Transition

Vikipediya, açıq ensiklopediya
Keçid et: naviqasiya, axtar
Terrafugia Transition Oshkosh 2008.jpg
Terrafugia Transition at SciFoo2008 GoogleHQ.jpg

Amerikanın “Terrafugia” şirkəti “Transition” adı alan ilk uçan avtomobilinin sınağını keçirib. yeni avtomobil ümumi istifadə yollarında gedə bilər və istənilən eniş-uçuş zolağından havaya qalxmaq imkanı var. Avtomobilə sertifikat verilsə də, sürücülər üçün xüsusi lisenziya tələb olunacaq. Şirkətin nümayəndələri bildiriblər ki, xüsusi kurs keçərək 20 saat uçan sürücülər müvafiq lisenziya alacaqlar.

“Terrafugia Transition” adi benzin mühərriki ilə işləyən avtomobildir. Havada isə maşın “Rotax 912S” pərli mühərrikdən istifadə edir. Adi avtomobilin təyyarəyə çevrilməsi cəmi 30 saniyə çəkir – bu müddət ərzində maşının qanadları yığılır və ya açılır. Avtomobil yerə enmədən 724 kilometr məsafəni qət edə bilər. Maksimal sürət saatda 185 kilometrdir. Yerdə isə “Terrafugia Transition” 105 kilometr sürətlə gedə bilir.

Hələlik avtomobilin kütləvi istehsalı təşkil edilməyib. Şirkət əvvəlcə konstruksiyanı təkmilləşdirmək, həm yerdə, həm də havada əlavə sınaqlar keçirmək niyyətindədir. Bundan sonra avtomobilin yeni prototipi hazırlanacaq. Lakin şirkət indidən sifarişlər qəbul edir. Maşının qiyməti 194 min dollar olacaq. İlkin olaraq isə 10 min dollar ödəmək lazımdır.[1]


Mənbə[redaktə]

Xarici keçidlər[redaktə]