Tyuilri bağı

Vikipediya, açıq ensiklopediya
Keçid et: naviqasiya, axtar
Zəfər tağı və Həmrəylik Meydanından böyük dairəvi hovuz istiqamətinda Tyuilri bağının görünüşü

Tyuilri bağı— Parisin 1-ci dairəsində Luvr muzeyi və Həmrəylik Meydanı arasında yerləşən milli parkdır.[1] 1564-cü ildə Tyuilri sarayının bağı kimi Ketrin de Medikis tərəfindən yaradılmış və 1667-ci ildən ictimaiyyətə açıqdır. Tyuilri bağı Fransa inqilabından sonra ictimai park oldu.[2] XIX-XX əsrlərdə bu yer Parislilərin görüşmək, istirahət etmək , şənliklər təşkil etmək və gəzinti yeri kimi məşhur idi.

Ketrin de Medikisin bağı[redaktə]

1576-cı ildə bağların Cek I Androuet du Cerceau tərəfindən çəkilmiş qravürası

Kraliça Ketrin de Medicis 1559-cu ilin iyulunda əri II Henri vəfat etdikdən sonra , yeni kral olmuş oğlu II Fransisklə Luvr sarayı ilə yanaşı olan Bastiliya yaxınlığındakı Tournelles Mehmanxanasına köçdü.[3] O, doğma Florensiya bağlarının şərəfinə onlara oxşar bağlarla Luvrdan ayrı özü üçün yeni saray tikdirmək qərarına gəldi.

Burada cənubdan Sen, şimaldan Rue Sankt Onere, şərqdən Luvr və qərbdən su ilə dolmuş dərin çuxurlar və şəhər hasarları ilə həmsərhəd olan yer var idi. XIII əsrdən bəri bu ərazidə binaların dam örtüyü üçün kirəmit hazırlayan tyuilri adlandırılmış emalatxanalar yerləşirdi. Bəzi torparlar Kral I Fransisk tərəfindən XVI əsrin əvvəllərində alındı. Ketrin daha çox ərazi əldə etdi və bu ərazilərdə bağ və saraylar tikdirməyə başladı.

Ketrin de Medikus Florensiyadan olan peyzaj memarı Bernard de Karnesse, Çin farforunun sirrini açmağı əmr etmiş Bernard Palissi tərəfindən yaradılmış heyvan və bitki şəkilləri ilə bəzədilmiş saxsılarla grot, labirint və fontanlarla İtalyan İntibah bağı tikməyi tapşırdı.[4]

Ketrin de Medikusun bağı beş yüz metr uzunluğunda və üç yüz metr enində cığırlarla yeni qəsrdən ayrılmış ərazi ilə əhatə olunmuşdu. Bu ərazi çiçək ləkləri, beş kiçik ağac qrupu, çəmənlik salınmış hissə və faktiki olaraq dirrik və üzümlüklərdən ibarət altı döngəli düzbucaqlı hissələrə bölünmüşdü.

Tyuilri hal-hazırda Parisdə çox gözəl və geniş bağdır. Ketrin İngiltərə kraliçası I Elizabetin elçilərinin şərəfinə təmtəraqlı kral şadlıqları və IV Henrix və bacısı Marqarita de Valyanın nigahı üçün bu ərazidən istifadə edib.[5]

IV Henrinin bağı[redaktə]

Kral III Henri 1588-ci ildə Parisi tərk etməyə məcbur oldu və bağlar yararsız vəziyyətə düşdü. Onun varisi IV Henri və bağbanı Klaud Mollet tut ağacları əkilmiş paralel xiyabanlar və bağ uzunu gəzinti yerlərini tikdirərək, bağları yenidən bərpa etdilər. Kral IV Henri bununla ipəkqurdu yetişdirilməsinə və Fransada ipək sənayesinin başlanmasına ümid edirdi. O, həmçinin Pont Neufda 1608-ci ildə tikilmiş La Samaritaine adlandırılmış yeni nasoslu su ilə təhciz olunmuş fəvvarəli düzbucaqlı formasında hovuz tikdirmişdi. Ərazi saray və V Çarlzın qazdırdığı keçmiş qalayanı xəndək arasında mərkəzdə böyük fəvvarəli “Yeni Bağa” çevrildi. IV Henri heç vaxt daim bərpa işləri aparılan Tyuilri sarayında yaşamayıb. O bu bağlardan gəzinti və istirahət yeri kimi istifadə edib.

Tyuilri bağlarında heykəltəraşlıq[redaktə]


İstinadlar[redaktə]

  1. "Jardin des Tuileries". http://www.hotellouvremarsollier.com/en/location/jardin-des-tuileries-paris/. İstifadə tarixi: 4 iyul, 2014. 
  2. "Sailing in the Tuileries". http://www.afar.com/highlights/sailing-in-the-tuileries. İstifadə tarixi: 4 iyul, 2014. 
  3. "Palais de Tuileries". http://www.aviewoncities.com/paris/tuileries.htm. İstifadə tarixi: 4 iyul, 2014. 
  4. "Tuileries Garden". http://themisanthropesjournal.blogspot.se/2011/11/tuileries-garden.html. İstifadə tarixi: 4 iyul, 2014. 
  5. PARIS GARDENS "JARDIN DES TUILERIES". 9 fevral, 2014. http://europeantrips.org/jardin-des-tuileries.html. İstifadə tarixi: 4 iyul, 2014. 

Xarici keçidlər[redaktə]

Jardin des Tuileries (fr.)