Xüsusi vəziyyət (film, 1986)
| Xüsusi vəziyyət | |
|---|---|
.jpg) | |
| Janr |
dram macəra məhəbbət |
| Rejissor | Tofiq İsmayılov |
| Əsərin müəllifi | Manaf Süleymanov |
| Ssenari müəllifi | Ramiz Fətəliyev |
| Baş rollarda |
Tofiq Mirzəyev — Dəmir Səyavuş Aslan — Vələdzadə İradə Akimova — Xalidə Sofa Bəsirzadə — Gülxar xala Rəfael Dadaşov — Zahid |
| Operator | Kənan Məmmədov |
| Bəstəkar | Tofiq Quliyev |
| Rəssamlar |
Nadir Zeynalov Elbəy Rzaquliyev |
| İstehsalçı | "Azərbaycanfilm" Kinostudiyası |
| İlk baxış tarixi | 28 iyun 1986 |
| Filmin digər adları | Fövqəladə vəziyyət |
| Filmin növü | tammetrajlı bədii film |
| Müddət | 134,5 dəq. |
| Ölkələr |
 SSRİ |
| Dil | rusca |
| İl | 1986 |
| Texniki məlumatlar |
2 seriya 15 hissə 3680 metr 35 mm |
| Rəng | rəngli |
Xüsusi vəziyyət — Azərbaycan istehsalı macəra filmi. 1986-cı ildə Azərbaycanın Daşkəsən rayonunda çəkilmişdir. Əsərin müəllifi Manaf Süleymanov ("Zirvələrdə" romanı), ssenari müəllifi isə Ramiz Fətəliyevdir.
Məzmun[redaktə | mənbəni redaktə et]
Kinolentdə mədən işçilərinin fədakar əməyindən, istək və qayğılarından bəhs olunur. Film filiz mədənlərində işləyən iki gəncin arasında baş verən dramatik əhvalat üzərində qurulmuşdur.
Hadisələr əsasən Daşkəsən rayonunda dəmir filizi mədənlərində baş verir. Fəhlələr qəza vəziyyətində olan şaxtalarda işləyir. Üstəlik, köhnə texnologiyalarda iş rejimi təbiətə ziyan vurur, eyni zamanda nəticə məşəqqətli əmək və onların həyatı bahasına başa gəlir. Sahə müdirlərindən biri, ölkənin ən yaxşı mütəxəssislərindən sayılan Dəmir Şahbazov (Tofiq Mirzəyev) şaxtaların sökülməsini, yeni texnologiyalar əsasında tikilməsi üçün layihə təklif eləyir. Amma kombinatın müdiri Vələdzadə (Səyavuş Aslan) bu layihənin əleyhinə çıxır. Onun fikrincə, layihənin həyata keçirilməsi böyük vaxt aparacaq, üstəlik, nəticəsinin necə olacağı da bəlli deyil. O, isə dövlətə yüksək plan verməlidir.
Bakıda yaşayan gənc jurnalist Xalidə (İradə Akimova) Daşkəsənə dəmir filiz mədənləri haqda yazmaq üçün ezam olunur. O, qatarda tüdnməcaz, sərt təbiətli Dəmirlə tanış olur. Dəmirin mədəndə işlədiyini öyrənən Xalidə məlumat almaq istəyəndə onun kobud rəftarıyla qarşılaşır.
Xalidə kombinatın rəhbəri Vələdzadə ilə görüşür, mədən haqda məlumat toplayır. Prinsipial xarakterə malik Dəmiri yaxından tanıdıqca gənc qadın ona vurulur. Dəmir də ona laqeyd qala bilmir.
Xalidəni isə Bakıda gözləyən sevgilisi Zahid (Rəfael Dadaşov) var. Onlar tezliklə ailə qurmağa hazırlaşır. Reportajını hazırlayandan sonra Xalidə Bakıya qayıdır. Amma anlayır ki, onun Zahidlə münasibəti yanlışdır, çünki ortada sevgi yoxdur. O, Zahiddən ayrılır və Daşkəsənə Dəmirin yanına qayıdır.
Həmin vaxt isə şaxta daha da qəzalı vəziyyətə düşür. Və Dəmir işi dayandırır, şaxtaların bağlanmasına göstəriş verir. Onun qərarından qeyzlənən kombinat müdiri şaxtalara baş çəkir, oranın qəza vəziyyətində olmadığını sübut etmək üçün Dəmirlə birlikdə şaxtalara enir. Və az sonra şaxta tamamilə çökür. Onlar bütün umu-küsüləri kənara qoyub yeraltında həyat uğrunda mübarizə aparırlar. Onların uzun və çətin xilasetmə əməliyyatı başlayır[1]…
Film haqqında[redaktə | mənbəni redaktə et]
- Film yazıçı Manaf Süleymanovun "Zirvələrdə" romanının motivləri əsasında yaradılmışdır.
- Film Mərkəzi Televiziyanın (SSRİ, Moskva) sifarişi ilə çəkilmişdir.
- Film 2-ci kateqoriyaya layiq görülmüşdür.
Filmin heyəti[redaktə | mənbəni redaktə et]
Film üzərində işləyənlər[redaktə | mənbəni redaktə et]
- Əsərin Müəllifi: Manaf Süleymanov
- Ssenari müəllifi: Ramiz Fətəliyev
- Quruluşçu rejissor: Tofiq İsmayılov
- Quruluşçu operator: Kənan Məmmədov
- Quruluşçu rəssam: Nadir Zeynalov, Elbəy Rzaquliyev
- Bəstəkar: Tofiq Quliyev
- Səs operatoru: Nataliya Nuriyeva
- Rejissor: Rövşən Həsənov, Əşrəf Mamayev, Yusif Əlizadə
- Operator: Nemət Rzayev
- Montaj edən: Esmira İsmayılova
- Qrim rəssamı: Berta Roqova
- Geyim rəssamı: Səyyad Bayramov, Y. Kirşner
- Rejissor assistenti: Y. Əhmədov, A. Əliyev
- Operator assistenti: T. Əlizadə, Vaqif Bağırov, V. Konevtsov, R. Səfərəliyev
- Quraşdırılmış səhnələrin operatoru: Ramiz Babayev
- Quraşdırılmış səhnələrin rəssamı : Eduard Abdullayev
- İşıq ustası: Tahir Bağırov
- İnzibatçı: R. Hüseynov, Ədalət Yunusov, Aydın Hüseynov
- Məsləhətçi: K. Rzayev (sosialist əməyi qəhrəmanı), M. İmanov, Z. Aşurov
- Redaktor: D. Tahirova
- Mahnıların mətni: Ramiz Rövşən (R. Əliyev kimi)
- Dirijor: Konstantin Krimets
- Filmin direktoru: Tələt Rəhmanov
- Mahnı ifa edən: Akif İslamzadə, Flora Kərimova
Rollarda[redaktə | mənbəni redaktə et]
- Tofiq Mirzəyev — Dəmir
- Səyavuş Aslan — Vələdzadə
- İradə Akimova — Xalidə
- Sofa Bəsirzadə — Gülxar xala
- Rəfael Dadaşov — Zahid
- Tariyel Qasımov — Həlim
- Hamlet Xanızadə — Sərxanov
- Rafiq Kərimov — Əkbər
- Ramiz Əzizbəyli — Yusif
- İlham Əsgərov — Rəcəb
- Yaşar Nuri — Samson
- Məbud Məhərrəmov — Manaf
- Gümrah Rəhimov — Davud
- Vidadi Məmmədov — Vaqif
- Səməndər Rzayev — Redaksiyanın məsul katibi
- Aygül İsmayılova — Gülya
- L. Məlikova — Vəfa
- Firəngiz Şərifova — Xalidənin anası
- A. Şamilova
- Əliqulu Səmədov — Sürücü
- Niyazi Əhmədov
- Nahidə Orucova — Şikayətçi
- T. Nuriyev
- Muxtar Maniyev — Məşqçi
İstinadlar[redaktə | mənbəni redaktə et]
- ↑ Sevda Sultanova. "Sevgilisini atıb şaxtaçıya qoşulan jurnalist qız – AZƏRBAYCAN FİLMİ". kulis.lent.az (az.). APA. 2017-05-15 tarixində orijinalından arxivləşdirilib. İstifadə tarixi: 2017-05-13.
Mənbə[redaktə | mənbəni redaktə et]
- Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 310–311.