Vəli Qasımov

Vikipediya, açıq ensiklopediya
Keçid et: naviqasiya, axtar
Futbol
Vəli Qasımov
Ümumi məlumat
Tam adı Vəli Aydın oğlu Qasımov
Doğum tarixi 4 oktyabr 1968 (1968-10-04) (45 yaş)
Doğum yeri Kirovabad, Azərbaycan SSR, SSRİ
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Boyu 186 sm
Çəkisi 77 kq
Mövqeyi hücumçu
Komanda haqqında məlumat
Klub karyerasını bitirib
Karyerası
Peşəkar karyerası*
1985 Flag of the Soviet Union.svg Mayak Xarkov 3 (2)
1985—1986 Flag of the Soviet Union.svg Metalist Xarkov 23 (2)
1987—1991 Flag of the Soviet Union.svg Neftçi Bakı 155 (56)
1992 Flag of Russia.svg Spartak Moskva 6 (0)
1992 Flag of Russia.svg Dinamo Moskva 17 (16)
1992—1995 Flag of Spain.svg Real Betis 42 (9)
1995—1996 Flag of Spain.svg Albasete 22 (4)
1996—1997 Flag of Spain.svg Esixa 14 (0)
1997—1999 Flag of Portugal.svg Vitoriya 41 (15)
1999—2001 Flag of Portugal.svg İmortal 46 (16)
Milli yığma**
1994—1998 Flag of Azerbaijan.svg Azərbaycan 14 (0)

* Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı .

** Rəsmi oyunlarda milli yığmanın heyətində keçirdiyi oyunların və vurduğu qolların sayı.

Vəli Qasımov (tam adı: Qasımov Vəli Aydın oğlu; d. 10 aprel 1968, Kirovabad, Azərbaycan SSR, SSRİ) — azərbaycanlı keçmiş futbolçu. Karyerasında "Dinamo" (Moskva), "Spartak" (Moskva), "Real Betis", "Vitoriya" (Setubal) kimi klubların şərəfini qoruyub. 1992-ci il Rusiya premyer liqasında bombardir olub.

Həyatı[redaktə]

10 aprel 1968-ci ildə Kirovabad şəhərində anadan olmuşdur.

Atası usta rəssam olub. Anası isə tibb bacısı idi[1].

İlk illər[redaktə]

Uşaqlıq illərini Gəncədə evlərinin yaxınlığında yerləşən "Metallurq" stadionunda keçirir; həm futbol, həm də həndbol oynayırdı[1]. 14 yaşında həndbolla vidalaşır və bütün diqqətini futbola yönəldir[1]. İlk məşqçisi Yusif Məhərrəmov olur[1]. Məhz o, böyük futbola Vəlini ümidləndirir, bir futbolçu kimi yetişməsində tövsiyələrini əsirgəmir[1].

13-14 yaşında ikən bir dəfə istədiyi turnirə düşə bilmir, bundan inciyir[1]. Bu hadisədən çox keçməmiş Xarkova üz tutur. Orada futbol məktəbinə daxil olur və peşəkar futbolçu karyerasına "Mayak Xarkov"da oynayaraq başlayır.

15 yaşında ikən SSRİ yığmasının tərkibinə daxil edilir və 16 yaşında artıq öz yaş qrupunda Avropa çempionu olur.

Sonra bir çox komandalardan dəvət alır. O, Ukraynanın "Metalist" klubunun düşərgəsinə yollanır. Bir mövsüm "Metalist" Xarkov klubunun cavan futbolçular klubunda oynadıqdan sonra əsas heyətə cəlb olunub. Metalist klubunda göstərdiyi futbol nəticəsində dəvətlə[1] "Neftçi" Bakı klubuna transfer olub. Dörd mövsüm SSRİ premyer liqasında oynayıb.

Vəli Qasımov Moskvada[redaktə]

Qasımov 1992-ci ilin yazında Rusiyanın "Spartak" Moskva klubuna transfer olub. Bu klubda çıxdığı 6 görüşdə qapılara yol tapa bilməyib, bunun nəticəsi kimi klub rəhbərliyi onun şəhərin digər klubu olan "Dinamo" Moskva klubuna keçidinə razılıq verib. Qasımov kariyerasının ən uğurlu mövsümünü burada keçirib. O, Rusiya premyer liqasının bombardiri olub. Qasımov 17 oyunda 16 qol vurmağa nail olub. Əsas çempionatda Yuri Matveyev 20 qolla bombardirlər siyahısına liderlik etməsinə baxmayaraq çempionun məlum olacağı pley-off mərhələsində iştirak etmədiyinə görə Vəli Qasımov bombardir kimi qəbul olunub. O, "Dinamo" Moskva klubunda bombardirlikdən başqa başqa bir rekorda imza atıb. Qasımov Rusiya çempionatında bir mövsümdə iki dəfə het-trik edən 12 futbolçudan biridir. O, bunu yalnız bir mövsümdə edərək də ayrı bir rekorda imza atıb.

İspaniya dövrü[redaktə]

1993-cü ilin qışında Qasımov "Dinamo" Moskva klubundan İspaniyanın "Real Betis" klubuna transfer oldu. 1992-1993 mövsümünün yarısını 1993-1994 və 1994-1995 mövsümdə "Real Betis"də çıxış edən Qasımov 1994-95 mövsümündə "Real Betis"in La Liqaya yüksəlməsində böyük rol oynamışdır. Bu dövr ərzində o, 9 qol vurmağı bacardı. 1994-1995 mövsümünün sonunda o, başqa bir La Liqa təmsilçisi "Albasete" ilə müqavilə imzaladı. Bir mövsüm ərzində 22 oyun keçirən Qasımov komandasının ikinci divizyona düşməsinə maneə ola bilmədi. Buradan o, ikici divizyon təmsilçisi "Esixa" klubuna transfer oldu. Mövsümün sonunda "Esixa" ikinci divizyon B-yə düşdü.

Portuqaliya dövrü və karyerasının sonu[redaktə]

"Esixa"nın aşağı liqaya düşməsindən sonra o, Portuqaliyanın "Vitoriya" Setubal klubuna transfer oldu. Bu klubda Qasımov uğurlu qrafik cızdı. İlk mövsümündə klubu 13-cü pilləni tutsa da, ertəsi mövsüm "Vitoriya" Setubal 5-ci yerin sahibi oldu. 1999-cü ilin yayında Qasımov Portuqaliya 3-ci divizyon təmsilçisi "İmortal" klubuna transfer oldu. Bu klubda 2 mövsüm keçirsə də klubunu yuxari pillələrə çıxara bilmədi və 2001-ci ilin yayında futbol karyerasını başa vurdu.

Milli komanda kariyerası[redaktə]

Vəli Qasımov Azərbaycan yığma komandasında yalnız 14 oyun keçirib. Bu oyunlarda qapılara yol tapa bilməyib. İlk dəfə milli komandaya 1994-cü ildə dəvət alıb. Son dəfə isə 1998-ci ildə milli komandaya dəvət alıb.

Futbolla vidalaşdıqdan sonra[redaktə]

Vəli Qasımov qısa müddət portuqaliya aşağı divizyon klubu olan Gelvesin məşqçisi oldu. Son iş yeri Azərbaycan yığma komandasının məşqçisi Berti Foqtsun köməkçisi və 19 yaşadək futbolçulardan ibarət Azərbaycan millisinin çalışdırıcısı vəzifələri olmuşdur.

Azərbaycan, rus, ispan, portuqal dillərini bilir[1]. Murad adlı bir oğlu var[1].

İstinadlar[redaktə]

  1. 1,0 1,1 1,2 1,3 1,4 1,5 1,6 1,7 1,8 Avropada oynamış ilk azərbaycanlı: "Belə işsiz qalacağımı ağlıma gətirməzdim" news.milli.az (azərb.)

Xarici keçidlər[redaktə]