Zaur Tağızadə

Zaur Tağızadə
Şəxsi məlumatlar
Doğum tarixi:	21 fevral 1979-cu il (1979-02-21)
Doğum yeri:	Bakı, Azərbaycan SSR
Boyu:	180 sm
Kütləsi:	77 kq
Ləqəbi:	Qızıl Oğlan
Milli komanda karyerası
İl	Milli komanda	Oyun (qol)
Son yeniləmə:	11 sentyabr 2010

Zaur Tağızadə — Azərbaycan futbolçusu.

Futbol karyerası

Azərbaycan futbolunun "Qızıl oğlan"ı kimi tanınan Zaur Tağızadə karyerasına 1994-1995 mövsümündə "Kür-Nur" (Mingəçevir, 10 oyun, 4 qol) klubunda başlayıb. 1997-ci ildə Estoniyanın "Lelle" klubuna keçən Zaur (6 oyun, 2 qol) 1998-ci ildə İslandiyanın "Akranes" komandasının şərəfini qoruyub (3 oyun, 1 qol). 1998-1999 mövsümündə ölkəyə qayıdan "Neftçi"nin keçmiş kapitanı "Şəfa"nın formasını geyinib (16 oyun, 4 qol). Tağızadə 1999-cu ildə yenidən ölkə xaricinə üz tutub və bu dəfə Estoniyanın "Flora" klubu ilə anlaşıb (9 oyun, 1 qol). Lakin 1999-cu ildə növbəti dəfə Azərbaycana qayıdaraq, bir il MOİK-in formasını geyinib (10 oyun, 2 qol). 2000-2004-cü illərdə "Şəfa"da oynayan (100 oyun, 17 qol) kapitanı 2004-cü ildən "Neftçi"də çıxış edirdi (132 oyun, 31 qol).

2010-cu ildə "Neftçi" futbol klubunun heyətindən kənarlaşdırılan Zaur Tağızadə karyerasını bitirmək qərarına gəlib.

Milli karyera

Zaur 1997-ci ildən milli komandaya dəvət alıb. Yığma formasında 39 dəfə meydana çıxan sağ cinah oyunçusu 6 qola imza atıb.

Hazırki işi

Futbol karyerasını başa catdırdıqdan sonra Zaur Neftçi klubundan məşqçi köməkçisi kimi çalışmaq təklifini aldı. Lakin Zaur bu iş üçün gənc olduğunu lakin bir neçə ildən sonra məşqçi ola biləcəyini deyib.

Uğurları

• Azərbaycanda ilin futbolçusu: (1) - 2001

Mənbə

• Zaur Tağızadə karyerasını bitirdi