UFO (musiqi qrupu)

Vikipediya, açıq ensiklopediya
(UFO səhifəsindən istiqamətləndirilmişdir)
Keçid et: naviqasiya, axtar
UFO
şəkil
Fil Moqq və Pit Vey
Əsas məlumat
Janr Hard-rok
Heavy metal
Fəaliyyət
illəri
19691983
19841989
1992—h.h.
Ölkə Flag of the United Kingdom.svg Böyük Britaniya
Şəhər London
Leybl Beacon
Nova
Rare Earth
Chrysalis Records
EMI
Metal Blade Records
Shrapnel Records
SPV Records
Heyət Fil Moqq
Pit Vey
Vinni Mur
Endi Parker
Pol Reymond
Keçmiş
üzvlər
Pit Vey
Mixael Şenker
Ensli Danbar
Ceyson Bonem
Saymon Rayt
Digər
layihələr
Lone Star
Michael Schenker Group
Fastway
Waysted
The Plot
Scorpions
www.ufo-music.info
VikiAnbarda Commons-logo.svg audio, foto və videofayllar

UFO — 1969-cu ildə Londonda yaranmış ingilis rok qrupudur. Qrup, «heavy-metal» üslubunun formalaşmasında mühüm rol oynamış və bir çox klassik metal qruplarının (Iron Maiden, Metallica, Megadeth və s.) inkişafına böyük təsir göstərmişdir. UFO, VH1'in "100 Greatest Artists of Hard Rock" sıralamasında 84-cü sıradadır.

Qrup, Hocus Pocus adı altında vokalist Fil Moqq, gitarist Mik Bolton, bas gitarist Pit Vey və barabançı Endi Parker tərəfindən yaranmışdır. Tezliklə qrup, Beacon Records şirkətinin prodüsseri olan Noel Mur tərəfindən Londondakı eyni adlı klubda kəşf edildi və qrup 1969-cu ilin oktyabrında adını dəyişərək UFO qoydu.

Qrup, 1970-ci ildə "UFO 1" adlı ilk hard rok albomunu çıxartdı. Bu albom qrupa, YaponiyaAlmaniyada məşhurluq gətirdi. Qrupun 1971-ci ildə yayımladığı ikinci studiya albomu "UFO 2: Flying" daha çox heavy-metal üslubuna yaxın olsa da o zamanlarda məşhur olan speys-rok janrını da xatırladırdı.

1972-ci ildə Mik Bolton qrupu tərk etdi. UFO üzvləri qrup üçün Boltonu əvəz edə biləcək uyğun gitaristi axtarmağa başladılar. Bir müddət Larri Uollis onlarla işlədi, sonra Berni Marsden. 1973-cü ilin yayında qrupa, Scorpions'dan Rudolf Şenkerin qardaşı Mixail Şenker gəlir. UFO, "Force It""No Heavy Petting" albomlarının çıxışından sonra dünya səviyyəsinə tanınmağa başlayır. Qrup Böyük BritaniyadaABŞ-da məşhur olur. 1976-cı ildə qrupa 5-ci üzv, pianist və gitarist Pol Reymond gəlir. Onunla yazılmış ikinci albom "Lights Out", tez-tez UFO yaradıcılığının zirvəsi adlandırılır.

1978-ci ildə Şenker qrupdan ayrılır. Onun yerinə Pol Çepmen gəlir, hansı ki, Çepmen UFO ilə, Böyük Britaniyada uğurlu satış əldə etmiş "The Wild", "The Willing and the Innocent""Mechanix"" albomlarını yazır. Ancaq 1983-cü ildə, tənqidçilər tərəfindən neqativ qarşılanmış "Making Contact" albomunun çıxışından sonra qrup dağılır.

İki il sonra Fil Moqq yeni üzvləri bir araya yığır və "Misdemeanor" albomunu yazır, amma 1988-ci ildə UFO yenidən dağılır. 1992-ci ildə Moqq və Uey yenidən qrupu yığmağa qərar verir və bir müddət gitarist Lorens Arçer-la və baraban ifaçısı Klayv Edvards ilə işləyir. 90-cı illərin ortalarında UFO klassik heyəti ilə (Moqq, Uey, Reymond, Şenker və Parker) müvəffəqiyyətli qastrola çıxır. 2002-ci ildə, "Sharks" albomun yazılmasından sonra, Şenker yenidən qrupu tərk edir, və gitarist Vinni Mur onu əvəz edir.

2004-cü ildə qrup, yeni daimi gitarist Vinni Mur və baraban ifaçısı Ceyson Bonem ilə "You Are Here" adlı on yeddinci studiya albomunu buraxır. UFO, 2005-ci ilin noyabr ayında yenidən yazılmış bir neçə mahnının və qrupun canlı konsert performanslarının yer aldığı Showtime adlı albomunu DVD şəklində buraxır. 2005-ci ilin noyabr ayında Endi Parker, İspaniyanın Qranada şəhərində keçiriləcək olan Piorno Rock Festivalında iştirak etmək üçün qrupa qayıdır. UFO, 2006-cı ildə "The Monkey Puzzle" adlı on səkkizinci studiya albomunu satışa çıxardır.

2007-ci ildə ayağından əməliyyat olan Endi Parker, sağaldıqdan sonra yenidən qrupa qayıdır.

UFO, 2009-cu ilin iyun ayında "The Visitor" adlı on doqquzuncu studiya albomunu buraxdı. Albom son 15 il ərzində ilk dəfədir ki, Böyük Britaniyanın Top 100 Albom siyahısına düşdü. Qrup, albomun ardından Böyük Britaniya turneyinə çıxdı. Ancaq Pit Vey sağlamlığından əziyyət çəkdiyi üçün bu turnedə iştirak edə bilmədi.

Qrup 2009-cu ilin iyulunda, 19751982-ci illər arasında verdiyi konsertlərdən və daha əvvəl yayımlanmamış olan bir çox mahnıda ibarət olan bir CD buraxdı.

Qrupun, 2010-ci ilin dekabrından bəri üzərində işlədiyi "Seven Deadly" adlı yirminci studiya albomu 2011-ci ilin çıxacağı gözlənilsə də, nəhayət albom 2012-ci il 27 fevral tarixində yayımlandı. Dinləyicilər tərəfində müsbət dəyərləndirilən albom bir çox musiqi siyahılarında uğurlu yer tutdu. Albom, Almaniyaİsveçdə böyük uğur qazandı.

Diskoqrafiya[redaktə]

  • 1970 - UFO 1
  • 1971 - UFO 2: Flying
  • 1974 - Phenomenon
  • 1975 - Force It
  • 1976 - No Heavy Petting
  • 1977 - Lights Out
  • 1978 - Obsession
  • 1979 - Strangers in the Night
  • 1980 - No Place to Run
  • 1981 - The Wild, the Willing and the Innocent
  • 1982 - Mechanix
  • 1983 - Making Contact
  • 1985 - Misdemeanor
  • 1988 - Ain't Misbehavin'
  • 1992 - High Stakes & Dangerous Men
  • 1995 - Walk on Water
  • 2000 - Covenant
  • 2002 - Sharks
  • 2004 - You Are Here
  • 2006 - The Monkey Puzzle
  • 2009 - The Visitor
  • 2011 - The Chrysalis Years: 1973-1979
  • 2012 - Seven Deadly

Xarici keçidlər[redaktə]