Rəşad Nəbiyev

Vikipediya, azad ensiklopediya
Toghrul R (müzakirə | töhfələr) tərəfindən edilmiş 07:39, 18 avqust 2019 tarixli redaktə
Naviqasiyaya keçin Axtarışa keçin
Rəşad Nəbiyev
Doğum tarixi 26 avqust 1977(1977-08-26) (46 yaş)
Doğum yeri
Təhsili
Fəaliyyəti iqtisadçı
Mükafatları "Tərəqqi" medalı — 2014
"Azərbaycan Xalq Cümhuriyyətinin 100 illiyi (1918-2018)" yubiley medalı

Rəşad NəbiyevAzərkosmos ASC-nin sədri [1]

Karyera

Azərkosmos ASC-yə sədr təyin edilməzdən əvvəl, 2004-2011-ci illərdə, Rabitə və İnformasiya Texnologiyaları Nazirliyinin Maliyyə, uçot və iqtisadi təhlil şöbəsinin müdiri vəzifəsində işləmişdir.[2]

2002-2004-cü illərdə Azərbaycan Respublikası Mərkəzi Bankının Bazar əməliyyatları departamentində, 1997-2000-ci illərdə isə Azərbaycan Respublikası Prezidentinin İcra Aparatında İnformasiya resursları və texnologiyaları mərkəzində və Xarici əlaqələr şöbəsində çalışmışdır.

Azərbaycan Respublikası Prezidenti İlham Əliyevin 2011-ci il 24 yanvar tarixli Sərəncamına əsasən Azərkosmos ASC-nin sədri vəzifəsinə təyin edilmişdir.[3]

Təhsil

1994-2000-ci illərdə Azərbaycan Respublikası Prezidenti Yanında Dövlət İdarəçilik Akademiyasında təhsil alaraq Dövlət və bələdiyyə idarəetməsi ixtisası üzrə bakalavr və magistr dərəcəsi almış, 2000-2002-ci illərdə isə ABŞ-nın Şərqi Karolina Universitetində iqtisadiyyat üzrə magistr dərəcəsinə yiyələnmişdir.

Daha sonra R.Nəbiyev təhsilini Harvard Universitetinin Kennedi İdarəçilik Məktəbində davam etdirərək 2006-cı ildə “Yüksək vəzifəli icraçı şəxslər üçün Dövlət maliyyə idarəetməsi proqramı”nı bitirmişdir.[4]

Azərkosmos ASC

Azərkosmos Açıq Səhmdar Cəmiyyəti (ASC) Azərbaycan hökuməti tərəfindən 3 may 2010-cu il tarixində yaradılmışdır və Qafqazda ilk peyk operatorudur.[5]

Azerspace-1 - 8 fevral 2013-cü il tarixində orbitə buraxılmış “Azərspace-1” peyki vasitəsilə Azərkosmos şirkəti öz müştərilərinə yüksək etibarlı peyk əsaslı teleradio yayımı, DTH (Direct-to-Home), səs, video və məlumatların ötürülməsi xidmətlərini təqdim edir.[6]

Azersky - Azərbaycanın ilk yüksək ayırdetməli (1.5 m ayırdetmə) Yer səthinin məsafədən müşahidə peyki. Azersky peyki bir gün ərzində 6 milyon km2 ərazinin şəklini çəkə bilir, həmçinin Azersky peykinin müdafiə, təhlükəsizlik, fövqəladə hallar, təbii ehtiyatların tədqiqi, dənizçilik, ətraf mühitin mühafizəsi, şəhərsalma, xəritəçəkmə, kənd təsərrüfatı, turizm və s. kimi geniş tətbiq sahələri vardır.[7]

Azerspace-2 - Azərbaycanın sayca üçüncü, təyinatına görə ikinci telekommunikasiya peyki. “Azerspace-2”-nin 26 sentyabr 2018-ci il tarixində Fransanın Ariane-5 raketi ilə Fransız Qvianasının Kuru kosmodromundan orbitə buraxılıb.[8] Bu peykin əhatə zonasına Avropa, Mərkəzi və Cənub-Qərbi Asiya, Yaxın Şərq və Tropik Afrika ölkələri daxildir. “Azerspace-2” həm də birinci telekommunikasiya peyki olan Azerspace-1-in orbitdəki ehtiyatı rolunu öz üzərinə götürür.[9]

İstinadlar

  1. Rəşad Nəbiyev ASC-nin sədri vəzifəsinə təyin edilmişdir
  2. https://azercosmos.az/about-us-management
  3. Rəşad Nəbiyev "Azərkosmos" ASC-nin sədri təyin edilib
  4. TBY talks to Rashad Nabiyev, CEO & Chairman of the Board of Azercosmos, on the company's training program, Azerspace-1, and future launches.
  5. Açıq Səhmdar Cəmiyyətinin təsis edilməsi haqqında” Azərbaycan Respublikası Prezidentinin 2010-cu il 3 may tarixli 885 nömrəli Sərəncamında dəyişikliklər edilməsi barədə Azərbaycan Respublikası Prezidentinin Sərəncamı
  6. Azerbaijani satellite ready for full-scale operation
  7. Azərbaycanda kosmik sənaye intibah dövrünü yaşayır
  8. Successful launch for Intelsat 38 and Azerspace-2
  9. Azərbaycanın ilk telekommunikasiya peyki – “Azerspace-1” peykinin orbitə buraxılmasından beş il keçir

Keçidlər

Prezident rabitə və kosmik sənaye sahələrinin işçilərini mükafatlandırdı