IP ünvanı

IP-ünvan (aypi-ünvan, ingilis dilindəki Internet Protocol Address sözlərinin qısaltmasıdır) — internet şəbəkəsinə qoşulmuş hər bir kompyuterin rəqəmlərdən ibarət elektron ünvanı. İnternet sistemində kompyuterlər iki variant ünvana malikdirlər: rəqəm IP-ünvanı və simvolik domen ünvanı.

İnternetə qoşulan hər bir kompyuterin öz IP-ünvanı olur. Digər bütün kompüterlər bu IP-ünvanla əlaqə saxlayırlar. İki ayrı kompüter eyni şəbəkədə olmasalar da IP-ünvanları onların bir-biri ilə əlaqə qurmasına imkan verir.

Hal-hazırda ən çox istifadə edilməkdə olan IP version 4 üçün 32 bit həcmində IP-ünvanlar istifadə edilir və nöqtələr ilə ayrılmış 4 ədəd 8 bitlik rəqəmlərlə göstərilir. Məsələn, 212.85.102.14. Belə işarələmə IP-ünvan forması adlanır.

İnternet şəbəkəsinin istifadəçiləri üçün ünvanları bu sistemlə yadda saxlamaq çətin olduğu üçün mütəxəssislər istifadəçilərin ünvanlarının yaradılmasında "domen adları sistemi"ni (DNS) təklif etdilər.

Dinamik və statik IP-ünvanlar

Telefon ilə internetə girən istifadəçilərin IP-ünvanları çox vaxt dinamikdir, yəni servis provayderdə həmin anda boş olan bir IP-ünvanı internetə girən kompyuterə verir. Buna görə də hər internetə girəndə IP-ünvanların bir hissəsi dəyişir.

Statik IP ünvanlarıi olan kompyuterlərin IP-ünvanları dəyişməz. Server olan kompyuterlər üçün statik IP tövsiyə edilir.

Windows 95, 98 və ME-də Start-dakı “Run” sətrinə “winipcfg” yazmaqla, yeni Windows versiyalarında isə cmd və ardınca ipconfig yazaraq kompüterin IP-ünvanını öyrənmək mümkündür.

IP-ünvan dərəcələri

IP-ünvanlar istifadə edildikləri sahələrə görə dərəcələndirilir:

• 1-ci dərəcəli IP-ünvanlar 10.0.0.0 / 255.0.0.0
• 2-ci dərəcəli IP-ünvanlar 72.16.0.0 / 255.240.0.0
• 3-cü dərəcəli IP-ünvanlar 192.168.0.0 - 19X.XXX.XXX.XXX aralığındadır. SubnetMask olaraq 255.255.255.0

Həmçinin bax

• IP version 4
• IP version 6
• Domen

Xarici keçidlər

• http://myipaddress.com
• Show IP
• IP Address Infos and Location with google maps
• http://www.ripe.net/whois