Tarix İnstitutu

A.Bakıxanov adına Tarix İnstitutu – Azərbaycan Milli Elmlər Akademiyasının strukturuna daxil olan elmi təşkilat. Direktor: tarix elmləri doktoru, professor, AMEA-nın müxbir üzvü Yaqub Mikayıl oğlu Mahmudov, E-mail: tarix@history.ab.az

Təşkilatın əsas fəaliyyət istiqamətləri

Azərbaycan tarixinin ümumi konsepsiyası:

• Azərbaycan tarixi üzrə ümumiləşdirici tədqiqatlar;
• Tarix və mənbəşünaslıq;
• Azərbaycanın siyasi tarixi;
• Azərbaycanın sosial-iqtisadi tarixi;
• Azərbaycan mədəniyyəti tarixi.

Təşkilatın əldə etdiyi elmi nəticələr

1997-2003-ci illərdə Azərbaycan tarixinin müxtəlif problemlərini əks etdirən 50 monoqrafiya və kitab, 300-dən artıq məqalə çapdan çıxmışdır. Bunlardan ən mühümü 7-cildlik Azərbaycan tarixinin I, II, III, IV, V, VI cildlərini, "XX əsrin əvvəllərində Azərbaycanın siyasi partiyaları (1900-1917-ci illər)", "Azərbaycan Xalq Cumhuriyyəti" (Azərbaycan və rus dillərində), "Türklərə qarşı erməni terrorizmi" (ingilis dilində), "Azərbaycan Respublikası. Əsrə bərabər on il. 1991-2000", "Bərdə şəhərinin tarixi (b.e.ə III əsr- b.e. XVIII əsri)", "Quba tarixi" və s. göstərmək olar.

Təşkilatın tarixi haqqında məlumat

1923-cü ildə Azərbaycanı tədqiq və Tətəbbə Cəmiyyəti yaradıldı. Bu cəmiyyət başqa problemlərlə yanaşı, Azərbaycanın tarixi, arxeologiyası və etnoqrafiyasının tədqiqi ilə də məşğul olurdu. Elmi kadrların artması ilə əlaqədar olaraq 1929-cu ildə Cəmiyyətin bazası əsasında Azərbaycan Dövlət Elmi-Tədqiqat İnstitutu təşkil edildi və onun tərikibində tarix-etnoqrafiya şöbəsi yaradıldı. 1932-ci ildə SSRİ EA Zaqafqaziya filialının Azərbaycan şöbəsi yaradıldıqdan sonra həmin şöbə müstəqil sektor kimi SSRİ EA Zaqafqaziya filialının Azərbaycan şöbəsinin tərkibinə daxil edildi. 1936-cı ildə həmin sektorun bazasında SSRİ EA Azərbaycan filialı nəzdində müstəqil Tarix, Etnoqrafiya və Arxeologiya İnstitutu təşkil olundu. SSRİ EA Azərbaycan filialında müstəqil Tarix İnstitutu isə 1940-cı ildən fəaliyyətə başladı. 1945-ci ildə Azərbaycan SSR EA təşkil olunarkən Tarix İnstitutu onun tərkibinə daxil edildi. Sonradan Tarix İnstitutu Azərbaycan SSR EA Tarix və Fəlsəfə İnstitutuna çevrildi. 1956-cı ildə Azərbaycan EA Rəyasət Heyəti yanında Fəlsəfə sektoru yaradıldıqdan sonra İnstitutun əvvəlki adı özünə qaytarıldı.

Təşkilatın struktur bölmələri

• Azərbaycanın qədim tarixi şöbəsi
• Azərbaycanın orta əsrlər tarixi şöbəsi
• Azərbaycanın qonşu dövlətlərlə əlaqələri və xanlıqlar dövrü tarixi şöbəsi
• Azərbaycanın yeni tarixi şöbəsi
• "Azərbaycan Demokratik Cümhuriyyətinin tarixi" şöbəsi
• Azərbaycanın 1920-iyun 1941-ci illər tarixi şöbəsi

Mənbə

• Tarix institutu

Həmçinin bax

• Azərbaycan Milli Elmlər Akademiyası

Xarici keçidlər

• Аzərbaycan Milli Elmlər Akademiyası
• AMEA Mərkəzi Elmi Kitabxanası
• AMEA Mərdəkan Dendrarisi
• AMEA İnformasiya Texnologiyaları İnstitutu
• AMEA Nəsirəddin Tusi adına Şamaxı Astrofizika Rəsədxanası