Vikipediya:Şəxslərin ensiklopedik əhəmiyyəti

Vikipediya, açıq ensiklopediya
Keçid et: naviqasiya, axtar
Qısayol:
VP:ŞEƏ
Construction.png Bu səhifə Vikipediyanın rəsmi prinsiplərinə namizəddir. Hal-hazırda bu qanunun müzakirəsi gedir


İstənilən universal ensiklopediya kimi Vikipediyada da vacib tarixi və müasir şəxslərin bioqrafiyaları yer alır. Vikipediya kağız ensiklopediya deyil və buna görə də burada biorafiyasına yer verilə biləcək şəxslərin siyahısı kifayət qədər genişdir. Amma bu o demək deyil ki, Vikipediyada yer üzündəki bütün insanlar haqqında məlumat yerləşdirmək olar.

Yadda saxlayın ki, Vikipediya ensiklopedik məlumatların toplandığı 2-ci dərəcəli mənbədir. Belə ki, daxil etdiyiniz məlumatın doğruluğunu sübut etmək üçün 1-ci dərəcəli mənbə sayılan etibarlı mənbələrə istinad etmək vacibdir.

Tarixi şəxslər[redaktə]

Tarixi şəxslər haqqında məlumatlar adətən daha az mübahisələr doğurur. Belə ki, tarix özü bir qayda olaraq onların əhəmiyyətini dəqiq müəyyənləşdirir. Zaman bəşəriyyətin inkişafı üçün o qədər də əhəmiyyətli işlər görməyən şəxsləri özü çıxdaş edir. Tarixi şəxslərin əhəmiyyətlilik səviyyələri təhlil edilərkən ən çox aşağıdakı suallar meydana çıxır:

  1. Bu şəxs özündən sonra hansısa bir sahədə mütəxəssislər tərəfindən dəyərli töhfə hesab olunan nə isə qoyubmu?
  2. Vəfat edəndən sonra onun haqqında hər hansısa bir mənbədə məlumat verilirmi? (genealoji tədqiqatlar bu mənbələrə aid edilmir)
  3. Onun adı hər hansısa bir sahəyə və ya ölkəyə aid, etibarlılığı şübhə doğurmayan sorğu kitablarında, məlumat nəşrlərində xatırlanırmı?

Tarixi şəxslə bağlı internet mənbələrində az məlumatın verilməsi onun haqqında yaradılan məqalənin silinməsinə tutarlı əsas ola bilməz: hələ ki, qlobal şəbəkədə insan fəaliyyətinin bütün sahələri haqqında, xüsusilə də şəxslərin tərcümeyi-hallarına dair tam informasiya təqdim edilməyib.

Bundan başqa tarixi şəxslərin əhəmiyyətliliyi yaxşı olardı ki, müasir şəxslər üçün müəyyənləşdirilmiş daha komkret meyarlarla da əsaslandırılsın (sonrakı bölməyə bax).

Müasir şəxslər[redaktə]

Həyatda olan (və ya yaxın dövrlərdə vəfat edən) şəxslərin əhəmiyyətlilik dərəcəsini müəyyənləşdirmək bir qədər çətindir: onların barələrində Vikipediyada məqalə yaradılmasına layiq olub-olmadıqlarını müəyyən etmək üçün aşağıdakı meyarlara nə dərəcədə uyğun gəldiklərini yoxlamaq lazımdır.

Ümumi prinsiplər[redaktə]

  1. Məlumatın yoxlanılması: məqalədəki məlumatın həqiqiliyini müstəqil mənbələrə əsaslanaraq yoxlamaq mümkündürmü? Bunu uzun müddət (məsələn, on il) keçdikdən sonra da etmək mümkün olacaqmı?
  2. Məqalənin zənginləşdirilməsi: məqalə nə vaxtsa qəlibdən daha böyük həcmə sahib ola bilərmi? Məqalə nə vaxtsa inkişaf etdirilərək seçilmiş məqaləyə çevrilə bilərmi?

Siyasətçilər və ictimai xadimlər[redaktə]

  1. Mövcud olan bütün dövlətlərin və ölkələrin, o cümlədən tanınmayan dövlətlərin, eləcə də əhali məskunlaşmış və ya yaşayış üçün yararlı olan ərazilərin nominal və faktiki rəhbərləri.
  2. Beynəlxalq təşkilatların və dövlətlərarası təsisatların (BMT, YUNESKO, MAQATE, Ümumdünya bankı, NATO, MDB və s.) ali rəhbərləri (sədr, baş katib və s.) və xüsusi məsul şəxsləri (xüsusi təmsilçi və s. statusu olan şəxslər).
  3. Bütün ölkələrin qanunverici (milli məclis, parlament, duma, konqress və s.), icraedici (hökumət, nazirlər kabineti və ya şurası və s.) və məhkəmə (ali məhkəmə, konstitusiya məhkəməsi və s.) orqanlarının rəhbərləri və üzvləri.
  4. Bütün ölkələrin nüfuzlu siyasi partiyalarının, hərəkatlarının rəhbərləri və ictimai fəaliyyət baxımından fəal nümayəndələri (siyasi təşkilatın nüfuzu onun ölkədə keçirilən seçkilərdə müntəzəm iştirak etməsi, eləcə də aktiv və sistemli şəkildə parlamentdənkənar fəaliyyəti - nümayiş və etiraz yürüşləri, mitinqlər təşkil etməsi, qanunvericilik təşəbbüsləri ilə çıxış etməsi və s. ilə müəyyənləşdirilir).
  5. Ölkələrin birinci dərəcəli inzibati-ərazi bölgülərinin (vilayət, ştat, rayon və s.) müxtəlif hakimiyyət qollarının rəhbərləri.
  6. Bütün ölkələrin əhalisinin sayı 100 mindən az olmayan şəhərlərinin və digər yaşayış məntəqələrinin rəhbərləri.
  7. Konkret fəaliyyətləri (ictimai çıxışları, qanunvericilik təşəbbüsləri və s.) geniş ictimaiyyətin diqqət mərkəzində olmuş (KİV-lərə istinadlarla təsdiq edilməlidir) və regionun, ölkənin, dünyanın həyatına əhəmiyyətli dərəcədə təsir göstərmiş beynəlxalq, ölkə, əyalət miqyaslı digər siyasi xadimlər.
  8. Ölkədaxili və ya beynəlxalq miqyasda fəaliyyət göstərən kifayət qədər nüfuzlu siyasi, ictimai, qeyri-siyasi təşkilatların rəhbərləri və ictimai fəaliyyət baxımından fəal nümayəndələri (təşkilatın nüfuzu onun fəaliyyətinin sistemli şəkildə yüksək dərəcədə etibarlı mənbələrdə - ümummili KİV-lərdə, ensiklopediyalarda, elmi işlərdə və s. işıqlandırılması ilə müəyyənləşdirilir).
  9. Fərdi şəkildə regionun, ölkənin, dünyanın həyatı üçün vacib hadisələrdə iştirak edən hüquq müdafiəçiləri, sülhməramlılar və digər şəxslər.

.........................................


İdmançılar[redaktə]

  1. Olimpiya, Paraolimpiya oyunlarının, idmanın bütün sahələri üzrə dünya, qitə, ölkə çempionatlarının və kuboklarının qalibləri və mükafatçıları.
  2. İdmanın bütün sahələri üzrə olimpiya, dünya, qitə rekordçuları.
  3. İdmanın bütün sahələri üzrə ölkə milli komandalarının üzvləri.
  4. Ən məşhur idman növləri üzrə əhəmiyyətli beynəlxalq yarışların iştirakçıları.
  5. Ən məşhur idman növləri üzrə ölkələrin yüksək liqasında çıxış edən klubların üzvləri.
  6. Yuxarıdakı şərtlərə cavab verən idmançıların məşqçiləri və komandaların baş məşqçiləri.
  7. İdman tarixində adları ilə bu və ya digər əhəmiyyətli hadisələrin bağlı olduğu idmançılar.
  8. Aparıcı idman funksionerləri (olimpiya komitələrinin, idmanın müxtəlif növləri üzrə milli və beynəlxalq federasiyaların rəhbərləri və s.), əhəmiyyətli idman tədbirlərinin təşkilatçıları, beynəlxalq səviyyədə tanınmış görkəmli idman hakimləri.
  9. Məşhur idman həvəskarları.

Əlavə meyarlar[redaktə]

İstifadəçinin özü haqqında məqalə[redaktə]

Vikipediyada istifadəçinin özü və ya şəxsi münasibətləri olduğu şəxs (yaxın qohumlar, rəis və müdirlər, rəqiblər və s.) haqqında məqalə yaratması təqdirəlayiq hal sayılmır. Əgər siz özünüz və ya şəxsi münasibətləriniz olan şəxs haqqında Vikipediyada məqalə yaradılmasında maraqlısınızsa - öz adınızı və ya həmin şəxsin adını Vikipediya:Məqalə istə/Bioqrafiya səhifəsinə əlavə edin: bununla siz Vikipediya layihəsinin bütün iştirakçılarına bu məqaləni yaratmağı təklif etmiş olursunuz.

Axtarış sistemləri vasitəsilə yoxlama[redaktə]

Hər hansısa bir şəxsin əhəmiyyətlilik dərəcəsi ilə bağlı qərar verməmişdən əvvəl onun adını (adının bir neçə yazılış variantını) əsas iki-üç axtarış sistemində axtarmaq lazımdır: neçə keçid tapılır, bu keçidlərdə hansı növ informasiyalar yer alır? Hansısa bir şəxsin adının internetdə tez-tez xatırlanması hələ onun əhəmiyyətli şəxs olması (şəxs, məsələn, hansısa forumun daimi iştirakçısı da ola bilər) və ya adın internetdə yer almaması şəxsin əhəmiyyətli şəxs olmaması (insan fəaliyyətinin bütün sahələri haqqında dolğun məlumat hələ ki, internetdə tam əksini tapmayıb) demək deyil. Bununla belə, əksər hallarda şəxsin adının internet səhifələrində tez-tez xatırlanması yaxşı göstərici sayılır.


İkinci variant[redaktə]

Vikipediyada “məşhurluq” — məqalənin ensiklopedik yararlılığını müəyyən edən daxili meyardır. Məqalənin mətni “dəyərli” və ya “diqqətəlayiq” olmalıdır, yəni əhəmiyyətli, maraqlı və ya qeydə alınmaq üçün kifayət qədər qeyri-adi olmalıdır. “Tanınmış” və “populyar” anlamındakı “məşhur” ifadəsi heç də ikinci dərəcəli deyil.

Bioqrafiyalar üçün nəzərdə tutulmuş bu qaydalar Vikipediyanın siyasəti deyil, bu qaydaların tətbiqi şəxs haqqında məqalənin yazılması, birləşdirilməsi, silinməsi və ya genişləndirilməsi barədə qərarları ifadə edən, müzakirələr yolu ilə nail olunan və qəbul olunmuş praktika ilə təsdiqlənən konsensusdan asılıdır.

Bioqrafik məqalələri necə yazmaq barədə məlumat üçün Vikipediya:Yazı stili (şəxslər)Vikipediya:Həyatda olan şəxslərin bioqrafiyası səhifələrinə müraciət edin.

Əsas meyar[redaktə]

Əgər şəxs haqqında etibarlı, müstəqil və predmetdən asılı olmayan [1] ikinci dərəcəli mənbə [2] mövcuddursa o məşhur hesab oluna bilər. [3]

  • Əgər mövzu kifayət qədər dərin əhatə edilmirsə onda, məşhurluğu sübut etmək üçün çoxsaylı müstəqil mənbəyə ehtiyac var.[4]
  • İlkin mənbə – məqalənin məzmununu dəstəkləmək üçün istifadə edilə bilər, lakin o mövzunun dəyərliliyini sübut etmir.

Əlavə meyarlar[redaktə]

Şəxs aşağıdakı şərtlərdən birinə uyğun gəlirsə o adətən “məşhur” hesab olunur. Lakin, bu şərtlərə uyğun gəlməmək şəxs haqqında məqalə yaradılmamalı olduğunun sübutu deyil, necə ki, bu şərtlərdən birinə və ya bir neçəsinə uyğun gəlmək şəxs haqqında məqalə yaradılması üçün zəmanət vermir.

Hər hansı şəxs[redaktə]

  1. Şəxs öz fəaliyyət sahəsində böyük tarixi əhəmiyyətə malik yenilik edibsə ensiklopedik şəxs hesab edilir.
  2. İşlədiyi sahədən, ixtisasından asılı olmayaraq bütün əməkdar adı verilənlər ensiklopedik şəxs hesab edilir.
  3. Məşhur mükafata və ya fəxri ada layiq görülənlərb və ya onlara namizəd göstərilənlər, Azərbaycan Respublikasının orden və medalları ilə təltif olunanlar ensiklopedik şəxs hesab edilir.
  4. Deputatlar, bələdiyyə sədrləri, icra hakimiyyəti başçıları ensiklopedik şəxs hesab edilir.
  5. Azərbaycanda nəşr olunan, yaxud Azərbaycana aidiyyatı olan qəzetlər, jurnallar, məcmuələrin təsisçiləri və onların baş redaktorları ensiklopedik şəxs hesab edilir.

Alimlər[redaktə]

Bir çox elm xadimləri, tədqiqatçılar, filosoflar və başqa alimlər (rahatlıq üçün ümumilikdə “alimlər” adlandıracağıq) öz ideya və ixtiraları ilə məşhurdurlar, onların həyatı isə ikinci dərəcəli mənbələrin mövzusudur.

  • Elmlər doktorları ensiklopedik şəxs hesab edilirlər. Lakin məqalədə onların elmi fəaliyyətləri barədə məlumat yoxdursa və ya məqaləyə daxil edilən məlumatlar mötəbər mənbələrə söykənmirsə məqalənin silinməsi labüddür.
  • Elm üzrə fəlsəfə doktorları (elmlər namizədləri) yalnız o halda ensiklopedik şəxs hesab edilə bilərlər ki, onların elmi fəaliyyətləri barədə, həmçinin, 10-dan artıq elmi məqaləsi və minimum 2 kitabı haqqında məlumat verilsin. Daxil edilən məlumatlar mötəbər mənbələrə söykənmirsə məqalənin silinməsi labüddür.

İdmançılar[redaktə]

  1. Yüksək professional səviyyədə idman yarışlarında çıxış edən şəxslər.[5]
  2. Yüksək həvəskar səviyyədə idman yarışlarında çıxış edən şəxslər. Adətən, Olimpiya Oyunları və ya Dünya Çempionatlarında iştirak nəzərdə tutulur.

Yaradıcı mütəxəssislər[redaktə]

Alimlər, akademiklər, iqtisadçılar, professorlar, müəlliflər, redaktorlar, jurnalistlər, kinorejissorlar, fotoqraflar, rəssamlar, memarlar və digər yaradıcı mütəxəssislər aşağıdakı hallarda “məşhur” hesab olunurlar:

  1. Şəxs vacib adam hesab olunur və ya öz həmkarları və ya davamçıları tərəfindən geniş şəkildə istinad edilir.
  2. Şəxs yeni konsepsiya, nəzəriyyə, elmi yenilik və ya texniki üsulların yaradıcısı kimi tanınır.
  3. Şəxs müstəqil kitabın, filmin və ya çoxsaylı dövri nəşrlərin mövzusunu təşkil etmiş əhəmiyyətli və ya məşhur bir işin icraçısı və icrasında iştirakçı olmuşdur.
  4. Şəxsin işi əhəmiyyətli abidə, mühüm bir sərginin vacib hissəsi olmuş, tənqidçilərin diqqətini əhəmiyyətli dərəcədə cəlb etmiş, yaxud bir neçə məşhur muzey və ya qalereyanın daimi kolleksiyaları arasında təmsil olunmuş, yaxud işləri bir sıra məşhur kitabxanada yer almışdır.

Cinayətkarlar və cinayət qurbanları[redaktə]

Cinayət qurbanları[redaktə]

Hər bir cinayət qurbanı “məşhur” kimi dəyərləndirilə bilməz. Adətən cinayət qurbanı “məşhurluq” meyarına uyğun gələn hansısa məqalənin və ya cinayət hadisəsindən əvvəl yaradılmış məqalənin predmeti ola bilər. Lakin, əgər məşhurluğu göstərən başqa əlamətlər varsa şəxs haqqında məqalənin yaradılmasının qarşısı alınmamalıdır.

Məşhurluğu göstərən başqa əlamətlər dedikdə nəzərdə tutulur:

  • Cinayət işi beynəlxalq səviyyədə törədilibsə
  • Cinayətkar haqqında 3 və daha artıq beynəlxalq səviyyəli kütləvi informasiya vasitələrində (KİV) məlumat verilibsə
Cinayətkarlar[redaktə]

Hər bir cinayətkar “məşhur” kimi dəyərləndirilə bilməz. Bunun üçün o aşağıdakı şərtlərdən birinə uyğun gəlməlidir:

  1. Cinayətkar yalnız törətdiyi cinayətə görə tanınmamalıdır. Məsələn, Fil Spektor.
  2. Cinayətin hədəfi və ya qurbanı tanınmış insan və ya haqqında Vikipediya məqaləsi olan şəxs olmalıdır. Məsələn, Sərxan Sərxan, Qavrilo Prinsip.
  3. Cinayətin motivi və ya icra forması qeyri-adi olmalı və ya cinayət tarixi fakt kimi diqqətəlayiq olmalıdır.

Diplomatlar[redaktə]

  1. Haqqında etibarlı ikinci dərəcəli mənbələr olan xüsusi əhəmiyyətli hadisələrdə vacib rol oynamış diplomatlar.
  2. Diplomatların xüsusi diplomatik əhəmiyyətə malik olan hadisələrdəki əhəmiyyətli rolu adətən kifayət qədər geniş şəkildə işıqlandırılmamasına baxmayaraq, onların rolunu təsdiq edən etibarlı mənbəyə istinad edilməsinə ehtiyac var.

Sənətçilər[redaktə]

Aktyorlar, gülüş ustaları, musiqiçilər, bəstəkarlar, müğənnilər, tənqidçilər, modellər, televiziya aparıcıları və s.:

  1. Müxtəlif məşhur filmlərdə, teleşoularda, teatr tamaşalarında və ya digər sənət növlərində əsas rolları ifa etmişlər.
  2. Böyük azarkeş qrupu və ya davamçıları var.
  3. İncəsənətdə özünəməxsus, məhsuldar və ya yenilikçi töhfələri var.

Pornoqrafik aktyorlar[redaktə]

  1. Kateqoriya:Pornoqrafik film mükafatları və ya Kateqoriya:Kino mükafatları kateqoriyasına daxil olan məşhur film mükafatına layiq görülmüşdür.
  2. Müxtəlif illərdə məşhur mükafatlara namizəd göstərilmişdir.[6]
  3. “Playboy” jurnalının üz qabığında şəkli yayımlanıb.
  4. Əsas media yayımlarında dəfələrlə haqqında danışılıb.
  5. Pornoqrafiya janrında müxtəlif yeniliklər edib, məsələn, pornoqrafiyada yeni istiqamətin əsasını qoyub, həddən artıq məşhur filmdə oynayıb və ya Şərəf zalı tipli layihələrin iştirakçısıdır.

Siyasətçilər[redaktə]

  1. Beynəlxalq, milli və ya birinci dərəcəli altmilli siyasi qurumların, o cümlədən qanunverici hakimiyyətin nümayəndələri və məhkəmə hakimləri.
  2. Mətbuatda geniş işıqlandırılan əsas yerli siyasətçilər.[7]
  3. Yerli səviyyədə rəsmi şəxs və ya seçilməmiş “namizəd” olmaq məşhurluğa zəmanət vermir, lakin həmin şəxslər digər meyarlara görə məşhur hesab oluna bilərlər.

Yanlış meyar[redaktə]

  • “A” şəxsinin çox məşhur olan “B” şəxsi ilə əlaqəyə malik olması, məsələn, onun həyat yoldaşı olması “A” şəxsi haqqında məqalə yaradılması üçün kifayət deyil. “A” haqqında məlumat “B” məqaləsində ayrıca başlıq altında verilə bilər. Məsələn, ingilis vikipediyasında Bruklin Bekxem və Ceyson Allen Aleksandr haqqında məlumat müvafiq olaraq Devid Bekxem və Britni Spirs haqqındakı məqalələrdə verilib və onların adı axtarış zamanı bu məqalələrə yönəldilir.
  • Axtarış saytlarının çıxardığı statistik göstəriciləri və şəkilləri istifadə etməkdən çəkinin. Çünki, bu saytlar linklərin faydalılığını tam əks etdirə bilmirlər.

Bütün meyarlar üzrə uyğunsuzluq[redaktə]

Əgər məqalə və ya hansısa məqalənin bölməsi bu qaydaların heç bir meyarına uyğun gəlmirsə və əgər onu təkmilləşdirmək üçün heç bir cəhd edilməyibsə və yaxud kifayət səviyyədə olmayıbsa onda məqaləni və ya bölməni silməyin 3 metodu var:[8]

  • Əgər Dərhal silmə meyarlarına uyğun gəlirsə "Şablon:Dərhal sil" şablonunu istifadə edin;
  • Dərhal silmə meyarlarına uyğun gəlməyən, lakin silinməyə mübahisəsiz namizəd olan məqalələr üçün {{ts}} şablonunu tətbiq edin. Bu şablon Silmə təklifi qaydalarına uyğun olaraq, əgər heç kim etiraz etməzsə məqalənin və ya bölmənin 7 gün sonra silinməsini nəzərdə tutur;
  • Silinməsinə tərəddüd etdiyiniz və ya başqalarının etiraz edə biləcəyini düşündüyünüz hallarda {{ms}} şablonunu tətbiq edin. Bu Silinməyə çıxarılmış məqalələr qaydalarına uyğun olaraq 7 gün ərzində silinmə səbəblərinin müzakirəsini nəzərdə tutur.

Xüsusi hallar[redaktə]

Əsas meyara uyğunsuz olub, ikinci dərəcəli meyara uyğun gəlmə[redaktə]

Əgər məqalə ilə bağlı həm qaneedici izah, həm də müvafiq mənbə tapılmırsa, lakin şəxs əlavə meyarlardan birinə və ya bir neçəsinə uyğun gəlirsə:

  • Məqaləni mövzu ilə bağlı daha əhatəli məqaləyə birləşdirin.
  • Məqaləyə {{birləşdir}} şablonunu yerləşdirin və mövcud məqaləni birləşdirmək istədiyiniz məqalənin adını yazın.
  • Əgər hazırda birləşdirilməsi mümkün olan məqalə mövcud deyilsə, onda məqaləni özünüz yaradın və ya Vikipediya:Məqalə istə səhifəsində digər istifadəçilərin diqqətini çəkmək üçün istədiyiniz məqalənin adını qeyd edin.

Mövzunun əhəmiyyətliliyini izah etmədə çətinlik[redaktə]

Əgər məqalə aid olduğu mövzunu tam izah etmirsə[9], onda onu inkişaf etdirmək üçün:

  • Özünüz yenidən yazın;
  • Məqalənin müəllifi ilə məsləhətləşin.

Mənbə çatışmazlığı[redaktə]

Əgər məqalədə kifayət qədər mənbə yoxdursa:

  • Mənbəni özünüz tapın.
  • Məqalənin müəllifindən və ya redaktorundan mənbəni haradan tapa biləcəyinizi öyrənin.
  • Digər istifadəçiləri mənbə çatışmazlığı barədə xəbərdar etmək üçün {{mənbəsiz}} şablonunu istifadə edin.
  • Əgər məqalə ixtisaslaşmış sahə üzrədirsə, o zaman məqaləyə {{expert-subject}} şablonunu yerləşdirin. Bu şablon internetdə yerləşdirilməyən informasiyalara çıxışı olan mütəxəssislərin diqqətini cəlb etmək üçündür.

Bir hadisəyə görə məşhur olan şəxslər[redaktə]

Əgər şəxs hər hansı konkret hadisədə əhəmiyyətli rola malikdirsə məqalənin şəxs, hadisə, yoxsa hər ikisi haqqında yazılması qeyri-müəyyən ola bilər. Ayrı-ayrı məqalələr yaratmaq barədə qərar verərkən həm hadisənin əhəmiyyətlilik dərəcəsini, həm də şəxsin bu hadisədə oynadığı rolun dərəcəsini qiymətləndirmək vacibdir. Əksər hallarda ümumi qayda hadisənin işıqlandırılmasından ibarətdir, şəxsin yox. Lakin, həm hadisənin, həm də şəxsin ondakı rolunun əhəmiyyəti artıqda ayrı-ayrı məqalələrin yaradılması əsaslıdır.

Əgər hadisə çox əhəmiyyətlidirsə və şəxsin ondakı rolu çox yüksəkdirsə ayrı-ayrı məqalələr tamamilə labüddür. Əsas siyasi rəhbərlərin qatilləri, məsələn, Qavrilo Prinsip – bu kateqoriyaya uyğundur.

Şəxsin hadisədə oynadığı rol az əhəmiyyətə malik olduqda hər ikisi haqqında məqaləyə ehtiyac olmaya bilər və yönləndirmə funksiyası daha münasibdir. Digər tərəfdən, əgər hadisə xüsusi əhəmiyyətə malikdirsə, onda hadisənin nisbətən az əhəmiyyətə malik olan iştirakçıları haqqında da ayrıca məqalələrə ehtiyac ola bilər.

Digər bir problem şəxsin az əhəmiyyətə malik olan hadisədə əsas rola malik olduğu hallardır. Bu hallarda ayrı-ayrı məqalələrə ehtiyac yoxdur və şəxsin adı hadisə haqqındakı məqaləyə yönləndirilməlidir. Bəzi hallarda isə bir hadisəyə görə məşhur olan şəxs, həmin hadisənin özündən daha populyar ola bilər. Bu hallarda hadisə haqqındakı məlumat həmin şəxs haqqında yaradılan məqalədə verilə bilər.

Şəxslərin siyahısı[redaktə]

Bir çox məqalələrdə şəxslərin siyahısı qeyd olunur və ya ayrıca siyahı səhifələri yaradılır. Şəxslərin həmin siyahılara daxil edilmə meyarları bu qaydalara uyğun olmalıdır. Bundan əlavə, bu tip siyahılara daxil edilə bilmək üçün həmin şəxslərin həqiqətən də sözügedən siyahıya daxil olduğunu təsdiq edən etibarlı mənbə göstərilməlidir.

Ailə[redaktə]

Heç kim yalnız məşhur şəxslə qohumluq əlaqəsinə malik olduğu üçün məşhur hesab edilə bilməz.

Vikipediyaçılar haqqında məqalələr[redaktə]

Bəzi Vikipediyaçılar özləri haqqında məqalə yaratmışlar (bax. Wikipedia:Wikipedians with articles). Lakin, həmin məqalənin şəxsin Vikipediyada iştirakından əvvəl və ya sonra yaradılmasından asılı olmayaraq, məşhurluq həmin şəxslərin Vikipediya iştirakçısı olmaları ilə əlaqəli olmamalıdır. Bu məqalələrin mətnləri Vikipediya qaydalarına uyğun şəkildə qiymətləndirilməlidir.


Qeydlər[redaktə]

  1. Orijinal mənbəni təkrarlayan mənbələr istinad kimi istifadə edilə bilərlər, lakin onlar şəxsin məşhurluğunun müəyyənləşdirilməsi üçün kifayət etmirlər. “Müstəqil” anlayışı yalnız mənbələrin məzmununun qeyri-identikliyini yox, həm də məzmunun tam olaraq başqa mənbədən köçürülməməsini (və ya ona əsaslanmamasını) nəzərdə tutur (qismən üst-üstə düşmə ola bilər). Məsələn, siyasi xadimin hər hansı şəxs haqqında çıxışı həmin şəxsin “məşhurluğunu” göstərir, lakin həmin çıxışın stenoqramından ibarət olan çoxsaylı qəzet xəbərləri yox. Hər hansı şəxs haqqında yazılmış bioqrafiya onun məşhurluğunu təyin etməyə imkan verir, lakin həmin bioqrafiyanın xülasəsi yox.
  2. “Mənbə” anlayışı çox genişdir
  3. Avtobioqrafiyalar və özünütəbliğ nəşrləri şəxs haqqında ensiklopediya məqaləsi yaradılması üçün səbəb ola bilməz. Həmçinin, şəxslərin irəli çəkilməsi məqsədi daşıyan bioqrafik lüğətlər (məsələn, “Who's Who” seriyasından olan nəşrlər) məşhurluğun göstəricisi deyil.
  4. Ola bilsin mövzunun orijinal olmayan ikinci dərəcəli mənbələrlə işıqlandırılması məşhurluğu təsdiq etmək üçün kifayət etməsin. Orijinallıq – nəşrin məzmununun “dərinliyini” göstərən ölçü meyarıdır.
  5. Ən nüfuzlularını çıxmaq şərtilə, müxtəlif turnirlərdə iştirak və ya qələbə qeyri-atlet idmançıların məşhurluğunu göstərmir. Bunlara misal olaraq, poker, bric, şahmat, Starcraft və s. daxildir.
  6. Bir neçə nominasiya mərhələsi olan mükafatlar üçün yalnız final mərhələsində irəli sürülən namizədliklər nəzərə alınır.
  7. Əsasən şəhərlərin icra hakimləri və ona bərabər tutulan vəzifələri daşıyanlar və ya böyük şəhərlərdə şəhər hökumətinin və ya şurasının tanınmış üzvləri.
  8. Wikipedia editors have been known to reject nominations for deletion that have been inadequately researched. Research should include attempts to find sources which might demonstrate notability, and/or information which would demonstrate notability in another manner.
  9. Məqalənin mətni şəxsin niyə əhəmiyyətli olduğunu izah etmək üçün kifayət edən səviyyədə olmalıdır. Müzakirə səhifəsində gətirilən dəlillər və ya Silinməyə namizəd olan məqalələr səhifəsindəki müzakirələr məqalənin bir parçası deyil və həmin səhifələrdə məqalənin genişləndiriləcəyi barədə verilən vədlər məqalədə faktiki mövcud olan məlumatların yanında etibarlı sayılmır.