Vaqif Nəsir

Nəsirov Vaqif İbad oğlu 4 oktyabr 1945-ci ildə Masallı rayonunun Mollaoba kəndində anadan olmuşdur. 1963-cü ildə Boradigah onbirillik məktəbini qızıl medalla, 1967-ci ildə kecmiş V.İ.Lenin adına APİ-nun (indiki ADPU) fizika fakultəsini fərqlənmə diplomu ilə bitirmişdir. 1972-ci ildə BDU-də (kecmiş S.M.Kirov adına ADU) "KNO3 ,AgNO3 və TlNO3 monokristallarında polimorf cevrilmələrin tədqiqi" mövzusunda namizədlik, 1993-cü ildə Azərbaycan MEA akad.H.M.Abdullayev adına Fizika inistitutunda "İon və molekulyar kristallarda polimorfizm" mövzusunda doktorluq dissertasiyası müdafiə etmişdir. 1994-cü ildən Azərbaycan Dövlət Pedaqoji Universitetinin "Elektrik və optika" kafedrasının professorudur.

Bərk cisimlərdə quruluş cevrilmələrı və bu cevrilmələrin mexanizminin tədqiqi üzərində işləyir. Bu məqsədlə o, ABO3 tipli qələvi metalların nitrat birləşmələrində, bir qrup üzvi və yarımkeciriçi birləşmələrin monokristallarında mikroskopik və rentgenoqrafik metodlarla polimorf çevrilmələrin morfologiyası və kinetikasını tədqiq etmişdir. İlk dəfə olaraq polimorf çevrilmələr zamanı yeni modifikasiya kristallarının ritmik, pilləli, elastiki böyümələrini, kristalda quruluş çevrilmələrinin sayından asılı olaraq böyümə sürətinin ossilyasiyasını, habelə qarşılıqlı çevrilən modifikasiya kristalları arasında kristalloqrafik istiqamət əlaqələrinin saxlanılmasını müəyyən etmişdir. Bir sıra maddələrin kristallarında, o cümlədən NH4NO3, RbNO3, CsNO3 kristallatında aparılan təcrübələr nəticəsındə indiyə kimi məlum olmayan yeni modivikasiyaların mövcudluğunu göstərmişdir. Ilk dəfə olaraq optik şəffaf kristallarda ( paradixbenzolda) təzyiq və temperaturun təsiri ilə baş verən polimorf cevrilmələr zamanı qarşılıqlı çevrilən modivikasiya kristallarının böyümə morfologiyasını və kinetikasını tədqiq etmiş və bu çevrilmələrin rüşeymli mexanizmini aşkarlamışdır. Aparılan təcrübələr nəticəsində polimorf maddələrin verilmiş quruluş, tərkib və xassələrə malik monokristallarını əldə etmək ücün xüsusi metodlar təklif olunmuşdur.

1977/78-ci illərdə XI Paris Universitetində elmi ezamiyyətdə olmuş, fransız fizikləri ilə birlikdə elmi təcrübələr aparmışdır. Fransanin müxtəlif universitetlərində o cümlədən VI vəXI Parıs, Bordo, Qrenobl, Strasburq, Tuluza universitetlərində elmi məruzələrlə cıxış etmişdir. 1978-ci ildə Fransa Kimyəvi Fizika Çəmiyyətinin Fəxri Prezidenti prof. M.Maqa və prof. H.Svarkin təqdimatı ilə həmin çəmiyyətə üzv secilmişdir. 1983-87-ci illərdə Əlçəzair Xalq Demokratik Respublikasının Bumerdes şəhərində Yüngül Sənaye İnstitutunda işləmiş, fizika kafedrasına rəhbərlik etmişdir. Həmin illərdə əlçəzairli tələbələr ücün fransiz dilində beş dərs vəsaitini hazırlayıb cap etdirmişdir. 30-dan artıq namizədlik və doktorluq dissertasiyyasına opponentlik etmiş, rəylər vermiş, bir aspranta rəhbərlik etmişdir. 100-dən artıq elmi, elmi-metodiki əsərin, o cümlədən 24 dərs vəsaitinin, monoqrafiyanın və elmi-kütləvi kitabın müəllifidir. V.Nəsirov Azərbaycan MEA Fizika problemləri əlaqələndirmə şurasının komissiya sədri,Dünya Azərbaycanlilarının Birliyi- "Körpü" çəmiyyətinin prezidentidir.

O bir sıra bədii-publisistik əsərlərin müəllifidir. Onun "Sonradan bilmişəm", "Qardaş harayı", "Dünya cətin düzələ", Dərd budur", "Anamın duaları", "Etiraf","Şairlər vaxtsız qocalır" şerlər, "Öz odunda yanan ürək", "Ömrün qürbət payı","Əsrin loğmanı" bədii-publisistik kitabları geniş oxucu kütləsinin rəğbətini qazanmışdır. V.Nəsir Azərbaycan Yaziciları Birliyinin üzvü, Azərbaycan Yazicilarının XI Qurultayının nümayəndəsidir.