YPG

Vikipediya, açıq ensiklopediya
Keçid et: naviqasiya, axtar
Xalq Qoruma Birlikləri
Yekîneyên Parastina Gel
YPG
People's Protection Units Flag.svg
Növü Hərbi birləşmə
Yaranma tarixi 2011-ci il
Rəsmi dili kürd dili
Mərkəzi Qamışlı, Suriya
Sədri Sipan Hemo
Üzvləri Nujin Dirik (Hələb komandiri)
Giwan Ibrahim (Qamışlı komandiri)
Cemşîd Osman (Ras əl-Ayn komandiri)
Roshna Akeed (Ras əl-Ayn komandiri)
Xalq Qoruma Birlikləri
People's Protection Units Flag.svg
İdeologiyası Kürdçülük
Liderlər Sipan Hemo
Mərkəzləri Qamışlı
Əməliyyat
sahəsi
Flag of Syria.svg Suriya
Sayı 45,000-50,000
Rəqiblər Flag of Islamic State of Iraq.svg İŞİD
Flag of the Al-Nusra Front.svg Əl-Nusra Cəbhəsi
Müharibələr(i) Suriya vətəndaş müharibəsi

Xalq Qoruma Birlikləri (qısaca: YPG) (kürd. Yekîneyên Parastina Gel; ərəbcə: وحدات حماية الشعب Wihdat Himayah ash-Sha'ab) — "Kürd Ali Komitəsi"nin rəsmi silahlı birləşməsi. Rəsmi olaraq heç bir siyasi partiyayla əlaqəsi olmasa da, de-fakto Demokratik Birlik Partiyasının (PYD) silahlı qanadıdır.

Tarixi[redaktə]

2004-cü ildə Qamışlı hadisələrindən sonra PYD və "Kürd Ali Komitəsi" tərəfindən yaradılan silahlı birləşmə ilk aktiv fəaliyyətinə 2011-ci ildə Suriya vətəndaş müharibəsi zamanı başlayıb.

2012-ci ilin dekabr ayının xəbərlərinə görə YPG 8 briqada və 10 min döyüşçüdən ibarətdir.[1] 2013-cü ilin yaz aylarının sonlarına yaxın isə bu rəqəmin 15 minə çatdığı bildirilir.

YPG-də kişilərlə yanaşı qadınlar da vuruşur; 2013-cü ilin fevral ayında Afrin şəhərində 150 nəfərdən ibarət ilk qadın batalyonu yaradılıb.[2]

PYD-YPG tərəfdarları Afrin şəhərində, 2012-ci il

Suriya vətəndaş müharibəsindəki yeri[redaktə]

2003-cü ildə kürd muxtariyyəti tələbi ilə qurulan Demokratik Birlik Partiyasının (PYD) de-fakto silahlı qanadı sayılan YPG hal-hazırda Suriyanın Hələb mühafazasının Afrin, Kobani, Cinderis şəhərlərini, Haseke mühafazasının Amude, Derik, Efrin bölgələrini, Əl Dərbasiyə, Ras əl-Ayn şəhərləri ilə Tirbesipiye qəsəbəsini öz nəzarəti altında saxlayır.

23 may 2013-cü il tarixində Demokratik Birlik Partiyasının (PYD) sədri Salih Müslim Suriya neftinin 60%-nin kürdlərin yaşadığı ərazidə yerləşdiyini və kürd nəzarətində olduğunu bildirdi.[3]

6 iyun 2013-cü il tarixində isə Demokratik Birlik Partiyası rəsmi nümayəndə heyəti və o cümlədən YPG sədri ilə Rusiya Xarici İşlər Nazirliyinin nümayəndələri arasında görüş baş tutdu və görüşdən sonra PYD sədri Salih Müslim görüşün uğurlu keçdiyini bildirdi.[4]

İstinadlar[redaktə]

  1. «Interview Salih Muslim: Es gab keinen Kurden-Deal mit dem Regime». Frankfurter Rundschau, 1 dekabr 2012-cü il. (alm.)
  2. Kurdish women in Syria create first female battalion. Russia Today, 23 fevral 2013-cü il. (ing.)
  3. Salih Müslim: About 60% of Syrias oil is located in Kurdish areas and are currently under Kurdish control. PYD rəsmi saytı (ing.)
  4. [1] PYD rəsmi saytı (ing.)

Xarici keçidlər[redaktə]