Vikipediya:Milyon redaktə mükafatı

Vikipediyada 1 milyonuncu redaktə münasibəti ilə yeni mükafat təsis edilir. Mükafat digərlərindən fərqli olaraq real olacaq və müsabiqənin şərtlərini yerinə yetirən qalib istifadəçiyə şəxsən təqdim ediləcək. Müsabiqənin əsas şərti belədir:

Azərbaycanca vikipediyada 2 milyonuncu redaktə 31 dekabr 2011-ci il tarixinə qədər edilərsə, 1 milyonuncu redaktədən 2 milyonuncu redaktəyə qədər olan dəyişikliklər arasında ən çox redaktənin müəllifi müsabiqənin qalibi olacaq. Qalib istifadəçiyə həmin vaxt üçün ən yeni model BlackBerry smartfonu təqdim ediləcək. Digər şərtlər isə aşağıdakı kimidir:

• Qalib istifadəçinin istifadəçi səhifəsi, istifadəçi müzakirəsi və kiçik redaktələrinin sayı ümumi redaktə sayının yarısından az olmalıdır.
• Müsabiqədə iştirak üçün hər hansı bir xüsusi qeydiyyat tələb olunmur. Vikipediyada redaktə edən bütün qeydiyyatdan keçmiş istifadəçilərin müsabiqədə iştirak etdikləri hesab olunur. Cəmi redaktələrə bot redaktələri və anonim redaktələr də daxildir. Müsabiqənin qalibi isə yalnız vikipediyada qeydiyyatdan keçmiş istifadəçi ola bilər.
• Müsabiqənin sonunda qalib müəyyən olarsa mükafatın spesifik detalları, çatdırılması və s. qalib istifadəçi və mükafatın təsisçisi arasında müəyyən olunur.

Müsabiqənin təsisçisi: TimBitsتِمبِتس