Xalidə Hasilova
| Xalidə Hasilova | |
|---|---|
| Xalidə Məmməd qızı Hasilova | |
| Doğum tarixi | 19 aprel 1920 |
| Doğum yeri | |
| Vəfat tarixi | 5 dekabr 1996 (76 yaşında) |
| Vəfat yeri | |
| Təhsili | |
| Fəaliyyəti | şairə |
| Mükafatları |
  |
Xalidə Məmməd qızı Hasilova (19 aprel 1920, Zaqatala – 5 dekabr 1996, Bakı) — Azərbaycanın yazıçısı, Azərbaycan Əməkdar Mədəniyyət İşçisi.
Həyatı[redaktə | mənbəni redaktə et]
Xalidə Hasilova 1920-ci ildə Zaqatalada anadan olmuşdur. Orta məktəbi bitirdikdən sonra Leninqrad Universitetinin filologiya fakültəsinə daxil olmuşdur. Müxtəlif illərdə "Azərbaycan qadını" jurnalında ədəbi işçi (1952-1953), "Göyərçin" jurnalının baş redaktoru (1966-1972), uzun illər isə "Azərbaycan qadını" jurnalının baş redaktoru[1] kimi çalışmışdır.
Mükafatları[redaktə | mənbəni redaktə et]
- Azərbaycan SSR Ali Sovetinin Fəxri fərmanı — 18.05.1972[1]
- Azərbaycan SSR Ali Sovetinin Fəxri fərmanı — 24.02.1979[2]
- Qırmızı Əmək Bayrağı ordeni — 18.04.1980[3]
Yaradıcılığı[redaktə | mənbəni redaktə et]
Azərbaycan qadınlarının həyatından bəhs edən "Hamı doğmadır mənə", "İnsan ömrü bir nəğmədir" pyeslərini yazmışdır. Maraqlı nəsr əsərlərinin müəllifi kimi tanınan yazıçının "İlk məktub" (1951), "Lalənin kitabı" (1955), "İki yoldaş" (1956), "Onun taleyi" (1969), "Nəğməli könül" (1976), "Məhəbbət olmayanda" (1983), "Çətin yollar boyunca" (1986), "Xoruzlu dəsmal" (1994) və s. kitabları çap olunmuşdur. Uzun illər "Göyərçin" və "Azərbaycan qadını" jurnallarının redaktoru olmuş X.Hasilova "Kiçik hekayələr" (1950), "Lalənin kitabı" (1955), "Ulduzlu papaq" (1960), "Atlas yarpaqlar" (1965) və s. uşaq kitablarının müəllifidir. Eyni zamanda, o, kiçik yaşlı uşaqlar üçün tərcümələri ilə də ədəbiyyatımızı zənginləşdirmişdir. N.Nosovanın "Şən ailə" (1951), N.Tixonovun "İgid partizan" (1955), İlda Pereranın "Zənci balası Atolo" (1965), Ə.Nesinin "İndiki uşaqlar möcüzədir" (1972), Melih Bayramın "Günəş gözlü Mustafa Kamal" (1992) və b. kitabları bu qəbildəndir. Xalidə Hasilova bir sıra nəzəri məqalələrin də müəllifidir ki, onların əksəriyyəti uşaq ədəbiyyatı problemlərilə əlaqədardır. Bunlardan "Uşaq ədəbiyyatında ədəbi tənqid haqqında" "Gözəl duyğular", "Uşaqlara yüksək keyfiyyətli əsərlər verək", "Ədəbiyyat və tərbiyə" və s. göstərmək olar.
İstinadlar[redaktə | mənbəni redaktə et]
- ↑ 1 2 Respublikanın xalq maarifi və mədəniyyət işçilərinin Azərbaycan SSR Ali Sovetinin Fəxri Fərmanı ilə tətif edilməsi haqqında Azərbaycan SSR Ali Soveti Rəyasət Heyətinin 18 may 1972-ci il tarixli Fərmanı Arxivləşdirilib 16 yanvar 2020 at the Wayback Machine — anl.az saytı
- ↑ Respublika ədəbiyyat və incəsənət xadimlərinin Azərbaycan SSR Ali Soveti Rəyasət Heyətinin Fəxri Fərmanı ilə təltif edilməsi haqqında Azərbaycan SSR Ali Soveti Rəyasət Heyətinin 24 fevral 1979-cu il tarixli Fərmanı Arxivləşdirilib 2020-01-16 at the Wayback Machine — anl.az saytı
- ↑ Azərbaycan yazıçısı, «Azərbaycan qadını» jurnalının baş redaktoru X.M.Hasilova yoldaşın Qırmızı Əmək Bayrağı ordeni ilə təltif edilməsi haqqında SSRİ Ali Soveti Rəyasət Heyətinin 18 aprel 1980-ci il tarixli Fərmanı Arxivləşdirilib 2020-01-16 at the Wayback Machine — anl.az saytı
Xarici keçidlər[redaktə | mənbəni redaktə et]
- translit.az Arxivləşdirilib 2016-03-04 at the Wayback Machine
- mct.gov.az
- 19 apreldə doğulanlar
- 1920-ci ildə doğulanlar
- Zaqatalada doğulanlar
- 5 dekabrda vəfat edənlər
- 1996-cı ildə vəfat edənlər
- 76 yaşında vəfat edənlər
- Bakıda vəfat edənlər
- Sankt-Peterburq Dövlət Universitetinin məzunları
- SSRİ-nin "Qırmızı əmək bayrağı" ordeni ilə təltif edilənlər
- Azərbaycan SSR əməkdar mədəniyyət işçiləri
- Əlifba sırasına görə yazıçı və şairlər
- Qəbulzadələr
- Azərbaycan şairləri
- Azərbaycanlı şairlər
- Azərbaycan SSR Ali Soveti Rəyasət Heyətinin fəxri fərmanı ilə təltif edilənlər