Zərifə Əliyeva
| ZƏRİFƏ ƏLİYEVA | |
| Zərifə Əziz qızı Əliyeva | |
 Zərifə xanım Əliyeva həyat yoldaşı Heydər Əliyevlə |
|
| Doğum tarixi: | 28 aprel 1923-cü il |
|---|---|
| Doğum yeri: | Şahtaxtı kəndi,Şərur,Naxçıvan MSSR,  Azərbaycan |
| Vəfatı: | 15 aprel 1985-ci il (61 yaşında) |
| Vəfat yeri: |  SSRİ,  Rusiya SFSR, Moskva |
| Atası: | Əziz Əliyev |
| Anası: | Leyla Əliyeva |
| Uşağı: | Sevil Əliyeva İlham Əliyev |
| http://www.zarifa-aliyeva.az/ | |
Zərifə Əziz qızı Əliyeva ( 28 aprel 1923, Şərur r.Şahtaxtı k.- 15 aprel,1985, Moskva ) - Azərbaycan Respublikasının əməkdar elm xadimi, tibb elmləri doktoru, Azərbaycan Milli Elmlər Akademiyasının akademiki.
Mündəricat |
[redaktə] Həyatı
1947-ci ildə N.Nərimanov adına Azərbaycan Dövlət Tibb İnstitutunu bitirmişdir. Azərbaycan Elmi-Tədqiqat Oftalmologiya İnstitutunda elmi işçi, 1969-cu ildən isə Ə.Əliyev adına Azərbaycan Həkimləri Təkmilləşdirmə İnstitutunda göz xəstəlikləri kafedrasının dosenti, professor, görmə orqanlarının peşə patologiyası laboratoriyasının müdiri, oftalmologiya kafedrasının müdiri (1982-1985) vəzifələrində çalışmışdır.
[redaktə] Tibbi fəaliyyəti
Z.Əliyevanın Azərbaycanda oftalmologiya elminin inkişafında müstəsna xidmətləri vardır. O, vaxtilə Azərbaycanda geniş yayılmış traxomanın, dünya təcrübəsində birincilər sırasında peşə, xüsusilə kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsinə, habelə oftalmologiyanın müasir problemlərinə dair bir çox sanballı tədqiqatların, o cümlədən "Terapevtik oftalmologiya", "İridodiaqnostikanın əsasları" kimi nadir elmi əsərlərin müəlliflərindən biri, 12 monoqrafiya, dərslik və dərs vəsaitinin, 150-yə yaxın elmi işin, 1 ixtira və 12 səmərələşdirici təklifin müəllifidir. Z.Əliyeva yüksək ixtisaslı səhiyyə kadrları hazırlanmasına böyük əmək sərf etmişdir.
[redaktə] Fəaliyyətinin qiymətləndirilməsi
Akademik Zərifə Əliyeva Ümumittifaq Oftalmoloqlar Cəmiyyəti Rəyasət Heyətinin, Sovet Sülhü Müdafıə Komitəsinin, Azərbaycan Oftalmologiya Cəmiyyəti İdarə Heyətinin, "Vestnik oftalmoloqu" (Moskva) jurnalı redaksiya heyətinin üzvü idi.
Yüksək elmi nailiyyətlərinə görə SSRİ Tibb Elmlər Akademiyasının M. İ. Averbax adına mükafatına layiq görülmüşdür (1981).
1985-ci il aprel ayının 15-də Moskva şəhərində vəfat edən Zərifə xanım Əliyevanın cənazəsi 1994-cü ildə Moskvanın Novo-Deviçye qəbiristanlığından Bakıya gətirilərək, Fəxri Xiyabanda, atasının qəbri yanında dəfn olunmuşdur.
[redaktə] Xatirəsi
Fəxri xiyabanda məzarı üstündə tuncdan heykəli ucaldılmışdır. Bakıda Göz xəstəlikləri İnstitutu, Naxçıvan şəhər poliklinikası onun adını daşıyır. Bakının Binəqədi rayonu ərazisində adına istirahət parkı salınmışdır. Bakı və Naxçıvanda küçə Zərifə Əliyevanın adını daşıyır.
- Azərbaycanın görkəmli dövlət xadimi Əziz Əliyevin qızıdır.
- Azərbaycan Respublikasının üçüncü Prezidenti Heydər Əliyevin həyat yoldaşıdır.
- Azərbaycan Respublikasının dördüncü Prezidenti İlham Əliyevin anasıdır.
[redaktə] Mənbə
- Akademik Zərifə xanım Əliyeva. Milli oftalmologiyamız və xatirələr.
