Vasim Məmmədəliyev
| VASİM MƏMMƏDƏLİYEV | |
).JPG) |
|
| Doğum tarixi: | 27 avqust, 1942 |
|---|---|
| Doğum yeri: | Bakı |
Vasim Məmmədəliyev - şərqşünas-alim, BDU-nun ilahiyyat fakültəsinin dekanı, ərəb filologiyası kafedrasının müdiri, Azərbaycan Milli Elmlər Akademiyasının həqiqi üzvü.
[redaktə] Həyatı
Vasim Məmmədəliyev 1942-ci il avqustun 27-də Bakıda ziyalı ailəsində anadan olub. 1959-1964-cü illərdə BDU-nun şərqşünaslıq fakültəsində ərəb filologiyası ixtisası üzrə təhsil alıb və sonradan universitetin aspirantı olub. 1968-ci ildə Tbilisi Dövlət Universitetində " Müasir ərəb-Azərbaycan ədəbi dilində və İraq dialektində felin zaman formalarının müqayisəli-tipoloji təhlili " mövzusunda namizədlik, 1974-cü ildə həmin universitetdə " Müasir ərəb ədəbi dilində felin zaman, şəxs və şəkil kateqoriyaları " mövzusunda doktorluq dissertasiyası müdafiə edib.
[redaktə] Fəaliyyəti
1978-ci ildə Vasim Məmmədəliyev professor elmi dərəcəsinə layiq görülüb. Onun elmi axtarışları ərəb dilçiliyi və ümumi dilçilik sahələrində, islamşünaslıqda, ərəb-Azərbaycan ədəbi-mədəni əlaqələrində geniş istifadə olunur.
Vasim Məmmədəliyev İraq Elmlər Akademiyasının (1989), İslam Təşkilatı Konfransı nəzdində İslam Hüququ Akademiyasının (1994), Suriya Quran Elmləri və Ərəb Filologiyası Akademiyasının (1995) üzvüdür.
Dünyanın müxtəlif ölkələrində 300-dən çox elmi əsəri və 20 kitabı çap edilib . Görkəmli alim Türkiyə, İran, İraq, Misir, Liviya, Gürcüstan, Rusiya, Səudiyyə Ərəbistanı, Suriya, Birləşmiş Ərəb Əmirlikləri, Küveyt və digər ölkələrlə sıx elmi əməkdaşlıq edir. 1992-ci ildə "Əməkdar elm xadimi" fəxri adına layiq görülüb, 2001-ci ildə Azərbaycan Milli Elmlər Akademiyasının müxbir üzvü seçilib.Vasim Məmmədəliyev Qurani-Kərimin Azərbaycan dilinə tərcüməçilərindən biridir.
2002-ci ildə isə ölkə prezidentinin fərmanı ilə ölkənin yüksək mükafatı olan "Şöhrət" ordeni ilə təltif edilib.
