Viktor Pavlov
| VİKTOR PAVLOV | |
| rus. Виктор Павлов | |
.jpeg) |
|
| Doğum tarixi: | 6 oktyabr 1940-cı il |
|---|---|
| Doğum yeri: | Moskva,  SSRİ |
| Vəfatı: | 24 avqust 2006-cı il (65 yaşında) |
| Vəfat yeri: | Moskva,  Rusiya |
| Vətəndaşlıq: | Rusiya |
| Peşəsi: | aktyor |
| Karyera: | 1960-2006 |
| İstiqamət: | teatr və kino |
| IMDb: | ID 0667805 |
Viktor Pavloviç Pavlov (rus. Виктор Павлович Павлов) — Sovet və Rusiya aktyoru, Rusiyanın xalq artisti (1994).
Həyatı [redaktə]
Viktor Pavlov 6 oktyabr 1940-cı ildə Moskvada anadan olmuşdur. 1956-cı ildə səkkizillik məktəbi bitirdikdən sonra zavodda çilingər işləmişdir. Eyni vaxtda işçi gənclər məktəbində oxumuş və Müəllimlər evi yanında dram dərnəyində rollar oynamışdır. MXAT-ın aktyoru və rejissoru olan Vadim Boqomolov Viktoru Bauman adına Moskva Texniki Universitetinin yerinə teatral sahəyə daxil olmağa razı salır. 1959-cu ildə Viktor Pavlov Şşepkin adına yüksək teatr məktəbində Nikolay Annenkovun kursunun tələbəsi olmuşdur. Pavlov oranı 1963-cü ildə bitirmişdir. O, kursda Mixail Kononov və Oleq Dalla birlikdə oxumuşdu.
O, 1961-ci ildən başlayaraq epizodik rollarda kinoya çəkilirdi. Onun iştirakı ilə çəkilən ilk film Lev Kulicanovun "Ağaclar böyüyəndə" filmi olur. Bundan sonra Pavlov ən çox çəkilən aktyorlardan biri oldu. Onun filmoqrafiyasında 120-dən çox film var.
Viktor Pavloviç Pavlov 24 avqust 2006-cı ildə Moskva şəhərində vəfat etmişdir.
