Yavər Kələntərli

Yavər Kələntərli
Ümumi məlumatlar
Doğum tarixi	26 mart 1902(1902-03-26)
Doğum yeri	Şamaxı, Şamaxı qəzası, Bakı quberniyası, Rusiya imperiyası
Vəfat tarixi	5 fevral 1979(1979-02-05) (76 yaşında)
Vəfat yeri	Bakı, Azərbaycan SSR, SSRİ
Dəfn yeri	Bakı
Musiqiçi məlumatları
Fəaliyyəti	xanəndə
Əlaqələri	Bəhram Mansurov, Tələt Bakıxanov
Mükafatları
Vikianbarda əlaqəli mediafayllar

Yavər Abbas qızı Kələntərli (26 mart 1902, Şamaxı – 5 fevral 1979, Bakı) — Azərbaycan xanəndəsi, Azərbaycan SSR əməkdar artisti (1940).

Həyatı

1971-ci ildə Yavər Kələntərli

Yavər Kələntərli 26 mart 1902-ci ildə Şamaxıda anadan olmuşdur. O, muğam, təsnif və Azərbaycan xalq mahnılarının mahir ifaçısıdır. 1932–1937-ci illərdə Azərbaycan radiosununun və 1937–1941, 1945–1951-ci illərdə Azərbaycan Dövlət Opera və Balet Teatrının solisti olmuşdur.

Leyli, Leylinin anası ("Leyli və Məcnun", Üzeyir Hacıbəyov), Əsli ("Əsli və Kərəm", Üzeyir Hacıbəyov), Ərəbzəngi ("Şah İsmayıl", Müslüm Maqomayev) və digər partiyaları ifa etmişdir.

Ailəsi

Yavər Kələntərlinin qızlıq soyadı Zamanova olmuşdur. Xudaverdi Kələntərli ilə evlənmişdir. Şair Abbas Səhhət Yavərin doğma bibisi oğlu idi.

Mükafatları

• "Azərbaycan SSR əməkdar artisti" fəxri adı — 27 aprel 1940

Mənbə

• Yavər Kələntərli
• Yavər Kələntərli

Xarici keçidlər

• Yaver Kalantarli — 70 (1972)
• Yaver Kalantarli — "Shur"
• Mircəfər Bağırovun bayquş adlandırdığı məşhur xanəndə. kulis.az, 23.04.2014  (az.)