Vladimir Vısotski
| Vladimir Vısotski | |
| Владимир Семёнович Высоцкий | |
 |
|
| Doğum tarixi: | 25 yanvar 1938-ci il |
|---|---|
| Doğum yeri: | Moskva |
| Vəfatı: | 25 iyul 1980-ci il (42 yaşında) |
| Vəfat yeri: | Moskva |
| Vəfat səbəbi: | Beyin iflici |
| Peşələri: | Aktyor, müğənni, bəstəkar |
| Mükafatları: |  |
Vladimir Semyonoviç Vısotski – Aktyor, müğənni, bəstəkar, SSRİ Dövlət mükafatı laureatı.
Mündəricat |
[redaktə] Həyatı
Vladimir Semyonoviç Vısotski 1938-ci il yanvarın 25-də Moskvada anadan olmuşdur. Onun uşaqlığı müharibə illərinə təsadüf etmişdir. 1947-ci ildən 1949-cu ilə kimi atası və analığı ilə Almaniyada yaşamış, sonradan Moskvaya qayıdıb müəllimlər evindəki dram dərnəyinə getmişdir. Tikinti-mühəndisləri institutuna daxil olub, lakin oranı tərk edib Moskva Bədii Akademik teatrın nəzdindəki V.İ.Nemiroviç- Dançenko adına məktəb studiyasının aktyorluq şöbəsinə daxil olmuşdur.
1960-cı ildə oranı bitirib, A.S.Puşkin adına dram teatrında fəaliyyətə başlayıb. 1964-cü ildən ömrünün sonuna qədər Moskva dram və komediya teatrında işləmişdir.
[redaktə] Yaradıcılığı
O, "Qalileyin həyatı", "Hamlet","Puqaçov", "Albalı bağı", "Cinayət və cəza" tamaşalarında baş rollarda çıxış etmişdir. Bir neçə tamaşada Vısotskinin mahnıları səslənmişdir. V.Vısotski ilk şeirlərini tələbəlik illərində yazmışdır.
İlk kitabı "Döymə" ("Tatuirovka") 1961-ci ildə çap olunmuşdur.
V.Vısotski 1959-cu ildən kinoya çəkilmişdir. 1960-cı ilin I yarısından Vısotski mahnılarını gitarada ifa etməyə başlamışdır. 1968-ci ildən Vısotskinin mahnıları mətbuatda ciddi tənqid edilmiş və SSRİ-də kitablarını bir iki mahnı və şeirindən başqa çap etdirmək mümkün olmamışdır. 70-ci illərin II yarısından başlayaraq xarici ölkələrdə konsertlərlə çıxış etmişdir. 1980-ci ilin 18 iyulunda "Hamlet" tamaşasından bir həftə sonra ayın 27-də vəfat etmişdir. 1981-ci ildə SSRİ-də onun ilk kitabı "Əsəb"("Nerv") çap olunmuşdur.
1987-ci ildə, ölümündən sonra ona "Görüş yerini dəyişmək olmaz" filmindəki roluna görə SSRİ Dövlət mükafatı verilmişdir.[1]
[redaktə] Filmoqrafiya
[redaktə] Mənbə
[redaktə] Həmçinin bax
 |
Vikimedia Kommonsda Vladimir Vısotski ilə əlaqədar müxtəlif fayllar var. |
