Xəzər Universiteti
|
Xəzər Universiteti |
|
|---|---|
 |
|
| Yaranma tarixi | 18 mart 1991 |
| Rektor | Prof. Con Rayder |
| Şəhər | Bakı |
| Ölkə |  Azərbaycan |
| Ünvan | Bakı şəhəri, Məhsəti 11 |
| Vebsayt | www.khazar.org |
Xəzər Universiteti və ya Xəzər Universitəsi — Azərbaycanda rəsmi fəaliyyətə başlamış ilk özəl ali məktəbdir[1][2][3][4]. Xəzər Universiteti professor Hamlet İsaxanlı tərəfindən təsis olunmuşdur. O, 1991-ci ildən 2010-cu il sentyabrın 6-na qədər rektor vəzifəsini də daşımışdır. 6 sentyabr 2010-cu ildən başlayaraq təsisçilikdən əlavə Xəzər Universiteti Direktorlar və Qəyyumlar Şurasının sədri kimi fəaliyyətə başlayan professor Hamlet İsaxanlı professor Con Rayderi (ing. John Ryder) Xəzər Universitetinə yeni rektor vəzifəsinə təyin etmişdir.
Mövcud olduğu illər ərzində müxtəlif dərgi və televiziya sorğuları, tələbələr arasında keçirilən sorğular, qeyri-hökumət təşkilatlarının apardığı tədqiqatlar, beynəlxalq komissiyaların dəyərləndirmələri, beynəlxalq şirkətlərin rəyi, beynəxalq reytinqlər və sairlərdə Xəzər Universiteti Azərbaycanın, eləcə də Qafqaz və Mərkəzi Asiyanın, Yaxın Şərqin və Şərqi Avropanın ən yaxşı ali məktəblərindən biri olaraq qiymətləndirmişdir.[Mənbə göstərin] Xəzər Universiteti ən ciddi və müasir ali məktəb, güclü elm və mədəniyyət ocağı kimi ictimai rəy qazanmışdır.
[redaktə] Yaranma tarixi və akreditasiya
Keçmiş SSRİ-də ilk ingilisdilli özəl ali məktəb olan Xəzər Universiteti 1991-ci il martın 18-də Azərbaycan Respublikası Nazirlər Kabinetinin 41 saylı qərarı ilə, Azərbaycanda beynəlxalq standartlara uyğun kadrlara, eləcə də ingilisdilli mütəxəssislərə olan kəskin ehtiyacı ödəmək məqsədilə yaradılmışdır. Bir qədər əvvəl – 1990-cı il dekabrın 20-də Nazirlər Sovetinin 286 saylı sərəncamına əsasən bu ali məktəbin yaradılması üçün hazırlıq işləri aparılmışdı. Universitet 1993-cü il aprelin 10-da Təhsil Nazirliyi yanında Dövlət Ali Ekspert Komissiyasının 9/1 saylı qərarı və 1995-ci il martın 4-də Azərbaycan Respublikası Nazirlər Kabinetinin 45 saylı qərarı ilə özəl ali məktəb kimi yenidən qeydiyyatdan keçmişdir.
[redaktə] Məkan
Xəzər Universiteti Bakı şəhərində yerləşən 3 kampusa və ayrıca bir mərkəzə malikdir. Daha bir kampus layihə və inşaat planı ərəfəsindədir.
 |
 |
 |
 |
 |
 |
| Neftçilər kampusu-1 | Neftçilər kampusu-2 | Neftçilər kampusu-2a | Bəşir Səfəroğlu kampusu | Alatava kampusu | Xəzər və Dünya. Yeni təhsil kompleksi (layihə) |
- Neftçilər kampusu – Neftçilər metro stansiyasının yaxınlığında yerləşir. Ünvan: Məhsəti küç. 11; AZ 1009* ==Xəritə==
- Bəşir Səfəroğlu kampusu – Bakı şəhərinin mərkəzində yerləşir. Ünvan: Bəşir Səfəroğlu küç. 122; AZ 1009
- Psixoloji Məsləhət və Psixoterapiya Mərkəzi- Ünvan: Həzi Aslanov küç. 31
- Alatava kampusu – Ünvan: Alatava küç 2; AZ 1012
- Binəqədi kampusu – Xəzər Universiteti və Dünya məktəbi üzrə yeni təhsil kompleksi (layihə)
[redaktə] Rəmzlər və musiqilər
 |
 |
 |
 |
- Xəzər Universitəsi Himni, Söz: Hamlet İsaxanlı; Musiqi: Vasif Adıgözəlov və Ramiz Mustafayev
- Xəzər Universitəsi Tələbə Valsı, Söz: Hamlet İsaxanlı; Musiqi: Ramiz Mustafayev
- [1], Dünya Məktəbinin mahnısı, Söz: Hamlet İsaxanlı; Musiqi: Nailəxanım İsaxanlı
- Xəzər Universitəsi Məzunluq Andı:
| “ | "Xəzər Universitəsində əldə etdiyim bilik və bacarığı tətbiq edərək ailəm, xalqım və vətənim üçün faydalı olacağıma and içirəm!
Xəzər Universitəsinin şərəfini qoruyacağıma and içirəm!" |
” |
[redaktə] Fakültə və ixtisaslar
Fakültələrdə aşağıdakı ixtisaslar üzrə kadr hazırlığı aparılır.
[redaktə] Mühəndislik və tətbiqi elmlər fakültəsi
| Fakültədə fəaliyyət göstərən ixtisaslar: | |
|---|---|
| 1 | Neft-qаz mühəndisliyi (BS, MS, PhD; yəni bakalavr, magistr və Elmlər doktoru (PhD) dərəcələri üzrə) |
| 2 | Kompüter mühəndisliyi (BS, MS, PhD) |
| 3 | Kompüter elmləri (BS, MS, PhD) |
| 4 | İnşaat mühəndisliyi (BS) |
| 5 | Elektronika, Telekommunikasiya və Radiotexnika mühəndisliyi (BS) |
[redaktə] İqtisadiyyat və menecment fakültəsi
| Fakültədə fəaliyyət göstərən ixtisaslar: | |
|---|---|
| 1 | Mühasibat uçotu və audit (BS, MS, PhD) |
| 2 | Maliyyə (BS, MS, PhD) |
| 3 | İqtisadiyyat (BS, MS, PhD) |
| 4 | Menecment (BS, MS, PhD) |
| 5 | Marketinq (BS, MS, PhD) |
| 6 | Biznesin idarə edilməsi (BS, MS, PhD) |
[redaktə] Humanitar və sosial elmlər fakültəsi
| Fakültədə fəaliyyət göstərən ixtisaslar: | |
|---|---|
| 1 | Azərbaycan dili və ədəbiyyatı (BS, MS, PhD) |
| 2 | İngilis dili müəllimliyi (BS, MS) |
| 3 | İngilis dili və ədəbiyyatı (2-ci ixtisas: ərəb və fars dilləri) (BS, MS, PhD) |
| 4 | Tərcümə (ingilis dili) (BS, MS, PhD) |
| 5 | Jurnalistika (2-ci ixtisas: ingilis dili) (BS, MS, PhD) |
| 6 | Siyasi elmlər (Politologiya) (BS, MS, PhD) |
| 7 | Regionşünaslıq (regionlar üzrə) (BS, MS, PhD) |
| 8 | Psixologiya (BS) (Yeni, 2010-cu il) |
[redaktə] Təhsil Fakültəsi
| Fakültədə fəaliyyət göstərən ixtisaslar: | |
|---|---|
| 1 | İbtidai sinif müəllimliyi (BS, MS) |
| 2 | Azərbaycan dili və ədəbiyyatı müəllimliyi (BS, MS) |
| 3 | Riyaziyyat və informatika müəllimliyi (BS, MS) |
| 4 | Kimya və Biologiya müəllimliyi (BS) (Yeni, 2010-cu il) |
| 5 | Tarix və Coğrafiya müəllimliyi (BS) (Yeni, 2010-cu il) |
| 6 | Təhsilin idarəedilməsi (MS, PhD) |
| 7 | Təhsilin tarixi və fəlsəfəsi (PhD) |
[redaktə] Hüquq fakültəsi
| Fakültədə fəaliyyət göstərən ixtisaslar: | |
|---|---|
| 1 | Hüquqşünaslıq (BS) |
| 2 | Beynəlxalq hüquq (BS) |
[redaktə] Tibb və Stomatologiya fakültəsi
| Fakültədə fəaliyyət göstərən ixtisaslar: | |
|---|---|
| 1 | Müalicə işi |
| 2 | Stomatologiya |
| 3 | Tibbi biologiya |
[redaktə] Ümumi məlumat
Universitetdə 200-dən çox professor-müəllim heyəti, o cümlədən 40-a yaxın elmlər doktoru, 100-ə yaxın elmlər namizədi (Ph.D) çalışır. Müəllimlərin əksəriyyəti xarici ölkələrdə təhsil almış və ya təcrübə keçmiş tanınmış alimlər, elm və mədəniyyət xadimləridir. Universitədə yerli müəllimlərlə yanaşı xarici mütəxəssislər də çalışır.
Universitet geniş maddi-texniki bazaya malikdir. Burada 5 tədris korpusu, nəşriyyat, mətbəə, elmi-tədris laboratoriyaları və muzeylər mövcuddur, üç dildə elmi-kütləvi jurnal və bir sıra elmi jurnallar nəşr olunur. Tələbələrə və tədqiqatçılara ən müasir xidmət göstərın zəngin kitabxanada Azərbaycan, rus, ingilis, fransız, alman, fars, türk, ərəb, yapon, ispan, italyan, çin və digər dillərdə 200 mindən çox kitab, minlərlə elmi jurnallara çıxışı təmin edən elektron məlumat bazası mövcuddur. Bu kitabxana Azərbaycanda ən müasir və zəngin ingilisdilli kitabxanadır, ən böyük və zəngin özəl ali məktəb kitabxanasıdır. Universitədə mövcud olan kitab, jurnal və digər çap və elektron məhsullarının çox böyük hissəsi yeni və müasir nəşrlərdir.
Kitabxana arasıkəsilmədən öz fondunu genişləndirməkdədir, xidmətini təkmilləşdirməkdədir.
Universitetdə 7 kompüter mərkəzi fəaliyyət göstərir. Universitetdə təhsil alan 4-5 tələbəyə 1 kompüter düşür; bu, Azərbaycan ali məktəbləri arasında ən yüksək göstəricidir. Bütün mərkəzlər tələbə və işçilərin tədris və tədqiqat ehtiyaclarına xidmət edir.
Xəzər Universitetində dərslər, əsasən, ingilis dilində tədris edilir. Bununla yanaşı, ingilis dilini zəif bilən və ya ingilis dilini öyrənməmiş abituriyentlər də Xəzər Universitetinə qəbul oluna bilərlər. Onlar ingilis dilini təcrübəli müəllimlərin köməyilə intensiv surətdə xüsusi proqram əsasında öyrənir və sonra təhsillərini ingiliscə davam etdirirlər.
Təhsildə fərqlənən tələbələr təhsillərinin bir hissəsini ABŞ, Kanada, Avropa və Asiyanın çoxsaylı universitetlərində davam etdirmək imkanı qazanırlar. İndiyə qədər müxtəlif ixtisaslar üzrə təhsil alan yüzlərlə tələbə öz təhsilinin müəyyən hissəsini xarici ölkələrdə davam etdirmişdir.
Хəzər Universiteti tələbəyə geniş seçim imkanı verən çevik kredit sistemini Аzərbаycаndа tаm tətbiq edən ilk аli məktəbdir (Bu işə o, Avropadakı Bologna sistemindən xeyli əvvəl başlamışdır!)
Tаnınmış yerli və хаrici mütəхəssislərin işə cəlb оlunmаsı, geniş beynəlхаlq əlаqələr, ciddilik, hаlаllıq, çevik və ədаlətli yeni təhsil mоdeli, dünyа təhsil təcrübəsinə və təhlilə əsаslаnаn təhsil-tədris prinsipləri "Хəzər"i fərqləndirən cəhətləridir.
[redaktə] İnstitut və Mərkəzlər
Xəzər Universitetində akademik departmentlərlə (kafedralarla) yanaşı bir sıra institut və mərkəzlər də fəaliyyət göstərir. Onlar beynəlxalq layihələr və bölgə ilə bağlı proqramlar həyata keçirir, ölkənin və geniş bölgənin elmi-iqtisadi-siyasi-mədəni inkişafı üçün zəruri olan məsələlər ətrafında tədqiqatlar aparır.
[redaktə] Kitabxana İnformasiya Mərkəzi
Xəzər Universiteti Kitabxana İnformasiya Mərkəzi universitet tədris binalarının hər birində yer tutur və fəaliyyət göstərir. Yeni istifadəyə verilmiş tədris binasının (Məhsəti küçəsi 11) 5-ci və 6-cı mərtəbəsi bütövlükdə kitabxana-informasiya mərkəzinə məxsusdur. Dünyаnın bir çох ölkələrindən аlınıb gətirilmiş, elmin müхtəlif sаhələrinə аid ən müasir dərslik və mоnоqrаfiyаlаrlа zəngin bu kitаbхаnа tədqiqat və treyninqlə də məşğul olur.
Kitаbхаnа infоrmаsiyа mərkəzi, Science Direct, Cambridge University Press, Oxford University Press, Bio One, AGORA, Ingenta və s. kimi zəngin verilənlər bаzаlаrınа çıxışı (əlçatanlığı) təmin edir. Universitenin tələbələrinin dünyаnın müхtəlif yerlərində nəşr оlunаn 5000-dən artıq аkаdemik və 3600-dən çox biznes jurnаllаrınа çıхışı vаr.
Universitədə mövcud olan 200.000-dən çox nüsxə kitabın böyük qismi yeni nəşrlərdir.
[redaktə] İqtisadi və Biznes Araşdırma və Təhsil Mərkəzi
Mərkəz iqtisadiyyatın və biznesin müxtəlif istiqamətlərində araşdırmalar aparır, iqtisadiyyat və biznes fənlərinin tədrisinin təkmilləşdirilməsinə dəstək verir, biznesin təşkili və idarə edilməsi sahələrində müxtəlif treyninqlər keçirir. Mərkəz mütəmadi olaraq iqtisadiyyat, maliyyə, marketinq, kiçik və orta biznes və digər sahələrdə orta məktəb müəllimləri və sahibkarlar üçün treyninq və seminarlar təşkil edir.
[redaktə] İqtisadi Siyasət və İnkişaf Mərkəzi (İSİM)
İqtisadi Siyasət və İnkişaf Mərkəzi (İSİM) iqtisadi əməkdaşlığın müxtəlif aspektlərində (ticarət, enerji, texnologiya və s.) tədqiqat, tədris və informasiyanın yayılması və onun qlobal iqtisadi inkişafa, o cümlədən regional və ölkənin inkişafına təsiri məqsədi ilə yaradılmışdır.
[redaktə] Avrasiya Hasilat Sənayesi Bilik Mərkəzi
Avrasiya Hasilat Sənayesi Bilik Mərkəzi 2010-cu ilin sentyabrında Xəzər universitəsi ilə ABŞ-ın Gəlirlərə Nəzarət İnstitutu (Revenue Watch Institute) arasında imzalanmış Anlaşma Memorandumuna əsasən yaranmışdır. Mərkəz Bakı şəhərində, Xəzər universitəsində yerləşir. Mərkəzin əsas fəaliyyəti Avrasiya məkanında (əsasən əski Sovet Respublikaları) hasilat sənayesində (neft, qaz və dağ-mədən sənayesi) fəaliyyət göstərən qeyri hökumət təşkilatları, habelə media mənsublarının bu sahədə bilik və bacarığının artıtırlmasına yönəlib.
[redaktə] Qafqaz Tədqiqat Resurs Mərkəzi (QTRM)
QTRM sosial elmlər üzrə mütəxəssislərə fundamental ədəbiyyatdan, məlumatlardan istifadə etmək imkanı yaratmaqla Cənubi Qafqazda sosial elmlər üzrə fəaliyyət göstərən bir mərkəzdir.
[redaktə] Lüğət və Ensiklopediya Mərkəzi
Xəzər Universiteti Lüğət və Ensiklopediya Mərkəzində leksikoqrafiya sahəsində zəngin təcrübəyə malik alimlər və Universitetin müəllimləri çalışır. Hal-hazırda Mərkəz 6 cilddən ibarət olan İngiliscə-Azərbaycanca iri həcmli lüğətin tərtibi ilə məşğuldur. "Xəzər İngiliscə-Azərbaycanca Böyük Lüğət" adlanan bu lüğətin 3 cildi artıq nəşr olunmuşdur, qalan 3 cildi isə çapa hazırlanır.
[redaktə] Psixoloji Məsləhət və Psixoterapiya Mərkəzi[5]
2009-cu ildə yaradılan bu mərkəzin bir neçə məqsədi var.
- Ayrı-ayrı fərdlərə və müxtəlif təşkilatlara psixologi xidmət göstərmək
- Psixologiya nın müxtəlif sahələri üzrə elmi-tədqiqat işləri aparmaq, konfranslar təşkil etmək
- Psixologiya üzrə maarifçilik işləri görmək
- Psixologiya ixtisası üzrə təhsil alan tələbələrə təcrübə keçmək imkanı yaratmaq.
Psixoloji Məsləhət və Psixoterapiya Mərkəzi Avropa və Amerika nın bir çox psixoloji mərkəzləri və universitetləri ilə sıx əlaqə saxlayır, psixologiya elmində və təcrübəsində baş verən yenilikləri izləyir və tətbiq edir.
[redaktə] Təhsil Siyasəti İnstitutu
İnstitutun məqsədi:
- Təhsildə dünya təcrübəsini öyrənmək, keyfiyyətin artırılması və onun ölçülməsi problemləri üzərində çalışmaq;
- Azərbaycanda təhsil siyasətinin və təhsil sisteminin inkişaf yollarını araşdırmaq;
- Bolonya Prosesini yaxından izləmək və maraqlı tərəflərə bu sahədə yardım göstərməkdir.
[redaktə] Peşə-məşğulluq Mərkəzi
Xəzər Universiteti Peşə-Məşğulluq Mərkəzi ABŞ Avrasiya Fondunun dəstəyi ilə yaradılmışdır. Mərkəzin əsas məqsədi yuxarı kurs tələbələri və məzunlara uğurlu karyeralarının qurulmasında yardımçı olmaqdır.
Mərkəz müxtəlif beynəlxalq və yerli təşkilat və şirkətlərlə əlaqə saxlayır, mövcud iş yerləri ilə bağlı məlumatlar toplayır. Mərkəzin təşkil etdiyi iş yarmarkalarında tələbə və məzunlar işəgötürənlərlə birbaşa ünsiyyətdə olurlar.
Mərkəzdə tələbə və məzunlara müxtəlif beynəlxalq proqramlar, o cümlədən tələbə mübadiləsi, beynəlxalq təqaüd və maliyyə mənbələri haqqında məlumatlar da verilir. Bu proqramlarda iştirak etmək üçün zəruri olan sənədləşmələrin düzgün yazılması ilə bağlı məsləhətlər verilməsi də mərkəzin fəaliyyət dairəsinə daxildir.
Mərkəzin əməkdaşları müxtəlif yerli və beynəlxalq treyninqlərdə iştirak edirlər.
[redaktə] Siyasət İnstitutu
Xəzər Universiteti Siyasət İnstitutu siyasət və beynəlxalq münasibətlərlə bağlı tədqiqat, təhlil və təhsil məsələləri ilə məşğul olur.İnstitut müxtəlif dövlət rəsmilərinin, diplomat və alimlərin iştirakı ilə müntəzəm konfrans, seminar və müzakirələr keçirir, həmçinin, böhran simulyasiyası üzrə tələbə konfranslarını təşkil edir.
[redaktə] Xəzər hüquq klinikası
1999-cu ildə yaradılmış və Qafqaz da ilk hüquq klinikası olan Xəzər hüquq klinika sının əsas fəaliyyət istiqamətləri aşağıdakılardır:
- Aztəminatlı insanlara, qaçqın vı məcburi köçkünlərə ödənişsiz hüquqi yardım göstərilməsi;
- Yerli və xarici təşkilatlara, şirkətlərə və digər qurumlara hüquqi yardım göstərilməsi;
- Fərdi müqavilə əsasında müxtəlif hüquqi və fiziki şəxslərə xidmət göstərilməsi;
- Yeni fəaliyyətə başlayan və hüquqi şəxs kimi fəaliyyətə başlamaq istəyənlərə müvafiq təsis sənədlərinin hazırlanması,müqavilələrin bağlanması kimi işlərdə ödənişsiz yardım göstərilməsi;
- Əhalinin hüquqi savadsızlığının aradan qaldırılması üçün müxtəlif mövzularda mühazirə və seminarların keçirilməsi və s.
[redaktə] Xəzər tərcümə araşdırmaları mərkəzi
Tərcümə Araşdırmaları Mərkəzinin əsas məqsədi müxtəlif dillərdə nəşr olunmuş elmi-texniki, bədii, ictimai-siyasi, tarixi əsərlərin Azərbaycan dilinə çevirmək, həmçinin yazılı Azərbaycan mədəniyyət nümunələrini başqa dillərə tərcümə etməkdir. Mərkəz tərcümənin tədqiqi, tədrisi və tərcüməçilərin hazırlanması işlərində də iştirak edir.
[redaktə] Ətraf Mühit Araşdırmalar Mərkəzi
Ətraf mühit araşdırmalar mərkəzinin məqsədi tədqiqatlar aparmaq və müvafiq tövsiyyələr verməklə ətraf mühitin qorunub saxlanılması üçün milli və beynəlxalq səviyyələrdə göstərilən səylərə öz təhvəsini verməkdir. Mərkəz Azərbaycanın və onun sərhəd zonalarında olan çay və göl hövzələrinin və dağların ətraf mühit problemləri baxımından tədqiqi məsələləri ilə də məşğul olur.
[redaktə] Xəzər Enerji Araşdırmalar Mərkəzi
Xəzər Enerji Araşdırmmalar Mərkəzinin fəaliyyəti aşağıdakıları əhatə edir:
- Enerji sahəsinin ayrı-ayrı istiqamətləri üzrə tədris proqramlarının işlənməsi və müvafiq kursların təşkili.
- Enerji sahəsinin ayrı-ayrı istiqamətləri üzrə tədqiqat qruplarının yaradılması və layihələrə cəlb edilməsi.
- Enerji sahəsində elmi, populyar, dövrü nəşrlərin işlənməsi.
- Enerji sahəsində xüsusi seminarların təşkili.
- Hökumət, parlament və digər müvafiq qurumlara tövsiyələrin hazırlanması.
[redaktə] Distant təhsil mərkəzi
Distant Təhsil Mərkəzi müəllimlərə aşağıdakı yardımları göstərir:
- Online tədrisə hazırlıq;
- Kurs materiallarının dizaynı;
- Veb-yönümlü kursların təşkili;
- Məsafədən tədris;
- Online tədris və mənimsəmə məsələlərinin aparılması və s.
[redaktə] Təhsildə keyfiyyətin təminatı mərkəzi
Təhsildə Keyfiyyətin Təminatı Mərkəzi 1999-cu ildə Tempus Tacis layihəsi (1999-2001) çərçivəsində yaradılmışdır.
Mərkəz 3 istiqamətdə fəaliyyət göstərir :
- Kurrikulanın yoxlanılması və təhlili;
- Tədrisin keyfiyyətinin qiymətləndirilməsi;
- Kadrların inkişafı və qiymətləndirilməsi.
[redaktə] Media Mərkəzi
Xəzər Universiteti nəzdində audio video-foto materiallarla əlaqəli Media Mərkəzi fəaliyyət göstərir. Mərkəzin əsas fəaliyyət istiqamətləri aşağıdakılardır:
- Xəzər Universiteti və onun struktur bölmələri haqqında video materialların hazırlanması və çəkilişi zamanı jurnalistlərə lazımi köməkliyi göstərmək.
- Bütün texnoloji silsilə (çəkiliş, montaj, səsləndirmə və s.) daxil olmaqla universitet və onun bölmələri haqqında reklam və informasiya xarakterli müxtəlif media məhsullarının (çarxlar, filmlər və s.) hazırlanması
Elm və Sənət Məclisi:
Siqmund Freud –psixoanalizin atası. (Məruzəçi: Ülkər İsayeva 16 dekabr 2008)[redaktə] Elm və Sənət Məclisi
Universitetdə 2006-cı ildən professor Hamlet İsaxanlı nın rəhbərliyi altında fəaliyyətə başlayan "Elm və Sənət Məclisi" qısa müddət ərzində nəinki alim, müəllim, ziyalı, sənət adamları və tələbələrin rəğbətini qazanmışdır. ABŞ, İngiltərə, Almaniya, Türkiyə, Rusiya, İran, Yaxın Şərq və Orta Asiya dan dəvət olunan tanınmış mütəxəssislər Xəzər universiteti "Elm və sənət Məclisi"nin qonağı olmuş, maraqlı mövzularda mühazirələr oxumuş, geniş və dərin müzakirələrin iştirakçısı olmuşlar. Bu məclis son illərdə Azərbaycanda elm və sənət adamlarının, tələbə və ziyalıların məmnuniyyətlə gəldikləri bir yerdir. Adətən ayda bir və ya iki dəfə keçirilən "Elm və Sənət Məclisi"nin materialları nəfis şəkildə çap olunur.
[redaktə] Xəzərin Səsi internet radiosu
2009-cu ildən Xəzər Universitəsində "Xəzərin Səsi" internet radio su fəaliyyətə başlamışdır. 24 saat bütün dünyaya yayımlanan bu internet radioda xalq mahnıları, aşıq havaları, bəstəkar və estrada, eyni zamanda klassik musiqilər səsləndirilir. Veriliş və müsahibələr təşkil olunur. şairlər, müğənni və xanəndələr, aktyor və aktrisalar radionun qonağı olurlar. Yaradıcı heyət tələbələrdən ibarətdir. Bu radio Azərbaycanda ilk universitet radiosudur.
[redaktə] Dünya məktəbi
"Dünya məktəbi"[6] Xəzər Universitetinin nəzdində fəaliyyət göstərən orta ümumtəhsil məktəbidir. Burada 3-5 yaşlı körpələr üçün bağça-hazırlıq sinifləri də mövcuddur.
2009-cu il yanvarın 16-nda məktəb beynəlxalq status almış, International Baccalaureate Organization (IBO) təşkilatının akkreditasiyasını keçmişdir. X və XI siniflərdə dərslər orta təhsil sahəsində dünyada ən geniş və ən nüfuzlu[7] şəbəkə yaratmış IBO-nun proqramı əsasında ingilis dilində keçiriləcək.
Məzunlar həm IBO diplomu, həm də Azərbaycan attestatı alacaqlar. Bəzi universitetlər IBO diplomuna sahib olanlara üstünlük verir, onları birbaşa və ya müsahibə yolu ilə tələbə kimi qəbul edirlər.
[redaktə] Beynəlxalq əlaqələr
Хəzər Universitetində tədris dili ingilis dilidir və bu dünyа təhsil sisteminin nаiliyyətləri və ənənələrindən bəhrələnməyə, eləcə də dünyаnın qаbаqcıl universitetləri ilə tələbə, alim və müəllim mübаdiləsini uğurlа həyаtа keçirməyə kömək edir. Akаdemik keyfiyyət və beynəlхаlq stаndаrtlаrın təmin olunmasında geniş beynəlхаlq əlаqələr və əməkdаşlıq proqramları mühüm rol oynayır. Xaricdən dəvət edilmiş mütəxəssislərin, eləcə də xaricə göndərilən müəllim və tələbələrin sayına görə Azərbaycanın və geniş bölgənin ən qabaqcıl ali məktəblərindəndir.
Xəzər Universitəsi beynəlxalq əlaqələrini 2 istiqamətdə – akademik və qeyri-akademik istiqamətdə həyata keçirir:
- 1-ci istiqamət – Universitet, kollec, institut və başqa elm və təhsil ocaqları
- 2-ci istiqamət – Təşkilat və şirkətlər.
Azərbaycan günü. Yunanıstan, Saloniki şəhəri.
Tələbələr Şimali Amerika, Qərbi, Orta və Şərqi Avropa, Yaxın və Uzaq Şərq ölkələrində öz təhsillərini dаvаm etdirmiş və etdirməkdədir. Хəzərin müəllimlərinin isə, demək оlаr ki, hаmısı xaricdə oxumuş və ya çalışmışlar. Universitetlərаrаsı mübаdilə prоqrаmlаrındаn sаvаyı Хəzər Universitetinin bir sırа müəllimləri və yuхаrı kurs tələbələri, eləcə də mаgistrаnt və dоktоrаnt lаrı müхtəlif beynəlхаlq fоndlаrın və prоqrаmlаrın (ACTRA/ACCELS Undergraduate exchange Program, British Chevening Program, German DAAD Program, Muskie Fellowship Program, IREX Contemporary Program, Freedom Support Act Program, British Council Scholarships Program, Fulbright Scholarship və s.) dəstəyi ilə məşhur хаrici universitetlərdə uzun və yа оrtаmüddətli stаj keçmiş və yа təhsil аlmış, müхtəlif ölkələrdə kоnfrаnslаrdа, seminаrlаrdа iştirаk etmişlər. Bu əməkdаşlıq prоqrаmlаrı çərçivəsində həmçinin yüzlərlə хаrici mütəхəssislər "Хəzər"də işə cəlb оlunmuşlаr.
Хəzər Universiteti bir sırа beynəlхаlq və regional universitetlər assоsiаsiyаsının və bаşqа təşkilаtların üzvüdür. Məsələn:
- Аvrоpа Universitet Аssоsiаsiyаsı, (EUА – European University Assosiation);
- Qаrа Dəniz Universitetləri Şəbəkəsi (BSUN – Black Sea Universities Network);
- Хəzər Dənizi Bölgə ölkələri Universitetlər Аssоsiаsiyаsı (CRCUA – Caspian Region Countries Universities Association);
- Avrasiya Universitetlər Birliyi;
- Neft Mühəndisləri Cəmiyyəti (SPE – Society of Petroleum Engineers);
- Təhsildə Əməkdаşlıq üzrə Qаfqаz Beynəlхаlq Kоnsоrsiumu (CICAC – Caucasus International Consortium for Academic Cooperation);
- Dünyа Səhiyyə Təşkilаtı (World Health Оrganization); Beynəlхаlq Tibb Təhsili Direktоriyаsı (IMED – International Medical Education Directory) və s.
Хəzər Universitəsi Tacis-Tempus, Erasmus, Аvrаsiyа fondu, Sоrоs (Corc Soros) fоndu, Аmerikа Hüquqşünаslаr Аssоsiаsiyаsı, İREХ, Fulbright, BP, StatoilHydro, Azərbaycan Respublikası Dövlət Neft Şirkəti, Sasakawa Peace Foundation, Japan Foundation, Amerika Dövlət Departmenti, Dünya Bankı, Asiya İnkişaf Bankı, Norveç hökuməti, UNESCO və onlarla digər təşkilatlarla geniş əməkdаşlıq prоqrаmlаrı həyаtа keçirir.
Azərbaycanda fəaliyyət göstərən səfirlərin, yüksək ranqlı diplomatların, iş adamlarının Хəzər Universitəsində mühаzirələr охumаsı xoş ənənəyə çevrilmişdir.
[redaktə] Beynəlxalq Tələbə və Mütəxəssislər Mərkəzi
BTMM-nin missiyası Xəzər Universitetinin beynəlmiləşməsinə yardım etməkdən ibarətdir. Mərkəz təhsil almaq, elmi tədqiqatlar aparmaq, dərs keçmək və digər məqsədlər üçün universitətə gələn qonaqlara tam xidmət göstərir. BTMM-nin göstərdiyi xidmətlərə aşağıdakılar daxildir:
- Viza qeydiyyatı
- Qonaqların gəlişini təşkil etmək
- Mənzillə təchiz etməkdə yardım
- Miqrasiya xidməti
Mərkəzin əməkdaşları xarici tələbərə müvəqqəti yaşama vəsiqəsinin tez bir zamanda alınması üçün sənədləşmə prosessinə birbaşa nəzarət edir və beynəlxalq tələbələr qısa müddət ərzində vəsiqəni əldə edirlər.
Hаl-hаzırdа Хəzər Universitəsində təhsil аlаn tələbələrin 15 fаizindən çохu əcnəbilərdir[2].
[redaktə] Məzunlar
Məzunlar və yuxarı kurs tələbələri, əsasən, xarici şirkətlərdə, eləcə də dövlət qurumlarında və özəl bölmədə yüksək maaşlı işlərlə təmin olunur. Bu işlə birinci növbədə Universitetin Peşə-məşğulluq Mərkəzi məşğul olur.
Xəzər Universitetində təhsilin yüksək səviyyəsi tələbə və məzunların təhsillərini tanınmış xarici universitetlərdə davam etdirməsinə, eləcə də xarici ölkələrdə çalışmalarına geniş imkan yaradır. Bu günə qədər Xəzər Universitetinin təxminən 2000-dən çox məzunu arzuladıqları ixtisaslara yiyələnərək Azərbaycanda və onun hüdudlarından çox-çox uzaqlarda uğurla çalışır və ya təhsillərini davam etdirirlər.
"Xəzər"in məzunları ən nüfuzlu təşkilatlarda – Azərbaycan Respublikası Prezidentinin İcra Aparatı, Azərbaycan Respublikasının Milli Məclisi, Azərbaycan Respublikası Konstitusiya Məhkəməsi, Azərbaycan Respublikası Xarici İşlər Nazirliyi, Azərbaycan Respublikası Vergilər Nazirliyi, Azərbaycan Respublikası Nəqliyyat Nazirliyi, Azərbaycan Respublikası Ədliyyə Nazirliyi, Azərbaycan Respublikası Milli Təhlükəsizlik Nazirliyi, Azərbaycan Respublikası Təhsil Nazirliyi, Azərbaycan Respublikası İqtisadi İnkişaf Nazirliyi, Azərbaycan Respublikasının Mərkəzi Bankı, eləcə də Azərbaycanın ABŞ, Kanada, Macarıstan və digər səfirliklərdə, müxtəlif ölkələrin Azərbaycandakı səfirlik və diplomatik korpuslarında, BP, Lukoil və başqa neft şirkətlərində, Ernest and Young, Price Waterhouse və başqa nüfuzlu beynəlxalq təşkilatlarda uğurla çalışırlar(onları tam saymaq çətindir). Universitet məzunlarının bir qismi təhsillərini ABŞ, Böyük Britaniya, Fransa, Kanada, Yaponiya, Koreya, Çin, İspaniya, İtaliya, Türkiyə, Yunanıstan, Portuqaliya, Bolqarıstan, Almaniya, Norveç, İsveç və s. ölkələrin tanınmış ali məktəblərində magistratura və doktorantura səviyyəsində davam etdirirlər (onları tam saymaq çətindir).
 |
 |
Bəzi məzunlar:
- Fərid Dadaşov – Vice President, Investment Banking Division, Bank of America, Merrill Lynch, London, UK
- Aytən Isayeva – Financial Control Manager, EMEA at Intertek, Chelmsford, UK
- Şəfəq Mehralıyeva – "AzərTac" dövlət teleqraf agentliyinin ABŞ təmsilçisi
- Məmməd Abbasov – Group Vice-President, Legal, Corporate Governance & Compliance, CPA Group
- Emin Qasımov – Senior Financial Director at AAS-EKOL LLC
- Xalıq Dadaşov – Coordinator, Upstream Strategy, Portfolio and Planning, BP plc Houston, USA
- Yaşar Nağıyev – İdarə heyəti sədrinin müavini, Xalqbank, Azərbaycan
- Həsən Rəsulov – Financial Controller, GADA Group Ltd, London, UK
- Rəşad Novruzov – Azərbaycan Respublikası Xarici İşlər Nazirliyində şöbə müdiri
- Fəxrəddin Kərimov – Export manager, Roca company, Spain, Barselona
- Aydın Süleymanov – Hüquq şöbəsinin müdiri, Nəqliyyat Nazirliyi
- Raziyə İsayeva – İnkişaf direktoru (Director of Development), Xəzər Universiteti
- Ramin Əliyev – Knowledge Management Officer, World Bank, Washington, USA
- Nigar Camal – Azərbaycanın Avroviziya Mahnı Müsabiqəsində 2011-də təmsilçisi
və başqaları müxtəlif ölkələrdə müxtəlif vəzifələrdə çalışırlar.
Xəzər Universitetində tələbələr ildə 2 dəfə məzun olurlar (sentyabr və mart aylarının sonunda). Təntənəli məzunluq mərasimində məzunlara xüsusi kitabça (Degree Recognition Ceremony) təqdim edilir. Məzunlar "Xəzər"in məzunluq andını içirlər: "Xəzər Universitəsində əldə etdiyim bilik və bacarığı tətbiq edərək ailəm, xalqım və vətənim üçün faydalı olacağıma and içirəm! Xəzər Universitəsinin şərəfini qoruyacağıma and içirəm!"
[redaktə] Xəzər Universitetində idman, mədəniyyət və incəsənət
[redaktə] İdman
Universitetdə tələbələrdən ibarət futbol, voleybol, basketbol, şahmat klubu, güləş və müxtəlif döyüş növləri üzrə (karate, cüdo, kunq-fu) idman bölmələri fəaliyyət göstərir. Xəzər Universiteti Peşəkar İdman Klubu idman fəaliyyətini tənzimləyir. Tələbələr idmanın müxtəlif növləri üzrə yerli və beynəlxalq yarışlarda iştirak edir, müxtəlif yarışların, o cümlədən avropa və dünya çempionatlarının iştirakçısı və qalibləri olmuşlar.
Xəzər Universiteti peşəkar futbol klubu 1998-2004-cü illərdə Azərbaycanın peşəkar futbol çempionatında çıxış etmiş, beynəlxalq yarışlarda, o cümlədən UEFA İntertoto Kuboku nda iştirak etmişdir. Hal-hazırda milli çempionatın aparıcı komandalarından olan İnter klubu məhz Xəzər Universiteti klubunun bazasında yaradılmışdır.
Universitetin kişi və qadınlardan ibarət basketbol komandaları (Xəzər Universiteti basketbol klubu) tək Azərbaycanda deyil, İran, Gürcüstan, Rusiya və başqa ölkələrdə keçirilmiş müxtəlif beynəlxalq yarışlarda iştirak edirlər.
Xəzər Universiteti Şahmat Klubu bir çox milli və beynəlxalq yarışlara, o cümlədən peşəkar şahmatçıların (şahmat üzrə keçmiş dünya çempionu Anatoli Karpov, qadınlar arasında keçmiş dünya çempionu Nona Qaprindaşvili və s.) iştirakı ilə keçirilən görüşlərə ev sahibliyi etmişdir.
[redaktə] Mədəniyyət və incəsənət
Xəzər Universiteti Musiqi və İncəsənət departamenti digər əlaqəli qurumlarla birlikdə Universitetin mədəni həyatını zənginləşdirir, tamaşa və konsertlər təşkil edir, məzunluq mərasimlərinin və digər tədbirlərin keçirilməsində mühüm rol oynayır. "Xəzər"də peşəkar və həvəskar rəssamların sərgiləri, xarici ölkə teatr və konsert qruplarının qastrolları təşkil edilir, görkəmli sənət adamları ilə görüşlər keçirilir. Bu davamlı fəaliyyət Xəzər Universitəsini Bakı nın ən zəngin mədəni mərkəzlərindən birinə çevirmişdir.
Xəzərin mahnı və rəqs ansamblı Avropada, Türkiyə, Qatar və Gürcüstanda uğurla çıxış etmiş, bir sıra müsabiqələrin qalibi olmuşdur. Xəzər Universiteti ansamblı Qafqaz, rus, ispan, ərəb, ingilis, italyan, İran, türk və digər xalqların milli rəqs və mahnılarını ifa edir.
"Xəzər"də təhsil aldıqları müddətdə tələbələr musiqi, rəqs, teatr və digər qruplarda iştirak edir və eyni zamanda tanınmış mütəxəssislərin Muğam, xalq musiqisi, klassik Azərbaycan və dünya musiqisi, vokal, xor, xalçaçılıq, zərgərlik, milli paltar dizaynı dərslərinə yazılaraq kredit qazana bilirlər.
[redaktə] Xəzər Universiteti muzeyləri
[redaktə] Milli Geyimlər Mərkəzi
Bu mərkəzdə Azərbaycan və digər xalqların milli geyimləri toplanıb. Bu geyimləri mütəxəssislərin rəhbərliyi ilə tələbələr tikirlər. Hazırlanmış geyimlər Xəzər Universiteti oğlan və qızlardan ibarət rəqs ansamblının və teatr tamaşalarında istifadə olunur.
[redaktə] Xalça Muzeyi
Azərbaycan qədim zamanlardan bəri dünya xalçaçılıq mərkəzlərindən biri olmuşdur. Mütəxəssislər Azərbaycanda Quba-Şirvan, Qarabağ, Təbriz və Gəncə-Qazax kimi dörd əsas xalçaçılıq məktəbini qeyd edirlər. Xəzər Universitetinin Xalça Müzeyi həm muzey, həm də emalatxana kimi fəaliyyət göstərir. Peşəkar sənətkarların başçılıq etdiyi muzey və emalatxanada toplanan kiçik və böyük ölçülü xalça və başqa toxunma əşyalar əsasən tələbələr tərəfindən hazırlanmışdır.
[redaktə] Zərgərlik Mərkəzi
Xəzər Universiteti zərgərlik mərkəzində daha çox gümüş üzərində iş aparılır. Bu mərkəz zərgərlik fənnini seçən tələbələr üçün laboratoriya rolunu da oynayır.
[redaktə] Kukla muzeyi
Xəzər Universiteti Dünya məktəbində kukla muzeyi yerləşir. Muzeydə milli Azərbaycan və dünya xalqlarının kuklaları yer almışdır. Muzeydəki kukla-gəlinciklər uşaq yazıçısı,jurnalist Tahirə İskəndərova tərəfindən toplanmışdır. Övladları Tahirə xanımın uşaqlara olan dərin sevgisini nəzərə alaraq bu kolleksiyanı Dünya məktəbinin şagirdlərinə bağışlamışdır.
 |
 |
 |
| Xalça muzeyi | Zərgərlik mərkəzi | Zərgərlik dərsi |
[redaktə] Dünya konsert salonu
Xəzər Universitəsində 285 nəfərlik tutuma malik "Dünya konsert-konfrans salonu" fəaliyyət göstərir. Burada müxtəlif tədbirlər həyata keçirilir, o cümlədən:
- klassiklərin və müasir elm-sənət adamlarının həyat və yaradıcılıqlarına həsr olunmuş toplantılar;
- elmi konfranslar;
- görkəmli elm, ədəbiyyat və incəsənət xadimlərinin iştirakı ilə keçirilən görüşlər;
- teatr tamaşaları;
- milli rəqslər və dünya xalqlarının rəqsləri;
- tələbə və məktəblilərin tamaşa və konsert proqramları;
- görkəmli xanəndə və müğənnilərin iştirakı ilə keçirilən muğam və klassik musiqi gecələri;
- müxtəlif ölkələrdən qastrola gələn sənət adamlarının konsert və çıxışları.
Müxtəlif beynəlxalq təşkilatlar və səfirliklər də bir sıra tədbirlərini məhz bu salonda keçirməyə üstünlük verirlər.
[redaktə] Nəşriyyat və mətbəə
Xəzər Universiteti Nəşriyyatı (Xəzər Universitəsi Nəşriyyatı) – univesitetin kitab, jurnal və digər çap məhsullarını, eləcə də kənardan müraciətləri dəyərləndirən və nəşrə hazırlayan bir qurumdur (Xəzər Universiteti ilə bağlı adlarda bəzən "universitet" deyil, "universitə" yazılmışdır).
XUN-ın fəaliyyət dairəsinə dərslik, monoqrafiya, konfrans materialları, elmi-tədqiqat jurnalları, tərcümə layihələri (ingilis və başqa dillərdən Azərbaycan dilinə və həmçinin, Azərbaycan dilindən ingilis və başqa dillərə tərcümə olunmuş kitab və məqalələr), eləcə də bədii ədəbiyyat nəşri daxildir.
XUN-nın əməkdaşları bir sıra ölkələrdə sərgi, yarmarka, treyninq və digər program və tədbirlərdə iştirak edirlər.
[redaktə] Periodik elmi və populyar nəşrlər
1995-ci ildə Universitet qəzeti kimi fəaliyyətə başlayan "Xəzər Xəbər" jurnalı ("Khazar View") üç dildə – Azərbaycan, ingilis və rus dilərində nəşr olunur (jurnalın hər sayındakı yazılar azəri, ingilis və ya ruscadır). Dünya, Azərbaycan və universitet həyatı barədə materiallar, müxtəlif məqalələr, elmi xəbərlər, tələbə həyatı, müəllim və tələbələr tərəfindən yazılan şeir, esse və hekayələrin yer aldığı "Xəzər Xəbər" Azərbaycanda ən çox oxunan elmi-kütləvi və bədii jurnallardan biridir. 2010-cu ildən etibarən "Xəzər Xəbər" fəaliyyətini yeni formatda – ayda bir dəfə dərc edilən 80 səhifəli jurnal kimi davam etdirir.
XUN elmi-tədqiqat nəşrlərinə "Azərbaycan Araşdırmaları Jurnalı" ("Journal of Azerbaijani Studies"), "Azərbaycan Arxeologiyası Jurnalı" ("Journal of Azerbaijani Archeology") və "Xəzər Riyaziyyat Jurnalı" ("Khazar Journal of Mathematics") daxildir.
XUN Azərbaycan ISBN agentliyi və Azərbaycan ISMN agentliyi – beynəlxalq kitab və musiqi əsərlərinin standartlaşdırılması Milli Agentliyi kimi də fəaliyyət göstərir.
- Xəzər Xəbər jurnalı (Khazar View) – üç dilli (Azərbaycan, ingilis və rus) ayda bir dəfə nəşr olunan dərgi
- Journal of Azerbaijani Studies[8] – elmi jurnal
- Azərbaycan Arxeologiyası Jurnalı[9] – elmi jurnal
- Khazar Journal of Mathematics – elmi jurnal
[redaktə] Mətbəə
Xəzər Universiteti mətbəəsi birinci növbədə Xəzər Universiteti Nəşriyyatının müntəzəm çap sifarişlərini yerinə yetirir. Mətbəə həmçinin tələbə, müəllim və universitet əməkdaşları üçün ofset çap, surətçıxarma, cildləmə və digər xidmətlər göstərir.
[redaktə] Bütün rektorları
Prof. Hamlet İsaxanlı (1991-2010)
Prof. Con Rayder (Sentyabr, 2010 – hal-hazırda)
[redaktə] Həmçinin bax
[redaktə] Hamlet İsaxanlı ilə Vikipediya haqqında müsahibə
[redaktə] İstinadlar
- ↑ Nazirlər Soveti, 286 saylı sərəncam, 20 dekabr 1990-cı il
- ↑ Nazirlər Kabineti, 41 saylı qərar, 18 mart 1991-ci il
- ↑ Misir Mərdanov. Azərbaycan təhsili yeni inkişaf mərhələsində. Çaşıoğlu, 2009 (səh. 494)
- ↑ Hamlet İsaxanlı. "Xəzər"in sorağında. İn Search of Khazar. В поисках "Хазара". Xəzər Universitəsi Nəşriyyatı, 2006
- ↑ http://www.khazarpcpc.org
- ↑ http://www.khazar.org/dunya
- ↑ International Baccalarate (ing.)
- ↑ Journal of Azerbaijani Studies
- ↑ Azərbaycan Arxeologiyası Jurnalı
[redaktə] Mənbə
- Hamlet Isaxanli. On Education System in Transition Economy. A view from Azerbaijan. Khazar University Press, Baku, 2006, Appendix 1; pp 221-253.
- Hamlet Isaxanli. On Education System in Transition Economy. A view from Azerbaijan. Khazar University Press, Baku, 2006, Appendix 2; pp 255-266.
- Khazar University Catalog 2008-2009, Khazar University Press, Baku, 2008.
- Xəzər universiteti tələbə yaddaş kitabçası.Xəzər Universiteti Nəşriyyatı, Bakı, 2010.
- Xəzər universiteti məlumat kitabçası (işçilər üçün).Xəzər Universiteti Nəşriyyatı, Bakı, 2009.
- Hamlet İsaxanlı. "Xəzər"in Sorağında (Azərbaycan türkcəsi, ingilis və rus dillərində). Xəzər Universiteti Nəşriyyatı, 2005.
[redaktə] Xarici keçidlər
- Xəzər Universitetinə xoş gəlmisiniz
- Hamlet İsaxanlının şəxsi saytı
- KhazarPCPC.Org
- RadioKhazar.Org
- Khazar-view.com
- Journal of Azerbaijani Studies
- Azərbaycan Arxeologiyası Jurnalı
 |
Xəzər Universiteti portalı |
|
Universitetlər portalı |
