Yusif Seyidov

Vikipediya, açıq ensiklopediya
Keçid et: naviqasiya, axtar
YUSİF SEYİDOV
Yusif Seyidov.jpg
Doğum tarixi: 2 may 1929 (1929-05-02) (84 yaş)
Doğum yeri: Yengicə, Şərur, Naxçıvan MR
Vəfatı: 18 noyabr 2013(2013-11-18)
Vəfat yeri: Bakı

Seyidov Yusif Mirəhməd oğlu - tənqidçi, ədəbiyyatşünas, 1965-ci ildən Azərbaycan Yazıçılar Birliyinin üzvü, filologiya elmləri doktoru (1965), professor (1967), Azərbaycan Dövlət Mükafatı laureatı (1974).

Həyatı[redaktə]

Yusif Seyidov 1929-cu il mayın 2-də Naxçıvan MR Şərur rayonunun Yengicə kəndində anadan olmuşdur. Burada orta məktəbi bitirmişdir (1944). İki-illik Naxçıvan müəllimlər institutunda təhsilini davam etdirmişdir (1944-1946). Sonra Azərbaycan Dövlət Universitetinin fılologiya fakültəsində təhsil almışdır (1947-1952). Dilçilik ixtisası üzrə aspiranturada saxlanmışdır (1952-1955). "Müasir Azərbaycan dilində feli bağlama tərkibləri" mövzusunda namizədlik dissertasiyası müdafiə etmişdir (1955). Universitetdə Ümumi dilçilik kafedrasında müəllim, baş müəllim, dosent (1955-1967), professor (1967-ci ildən) işləmişdir. "Müasir Azərbaycan dilində söz birləşmələri" mövzusunda doktorluq dissertasiyası müdafıə etmişdir (1965). Hazırda universitetdə Azərbaycan dili və onun tədrisi metodikası kafedrasına əsası qoyulduğu ilk gündən rəhbərlik edir (1965-ci ildən). Elmi-pedaqoji fəaliyyəti ilə yanaşı, tənqidçi və ədəbiyyatşünas kimi də çalışmış, dövri mətbuatda müntəzəm çıxış etmişdir. İlk məqaləsi 1952-ci ildə "Azərbaycan müəllimi" qəzetində dərc olunmuşdur. Rus dilli məktəblər üçün "Azərbaycan dili" dərsliyinin müəllifıdir.

18 noyabr 2013-cü ildə vəfat edib[1].

Əsərləri[redaktə]

  1. Azərbaycan ədəbi dilində söz birləşmələri. Bakı: Maarif, 1966, 340 səh.
  2. Müasir Azərbaycan dili. Sintaksis. Bakı: Maarif, 1972, 476 səh. (şərikli).
  3. Klassik Azərbaycan şairləri söz haqqında (XI-XVIII əsrlər). Bakı: Gənclik, 1977, 112 səh. (şərikli).
  4. Azərbaycan dili. Bakı: Maarif, 1978, 288 səh.
  5. Yazıçı və dil (XIX-XX əsrlər). Bakı: Yazıçı, 1979, 288 səh.
  6. Sözün şöhrəti. Bakı: Yazıçı, 1983, 282 səh.
  7. Şairin fikir dünyası. Bakı: Bilik, 1985, 467 səh.
  8. Müasir Azərbaycan dili. Sintaksis. Bakı: Maarif, 1985, 467 səh.
  9. Ədəbi tənqid və bədii dil. Bakı: Yazıçı, 1986, 239 səh.
  10. Azərbaycan dili. Bakı: Maarif, 1987, 288 səh.
  11. Sözün hikməti. Bakı: Yazıçı, 1989, 485 səh.
  12. Azərbaycan dilinin qrammatikası, Morfologiya, Bakı Universiteti nəşriyyatı, 2002, 370 səh.

İstinadlar[redaktə]

  1. Azərbaycanın tanınmış alimi vəfat edib