Vəkil Hacılı

Vikipediya, azad ensiklopediya
Naviqasiyaya keçin Axtarışa keçin
Vəkil Hacılı
Vəkil Məhəmməd oğlu Hacılı
Doğum tarixi 6 mart 1936(1936-03-06)
Doğum yeri
Vəfat tarixi 2008
Vəfat yeri
Milliyyəti azərbaycanlı
Elm sahəsi ədəbiyyatşünaslıq
Təhsili

Hacılı Vəkil Məhəmməd oğlu (6 mart 1936, Sarvan, Marneuli rayonu2008, Bakı) — tənqidçi, ədəbiyyatşünas, 1970-ci ildən Azərbaycan Yazıçılar Birliyinin üzvü.

Həyatı[redaktə | mənbəni redaktə et]

Vəkil Hacılı 1936-cı il martın 6-da Gürcüstanın Borçalı (indiki Marneuli) rayonunun Sarvan kəndində anadan olmuşdur. Borçalının öndər şəxsiyyəti Nayvəlinin nəticəsi, filosof alim Cümşüd Hacıyevin, filoloq alim Abbas Hacıyevin, pedaqoq və ictimai xadim Tofiq Hacıyev (siyasətçi)in qardaşı, filoloq Asif Hacılının əmisidir.

Vəkil Hacılı Borçalı Pedaqoji Texnikumunda (1951-1955), Azərbaycan Dövlət Universitetinin Filologiya fakültəsində təhsil almışdır (1955-1960).

Tələbəlik illərində xam torpaqlarda tələbə inşaat dəstələrində fəaliyyət göstərmişdir (1958).

1961-ci ildə ADU–nun Avropa ədəbiyyatı ixtisası üzrə aspiranturasına daxil olmuşdur. Aspiranturada akademik, Azərbaycanın xalq yazıçısı Mirzə İbrahimovun rəhbərliyi ilə 1964-cü ildə namizədlik dissertasiyası müdafiə etmişdir.

Universitetin xarici ölkələr ədəbiyyatı kafedrasında müəllim, baş müəllim və dosent işləmişdir (1965 – 1982).

1978-1980-ci illərdə Türkiyənin İskəndərun şəhərində metallurgiya zavodunda tərcüməçilik etmişdir.

1982–ci ildən BDU–nun XX əsr rus ədəbiyyatı və ədəbiyyat nəzəriyyəsi kafedrasının dosenti, həm də Ədəbiyyatşünaslıq üzrə ixtisaslaşmış müdafiə şurasının elmi katibi olmuşdur (1983–1989). Filologiya fakültəsində xarici ölkələr ədəbiyyatı, ədəbiyyat nəzəriyyəsi, ədəbi tənqid fənlərindən mühazirələr oxumuş, proqram, dərs vəsaitlərinin müəllifi olmuşdur.

Elmi fəaliyyəti[redaktə | mənbəni redaktə et]

Vəkil Hacılının elmi yaradıcılığının əsas istiqamətləri xarici ölkələr ədəbiyyatı, ədəbiyyat nəzərriyyəsi, ədəbi əlaqələr və tərcüməşünaslıq, ədəbi tənqidi əhatə etmişdir. Bir çox klassik və müasir Avropa yazıçısının yaradıcılığı haqqında Azərbaycan ədəbiyyatşünaslığında ilk elmi əsərlərin, o cümlədən, Şiller haqqında monoqrafik tədqiqatın müəllifi olmuşdur.

"Vilhelm Tell" adlı ilk elmi məqaləsi ADU "Elmi əsərləri"ndə (1963,№2) dil və ədəbiyyat seriyasında dərc edilmişdir. Həmin vaxtdan dövri mətbuatda elmi – nəzəri və tənqidi məqalərlə çıxış etmişdir.

Ədəbiyyatın nəzəri və tarx problemlərinə, müasir ədəbi prosesə, xarici ölkələrin ədəbiyyatına dair tədqiqatlar aparmışdır. Antik mədəniyyətə, Avropa ədəbiyyatına, o cümlədən, alman romantizminə, Azərbaycan-Avropa, Azərbaycan-rus ədəbi əlaqələrinə həsr olunmuş bir sıra elmi məqalələr yazmışdır.

Bir çox Azərbaycan yazıçıları və ədiblərinin yaradıcılığına dair elmi-tənqidi məqalələri dərc olunmuşdur..

Alman və rus dillərindən tərcümələr etmiş, tərcüməşünaslığa, Avropa və rus ədəbiyyatının Azərbaycan dilinə tərcümələrinə aid əsərlər yazmışdır.

Müasir dövrdə ictimai əhəmiyyət kəsb edən kulturoloji problemlərə, xüsusən, əlifba, ana dili məsələlərinə, Borçalı türklərinin problemlərinə dair əsərlərin müəllifidir.

Bir çox ədəbi – bədii topluların tərtibçisi olmuşdur. Xarici ölkələr ədəbiyyatına, ədəbiyyat nəzəriyyəsinə aid mühazirələri gənc filoloqların formalaşmasında xüsusi rol oynamışdır.

Əsərləri[redaktə | mənbəni redaktə et]

  • Ранняя драматургия Фридриха Шиллера. Б., 1964
  • XVIII əsr alman ədəbiyyatına dair mühazirələr: Lessinq, Şiller. Höte. B.,1967
  • "Dədə Qorqud" dastanlarında əxlaq məsələləri // BDU Elmi əsərləri, 1977, № 4, s.46-51
  • "Gənc Şiller (bədii üsulu və sənətkarlığı). Monoqrafiya. B., "Yazıçı", 1991
  • "Gəlinlik paltarı"nın işığında. B., 2005
  • Vəkil Hacıyev. Seçilmiş əsərləri

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]