Yuxu (qrup)

"YUXU"

Yuxu — Azərbaycanda ilk rok qruplardan biri, 1987-2001-ci illərdə Azərbaycanda və Türkiyədə fəaliyyət göstərmişlər.

Qrupun tarixi

”Yuxu qrupu” 1987-ci ildə Sumqayıt şəhərində yaranmışdır.Qrupun əsası basist İbrahim Eminov tərəfindən qoyulub. Sonra gitarist Namiq Nağdəliyev qrupa daxil oldu. O tezliklə qrupun dirəyinə, ona can verən bir şəxsə çevrildi. Qrupu yaratmaqda məqsəd o idi ki dünyaya açılmaq və Azərbaycan rokunu dünyaya tanıtdırmaq idi. Şükürlər olsun ki, onlar bir az da olsa, buna nail ola bildilər. Mahnıların çoxunun bəstəsi Namiq Nağdəliyev və İbrahim Eminovundur. İlk çıxışıları 1987-ci ildə Sumqayıt şəhərinin “Kimyaçılar” sarayında baş tutdu. Yuxu qrupu 1989-cu ildə ”Qızıl payız” festivalında qalib oldular və dinləyənlər arasında Fransadan gəlmiş bir xanım menecer də vardı. O qrupa Fransada həm albom buraxmağı, həm də konsertlər verməyi təklif etdi və kömək edəcəyini vəd etdi.Qrup albom buraxmaq üçün öncə Türkiyəyə getdi və musiqi firmalarının birində ilk albomlarını buraxdı.Sonra həmin menecer xanım qrupu aparmaq üçün Fransadan Türkiyəyə gəldi.Albomu buraxan firma ilə də razılıq əldə etdi. Daha sonra sənədləri toplayıb Fransaya getdi.Qrupun Fransada konsertlər verməsi üçün,orada qala bilməsi üçün əlindən gələni etdi. Amma getmələri heç cür mümkün olmadı.Azərbaycandan qrupa Fransada müvəqqəti yaşamaq üçün lazım olan icazə sənədlərini vermədilər.Ona görə də elə Türkiyədə qalıb çalışmaq qərarına gəldilər.Amma qrupun hava limanında pullarının,biletlərinin oğurlanması barədə əhvalatlar uydurmadır."Yoxdur elə bir şey".

Fəaliyyətləri

Daim əziyyətlə albom buraxan qrupun bu illər ərzində üç albomu işıq üzü görüb. Türkiyə və digər başqa ölkələrin dilində "Yuhu" və ya "Yukhu" kimi tanınan qrup artıq bu gün əfsanəyə çevrilmişdir.

Qrup 10 ildir ki dağılıb.Dağıldıqdan sonra Çingiz Eyvazov və Namiq Nağdəliyev Türkiyədə qaldı.Namiq Nağdəliyev bu gün Türkiyədə ad-san qazanıb.0,Kıraç, Funda Arar, Haluk Levent Barış Akarsu və başqa rokerlərlə işləmiş, onların musiqilərini bəstələyib ifa etmişdir. Kıraçın "Türk dizisi" adlanan seriallarında oxuduğu musiqilərin çoxsunun bəstəkarı və gitaraçısıdır. "Bir İstanbul masalı" kino serialının beş mahnısı Namiqə aiddir. Bunlardan ən uğurlusu: "Pırıltı", "Göz yaşı", "Cığlık" və s. belə bəstələrdir.Azərbaycan musiqiçilərindən yalnız Zülfiyyə Xanbabayevanın "Məni daha gözləmə" adlı parçasının gitara hissəsini ifa edib.Basist İbrahim Eminov indi Sumqayıtda yaşayır. Cəsur isə Moskvadadır.

Albomları

• "Xəzərin sahilində" (1988)
• "Sumqayıt" (1994)
• "Ölümə çarə yox" (1998)

Xarici keçidlər

• Yuxu (Yuhu) Qrupundan Mp3lər
• Yuxu (Yuhu) Qrupundan Mp3lər,Videolar+Haqqında
• Albomlarını köçür (.MP3/.RAR)

Həmçinin bax

Sirr (musiqi qrupu)