Zinədin Zidan

Zinəddin Zidan
Şəxsi məlumatlar
Doğum tarixi:	23 iyun 1972-ci il (1972-06-23)
Doğum yeri:	Marsel, Fransa
Boyu:	185 sm
Ləqəbi:	Zizu
Mövqeyi:	Yarımmüdafiəçi
Nömrəsi:	10
Milli komanda karyerası
İl	Milli komanda	Oyun (qol)
1994-2006	Fransa	108 00(31)
Son yeniləmə:	30 Oktyabr 2012

Zinədin Zidan (fr. Zinédine Zidane, ərəb. زين الدين زيدان‎‎) - təqaüdə çıxmış futbol ulduzu, həm də BMT-nin xoşməramlı səfiridir.

Həyatı

Zinədin Yazid Zidan 23 iyun, 1972-ci ildə Fransanın Marsel şəhərində anadan olub. Əlcəzairin yetirməsi olan və ən çox Zizu təxəllüsü ilə tanınan Zinədin peşəkar fransız futbolçusu olub. O 1991-ci ildən Fransa millisinin üzvü olub və 1998-ci ildə komandasına FİFA dünya kubokunu, 2000-ci ildə isə Avropa kubokunu qazandırıb. 2006-cı ildə qızıl topu qazanan Zinədin, elə həmin ildə dı karyerasını bitirdi. (Materazziyə "kəllə" vurmaqla) Zidan bir çox Avropa klublarında forma geyib. "Yuventus"da oynadığı vaxt bir neçə dəfə Serie A kubokunu, Realda oynadığı vaxt isə La Liga kubokunu, 2002-ci ildə isə UEFA Çempionlar liqası kubokunu qazanıb.Bir neçə dəfə ilin futbolçusu olan, qızıl butsini qazanan Zidan Pelenin tərtib etdiyi "125 canlı əfsanə" futbolçular siyahısına düşüb.

İlkin illəri:Kan və Bordo klublarında çıxışı (1988-1996)

Zidan futbol aləminə 14 yaşında qədəm basdı..Kan futbol klubunda ilk məşqlərini edən Zidanı burada çox bəyəndilər.. Və 3 ildən sonra 17 yaşında yığmada ilk oyununu keçirdi. İlk qolunu 1991-ci ilin 8 fevralda vurdu və hədiyyə kimi Kan fk-nın prezidentindən avtomobil aldı. 1992-ci ildə Bordo futbol klubuna transfer edildi. Klubun uğurları getdikcə artmağa başladı. Belə ki,klub 1995-ci ildə intertoto kubokunu 1995-1996 cı illərdə isə UEFA kubokunu qazandı. O məşhur yarımmüdafiəçilər olan Bixente Lizarazou və Christophe Dugarry ilə bir forma geyib,hansı ki bu vaxt Bordo FK-nın və Fransa millisinin qiymətli futbolçuları idilər.. 1995-ci ildə Blackburn Rovers futbol klubunun məşqçisi Kenni Delgiş Zidan və Dugarry ilə maraqlanmağa başladı.. Köməkçisi Jack Walker-in bir sözü ilə(Bizim Tim Sherwood kimi futbolçumuz ola-ola onlar nəyimizə gərəkdir?)məşqçi fikrindən yayındı...

"Yuventus" futbol klubu (1996-2001)

1996-cı ildə Zinədin elə bu ildə Çempionlar Liqasının kubokuna sahib olan "Yuventus"a 3 milyon avroya transfer edildi. Marçello Lippinin komandasında ən yaxşı oyunçu kimi tanındı və klub 1996-1997 ci ildə Skudettonu, River Plate-i 1-0 hesabı ilə məğlub etməklə internasyonal kuboku qazandı. 1997-ci ildə isə klub ÇL-in finalına vəsiqə qazandı lakin Borussiya Dortmunda 3-1 hesabı ilə məğlub olaraq mübarizəni dayandırdı.

O sonraki mövsümdə "Yuventus"un Skudettonu əlində saxlaması üçün 32 oyunda 7 qola imza atdı. 2000-2001 ci il mövsümündə "Yuventus" üçün uğursuz oldu. Zidanın sayəsində Yuve cəmi 2 xal Roma-dan geri düşdü. Sonralar Zidan 5 mövsüm ərzində 24 qol vurmaqla və gözəl oyunu sayəsində Yuventusa 1999-cu ildə İntertoto kubokunu, 2 skudetti və İnternasyonal kubok qazandırdı.

Real Madrid futbol klubu (2001-2006)

2001-ci ildə Zidan "Yuventus"a 3 milyon avroya transfer edildiyi halda Real Madridə 76 milyon avroya transfer edilərək,yeni rekorda imza atdı.(Ən bahalı futbolçu) Və Real-la 5 illik kontrakt bağladı. O Real Madriddə də azarkeşlərin sevimlisinə çevrildi. Bunun nəticəsi idi ki, R.Madrid 2002-ci ildə Bayer Leverkusen üzərində 2-1 hesablı qələbə qazanaraq, ÇL-in kubokunu başı üzərinə qaldırdı. Sonrakı mövsüm Real avropa super kubokunu, 2003-cü ildə La liga super kubokunu qazandı. Elə bu ildə Zidan üçüncü dəfə Dünyanın ən yaxşı futbolçusu adına layiq görüldü. Bununla O Ronaldonu geridə qoydu.

Zidan bir oyunda ilk het-trikini Sevilya üzərində etdi. Hesab 4-2 oldu.. Lakin bu mövsüm madridlilər üçün uğursuz oldu,12 xal Barselonadan geri olmaqla Çempionatı 2-ci yerdə başa vurdu.

Zinədin Zidan Real madriddə sonuncu oyununu 2006-cı ildə Santyaqo Bernabeu stadionunda keçirdi. Vilyareala qarşı oyunda hesab 3-3 oldu. Və Zidan Realda Kariyerasını başa vurdu.

Dahi futbolçunun Yığmada son oyunu İtaliyaya qarşı oldu. 2006 cı ilin finalı. Öz futbolçu kariyerasını qırmızı vərəqə almaqla sona vurdu.