Viktor Xain

Vikipediya, açıq ensiklopediya
Keçid et: naviqasiya, axtar
Viktor Xain
Xain Viktor Efimoviç
Şəkil yoxdur.jpg
Doğum tarixi: 13 fevral 1914(1914-02-13)
Doğum yeri: Bakı, Azərbaycan
Vəfatı: 24 dekabr 2009(2009-12-24)
Vəfat yeri: Moskva, Rusiya
Vətəndaşlıq: Flag of Russia.svg Rusiya
Elm sahəsi: geologiya
Elmi dərəcəsi: geologiya elmləri doktoru
Elmi vəzifəsi: akademik
Təhsili: ali
Mükafatları: Qırmızı Əmək Bayrağı Ordeni
Sayt: http://www.victor-khain.wosco.org/

Viktor Yefimoviç Xain — Geotektonika və regional geologiya sahəsi üzrə mütəxəssis, akademik, AMEA-nın Fəxri xarici üzvü, Paris Universitetinin fəxri doktoru, Bolqariya və Fransa geologiya cəmiyyətlərinin fəxri üzvüdür.[1]

Həyatı[redaktə]

Viktor Yefimoviç Xain 1914-cü il fevralın 13(26)-də Bakı şəhərində anadan olmuşdur. Azərbaycan Sənaye İnstitutunu (ASİ) (1935) bitirdikdən sonra Azərbaycanın geologiya müəssisələrində (1935-54) çalışmışdır.

Elmi fəaliyyəti[redaktə]

ASİ-nin (1949-54) və Moskva Universitetinin (1961-ci ildən) professoru, 1957-ci ildən SSRİ EA Geokimya və Analitik Kimya İnstitutunda, 1972-ci ildən SSRİ EA Geologiya İnstitutunda baş elmi işçi olmuşdur.

Onun əsas elmi əsərləri regional geologiya (Qafqaz, Karpat dağları və s.), tektonika, neft geologiyası, geologiya elmləri tarixi sahələrinə aiddir. Onun tərəfindən tektonik hərəkətin və Yer qabığının əsas struktur elementlərinin təsnifatı təklif olunub və bir neçə geosinklinal proseslərin ümumi qanunauyğunluqları dəqiqləşdirilib, hal-hazırda o, Yer qabığının əsas inkişaf mərhələlərinin problemləri üzərində işləyir. Beynəlxalq tektonik xəritənin hazırlanması üzrə işlərin rəhbəri, beynəlxalq tektonik xəritələr üzrə Komissiyanın sədr müavini (1971-ci ildən) olmuşdur.

1 iyul 1966-cı ildən Yer haqqında (geologiya, geofizika) elmlər Bölməsi üzrə müxbir üzvü, 23 dekabr 1987-ci ildən geologiya, geofizika, geokimyamədən elmləri (qlobal seysmologiya, tektonika) Bölməsi üzrə akademikdir. Qırmızı Əmək Bayrağı Ordeni və medallarla təltif olunub. Geotektonika və paleocoğrafiya sahələrindəki şərəfli əməyinə görə A.P.Karpinski adına qızıl medalla təltif olunub (1991). Viktor Yefimoviç Xain 2004-cü ildə AMEA-nın Fəxri xarici üzvü seçilmişdir.

İstinadlar[redaktə]

  1. Viktor Yefimoviç Xain

Xarici keçidlər[redaktə]