Yasin Xəlil
| Yasin Xəlil | |
 |
|
| Doğum tarixi: | 4 aprel 1964-cü il |
|---|---|
| Doğum yeri: | Şamaxı,  Azərbaycan SSR |
Yasin Xəlil — texniki elmlər namizədi
1964-cü il aprel ayının 4-də Şamaxı rayonunun Ovculu kəndində anadan olmuşdur.
Novoçerkassk Texniki Universitetini (RF, Rostov vilayəti) əla qiymətlərlə bitirib təhsilimi aspiranturada davam etdirmək üçün həmin Universitetdə saxlanılmışdır. İxtisasca kimyaçı–texnoloqdur. Leninqrad Texnologiya İnstitutunda namizədlik dissertasiyasını müvəffəqiyyətlə müdafiə edərək texniki elmlər namizədi alimlik dərəcəsini almışdır. Hazırda Azərbaycan Memarlıq və İnşaat Universitetinin dossenti, eyni zamanda Azbentonit MMC-nin direktoru vəzifəsində çalışır.
60-dan çox elmi məqalənin, 7 ixtiraya patentin, ali məktəblər üçün 3 dərsliyin müəllifidir. Texnologiya sahəsində 3 Beynəlxalq Elmi Konfransın iştirakçısıdır. Azərbaycan Yazıçılar İttifaqının, “Vahid”, “Məcməüş – Şüara”, “Araz”, “Aşıq Dirili Qurbani” ədəbi məclislərinin üzvüdür. 2008 və 2010-cu illərdə çap olunmuş 2 “Qəzəllər” kitabının müəllifidir, dövri mətbuatda mütəmadi çap olunur.
Qəzəl yazmağa 2007-ci ilin əvvələrindən başlamışdır. Görkəmli qəzəlxanlar Həkim Qəninin rəhbərlik etdiyi “Vahid” və Şahin Fazilin rəhbərlik etdiyi “Məcməüş – Şüara” ədəbi məclislərində dinlədiyi söhbətlər və eşitdiyi qəzəllər onu əruz vəznində əsərlər yazmağa sövq etmişdir.
