Xədicə Əlibəyova
| Xədicə xanım | |
| Xədicə Ələddin qızı Əlibəyova | |
 |
|
| Doğum tarixi: | 1884 |
|---|---|
| Doğum yeri: | Tiflis |
| Vəfatı: | 1961 |
| Vəfat yeri: | Bakı şəhəri |
Xədicə Əlibəyova (1884 – 1961) — Azərbaycan maarifpərvəri, naşir, Azərbaycanda ilk qadın redaktor.
Həyatı[redaktə]
1884-cü ildə Tiflisdə ruhani ailəsində doğulmuşdur. İlk təhsilini rus qız gimnaziyasında almış, sonra Zaqafqaziya Olginskaya Mamalıq İnstitutuna qəbul olmuşdur. Burada təhsilini davam etdirib 1907-ci ildə birinci dərəcəli mama ixtisasına yiyələnir. Hüquqşünas Mustafa bəy Əlibəyovla ailə qurmuşdur. Azərbaycan qadınlarının həyatında, qadın xeyriyyə cəmiyyətlərinin işində yaxından iştirak edirdi. Qadınların öz haqlarını bilmələri və maariflənmələri məqsədilə Azərbaycanda ilk qadın məcmuəsi olan “İşıq” qəzeti işıq üzü görür. 1911-ci ildə nəşr olunmağa başlayan qəzetin redaktoru Xədicə Əlibəyova, naşiri isə Mustafa bəy Əlibəyov özü olmuşdur. Qadınların maarif və mədəniyyətə, zaman nə qədər çətin olsa da, öz haqlarını müdafiə etməyə çağıran “İşıq” qəzetində çalışanlar da əsasən qadınlar idi. Haqsızlığa və savadsızlığa qarşı özlərinə xas bir şəkildə mücadilə etməyə çalışanlar sırasında Asiya Axundzadə, Xuraman Rəhimbəyzadə, Maral Nəbizadə, Gövhər Şövqiyyə, Səidə Şeyxzadə, Nabat Nərimanova və başqa maarifpərvər qadınlar “İşıq”ın ətrafında böyük bir ümidlə birləşmişdilər.
"İşıq" qəzeti fəaliyyətini dayandırdıqdan sonra Bakı Müsəlman Qadınları Xeyriyyə Cəmiyyətinin fəal üzvlərindən biri kimi fəaliyyət göstərən Xədicə Əlibəyova Şəkiyə köçərək həkim-ginekoloq işləmişdir. 1920-ci ildən 1946-cı ilədək ilədək Şəkidə həkim - ginekolok kimi fəaliyyət göstərən xanım Xədicə Əlibəyova burada həmçinin savad kurslarının, qadın klubunun təşkilində də yaxından iştirak etmiş, ömrünün sonuna yaxın Bakıya qayıtmışdır. 1961-ci ildə Bakı şəhərində vəfat etmişdir.
Mənbə[redaktə]
- Şahverdiyev A.B., Azərbaycan mətbuatı tarixi, "Təhsil" nəşriyyatı, 2006
- [1]
