Xudu Məmmədov

XUDU MƏMMƏDOV
Xudu Surxay oğlu Məmmədov
Doğum tarixi:	14 dekabr 1927-ci il(1927-12-14)
Doğum yeri:	Mərzili, Azərbaycan SSR
Vəfatı:	15 oktyabr 1988-ci il (60 yaşında)
Vəfat yeri:	Bakı, Azərbaycan SSR

Xudu Məmmədov - Ssenari müəllifi. Arxiv kadrlar.

Həyatı

Xudu Surxay oğlu Məmmədov 1927-ci il dekabrın 14-də Ağdam rayonunun (Azərbaycan) Mərzili kəndində anadan olmuşdur. Azərbaycanlı kristalloqraf-alim 1970-ci ildə geologiya-mineralogiya elmləri doktoru, 1973-cü ildə professor elmi adlarına layiq görülmüşdür. Xudu Məmmədov 1976-cı ildən Azərbaycan Elmlər Akademiyasının müxbir üzvüdür.

1957-ci ildən Azərbaycan Elmlər Akademiyası Qeyri-üzvi və Fiziki Kimya İnstitutunun struktur kimya laboratoriyasının müdiri vəzifəsində çalışmışdır. Əsas elmi işləri kristallokimya sahəsindədir.

Silikat birləşmələrindən bir çoxunun quruluşunu müəyyənləşdirmiş, həmin birləşmələr sinfi ilə boratlar, karbonatlar, yarımkeçiricilər və s. arasında kristallokimyəvi qohumluq olmasını aşkara çıxarmış, 50-dən çox üzvi liqandlı kompleks birləşmənin molekul və kristall quruluşunu öyrənmiş, tədqiqatlarında elektronoqrafiya, rentgen-spektral analiz və hidrotermal sintez üsullarından geniş istifadə etmişdir.

Yüksəkixtisaslı elmi kadrlar hazırlanmasında müstəsna xidmətləri var. "Şərəf nişanı" ordeni və medallarla təltif edilmişdir.

Xudu Məmmədov 15 oktyabr 1988-ci ildə Bakıda vəfat etmişdir.

Bayatıları

Elmi fəaliyyəti ilə yanaşı bayatıları ilə də tanınır.

Çiy yumyrta soyulmaz,

Göydə ulduz sayılmaz,

Bütün xalqlar oyandı,

Mənim xalqım ayılmaz.

Elm köməyim olsun,

Əlim köməyim olsun,

Kimsəyə yük olarsam,

Ölüm köməyim olsun.

Filmoqrafiya

1. Naxışların yaddaşı (film, 1973)
2. Zəlimxan dastanı (film, 2007)

İstinadlar

	Azərbaycan kino sənəti portalı

Xarici keçidlər

• http://www.facebook.com/Xudu.Memmedov