Vaşinqton İrvinq

Vikipediya, açıq ensiklopediya
Keçid et: naviqasiya, axtar
Vaşinqton İrvinq
Washington Irving
Irving-Washington-LOC.jpg
Doğum tarixi 3 aprel 1783(1783-04-03)
Doğum yeri Nyu-York, ABŞ
Vəfatı 28 noyabr 1859 (76 yaşında)
Vəfat yeri Tarritaun, Nyu-York ştatı, ABŞ
Vətəndaşlıq Flag of the United States.svg ABŞ
Milliyyəti amerikalı
Fəaliyyəti Qısa hekayələr müəllifi, esseist, bioqraf, jurnal redaktoru, diplomat
Əsərlərinin dili İngilis dili
İstiqamət Romantizm
İmzası
Washington Irving Signature.svg

Vaşinqton İrvinq (ing. Washington Irving; 3 aprel 1783, Nyu-York, ABŞ28 noyabr 1859, Tarritaun, Nyu-York, ABŞ) — Amerika yazıçısı, qısa hekayələr müəllifi, esseist, bioqraf, jurnal redaktoru və diplomat. Onu bəzən "Amerika ədəbiyyatının atası" da adlandırırlar.[1] "Ceffri Krayonun qaralama dəftəri" kitabına daxil olan "Rip van Vinkl" və "Yuxulu Dərə haqqında əfsanə" hekayələrinə görə şöhrət qazanmışdır. Onun tarixi mövzudakı əsərləri ilk ABŞ prezidenti Corc Vaşinqton, irland yazıçısı Oliver QoldsmitMəhəmməd peyğəmbərin bioqrafiyalarından və XV əsr İspaniya tarixi ilə bağlı mövzulardan – Xristofor Kolumb, İspaniyada ərəb istilası və Əl-Həmra sarayı haqqında əsərlərdən ibarətdir.

İrvinq həmçinin 1842-1846-cı illərdə ABŞ-ın İspaniyada səfiri işləmişdir.

Ədəbiyyatda ilk addımını 1802-ci ildə Londonda dərc olunan "The Morning Chronicle" qəzetində Conatan Oldstayl təxəllüsü altında Nyu-Yorkun sosial həyatı və teatrları haqqında yazdığı yazılarla atmışdır. 1815-ci ildə ailə biznesi ilə əlaqədar İngiltərəyə köçmüş və 1819-cu ildə ona sonradan dünya şöhrəti qazandıran "Ceffri Krayonun qaralama dəftəri" (The Sketch Book of Geoffrey Crayon) kitabını nəşr etdirmişdir.

O, Ceyms Fenimor Kuperlə yanaşı Avropada bəyənilən ilk amerikalı yazıçılardan biri olmuş və Nataniel Houtorn, Herman Melvil, Henri Uodsvors Lonqfellou və Edqar Allan Po kimi Amerika yazıçılarını həvəsləndirmişdir.

Kitabları dünyada ən çox satılan ilk amerikalı yazıçı kimi, İrvinq Amerika yazıçılarının müəllif hüquqlarını qorumaq üçün daha sərt qanunların qəbul olunması üçün səy göstərirdi.

İstinad[redaktə]

  1. http://www.csustan.edu/english/reuben/pal/chap3/irving.html

Əsərləri[redaktə]

  • A History of New York, from the Beginning of the World to the End of the Dutch Dynasty (1809)
  • The Sketch Book of Geoffrey Crayon (1819/20)
  • The Legend of Sleepy Hollow (1820)
  • The Conquest of Granada (1829)