Uorren Hardinq
| Uorren Qamaliel Hardinq ing. Warren Gamaliel Harding |
||||
 |
||||
|
||||
|---|---|---|---|---|
| 4 mart 1921 — 2 avqust 1923 | ||||
| Vitse-prezident: | Kalvin Kulic | |||
| Sələfi: | Vudro Vilson | |||
| Xələfi: | Kalvin Kulic | |||
| Partiya: | Respublikaçılar partiyası | |||
| Təhsili: | Mərkəzi Ohayo Kolleci | |||
| Dini: | Protestant-baptist | |||
| Təvəllüdü: | 2 noyabr 1865-ci il Morrou, Ohayo, ABŞ |
|||
| Vəfatı: | 2 avqust 1923-cü il (57 yaşında) San Fransisko, Kaliforniya, ABŞ |
|||
| Atası: | Corc Trayon Hardinq | |||
| Anası: | Foub Elizabet Hardinq | |||
| Həyat yoldaşı: | Florens Hardinq | |||
| Uşaqları: | Marşal Yucin Devolf (oğulluğu) |
|||
| İmzası: |  |
|||
Uorren Qamaliel Hardinq (ing. Warren Gamaliel Harding; 2 noyabr 1865, Morrou, Ohayo, ABŞ - 2 avqust 1923, San Fransisko, Kaliforniya, ABŞ) — Amerika Birləşmiş Ştatlarının 29-cu prezidenti (1921-1923).
Uorren Hardinq 1920-ci il seçkilərində Demokrat partiyasının namizədi üzərində inamlı qələbə çalaraq Ağ Evə daxil olur. Lakin, onun 2 illik hakimiyyət dövrü qalmaqallarla yadda qalır. Əsas məqamlardan biri ABŞ tarixində ilk dəfə olaraq Daxili İşlər naziri vəzifəsini tutan Albert Follun rüşvətxorluqda ittiham edilərək həbs edilməsidir.
Uorren Hardinq 1923-cü ilin iyun ayında ştatlar üzrə səfərə çıxır. Bu səfər çərçivəsində o, ABŞ prezidentləri arasında ilk dəfə Alyaskada olur. İyul ayının sonlarında Alyaskadan qayıdarkən mədəsi ilə bağlı problemlər yaşadığı üçün Vaşinqton ştatında özünün son çıxışını edir və Ohayo ştatına planlaşdırılan səfərini təxirə salaraq Kaliforniyada dincəlmək qərarına gəlir. San-Fransiskoda onun vəziyyəti daha da ağırlaşır və 2 avqust 1923-cü il tarixində saat 19:35-də ürək tutmasından vəfat edir. Həyat yoldaşı Florens onun meyitinin yarılmasına icazə vermədiyi üçün hazırda Hardinqin ölümü ilə bağlı bir sıra fərziyyələr mövcuddur. Onlardan bəzilərinə görə xanım Hardinq ərini özü öldürüb və ya öldürən şəxsi gizlətməyə çalışıb. Başqa bir versiyaya görə isə onu zəhərləyiblər.
Vitse-prezident Kalvin Kulic Uorren Hardinqin yerinə ABŞ-ın növbəti prezidenti olur.
Hardinq öldüyü vaxt onun atası hələ sağ idi və o ABŞ prezidentləri arasında Con Kennedi ilə yanaşı atasından əvvəl ölən 2 prezidentdən biridir.
 |
Şəxs haqda olan bu məqalə qaralama halındadır. Məqaləni redaktə edərək Vikipediyanı zənginləşdirin. |
