Viktor Sançes
| Viktor Sançes | |||
| Şəxsi məlumatlar | |||
|---|---|---|---|
| Doğum tarixi: | 23 fevral 1976-cı il | ||
| Doğum yeri: | Madrid, İspaniya | ||
| Boyu: | 183 sm | ||
Viktor Sançes — İspaniya futbolçusu.
Həyatı [redaktə]
Viktor Sançes del Amo 1976-cı ildə İspaniyanın Madrid şəhərində anadan olub. Sağ cinah yarımmüdafiəçisidir. Futbolçu karyerasına 1994-ci ildə “Real” klubunda başlayıb. “Real”ın heyətində 1998-ci ildə UEFA Çempionlar Liqasının qalibi olub. Həmin illərdə İspaniyadakı futbol mütəxəssisləri onu Raulla birgə İspaniya futbolunun gələcəyi adlandırırdılar. İnanılmaz sürəti və yüksək texnikası ilə bütün futbol ictimaiyyətini valeh etmişdi. 1998-1999-cu il mövsümünü “Rasinq”də keçirdikdən sonra “Deportivo”ya transfer oldu. 1999-2000-ci il mövsümündə “Deportivo”nun heyətində İspaniya çempionluğunu qazandı və mövsümün ən yaxşı futbolçusu seçildi. ümumilikdə “Deportivo”nun heyətində 190 matça çıxıb və 26 qola imza atıb. Lakin istedadlı futbolçu 2004-ci ildə ağır zədəyə məruz qaldı və həmin zədə indiyə qədər də ona əziyyət verir. 2006-cı ilin yayında “Panatinakos”a transfer olsa da, bu klubun heyətində cəmi 4 matça çıxa bildi. Növbəti dəfə zədələnən futbolçu daha bir mövsümü itirdi. 2007-ci ilin yayında isə İspaniyanın 2-ci divizionunda çıxış edən “Elçe” klubuna satıldı. Bu mövsümdə “Elçe”nin heyətində cəmi 8 matça çıxıb və 1 qola imza atıb.
