2006-2008-ci illərdə Gürcüstan Azərbaycanlılarının Milli Assambleyası (GAMA) Gənclər İttifaqı İdarə heyətinin üzvü olub. 2008-ci ilin 10 sentyabrında GAMA-nın Dini məsələlər üzrə katibi təyin edilib və 2010-cu ilədək bu vəzifəni icra edib. 10 fevral 2010-cu ildə Borcalı Gənc Türklər İttifaqını yaradıb.
10 fevral 2010-cu ildə Borçalı Gənc Türklər İttifaqının Təsis Konfransında İttifaqın Sədri seçilib. 2010-cu ildən Borçalı Gənc Türklər İttifaqı İdarə Heyətinin üzvüdür.
T.Süleymanov 2011-ci ilin 28 oktyabrında Bakıda Borçalı Gənc Türklər İttifaqı adından Gürcüstan Türkləri Konfederasiyası Təsis Bəyannaməsini imzalayıb.
2 noyabr 2011-ci ildə Gürcüstan Türkləri Konfederasiyasının Azərbaycanın Gəncə şəhərində keçirilən Təsis Qurultayında Konfederasiyanın Ali Şurasının üzvü seçilib. 30 noyabr 2011-ci ildə Gürcüstan Türkləri Konfederasiyası Ali Şurasının katibi seçilib.
