Xəzər Universiteti İqtisadiyyat və Menecment fakültəsi

Vikipediya, açıq ensiklopediya
Keçid et: naviqasiya, axtar

İqtisadiyyat və Menecment fakültəsi
Xəzər Universiteti

KhazarSEM logo.jpg
Yaranma tarixi 1991
Dekan prof. İnqilab Əhmədov
Şəhər Bakı
Ölkə Flag of Azerbaijan.svg Azərbaycan
Ünvan B. Səfəroğlu küç. 122, AZ1022
Vebsayt www.khazar.org

Yaranma tarixi[redaktə]

Əsası 1991-ci ildə qoyulmuş Xəzər Universitəsinin aparıcı fakültəsi olan İqtisadiyyat və menecment fakültəsi Azərbaycanda ilk dəfə olaraq, 1991-ci ildə regional tələblərə uyğunlaşdırılmış Qərb təhsil sistemini tətbiq etmişdir.

Akademik potensial[redaktə]

1997-ci ildən fakültəyə idarəetmə (menecment) üzrə mütəxəssis, texniki elmlər doktoru, professor Məhəmməd Nuriyev rəhbərlik etmişdir. 2010-cu ildən etibarən isə fakültəyə rəhbərlik iqisad elmləri doktoru, professor İnqilab Əhmədov tərəfindən həyata keçirilir. Fakültədə 50-dən çox yerli və xarici professor-müəllim heyəti fəaliyyət göstərir.

Fakültədə bakalavr və magistr (MBA) proqramları üzrə yerli və xarici tələbələr təhsil alırlar. Fakültənin MBA proqramı təcrübəli biznes mütəxəssislərinin, eləcə də biznes fəaliyyətinə yeni başlayanların tələblərini ödəyir, eyni zamanda uyğun sahələr üzrə kifayət qədər dərin biliklər verir. Fakültədə bir sıra ixtisaslar üzrə Ph.D proqramları da yerinə yetirilir.

2009-cu ildən fakültə İPAG (İnstitut de Preparation a l’Administration et a la Gestion, France) ilə birgə Enerji menecmenti ixtisası üzrə ikili proqramda (dual proqram) iştirak edir.

Fakültədə tədris ingilis dilində aparılır.

İxtisaslar[redaktə]

Fakültədə aşağıdakı ixtisaslar üzrə kadrlar hazırlanır:

Elektron təhsil[redaktə]

2009-cu ildən fakültədə bəzi fənlərin tədrisində və treninqlərdə elektron təhsil sistemindən istifadə olunur.

Fakültənin kitabxanası[redaktə]

Xəzər Universitetinin zəngin mərkəzi kitabxanası ilə yanaşı fakültədə bu kitabxananın ayrıca filialı yerləşir. Biznes və iqtisadiyyat üzrə ingilis dilində minlərlə dərslik fondu və elektron məlumat bazaları (EBSCO, JSTOR və s.) olan, OPAC və İnternetlə təchiz olunmuş oxu zalları tələbələrə və əməkdaşlara xidmət edir.

Təhsilin keyfiyyəti[redaktə]

Fakültə ali təhsil və biznes məkanında yüksək nüfuza malikdir. Fakültənin əməkdaşları daima proqramların təkmilləşdirilməsi, tədrisin və elmi araşdırmaların keyfiyyətinin artırılması istiqamətində fəaliyyət göstərirlər.

Tədrisin yüksək keyfiyyətini nəzərə alaraq, beynəlxalq EDUNİVERSAL təşkilatı fakültəni 2008-2009-cu illərdə dünyanın ən yaxşı biznes universitetləri və fakültələri siyahısına daxil etmiş, onu EDUNİVERSAL Palmes mükafatına layiq görmüşdür.

Beynəlxalq əlaqələr[redaktə]

Fakültənin elmi-tədris əlaqələri Cənubi Koreyadan ABŞ-a, Misirdən Norveçə qədər uzanır. Georgia State University (Atlanta, ABŞ), South Connecticut State University (ABŞ), University of California at Los Angeles (UCLA, ABŞ), The Nottingham Trent University (İngiltərə), İnstitute Superieur de Commerce İnternational de Dunkerque (İSCİD, Fransa), İnstitut de Preparation a l’Administration et a la Gestion (İPAG, Fransa), Bİ Norwegian School of Management (Norveç), Stockholm School of Economics in Riga (Latviya), Korean Development Institute (Seoul), Malaysian İnstitute of Economic Research (Malayziya), Caucasus Business School (Tbilisi, Gürcüstan) kimi bir sira aparıcı beynəlxalq ali təhsil müəssisələri ilə fakültənin müəllim və tələbə mübadiləsinin aparılmasına, qarşılıqlı olaraq kadrların hazırlanmasına böyük önəm verilir. Hazırda fakültədə ABŞ-dan, Böyük Britaniyadan, Fransadan, Çindən, Əlcəzairdən, Misirdən, Nigeriyadan, Hindistandan, Rusiyadan, Qazaxıstandan, Gürcüstandan, İrandan xeyli tələbə təhsil alır.

Məzunlar[redaktə]

Fakültənin məzunları dünyanın bir çox ölkələrində, o cümlədən ABŞ-da, İngiltərədə, İtaliyada, Almaniyada, Yeni Zelandiyada, Türkiyədə, Rusiyada, Qazaxıstanda, İranda işləyirlər. Məzunların əsas hissəsi Azərbaycanda fəaliyyət göstərən BP, Halliburton, Baker Hughes, Baker Tilly, Ernst and Young, Pricewaterhouse Coopers, Deloitte, World Bank, Intertek kimi beynəlxalq kompaniyalarda, həmçinin Unibank, Azərbaycan Mərkəzi Bankı, Beynəlxalq Bank və digər yerli şirkətlərdə işləyirlər.

Layihələr[redaktə]

Fakültə çoxsaylı elmi-tədqiqat və treyninq layihələri ilə seçilir. Aşağıda, misal olaraq, bir neçə layihə haqqında qısa məlumat verilir.

Xəzər Universitəsində MBA proqramının yaradılması və müəllim-professor heyətinin ixtisasının artırılması (1996-2001, Corciya Dövlət Universitetinin Robinson Biznes Kolleci ilə birgə). Bu layihə çərçivəsində Azərbaycanda ilk dəfə olaraq, MBA proqramı yaradılmış, fakültənin müəllimləri və rəhbər işçiləri ABŞ-da ixtisaslarını artırmış, tələbə-müəllim mübadiləsi aparılmışdır.

Yeni iqtisadiyyatın dəstəklənməsi: Azərbaycanda biznes ixtisasları üzrə bakalavr təhsilinin təkmilləşdirilməsi (2002-2005, Cənubi Konnektikut Dövlət Universitetinin Biznes fakültəsi ilə birgə). Layihənin dəstəyi ilə fakültənin bütün biznes ixtisasları üzrə bakalavr proqramları yenidən işlənilmiş, müəllimlərin ixtisasları artırılmış və müəllim mübadiləsi həyata keçirilmişdir.

Azərbaycanda korporativ idarəetmə (2002-2005, Sasakava Sülh Fondunun dəstəyi ilə Malayziyanın İqtisadi Araşdırmalar İnstitutu ilə birgə yerinə yetirilən tədqiqat layihəsi). Layihənin mahiyyətinə uyğun olaraq, Azərbaycanda korporativ idarəetmənin problemləri ətraflı araşdırılmış, korporativ idarəetmənin təkmilləşdirilməsinə dair bir sıra təkliflər dövlət qurumlarına və korporasiyalara təqdim edilmişdir.

Azərbaycanda makroiqtisadi proqnozlaşdırma potensialının artırılması (2005-2008, Sasakava Sülh Fondunun dəstəyi ilə Malayziyanın İqtisadi Araşdırmalar İnstitutu və Koreyanın İnkişaf İnstitutu ilə birgə həyata keçirilən tədqiqat layihəsi). Tədqiqatlara əsaslanaraq, orta- müddətli makroiqtisadi proqnozlaşdırma modelləri və proqnozlar işlənilmiş, istehsal və istehlakçıların davranışları sorğular əsasında araşdırılmışdır.

1999-cu ildən başlayaraq, dövlət və biznes qurumları üçün iqtisadiyyatın və biznesin müxtəlif sahələrini əhatə edən treninqlər mütəmadi olaraq həyata keçirilir.

Həmçinin bax[redaktə]

Mənbə[redaktə]

  • Khazar University Catalog 2008-2009, Khazar University Press.