Vikipediya:Viki Abidələri Sevir 2013

Vikipediya, azad ensiklopediya
Naviqasiyaya keçin Axtarışa keçin

Viki Abidələri Sevir hər ilin sentyabr ayında keçirilən beynəlxalq fotoşəkil müsabiqəsidir. Müsabiqə insanları öz ölkəsində yerləşən abidələrin şəkillərini çəkib Wikimedia Commons layihəsinə yükləməyə həvəsləndirir. Müsabiqə, Vikipediyanı illüstrativ materiallarla təmin etmək və Azərbaycanda memarlıq irsinin mühafizəsi məsələsinə diqqət çəkmək məqsədi daşıyır.

Bu il keçirilən müsabiqə barədə daha ətraflı məlumat almaq üçün "Wikimedia Commons"da yerləşən Wiki Loves Monuments 2013 səhifəsinə baxmaq olar.

Əgər siz yüklədiyiniz fotoşəkillərin müsabiqədə iştirakını istəyirsinizsə, o zaman wikilovesmonuments.org saytına və ya birbaşa Kommonsdakı yükləmə səhifəsinə keçə bilərsiniz. Həmin keçid vasitəsilə açılan səhifədə ölkəni seçib "Upload Wizard" proqram təminatından istifadə edərək fotoşəklinizi yükləyirsiniz. Bu zaman şəklin səhifəsinə avtomatik olaraq {{Wiki Loves Monuments 2013|az}} şablonu yerləşdirilir və o müsabiqədə iştirak edir.

Müsabiqənin şərtləri[mənbəni redaktə et]

  • Fotoşəkillərə tələblər. Müsabiqədə iştirak etmək üçün fotoşəkil aşağıdakı tələblərə cavab verməlidir:
    • Şəxsən sizin özünüz tərəfindən çəkilməlidir;
    • Vikimedia Commonsa 1 sentyabr, Bakı vaxtı ilə saat 00:00-dan tez və 30 sentyabr, saat 23:59-dan gec olmamaq şərtilə yüklənməlidir. Fotoşəkil özü müsabiqədən qabaq da çəkilə bilər;
    • CC-BY-SA 3.0 lisenziyası və ya digər azad lisenziya altında yüklənməlidir;
    • Həqiqəti əks etdirməlidir. Şəklin etibarlılığına təsir göstərməyən qrafik redaktorlarda onun üzərində işlənməyə icazə verilir (məsələn, kəsmə və ya rəng korreksiyası), lakin retuş etmək və ya əhəmiyyətli elementləri əlavə etmək olmaz (nümunə üçün, sağdakı şəkildə ətraf fon götürülmüş, kənar elementlər əlavə olunmuşdur, bu şəkil müsabiqədə iştirak edə bilməz).
  • Fotoşəkildə əks olunan abidə:
    • Müsabiqə siyahısında olmalıdır.
    • Fotoşəklini çəkmək üçün azad olmalıdır (memarı ən azı 70 il əvvəl vəfat edib və ya memar bilinmir və abidə ən azı 70 il əvvəl ucaldılıb).
  • Siz bir və ya bir neçə fotoşəkil yükləyə bilərsiniz. Hər bir şəkil müsabiqədə ayrı-ayrılıqda iştirak edəcək.

Münsiflər heyəti[mənbəni redaktə et]

Müsabiqədə qalib gələn 10 fotoşəkli Vikipediya və Wikimedia Commons layihələrinin təcrübəli istifadəçiləri seçiblər. Bunlar Interfase, İradaSpider adlı istifadəçilərdi.

Münsiflər heyəti müsabiqədə iştirak edən 490 fotoşəkil arasında 10 qalib fotoşəkli seçmişdir. Seçim zamanı fotoşəklin keyfiyyəti, parlaqlığı, abidənin (və ya onun vacib detalının) tam görüntüsü və s. nüanslar nəzərə alınmışdır. Həmin 10 fotoşəkil beynəlxalq müsabiqədə iştirak etmək hüququ qazanacaq. Biz qalibləri təbrik edir və onlara 40-dan artıq ölkədən olan iştirakçıların iştirak etdiyi beynəlxalq müsabiqədə uğurlar arzulayırıq.

İsmailiyyə binası (Bakı)
Müəllif: Urek Meniashvili
Aşağı karvansaray (Şəki)
Müəllif: Urek Meniashvili
Hacinskinin evi (Bakı)
Müəllif: Urek Meniashvili
Bazar meydanı (Bakı)
Müəllif: Interfase
Şirvanşahlar saray kompleksi (Bakı)
Müəllif: Urek Meniashvili
Xarabagilan (Ordubad rayonu)
Müəllif: Ordubadlixan
Əntik dövrə aid daş bütlər (Bakı)
Müəllif: Urek Meniashvili
Qala divarları (Bakı)
Müəllif: Interfase
Şəki xan sarayının fasadının detalı (Şəki)
Müəllif: Urek Meniashvili
İmamzadə türbəsi (Gəncə)
Müəllif: Urek Meniashvili