Tyerri Anri
| Tyerri Anri | ||
 |
||
| Şəxsi məlumatlar | ||
|---|---|---|
| Doğum tarixi: | ||
| Doğum yeri: | ||
| Boyu: | 188 sm | |
| Ləqəbi: | Titi, Va Va Voom | |
| Keçmişi | ||
| {{{keçmişi}}} | CO Les Ulis US Palaiseau Viry-Châtillon Clairefontaine Monako |
|
| Professional Karyerası | ||
| İl | Klub | Oyun (qol) |
| 1994-1999 1999 1999-2007 2007- |
Monako Yuventus Arsenal Barselona |
105 (20) 16 (3) 254 (174) 60 (31) |
| Milli Komanda Karyerası | ||
| 1997– | Fransa | 111 (48) |
Tyerri Anri - Fransa futbolçusu.
[redaktə] Bioqrafiya
Anri professional karyerasını 1994-cü ildə «Monako» klubunda başlayıb, oradan ilk dəfə olaraq milli komandaya çağırılıb. 1998-ci ildə futbolçunu Turinin "Yuventus" klubu alır. "Yuventus"da Anri sol cinah yarımmüdafiəçisi rolunda oynayır. Lakin uğursuz sezondan sonra, 1999-cu ildə o 10,5 mln funt sterlinqlə Londonun Arsenal klubuna keçir.
Arsenalda Anri dünya ulduzuna çevrilir. Arsen Venqerin məşqçiliyi altında Anri klubun güclü hücumçusu olur. O, dörd dəfə İngiltərə Çempionatının bombardiri və iki dəfə Qızıl buts mükafatını qazanır. 2005-ci ildə Anri Arsenalın tarixi ərzində ən sərrast bombardiri olur. Tyerri iki dəfə dünyanın ən yaxı futbolçusu adına təklif olunub və iki dəfə İngiltərə Premyer-Liqası mükafatını qazanıb. Arsenalda keçirdiyi axırıncı iki ildə Anri komandasının kapitanı olur, 2006-cı ildə isə komandasına UEFA Çempionlar Liqasının finalına çıxmağa kömək edir. Halbuki, 2007-ci ilin iyununda Arsenalda keçirdiyi səkkiz ildən sonra 16.1 mln funt sterlinqlə Barselonaya transfer olunub. 2007-ci ilin noyabrında, AVRO 2008 seçmə mərhələsində, Litvaya qarşı oyunda Tyerri özünün Fransa millisindəki 42-ci qolunu vurdu və bununla da o, Mişel Platinini keçərək Fransa tarixində ən məhsuldar oyunçu oldu.
Fransa millisinin heyətində Anri 1998-ci ildə Dünya Çempionu və 2000-ci ildə Avropa Çempionu oldu. Öz nailiyyətləri ilə o dünyanın ən güclü oyunçularıdan biri sayılır.
Meydandan kənarda Anri futbolda rasizmə qarşı aktiv mübarizə aparır, çünki həyatda özü belə hallarla rastlaşıb. Oyun tərzi və inanılmaz sürəti Anrini dünyanın ən şöhrətli oyunçularından birinə çevirmişdir. O Nike, Reebok, Reno, Pepsi, Gillette kimi kompaniyaların reklam çarxlarında çəkilib. L'Equipe magazine jurnalının araşdırmasına görə Tyerri Anri 2007-ci ildə Fransanın ən çox gəlir qazanan idmançısı olmuşdur.
2008-ci ilin iyulunda Londonun Arsenal klubunun rəsmi saytında keçirilən sorğunun nəticələrinə görə, Tyerri Anri klubun tarixi ərzində ən yaxşı oyunçusu seçilmişdir.
[redaktə] Qazandığı trofeylər
- Dünya Çempionu: 1998
- Vitse-dünya Çempionu: 2006
- DÇ-ları iştirakçısı: 1998, 2002, 2006
- Avropa Çempionu: 2000
- AÇ-ları iştirakçısı: 2000, 2004, 2008
- Konfederasiya Kubokunun qalibi: 2003
- Fransa Çempionu: 1996-97
- Fransa Kubokunun qalibi: 1997
- İngiltərə Çempionu: 2001-02, 2003-04
- İngiltərə Kubokunun qalibi: 2002, 2003, 2005
- İngiltərə Superkubokunun qalibi: 2002, 2004
- İspaniya Çempionu: 2008-09
- İspaniya Kubokunun qalibi: 2009
- Çempionlar Liqasının qalibi: 2009
- Qızıl buts sahibi: 2004, 2005
- İngiltərə Premyer-Liqasının bombardiri: 2002, 2004, 2005, 2006
- İngiltərə Premyer-Liqasında ilin oyunçusu: 2006
