Vaqif Mustafazadə
| Vaqif Mustafazadə | |
 |
|
| Doğum tarixi: | 16 mart 1940-cı il |
|---|---|
| Doğum yeri: | Bakı,  Azərbaycan SSR |
| Vəfatı: | 16 dekabr 1979-cu il (39 yaşında) |
| Vəfat yeri: | Daşkənd, Özbəkistan SSR |
| Fəaliyyəti: | Caz-muğamın banisi |
Vaqif Əziz oğlu Mustafazadə (16 mart 1940 - 16 dekabr 1979) — bəstəkar, pianoçu, caz-muğamın banisi. Azərbaycanın əməkdar incəsənət xadimi (1979).
Mündəricat |
[redaktə] Həyatı
16 mart 1940-ci ildə Bakı şəhərində anadan olmuşdur.
1963-cü ildə Asəf Zeynallı adına Bakı Dövlət Musiqi məktəbini bitirmişdir.
1964-cü ildən "Orero" ansamblına, "Qafqaz" caz üçlüyünə, "Leyli" və "Sevil" qadın vokal instrumental və "Muğam" instrumental ansambllarına rəhbərlik etmişdir. Beynəlxalq caz müsabiqələri və festivallarının ("Tallin-66", "Tbilisi-78", Monte-Karlo) laureatı olmuşdur.
Fortepiano və simfonik orkestr üçün konsertin, "Muğam" simfoniyasının (tamamlanmamış), bir sıra caz kompozisiyalarının və pyeslərin müəllifidir.
O, 16 dekabr 1979-cu ildə Daşkənddə qastrol zamanı ürək tutmasından vəfat etmişdir. Bakıda dəfn olunmuşdur.
[redaktə] Tərzi
Vaqif Mustafazadə Azərbaycan caz musiqisinin banisi və yeni caz fikrinin (devizinin) təsisçisidir. O, Azərbaycan musiqisinin, muğamın klassik Amerikan caz musiqisi ilə sintezini yaratmışdır. Onun yeni devizi Caz-Muğam adlanır. O, Azərbaycan Muğam Caz Hərəkatının memarıdır. Onun həyat yoldaşı Eliza Mustafazadə Azərbaycanın peşəkar caz-muğam tərzində oxuyan ilk qadınıdır.
[redaktə] Yaradıcılığı
- 1965-ci ildə Gürcüstan Dövlət Filarmoniyasında "Qafqaz" adlı trio yaradır.
- 1970-ci ildə "Leyli" vokal kvartetini yaradır.
- 1971-ci ildən 1977-ci ilə kimi "Sevil" vokal-instrumental qrupuna başçılıq edir.
- 1977-ci ildən 1979-cu ilə kimi "Muğam" instrumental qrupuna başçılıq edərək "Tallin-66" və "Tbilisi-78" caz festivallarının laureatı olmuşdur.
- 1978-ci ildə Monakoda keçirilən 8-ci Beynəlxalq Caz Festivalında "Əzizəni gözləyirəm" musiqisinə görə birincilik mükafatı almışdır.
- 1979-cu ildə Azərbaycanın əməkdar incəsənət xadimi adına layiq görülmüşdür.
- 1982-ci ildə artıq ölümündən sonra Azərbaycan Dövlət Mükafatına layiq görülmüşdür. O, forte-piano konsertlərinin, "Muğam" simfoniyası və başqa forte-piano şedevrlərinin müəllifidir.
[redaktə] Xarici keçidlər
- Vaqif Mustafazadəyə həsr olunmuş səhifə
- Vaqif Mustafazadə haqında məqalə (Azerbaijan International)
- Azerimusic.net - Vaqif Mustafazadə
[redaktə] Şəkillər
-
İçəri şəhərdəki evi
