VII Kleopatra

Kleopatra Heroqliflərdə

Ptolemeylər sülaləsindən Misir fironu VII Kleopatra
Tam adı	VII Kleopatra
Şəxs kimi adı	Kleopatra netjeret mer(et) ites Qlwpdrt nṯrt mr(t) jts Kleopatra, ilahə, ata sevimlisi Kleopatra Qlwpdrt
Horus adı	Wer(et)-neb(et)-neferu-achet-seh Wr(.t)-nb(.t)-nfrw-3ḫ(t)-sḥ Böyük, mütləq hakim, tanrı evinin xeyirhaqqı Weret-tut-en-it-es Wr.t-twt-n-jt=s Böyük, atasının əksi

VII Kleopatra (e.ə. 69, yanvar, İsgəndəriyyə-e.ə. 30, orada) – Ptolemeylər sülaləsinin sonuncu çariçası, XII Ptolemeyin (Avletin) qızı, XIII Ptolemeyin bacısı və arvadı; onunla müştərək hökmdar (e.ə. 51 ildən). E.ə. 48 ildə Suriyaya qovulmuş, Yuli Sezarın köməyi ilə Misirə qayıtmışdı. E.ə. 41 ildən sonra Mark Antoninin müttəfiqi və məşuqəsi olmuş (Roma qaydalarına zidd olaraq Kleopatra ilə evlənmişdi), Oktaviana qarşı mübarizədə onu müdafiə etmişdi. Aksi yaxınlığındakı vuruşmadan sonra əvvəlcə Antoni, sonra da VII Kleopatra intihar etmişdilər. Kleopatranın obrazı ədəbiyyatda (V. Şekspir, B. Şou) və incəsənətdə (C. Tyepolo, P. Rubens və b.) əksini tapmışdır. ABŞ-da VII Kleopatra haqqında tammetrajlı bədii film çəkilmişdir (1965). Azərbaycan səhnəsində Şekspirin "Antoni və Kleopatra" əsəri tamaşaya qoyulmuşdur.

Maraqlı fakt

Kleopatra xarici gözəlliyə kifayət qədər diqqət yetirir və öz sağlamlığını unutmurdu. Bədənə meyvələrin necə vacib olduğunu bilərək, o, öz baş magistri Amun Karimi yanına çağırmış və cavanlaşdırıcı xüsusiyyətlərə malik olan və ona tonus verən meyvələrdən ibarət eliksir hazırlamaq göstərişini vermişdir.

Amun Karim çox fikirləşdi, sonra ən zərif meyvələri toplamış, onların şirəsini qarışdırmış və Kleopatraya təqdim etmişdir. Şahzadə dadın incəliyindən, onun heyrətamiz gücündən heyrətə gəlmiş, buna görə də magistri mükafatlandırmışdır.

O vaxtdan şahzadə Kleopatra hal-hazırda multi-vitaminlər adlanan yalnız bu şirəyə üstünlük verirdi.