Vaqif İbrahimoğlu

Vaqif İbrahimoğlu
Doğum tarixi:	18 oktyabr 1949-cu il(1949-10-18)
Doğum yeri:	Bakı, Mərdəkan, Azərbaycan SSR
Vəfatı:	12 may 2011-ci il (61 yaşında)
Vəfat yeri:	Bakı, Azərbaycan
IMDb:	ID 1076609

Vaqif İbrahimoğlu — (18 oktyabr 1949, Bakı, Mərdəkan — 12 may 2011, Bakı) — Azərbaycan novator teatr və kino rejissoru.

Həyatı

Vaqif İbrahimoğlu 18 oktyabr 1949-cu ildə Bakı şəhəri Mərdəkan qəsəbəsində anadan olmuşdur. 1967-ci ildə Azərbaycan Dövlət Mədəniyyət və İncəsənət İnstitutunun dram və kino aktyorluğu fakültəsinə daxil olmuş, 1972-ci ildə həmin institutu bitirmişdir. 1973-1976-cı illərdə Azərbaycan Dövlət Gənc Tamaşaçılar Teatrında aktyor kimi çalışmışdır. 1976-1979-cu illərdə Azərbaycan Teatr Cəmiyyətinin nəzdindəki Eksperimental Teatr Studiyasında, 1979-1982-ci illərdə Tədris Teatrında Bədii rəhbər, 1982-1989-cu illərdə isə Azərbaycan Dövlət Musiqili Komediya Teatrında baş rejissor vəzifəsində fəaliyyət göstərmişdir.

Azərbaycan Milli Akademik Dram Teatrında, Türkiyənin Ankara və Bursa teatrlarında, Estoniyanın Uqala Teatrında tamaşalar hazırlamışdır. 1989-cu ildən «YUĞ» Teatrının bədii rəhbəri vəzifəsində çalışmışdır. 1992-ci ildə «YUĞ» Teatr-Studiyası dövlət statusu almışdır.

Vaqif İbrahimoğlu «YUĞ» teatrında 1989-cu ildən həyatının sonuna qədər 90-a yaxın tamaşaya quruluş vermişdi.

22 may 1991-ci ildə Azərbaycan Respublikasının əməkdar incəsənət xadimi fəxri adı ilə təltif olunub. AzTXİ-nin təsis etdiyi «Qızıl Dərviş» mükafatı laureatı, ADMİU-nun dosenti idi. 2006-cı ildən Azərbaycan Respublikası Prezidenti təqaüdü alırdı.

Vaqif İbrahimoğlu 12 may 2011-ci ildə Bakıda vəfat etmişdir.

Filmoqrafiya

1. Məhəbbətdən də artıq (film, 1975)
2. Dantenin yubileyi (film, 1978)
3. Bağlı qapı (film, 1981)
4. Əlavə iz (film, 1981)
5. Qəm pəncərəsi (film, 1986)
6. Qurama (film, 1995)
7. Otel otağı (film, 1998)
8. Pəri qala (film, 2007)
9. Sahə (film)

Həmçinin bax

• YUG

Azərbaycan kino sənəti portalı