Toni Bennet

Vikipediya, açıq ensiklopediya
Keçid et: naviqasiya, axtar
Toni Bennet
ing. Tony Bennett
Toni Bennet "Çumaş Kazino Rezort"da (Santa-İnez, Kaliforniya, 2005)
Toni Bennet "Çumaş Kazino Rezort"da (Santa-İnez, Kaliforniya, 2005)
Ümumi məlumatlar
Doğum tarixi 3 avqust 1926 (1926-08-03) (87 yaş)
Astoria, Kuins, Nyu-York, ABŞ
Üslublar Ənənəvi pop
Caz
Peşəsi Müğənni
Fəaliyyət illəri 1949—indiyədək
Albom şirkətləri Columbia
MGM
Improv
Legacy Recordings
Veb saytı Rəsmi veb-saytı

Toni Bennet (ing. Tony Bennett, doğum adı Entoni Dominik Benedetto, ing. Anthony Dominick Benedetto; 3 avqust 1926) — amerikalı populyar musiqi və caz müğənnisi.

Bennet Nyu-Yorkda böyümüş, gənc yaşlarından mahnı oxumağa başlamışdır. II Dünya müharibəsinin sonlarına yaxın Avropadakı döyüşlərdə iştirak etmişdir. Müharibədən sonra öz ifaçılıq texnikasını inkişaf etdirmiş, "Columbia Records" səsyazma studiyası ilə əməkdaşlığa başlamış və 1951-ci ildə özünün ilk bir nömrəli hiti olan "Because of You" mahnısını yazdırmışdır.

"Rags to Riches" kimi bəzi məşhur mahnıları 1950-lərin əvvəllərinə təsadüf edir. Daha sonra o, caz stilində mahnıları da ifa etməyə başladı. 1950-lərin sonunda "The Beat of My Heart" və "Basie Swings, Bennett Sings" albomları ilə Toni Bennet öz sənət fəaliyyətinin zirvəsinə çatdı. 1962-ci ildə o, özünün ən məşhur mahnılarından olan "I Left My Heart in San Francisco" mahnısını yazdırdı. Rok musiqisinin populyarlıq qazanması onun karyerasına və şəxsi həyatına mənfi təsir göstərdi.

1980-ci illərin sonu 1990-cı illərdə Bennet öz ifa stilini qoruyaraq yenidən böyük auditoriya qarşısına qayıdış etdi. Bennet uzun karyerası ərzində 15 Qremmi, 2 Emmi və Kennedi Mərkəzinin mükafatına, Milli İncəsənət Mükafatının Caz Ustası adına layiq görülmüş, onun mahnıları dünyada 50 milyon nüsxədən artıq satılmışdır. Bennet həm də rəssamlıqla məşğul olur və rəsmlərini öz əsl soyadı olan Benedetto adı ilə imzalayır.

Xarici keçidlər[redaktə]