Zakir Kərimov

Vikipediya, azad ensiklopediya
Naviqasiyaya keçin Axtarışa keçin
Zakir Kərimov
Zakir Qəzənfər oğlu Kərimov
Doğum tarixi 23 noyabr 1949(1949-11-23) (74 yaş)
Doğum yeri Daşkənd, Basarkeçər rayonu
Ermənistan SSR
Vətəndaşlığı SSRİ SSRİ
Azərbaycan Azərbaycan
Həyat yoldaşı Rəna xanım
Uşaqları Vurğun, Zaur, Ruhiyyə
Atası Qəzənfər Rəsulov
Anası Almaz xanım
Milliyyəti Azərbaycanlı
İxtisası fizika
Təhsili Azərbaycan Dövlət Universiteti
Fəaliyyəti müəllim, polis
Fəaliyyət illəri 1975 – 2013
Vikianbarın loqosu Vikianbarda əlaqəli mediafayllar

Kərimov Zakir Qəzənfər oğlu (23 noyabr 1949) — polis polkovniki, Azərbaycan Respublikası Dövlət Neft Şirkəti "Neft Kəmərləri" idarəsinin yanğından mühafizə, əməyin mühafizəsi və təhlükəsizlik texnikası şöbəsinin rəisi (2003–2013).[1]

Həyatı[redaktə | mənbəni redaktə et]

Zakir Kərimov 23 noyabr 1949-cu ildə Göyçə mahalının Basarkeçər rayonunun, Daşkənd kəndində anadan olmuşdur. 1956–1966-cı illərdə Bərdə rayonunun Yeni Daşkənd kənd orta məktəbində oxumuşdur. 1966-cı ildə Azərbaycan Dövlət Universitetinin fizika fakültəsinə qəbul olmuşdur. Oxuduğu müddətdə fakültənin həmkarlar ittifaqının sədri olmuşdur. 1971-ci ildə universiteti bitirdikdən sonra Azərbaycan Elmlər Akademiyasının Fizika İnstitutunda elmi işçi kimi ilk əmək fəaliyyətinə başlamışdır. Buradan Gürcüstanın Batumi şəhərinə əsgəri xidmətə göndərilən Zakir Kərimov kapitan rütbəsi ilə 1973-cü ildə xidməti başa vurmuşdur. Nümunəvi xidmətlərinə görə əsgərlikdə partiya sıralarına daxil edilmişdir. 1973-cü ildə Bərdə rayonunun Zümürxan kəndində fizika müəllimi işləmiş və 1974-cü ildə ailə həyatı qurmuşdur.[2]

Zakir Kərimov 1975-ci ildə DIN-nin Kəlbəcər rayon milis şöbəsində inspektor kimi işə başlamışdır. 1978-ci ildə SSRI DİN-nin Akademiyasının qiyabi şöbəsinə daxil olmuş elə həmin ildə də Ağdam rayon milis şöbəsinə siyasi məsələlər üzrə rəis müavini təyin olunmuşdur. 1983-cü ildə Moskva şəhərində polkovnik rütbəsi almışdır. 1987-ci ildə Zakir Kərimov Gədəbəy rayon milis şöbəsinin rəisi təyin olunmuş və 1989-cu ilə qədər burada çalışmışdır. Zakir Kərimov Gədəbəydə işlədiyi müddətdə Göyçəlilərin Göyçədən itkisiz köçürülməsində böyük fədakarlıq göstərmişdir. 1989-cu ildə Zakir Kərimov Quba rayonu milis şöbəsinə rəis təyin olunmuşdur. 1992-ci ilə qədər burada çalışdıqdan sonra sərəncama çıxmışdır. 2003-cü ildən 2013-cü ilin yanvar ayına qədər Azərbaycan Respublikası Dövlət Neft Şirkəti "Neft Kəmərləri" idarəsinin yanğından mühafizə, əməyin mühafizəsi və təhlükəsizlik texnikası şöbəsinin rəisi işləmişdir.[3]

2009-cu ildə Zakir Kərimovun 60 illik yubileyi ilə əlaqədar şair-publisist Füzuli Ramazanoğlu "Bu da bir taledir" (392 səh. +32 səh. şəkil.) adlı kitab yazmışdır.[4]

Nəsil şəcərəsi[redaktə | mənbəni redaktə et]

  • Temir
    • Yavıx
      • Rəsul
        • Hacı Kərim
          • Rəsul
            • Hüseyn
              • Qəzənfər
                • Zakir Kərimov

İstinadlar[redaktə | mənbəni redaktə et]

  1. ↑ Eldar Həsənli. "Xeyirxah və işıqlı insan (Zakir Kərimovun portret cizgiləri)" (az.). anl.az. 19 noyabr 2009. 2016-03-05 tarixində arxivləşdirilib. İstifadə tarixi: 2015-02-02 1.
  2. ↑ Araz Yaquboğlu, Tələbə dünyası. Bakı: "Elm və təhsil", 2011.
  3. ↑ Eldar Həsənli, Xeyirxah və işıqlı insan (Zakir Kərimovun portret cizgiləri), 525-ci qəzet. — 2009. — 19 noyabr. — Səh.6.
  4. ↑ Füzuli Ramazanoğlu. "Bu da bir taledir" Bakı, "Nurlan", 2009.
Vikianbarda Zakir Kərimov ilə əlaqəli mediafayllar var.
Mənbə — "https://az.wikipedia.org/w/index.php?title=Zakir_Kərimov&oldid=7591815"