Vikipediya:Kənd meydanı/Arxiv/Oktyabr/2014

Azərbaycan vikipediyaçıları üçün xoş xəbər!

Bildiyiniz kimi, Vikipediya və digər əlaqəli viki-layihələr Vikimedia Fondu tərəfindən idarə olunur və bu Fondun dünyanın 40 ölkəsində rəsmi nümayəndəlik statusuna malik yerli təşkilatları (Chapter) var. Lakin yerli nümayəndəlik yaradılması bir qədər uzun və əziyyətli iş olduğu üçün bu ilin avqustunda Londonda keçirilən sonuncu Vikimaniya konfransında görüşdüyüm Qoşulma Komitəsinin (keçmiş "Nümayəndəliklər Komitəsi") üzvü təklif etdi ki, istifadəçi qrupu şəklində fəaliyyət göstərsək, daha yaxşı olar. İstifadəçi qrupuna daxil olan istifadəçilər Vikimedia layihələrinin inkişafında konkret məqsədlərə nail olmaq üçün əməkdaşlıq edə bilərlər. Vikimedia istifadəçi qrupu (Wikimedia User Group) adlanan bu sxemdə hər hansı dövlət qeydiyyatı və ya Vikimedia Fondunin rəsmi nümayəndəlikləri üçün irəli sürülən tələblərə cavab verməyə ehtiyac yoxdur. Yalnız Vikimedia Fondunun Qoşulma Komitəsi qrupun məqsədlərini, təsisçilərin fəaliyyətini və əzmkarlığını qiymətləndirərək qrupu təsdiq etmək barədə qərar verir. Bakıya qayıtdıqdan dərhal sonra bu istiqamətdə fəaliyyətə başladıq və bütün fəal, həmçinin bu işə dəstək verməyə razılıq verən bütün az-viki idarəçilərinin iştirakı ilə "Azərbaycan vikimediaçıları istifadəçi qrupu"nu təsis etməyə qərar verdik.

Nəhayət, Metada bir ay davam edən yazışmalar nəticəsində "Azərbaycan vikimediaçıları istifadəçi qrupu" Vikimedia Fondunun Qoşulma Komitəsi tərəfindən rəsmən təsdiq edilib. Bu gün, 2 oktyabr tarixində istifadəçi qrupu razılaşması imzalandı və qrup, müddətin uzadılması imkanı ilə, 1 il müddətinə təsdiq edildi. Bu münasibətlə Azərbaycandilli vikicəmiyyəti təbrik edirik və inanırıq ki, bu gələcək uğurlarımızın başlanğıcı olacaq. Az-vikinin inkişafı, Azərbaycanda Vikipediyanın və digər Vikimedia layihələrinin təbliği, digər vikilərdə və VikiAnbarda Azərbaycanla bağlı məlumatların artırılması üçün birgə fəaliyyət göstərmək istəyən bütün fəal istifadəçiləri istifadəçi qrupunun fəaliyyətində iştirak etməyə dəvət edirik.

Dəvəti qəbul edən bütün istifadəçilərdən qrupun meta səhifəsindəki "Members" ("Üzvlər") bölməsində imza ataraq iştiraklarını təsdiqləmələrini və "Contact" ("Əlaqə") bölməsində adı çəkilən istifadəçilərdən biri ilə əlaqə qurmalarını xahiş edirik. Bir daha təbriklər! Hörmətlə, Azərbaycan vikimediaçıları istifadəçi qrupu adından, Wertuose (talk) 12:37, 2 oktyabr 2014 (UTC)

Xeyirli, uğurlu olsun! --►Cekli829 12:40, 2 oktyabr 2014 (UTC)

Uğurlar. --Araz Yaquboglu (talk) 12:47, 2 oktyabr 2014 (UTC)

Təbriklər--Serkanland (talk) 12:48, 2 oktyabr 2014 (UTC)

Fəaliyyətinzdə uğurlar arzu edirəm. Azvikinin inkişafında zərrə qədər olsa belə köməyi dəyən adamları məncə daim qorumaq lazımdır. İnanmaq istərdim ki, orada olacaq fəaliyyətinizdə təşkil etdiyiniz İdarəçi seçkisinin gününə döndərməyəcəksiniz. Hörmətlə:--Baskervill (talk) 21:30, 2 oktyabr 2014 (UTC)

Baskervill, ara-sıra MSK-nın təlimlərində də təlimçi olun. Hər halda Sizin bu sahədə böyük təcrübəniz var. Ən azından seçiciləri seçkiyə dəvət etməyin yollarını bilməmiş olmazsınız ;) --►Cekli829 07:59, 3 oktyabr 2014 (UTC)

Bu böyük irəlləyişdir! Azərbaycan Vikipediyasının bütün istifadəçilərini bu şad xəbərlə bağlı təbrik edirəm! --Proger danış 08:06, 3 oktyabr 2014 (UTC)

Uğurlar.--Atilla (talk) 15:44, 3 oktyabr 2014 (UTC)

Kuklalar haqqında bir neçə söz

Kuklaların müzakirə səhifəsinə "Xoş gəldin" şablonunun daxil edilərək salamlanmasının əleyhinəyəm. Kuklaları təyin etmək o qədər də çətin deyil. Onların fəaliyyətini izlədikdə anlamaq olur. Təəssüf ki, sonuncu idarəçi səsverməsində də kuklalar az deyildi. Bu mənim fikrimdir. Razı olanlara və olmayanlara əvvəlcədən təşəkkürümü bildirirəm. --İrada (talk) 19:09, 2 oktyabr 2014 (UTC)

Əlbəttə İrada xanımın fikiri ilə razılaşmamaq mümkün deyil. Kuklaların istifadəsində bütün aktiv vikipediyalarda rast gəlinir. İstər xoş istərsədə bəd niyyətli olsun kukların istifadəsini bir necə vikidə özüm müşahidə etmişəm. Sadəcə məsələ səsvermənin mahiyyətindən xəbərsiz olan və səsverməyə bir necə gün qalmış aktivləşən, səsvermə bitəndən sonra isə yenidən zillət qaranlığıa dücar olan bəzi kuklardan gedir ki, belə hallar bizim vikiyə heç bir xeyir verə bilməz. Ümüd edir və inanıram ki, gələcəkdə belə neqativ halalların azadılmasına qarşı daha ciddi addımlar atılacaq. Hörmətlə:--Baskervill (talk) 21:26, 2 oktyabr 2014 (UTC)

--İrada (talk) 07:02, 3 oktyabr 2014 (UTC)

Əsasən də canlı kuklalar. Sanki onların yiyələri yalnız seçki üçün kukla kökəltməklə məşğuldur. --►Cekli829 03:56, 3 oktyabr 2014 (UTC)

İradə xanımın fikri ilə tam razıyam. Son səsvermə bir daha göstərdi ki, əksər istifadəçilər qaydalardan, Vikipediyanın iş prinsipindən, istifadəçi statuslarının ifadə etdiyi mənadan tam xəbərsiz olmaqla yanaşı, məqsədləri Vikipediyaya fayda vermək yox, müəyyən şəxsi ambisiyaları təmin etməkdir və bu yolda kukla və marionetlərdən istifadə etmək vurduqları ziyanlardan ən kiçiyidir.--Wertuose (talk) 07:37, 3 oktyabr 2014 (UTC)

İrada xanım, bildiyiniz kuklaları bloklamağa nə mane olur ki sizə?--sefer azeri 07:45, 3 oktyabr 2014 (UTC)

Kuklaları siz də tanıyırsız. Niyə bloklamırsız? Bir də ki, mən gizli işlər görmürəm: bütün qərarlar açıq müzakirəyə çıxarılmalıdır. Kuklalar barədə viki-görüşlərin birində qərar qəbul edərik. Ondan sonra bloklamaq mənim boynuma. İdarəçilərin hər birinin öz müstəqil fikri olsaydı şox yaxşı olardı. Yəqin ki, son cümləm tamam başqa mövzudur. Amma inanıram ki, anlayacaqsınız. --İrada (talk) 11:42, 3 oktyabr 2014 (UTC)

Mən kukla hesab elədiyim istifadəçilərin hamısını bloklayıram. İradə xanım, fikrinizlə razı deyiləm. İdarəçilərin hərəsi öz düz bildiyini eləməyə çalışsa, Krılovun məşhur təçsilində gəmini hərəsi bir tərəfə çəkməyə çalışan canlıların durumuna düşərik. Problemləri birgə müzakirə etməli və ortaq nəticəyə gəlməli olduğumuzu düşünürəm. Sizin birinci fikrinizə dəstək olaraq, qeyd edim ki, mən də hansısa gizli işlərin görülməsinə və gizli görüşlərin keçirilməsinə qarşıyam. Lakin, hansısa gizli görüşə işarə etmənizi də anlamıram. Çünki, mən özüm şəxsən sizinlə əlaqə saxlayıb (bir neçə dəfə) həm sizi, həm də oğlunuzu (idarəçi olmasa belə) idarəçilərin görüşünə dəvət etmişdim. Hansı gizli işlərdən bəhs edirsiz? Mümkünsə açıq danışın, lütfən. --sefer azeri 11:52, 3 oktyabr 2014 (UTC)

Mən gizli işlər dedim, gizli görüşlər demədim. Yazılarımı başqa mənalara yozmayın. Mən artıq heç kimlə mübahisə etmək istəmirəm. Nə istəyirsiniz o cür də anlayın. Uğurlar--İrada (talk) 11:57, 3 oktyabr 2014 (UTC)

Səfər bəy, İradə xanım, mümkünsə müzakirəni dayandırın. Ya da konkret siyahı ilə çekyuzerlərə müraciət edin. Çünki belə müzakirənin heç bir xeyri yoxdur. Memarlıq ayı layihəsi hər ikinizin töhfələrini gözləyir. Amma kukla gətirməyin ;) --►Cekli829 12:01, 3 oktyabr 2014 (UTC)

Gizli işlər deyəndə şəxsən mən facebook sosial şəbəkəsində gizli qrup açıb məsələləri oradan idarə etməyi nəzərdə tuturam. Adama deyən lazımdır belə təmiz məsələlərin müzakirəsi gedirsə niyə qrupda aparılan müzakirələr sadəcə 4-5 adam üçün açıq saxlanılır. Burada çox məsələləri yazmağa adamı məcbur etməməyinizi rica edirəm. Sadəcə olduğunuz kimi görünün. Azviki üçün hər hansısa qruplaşma daxili mübarizə sadəcə böyük ziyan vura bilər. Hörmətlə:--Baskervill (talk) 13:26, 4 oktyabr 2014 (UTC)

Etimad səsverməsi bitdi. Sonra ?

Azərbaycanca vikipediyada üç nəfər idarəçinin statusunun alınması ilə əlaqədar səsvermə bitdi, ancaq mülahizələr bitmək bilmir. Qüsurlu seçki prinsipləri ilə həyata keçirilən səsvermə bir sıra məsələləri bir daha qabartdı.

İdarəçiyə onun fəaliyyətinə görə deyil, hansı müddətdə nə qədər redaktə etməsi ilə bağlı qiymət verilməsi bu səsvermə mexanizminin ən qüsurlu hissəsi sayıla bilər. Prinsipcə göstərilən müddətdə tələb edilən minimumu yerinə yetirməklə on illiklərlə idarəçi sttusunda qalmaq olar. Ancaq bu zaman keyfiyyət, ən əsası isə vikipediya cəmiyyətində şəxsi nüfuz məsələsi isə ikinci plana keçir.

Səsvermənin nəticələri onun təşkilatçılarını ciddi düşündürməlidir. İstifdəçilərin əksəriyyəti vikipediya üçün qiymətli istifadəçi olan Progerin statusunun saxlanmasına səs verdi. Hətta ancaq səsvermə zamanı meydana gələn çoxsaylı istifadəçilərin də səsi onun statusunun alınmasına kömək etmədi. Bu "qrupun" səsəvermənin nə zaman olacağından əvvəldən necə xəbər tutması və səsvermə hüququ almaq üşün tələsik k 30 gün əvvəl bir-iki redaktə etməsi mənim üçün çox maraqlıdır.

MrArifNəcəfov kimi çox qiymətli bir istifadəçinin statusunun alınması isə azərbaycanca vikipediya üçün böyük bir ittih hesab edirəm. 500-600 redaktə etmiş istifadəçinin 28 min redaktə etmiş MrArifNəcəfova qiymət verməsi absurddur. 10 min redaktə edənin isə bu təcrübəli idarəçiyə yol göstərməsini isə başa düşə bilmirəm.

Buna görə də azərbaycanca vikipediyada bir sıra islahatların keçirilməsini zəruri sayıram:

1. İdarəçilər ömürlük deyil, konkret müddətə seçilməlir. Onların sayı da azldılmalı, optimal saya gətirilməlidir.
2. İdarəçi namizədinin ancaq bir nəfər tərəfindən irəli sürülməsini məqbul saymıram. İdarəçiliyə namizədli ancaq istifadəçinin özünün irəli sürülməsi düzgün variant olmalıdır. Ancaq özünə güvənən istifadəçi konkret müddətə vikicəmiyyətdən səlahiyyət istəməlidir.
3. 100 min məqaləsi olan azərbaycanca vikipediyada cəmi bir bürokratın olması düzgün deyil. Azı üç yeni bürokrtın seçilməsini zəruri hesab edirəm. Bürokratlığa da namizədliyi idarəçinin özü irəli sürməlidir.
4. İdarçilərdən Ceklini, Səfər azərini, İradə xanımı, Araz Yaquboğlunu, Sultan 11-i, Progeri bürokrat sttusuna hazır hesab edirəm. MrArifNəcəfovu yenidən idarəçi seçilməsini istərdim və dostlarımdan bu məsələnin gündəliyə salınmsını xahiş edirəm. O yenidən idarəçi seçilərsə onun da namizədliyini bürokratlıqda görmək istərdim.
5. Apelyasiya Komitəsinin yaradılamsı süni surətdə uzadılır. Məsələnin gündəliyə salınmasını təklif edirəm.
6. Azərbaycanca vikipediya ilə bağlı istənilən məsələnin ancaq vikicəmiyyətlə açıq müzakirələrdən sonra hərəkət edilməsi prinsipinin gözlənilməsini düzgün hesab edirəm.

Hamıya hörmətlə --Acategory (talk) 10:20, 3 oktyabr 2014 (UTC)

Acategory, verdiyiniz təkliflərlə (4-cü bölməni çıxmaqla) tam razıyam. Amma Arif müəllimin idarəçilik statusu əlindən alınmadı, lakin düşünürəm ki, Vikipediyadakı son ab-hava onun kimi ağır təbiətli, vicdanlı və ədalətli insana pis təsir etmişdir. Ona görə də idarəçilikdən imtina edir. Siz çox düz vurquladınız ki, 500-600 redaktə etmiş istifadəçinin 28 min redaktə etmiş MrArifNəcəfova qiymət verməsi absurddur. --İrada (talk) 10:40, 3 oktyabr 2014 (UTC)

Cənab Acategory, yazdığınız təkliflərin demək olar ki, hamısı ilə bağlı normal viki-qaydalar var. Sadəcə bir çoxu bizdə indiyədək tərcümə edilməyib və təsdiq olunmayıb. "Azərbaycan vikimediaçıları istifadəçi qrupu" bu istiqamətdə işlərin yerinə yetirilməsini nəzərdə tutur. Bu sahədə hər hansı bir köməklik edə bilərsinizsə, sizə minnətdar olarıq.

Bir də redaktə sayının istifadəçinin təcrübəsi ilə hər hansı bir əlaqəsi olması fikri ilə razı deyiləm. Bəzi istifadəçilər var ki, 5 cümləlik 1 məqaləni yaratmaq üçün 50 dəfə redaktə edir, elələri də var ki, həmin tip məqaləni cəmi 1 redaktəyə yaradır. Cənab Nəcəfovun "Tubus" adlı istifadəçi profilinin sahibi olduğu çekyuzer tərəfindən təsdiqləndi və uzunmüddətli şübhələrə son qoyuldu. "Tubus" adlı istifadəçinin Arif Nəcəfovun müzakirə səhifəsində, yəni özü özünə yazdığı bu şərh və səsvermə səhifəsində səs verərkən etdiyi bu qeyd məni nə vaxtsa ona yenidən səs vermək fikrindən çəkindirir. Düşünürəm ki, bu heç də yaxşı hal deyil və bunu edənləri dəstəkləmək yox, əksinə bu cür hərəkətlərin qarşısını almaq üçün tədbir görmək lazımdır.--Wertuose (talk) 13:09, 3 oktyabr 2014 (UTC)

Wertuose, redaktələr sayı ilə əlaqədar deyə bilərəm ki, Cənab Nəcəfovun redaktələri bot işi görən bəzi idarəçilərin işindən çox fərqlidir. Kukla məsələsinə gəldikdə isə o zaman idarəçi statusunun alınması səbəbi kimi yazdığınız məsələ göstərilməli idi. Sözü gedən idarəçi də məsələyə aydınlıq gətirərdi. Mənim kompyuterimdən də Vikiyə daxil olurlar. Checkuser yoxlasa onu kukla hesab edə bilər. Amma hamı bilir ki bu belə deyil. Mən Cənab Nəcəfovun izahatını görmək istərdim.--İrada (talk) 14:09, 3 oktyabr 2014 (UTC)

Bu kukla lekesini qebul ede bilmırem. Tubus deyilen men deyilem adi bir istıfadeçidir. Bizim hemvetenlimizdir iş kolleqamdır. Hospitalda ümumi bır internet sistemi mövcuddur. Bu sisteme onlarca kompyüter qoşuludur. Wiki faliyettleri adeten gece növbeler zamanı heyata keçirildiyinden eynı IP- den daxil olunmalar olmuşdur. Tubusa şexsen sesvermeden uzaq durmasını tösiye etsem de (kukla meselesı kimi qebul oluna bileceyini nezere aldığım üçün) buna mehel qoymayıb öz sesini verib. Bu menim günahım deyil. Bir daha emin olun ki , Tubus men deyilem. Genc bir hekim kollegamdır. Onun özü bu hadiselerden mene destek evezine problem yaratdığı üçün çox sarsılıb . O ki qaldı Tubusun stiline. Menim şagirdim olduğu üçün menim stilimle eynidir. Ele hekimliyi de.

P.S. Leyhine ses veren esil kuklaların sahibleri kimlerdir sualını vermek heç istemezdim? "Qara meni basınca men qaranı basım" meseli olmasın. Onsuz da daha çox nöqte, vergül redakteleri üçün:)) vaxtım olmdadığına göre wikiden tamam getmeyi qerar vermişem. Arzu olunmayan yerde oturmazlar. Sağ olun. --MrArifnajafov (talk) 17:04, 3 oktyabr 2014 (UTC) İrada, Acategory ve diger destek verenlere teşekkür edirem. --MrArifnajafov (talk) 17:30, 3 oktyabr 2014 (UTC)

Hörmətli MrArifnajafov. Məsələyə aydınlıq gətirdiyiniz üçün çox-çox təşəkkür edirəm. Mən belə də bilirdim. Çünki minlərlə kompüterə malik AMEA-nın da bir İP ünvanı var. İndi belə çıxır ki, AMEA institutlarının kompüterlərindən daxil olanlar hamısı mənim kuklamdır. Bu ki, absurddur. Arif müəllim, səsvermə kompaniyasının yalnız bir nəticəsi oldu: arabanı çəkmək istəyirdilər, amma deyəsən təkərləri sökülür.--İrada (talk) 18:37, 3 oktyabr 2014 (UTC)

Doğrudur, AMEA-da da 1 IP-dir, amma o IP ilə burda redaktə edənlərin heç birinin kukla olması ehtimalı və şübhəsi yoxdur. Hansı istifadəçi adının kimə məxsus olduğu bilinir və onun sahibinin AMEA-nın hansı institutunda işləyi də hamıya bəllidir. Hərəsinin öz redaktə üslubu və öz maraq dairəsi var. Burda seçki bitib, chekuser yoxlaması olandan sonra ortaya belə bir iddia atılıb ki, iş yoldaşıdır-filan. Halbuki sizin özünüz də sizinlə eyni IP-ni bölüşən İnterface ilə bağlı məlumat verdiyiniz kimi, burda da məlumat verilməli idi. AMEA ilə bağlı isə onu deyim ki, hələ 1 seçki belə olmayıb ki, oranın işçilərinin (İrada, E-citezen, Orxan Zakir, A.Zakirqızı) səsvermədə mövqeləri üst-üstə düşməsin. Əsasən siz seçkidə necə səs vermisinizsə onlar da elə səs verirlərr. Siz iştirak etmədyiniz seçkiyə isə heç biri maraq göstərmir. Bu olsun - bunu qəbul edək ki, liderləri necə tövsiyə edir elə də edirlər. Bəs həmkarımız Interface ilə də heç vaxt mövqelərdə fərqiniz olmur? Hər ikiniz eyni səs verirsiniz və adətən Interface bunu axırıncı gün edir. Təbii, sizin valideynlik təcrübəniz mənimkindən qat-qat böyükdür - amma mən düşünürəm ki, uşağa bir az azadlıq da vermək lazımdır. Hörmətlə:--Sortilegus (talk) 08:29, 4 oktyabr 2014 (UTC)

Sortilegus, əvvəla mən öz səsimi kiminsə göstərişi ilə yox, öz təşəbbüsüm ilə verdim, çünki mən həmin insanları işlədiyim Rus Vikipediyasından tanıyıram, və onların orada gördüyü işi buradakı bir çox administratorların gördükləri işlərdən daha çox bəyənirəm, və həmin adamlar burada administartor olmağa bəlkə də ən layiq adamlardı. Siz özünüz əvvəl gedib Rus və ya İngilis Vikipediyasında mənim gördüklərim işləri görün, sonra kimin uşaq olduğuna baxarıq. Sizə bir məsləhət, heç vaxt insanlara yuxarıdan aşağı baxmayın. Administrator olmaqla deyil ki. --Interfase (talk) 17:38, 4 oktyabr 2014 (UTC)

Məsələyə belə subyektiv yanaşmanız anlaşılmazdır. Atamın kitabından vikipediyada plagiat edildiyi və bu plagiat məqalələrin necə düzəldiyini bilmədiyim bir zamanda İradə xanımla tanış oldum. İradə xanım vikipediyada işləmək qaydalarını mənə öyrətdi. Beləcə atamın əsərlərindən plagiat məqalələr düzəldi, bundan sonra vaxtım olduqca vikipediyada fəaliyyət göstərməyə, əsasən öz tədqiqatımdan bəzi hissələri daxil etməyə başladım. Bu plagiat etmək istəyən "alimlərin" və "jurnalistlərin" işini "asanlaşdırdı". Buna baxmayaraq zamanım olduqca Azvikipediyada fəaliyyətimi davam etdirdim. Seçkilərin bəzisində iştirak edib, bəzisində iştirak etməməyə gəlincə mən hər gün vikipediyaya daxil olmuram, vikipediyada nələr baş verdiyini izləmirəm. Elmi işimlə məşğulam, imkanım olduqca daxil oluram. İradə xanımla müəyyən məsələlərdə mövqelərimizn "üst-üstə" düşməsinə gəlincə, bunu hər kəsin öz mövqeyi kimi qəbul etmək lazımdır. Necə ki, bir çox vikipediyaçı seçkilərdə sizinlə eyni mövqedən çıxış edir. Sizinlə eyni mövqedən çıxış edənləri heç zaman sizin lider olub insanları idarə etmək xüsusiyyətiniz kimi qəbul etməmişəm. Çünki hər kəsin öz ağlı, öz mövqeyi var. Bəzilərinin mövqeyi üst-üstə düşər, bəzilərinin yox. Hörmətlə, --A.Zakirqızı (talk) 17:04, 4 oktyabr 2014 (UTC)

Hörmətli idarəçilər! İdarəçilərin fəal, yaxud-qeyri fəal olmaları əsas problem deyil. Əsas problem odur ki, bəzi bəzi idarəçilər həqiqətən vandallıq edirlər. Vandllıq edən idarəçi elə bürokrat Sortilegus özüdür, istədiyini edə bilməyəndə, bu işio Sefer Azeri istifadəçi adı ilə edir. Nə qədər qəribə olsa da bu iki istifadəçi adının bir adama aid olması mümkündür. İkincisi isə Cekli829 dur. O, birincidən fərqli olaraq, qərəzli redaktələr etməsə də, vandallıq etməsə də, bəzən aqressivlik nümayiş etdirir, qaydaları pozur, hətta heç bir səbəb olmadan, xoşu gəlmədiyi istifadəçiləri bloklayır, hətta müddətsiz bloklayır. Yerdə qaln idarəçilərin fəaliyyətləri isə normal hesab oluna bilər. Amma söhbət bu 3 idarəçinin qaydaları pozmasından getdiyi vaxt, yerdə qalan idarəçilər sanki yuxuya gedirlər. İndi 3 idarəçinin vikipediyada qərəzli hərəkətlər etdiyini yazıram. Şikayət varsa, şikayətə baxılmalıdır. Amma heç bir reaksiya olmayacaqdır. Əslində isə iddiamı sübut etmək üçün mənə şərait yaradılmalıdır. İdiamı sübut etdikdən sonra isə tədbir görülməlidir. Görün heç deyirəmmi ki Araz Yaquboğlu vandallıq edir? Ya başqa birisi? Kim nə edir onu deyirəm.. Əgər vikipediyanın başında duran şəxs vandaldırsa və yerdə qalan idarəçiləri də o seçdirmişdirsə (demək olar ki, 3 nəfərdən başqa hamısının namizədliyini o vermişdir!) vikipediyada heç vaxt sağlam ab-hava olmayacaqdır. Məsələn, bu sözləri yazdıqdan sonra siz nə edəcəksiniz?! Mənə kukla adı qoyub, məni bloklayacaqsınız! Şərhimi siləcəksiniz, ya da saxlayıb, altından məntiqə heç uyğun gəlməyən şeylər yazacaqsınız, mən də sizin yazdığınızın doğru olmadığını göstərəndə siləcəksiniz! Sizin metodunuz budur! Amma bu problemin həlli deyil, bu problemin gizlədilməsidir! Sizə uğurlar! --Don Kixot2014 (talk) 00:00, 4 oktyabr 2014 (UTC)

Heç bir halda prinsiplər polemikası şəxsi ittihamlara keçməməlidir. Həmçinin heç kim öz mövqeyinə görə ittiham edilə bilməz. Bunu səlahiyyətli istifadəçilərdən görmək itiqat ağırdır.--Acategory (talk) 06:55, 5 oktyabr 2014 (UTC)

Hörmətli Don Kixot2014. Səfərlə mənim eyni adam olduğumu iddia eləmək gülməlidi. Bu onu göstərir ki, siz vikipediya cəmiyyəti ilə yaxından tanış deyilsiniz. Ən azından vikigörüşlərdəki şəkillərə baxın. Onların 80%-də həm Səfər, həm də mən varam. Yox, əgər inanmırsınızsa çekyuzerlərə müraciət edib IP-ləri yoxladın. Vandallıq edib nə etmişəm ki? Söyüş söyən, məqalənin məzmununu silən, vikipediyanın normal işini pozan istifadəçiləri bloklamaq vandallıqdır sizcə? Seçki məsələlərinə gəlincə - mən namizədliyini irəli sürdüyüm istifadəçilərə idarəçi statusunu bağışlamamışam ki. Onlar seçkidə səs toplayıb vikicəmiyyətin etimadını qazanıblar. Olub ki, mən namizədliyini irəli sürdüyüm istifadəçi idarəçi seçilməyib, son seçkidə isə statusunun alınmasını təklif etdiyim bir istifadəçi statusunu qoruyub saxladı. Sadəcə azvikinin belə aktiv bürokratı olması sizin xoşunuza gəlmir. Amma azvikidə fəaliyyət göstərəcəksinizsə gərək bununla barışasınız. Çünki burda heç vaxt dərəbəylik olmayacaq. Bundan sonra da mən fəal olan istifadəçilərin idarəçiliyə namizədliyini irəli sürəcəm, fəal olmayanların staatuslarının alınmasını səsverməyə çıxaracam. Təəssüflər ki, Azərbaaycandan uzaqdayam, yoxsa elə həftədə 1 dəfə vikigörüşlərin də keçirilməsinin təşəbbüskarı olardım. Müzakirələrin şəxsi müstəviyə keçirilməsinə gəlincə - burda heç bir şəxsi müstəvi yoxdur. Mən davamlı olaraq təkrarlanan bəzi neqativ hallara görə öz narahatlığımı bildirdim. Azviki inkişaf etdikcə bu narahatlığıma təbii ki, ehtiyac olmayacaq. Bəlkə hansısa 10 idarənin hərəsindən burda 10 istifadəçi olacaq və onların səsləri artıq bir-birini tarazlayacaq. İndilik isə bu belə deyil. Seçkilərdə səsvermələr ancaq necə aparılır - "baxım görüm filankəs necə səs verdi, mən onun səsinə qarşı olum" və ya əksinə. Mövqelər əsaslandırılmır. Mənfi cəhət budur. Hörmətlə:--Sortilegus (talk) 08:15, 5 oktyabr 2014 (UTC)

İdarəçiliyə kiminsə namizədliyinin kiminsə tərəfindən irəli sürülməsi qüsurlu metoddur. Burada fəaliyyət göstərən ali təhsilli şəxslərin kiminsə xoşuna gəldikdən sonra idarəçi olmaq perspektivi başadüşülən deyil. Həmçinin sonra onlar arasında fikir ayrılığı yarananda " idarəçiliyə sənin...onun namizdəliyini mən irəli sürmüşəm" minnəti artıq azərbaycanca vikipediyada tez-tez irəli sürülməyə başlanıb. Minnət götürənlər namizədliyinin kiminsə tərəfindən irəli sürülməsini gözləyə bilərlər, şəxsiyyətini yüksək tutanlar isə öz namizədliyini özü verməlidirlər. Bura monarxiya deyil, ziyalların açıq yaradıcılıq meydanıdır. Və idarəçiliyə ( həmçinin ömürlük deyil, konkret müddətə) öz gücünü hiss edən hər bir şəxsin irəli sürmək hüququ olmalıdır. İdarəçiliyə ancaq şəxsi təşəbbüslə namizədliyinin irəli sürüləməsi qaydasının qəbul olunmasını məqbul sayıram. Hamıya hörmətlə --Acategory (talk) 12:47, 5 oktyabr 2014 (UTC)

Hörmətli Sortilegus! Söyüş söyəni bəli bloklamaq lazımdır. Amma elə olub ki, hörmçətli Acategory söyüş söyənin bloklanmasını tələb edənin özünü bloklayıbdır! Nə isə... Söyüş söyməyən Cavid Sumqayıtlı bəs nəyə görə bloklanıb?! O da mı söyüş söyüb?! Tam qətiyyəti ilə deyirəm ki, o nə söyüş söyüb, nə də bir qaydanı pozubdur, amma onu müddətsiz bloklamısınız! Bu fakta nə don geydirmək olar?! Bəs siz hara baxırsınız? Əgər doğrudanda iddia etdiyiniz kimi burada "dərəbəylik" yoxdursa! Sizin kifayət qədər qərəzli redaktələriniz var. Məsələn, [ https://az.wikipedia.org/w/index.php?title=Bak%C4%B1_xan_saray%C4%B1&diff=2500760&oldid=2386374 baxın:] Şəkli niyə məqalədən götürmüsünüz?! Məqalədə iddia olunur ki, Bakı xan sarayı guya dövrümüzə qədər gəlib çıxmayıbdır, şəkildən isə görünür ki, Bakı xan sarayı deyilən yer, əslində Şirvanşahlar sarayıdır. Siz məqalənin məzmununu redaktə etmək və həqiqətə uyğunlaşdırmaq əvəzinə, şəkli məqalədən götürmüsünüz. Sizin daha bir qərəzli redaktənizi geri qaytaran Aydın Məmmədovu isə heç bağışlamadınız. Az sonra Sefer Azeri istifadəçi adı ilə Şəki hökmdarlığı məqaləsində sizin arzunuza uyğun vandal xarakterli redak edidi. Şəki hökmdarlığının ərazisini göstərən xəritə məqalədən götürüldü, heç bir əsas olmadan, heç bir şeyə istinad edilmədən, Şəki hökmdarlığının yaranma tarixi 100 il azaldıldı. Aydın Məmmədov isə müddətsiz bloklandı. Yenə də tam qətiyyəti ilə deyirəm ki, sizdən fərqli olaraq Aydın Məmmədovun vikipediyada 1 dənə belə qərəzli redaktəsi olmamışdır! Elə isə onu niyə qoymursunuz vikipediyaya? Məqsədiniz nədir? Elə mövzular var ki, Gürcüstan əsilli olduğunuz üçün tərəfli mövqe tutursunuz, təbii ki Gürcüstanın tərəfini. Məsələn, hər cəhdlə çalışırdınız ki Şəki dövləti gürcü adı ilə "Erreti" adlansın. Məqaləni yaradan, redaktə edən bütün Şəkixanovları blokladınız. Görün onların başına nə oyunlar açmısınız. 1,2, 3, belə faktları çox göstərmək oplar. Bə iddia edirsiniz ki, burada dərəbəylik yoxdur, bunlar dərəbəylik demək deyilmi ? Hörmətlə, --Don Kixot2014 (talk) 20:15, 5 oktyabr 2014 (UTC)

İdarəçiliyə şərtlərə cavab verən hər bir istifadəçi namizədliyini irəli sürə bilər. Mən bundan əvvəlki şərhlərimdə də demişəm ki, azvikinin fəal idarəçilərə ehtiyacı olan dövrdə mən fəal istifadəçilərə namizədliklərinin irəl isürülməsini təklif etmişəm. Heç bir yerdə yazılmayıb ki, ancaq bürokrat idarəçiliyə namizəd irəli sürür. Təbii ki, istifadəçi özü də öz namizədliyini irəli sürə bilər, bir başqası da onun namizədliyini irəli sürə bilər. Bu vaxt sadəcə istifadəçinin özünün razılığı alınmalıdır. Cənab Don Kixot2014, mən təxmin edirdim sizin hərlənib bu məsələlər ətrafına gələcəyinizi. Yuxarıdakı şərhimdə də qeyd etdiyim kimi, siz sağa-sola ittiham yağdırmağa tələsməyin. Çalışın bir az azvikidə təcrübə toplayın. Məsələn, qeyd etdiyiniz Bakı xan sarayı məqaləsində tarixçəyə baxın - mənim redaktəm 1 fevral 2013-cü ildə olub. İndi qeyd etdiyiniz şəklin tarixçəsinə baxın - 13 yanvar 2013-cü ildə bu şəkil vikipediyadan silinib. Bir başqa idarəçi silib. Mən sadəcə mövcud olmayan şəkilə keçidi səhifədən çıxarmışam. Bu cür mənim burda minlərlə redaktəm var. Yəni burda ittihamları mənə yönləndirmək sizin təcrübəsiz olmanızdan irəli gəlir. Söyüş söyənlər və kukla olan IP-lər də bloklanıb. Başqa nə ittihamlarınız var deyin cavablandırım - amma saylarını məhdudlaşdırın. Çünki belə olsa mən gərək elə vikipediyanın əlifbasından başlayım və hər addımın səbəbini sizə izah edim. Bu isə çox vaxt alacaq. Ya da bir az vikipediyada təcrübə qazanın və o zaman bu cür suallarınızın cavabını özünüz tapacaqsınız. Hörmətlə:--Sortilegus (talk) 20:36, 5 oktyabr 2014 (UTC)

Hörmətli Sortilegus! Сəmi bir iradımla bağlı mövqeyinizi bildirsəniz də, hər halda Sizə təşəkkür edirəm. Aydın oldu ki səhvi və qərəzli redaktəni digər dəyirli idarəçi etmişdir. Qərəzli redaktədən sonra şəklin şablonunu həmin şablon mövcud olduğu səhifədən götürməli idi, amma təcrübəsizliyə yol verib və bunu etməyibdir. Aydındır. Lütfən digər irad və suallarıma da münasibət bildirsəniz, sizə minnətdar olaram. Onlar kifayətdir, başqa heç bir sual verməyəcəyəm. Vaxtınızın məhdudluğunu başa düşürəm. Hörmətlə --Don Kixot2014 (talk) 22:19, 5 oktyabr 2014 (UTC)

Mərcə girməyə hazıram ki, bu Don Kixot2014 bizim əfsanəmiz Aydın Məmmədovdan bir başqası deyil. Məncə bu şəxs doğurdanda Azvikiyə fayda vermək istəyirsə gündə bir adla yox öz real adı ilə gəlib viki cəmiyyətə müraciət etməlidir. İnsandı bəlkə daxilində güclü bir viki sevgi var. Əgər belədirsə həmin adama bir təklifim var. Bir müraciət ünvanlayın və yenidən bura qayıtmağınız üçün cəht edin daha gündə bir adla gəlib insanları qoyun yerinə qoymayın. Hörmətlə:--Baskervill (talk) 22:05, 5 oktyabr 2014 (UTC)

Hörmətli Baskervill. Üzr istəyirəm, nəzərə alın ki, idarəçinin mərcə gəlmək istəməsi, "cəhd" yerinə "cəht" yazması, iftifadəçinin kimisə qoyun yerinə qoymasını iddia etməsi mənə qəribə görünməsə də, başqalarına qəribə görünə bilər. Belə şeylər yazmaq əvəzinə yuxarıdakı iradlarımdan, yazud suallarımdan birinə cavab versəydiniz, idarəçi funksiyanızı azacıq da olsa yerinə yetirmiş olardınız. Əgər Aydın Məmmədova nəsə təklif etmək istəyirsinizsə, özünə deyin. Məncə o, vikipediyada fəalliyyət göstərmək fikrində deyil. Onun mövqeyi isə budur, cəmi 4 şey təklif edibdir. Mən isə Aydın Məmmədov deyiləm. Qaydalardan kənar olsa da, Aydın Məmmədov olmadığımı təsdiq etmək üçün sizə FB da dostluq yollaya bilərəm. Təbii ki, siz mənim FB səhifəmin saxta olmadığını çox asanlıqla müəyyənləşdirə bilərsiniz. Gəlin söhbəti dəyişməyək. Mən sadaladığım faklara, suallara və irəli sürdüyüm iradlara idarəçi tərəfindən münasibət bildirilməsini istədim. Buyurun, cavabınızı gözləyirəm. Hörmətlə --Don Kixot2014 (talk) 23:46, 5 oktyabr 2014 (UTC)

Gəlin 1-1 bəndlər üzrə hamısını izah edim. Çox ümid edirəm ki, bu izahlar bu mövzuda sonuncu olacaq.

• 1. Cavid Sumqayıtlı bloklanıb.
• Cavab: Burda 10-dan artıq idarəçi var və onlar 1 gündə ola bilər ki, 50 bloklama əməliyyatı apara bilərlər. İdarəçilərin fəaliyyətinə nəzarət etmək mənim vəzifəm deyil. Siz əgər düşünürsünüzsə ki, bürokrat idarəçilərin nəzarətçisi və rəhbəridir - yanılırsınız. Konkret bu halda isə bloklanma qeydlərinə baxdım. siz də burdan baxın İdarəçi Cekli bu istifadəçini 2 dəfə bloklayıb. Yəni bütün iddialarınızı Cekliyə ünvanlayın. Mən Cekliyə görə cavabdeh deyiləm. Mənim fikrimi soruşa bilərsiniz bu məsələdə - mənim fikrim budur ki, haqlı bloklayıb. İstifadəçi müzakirələrdə provakativ şərhlər yazıb.

• 2. "Bakı xan sarayı"ndakı şəklin silinməsi.
• Cavab: Bununla bağlı sizə cavab verdim. Şəkil silinib və məqalədə şəkilə ölü keçid qalıb ki, mən sadəcə o ölü keçidi şəkil silinəndən 2 həftə sonra səhifədən çıxarmışam. Şəkili silən idarəçi Wertuose olub. Yəni bütün iradlarınızı ona ünvanlayın. Mən Wertuose-yə görə cavabdeh deyiləm. Amma tarixçəyə baxdım və görünür ki, idarəçi şəklin dublikat olduğunu yazıb və kommonsda ona keçid də verib.

• 3.Mənim qərəzli redaktəm.
• Cavab:Bütün bu yazdığınız uzun şərhdə mənə aidiyyatı olan yeganə iraddır. O da budur ki, nəyə görə şablondan bu yazıları çıxarmışam. Orda izah yazmışam axı - əhəmiyyətli dövlət quruluşları olan məqalələrə keçidlər olsun o şablonda. Azərbaycan tarixi şablonudur - ora əslində minlərlə məqaləyə keçid artırmaq olar. Siz 2 məqaləyə keçid artırırsınız - "Şəki knyazlığı" və "Şəki hökmdarlığı". Bu məqalələrin məzmunu bir kənara qoyuram - adı mübahisəlidi. Hereti adında da bizdə məqalə var. Bəlkə başqa adı varsa o adda da məqalə yaradıla bilər. Bu o demək deyil ki, bu adların hamısı o şablonda olmalıdır. Hələ əvvəlcə ad dəqiqləşsin, xəritələrdə uyğunsuzluqlar var - onlar aradan qaldırılsın sonra baxmaq olar məqalələr o şablona artırılsın, yoxsa yox. Bu sizin üçün həyati vacib məsələdirsə o demək deyil ki, biz bu mövzuları şablona daxil etməliyik. Səfərin orda etdiyi redaktələri (xəritə çıxarıb, 100 il azaldıb və s.) isə nə əsasla mənim arzum hesab edirsiniz? Bunu sübut edə bilərsinizmi? Edə bilməzsənizsə bu əslində sizin bloklanmanız üçün səbəb ola bilər. Birbaşa şəxsə hücumdur.

• 4.Aydın Məmmədovun bloklanması
• Cavab:Bu istifadəçinin burda saysız hesabsız kuklaları olduğuna görə mən bilmirəm məni hansı kuklasını bloklamaqda ittiham edirsiniz. Amma əsas istifadəçi adı olan Aydınsalisin burdan baxın bloklanma qeydlərinə. 1-ci dəfə idarəçi Acategory, ikinci dəfə isə idarəçi Sefer azeri onu bloklayıb. Yəni bütün idardalarınızı bu iki idarəçiyə ünvanlayın. Mən Acategory və Sefer azeri-yə görə cavabdeh deyiləm. Amma şəxsi fikrimi bilmək istəyirsinizsə - haqlı olaraq bloklayıblar. Səbəblərini də yazıblar. 1-ci blok (İdarəçilərii qaydalardan kənar qərar qəbul etməyə təhdid etdiyinə, qarşı tərəfi artıq qərar qəbul edilmiş münaqişəyə yenidən cəlb etdiyinə və vikicəmiyyətidə gərginlik yaratdığınıa görə) və 2-ci blok (Xəbərdarlıqlara əhəmiyyət vermədən, idarəçilərlə kobud danışdığına və təhqir etdiyinə görə).

• 5. Mənim Gürcüstan əsilli olmağımla bağlı
• Cavab:Vikipediya elə bir yerdir ki, burda heç kimi coğrafi, milli, dini, siyasi mənsubiyyətinə görə ittiham etmək olmaz. Bu da bloklanmaq üçün bir səbəbdir. Mənim əslimlə maraqlanırsınız - mən Gürcüstanlı deyiləm.

• 6.Şəkixanovun bloklanması.
• Cavab: Bu istifadəçinin də blok tarixçəsinə baxdım. Bu istifadəçini də idarəçi NKozi bloklayıb. Yəni bütün iradlarınızı bu idarəçiyə ünvanlayın. Mən NKozi-yə görə cavabdeh deyiləm. İdarəçi blok səbəbini yazıb ki, "Hədə və təqiblərə görə". Araşdırdım, şəxsi fikrimi bilmək istəyirsinizsə, idarəçinin qərarı ilə razıyam. Sonra çox sayda özlərini "Şəkili xaker dəstəsi" adlandıran və söyüş söyən, idarəçiləri təhqir edən istifadəçi adları burda yaradıldı ki, onlar da bloklanıb. Onlar da haqlı yerə bloklanıblar.

İndi bu qədər idarəçinin hərəkətinə görə siz tək məni günahkar bilirsiniz və məndən cavab tələb edirsiniz. Bir qalıb reyxstaqın yandırılmasında məni ittiham etməniz. Mən buna borclu olmasam da sizə bənd-bənd cavab verdim. Bunu da eyni mövzu ətrafında dönüb-dolaşmanıza son verəcəyiniz ümidi ilə etdim. Ümid hər halda sonda ölür. Sizə uğurlar:--Sortilegus (talk) 22:40, 5 oktyabr 2014 (UTC)

Təşəkkür edirəm hörmətli Sortilegus. Sizə qarşı irəli sürdüyümüz ittihamlar yanlış olarsa üzr istəyəcəyəm. Amma hələlik bəzi cavablarınız məni qane etmədi. Məsələn Cavid Sumqayıtlı heç bir provakasiya ilə məşğul olmayıbdır. Yalnız öz fikrini yazdığına görə bloklanıbdır. O gümlədən Aydın Məmmədov da, üstəlik Şəkixanovlar da! Təbii ki onları bloklayan idarəçi nəsə bir qeyd yazıbdır, özünün haqlı olduğunu göstərmək üçün. Siz də həmin qeydləri burada təkrarən yazırsınız və həmin qeydlərə görə blokları ədalətli hesab edirsiniz. Amma nəyə görə bloklanmaya səbəb olan yazını göstərmirsiniz?! Göstərin, mən də görüm, başqaları da görsün ki həqiqətən bu hərəkətə görə, belə yazmağa görə vikipediyaçı müddətsiz bloklanmalıdır! Təbii ki indi deyəcəksiniz ki, sualı idarəçiyə ünvanla. Amma idarəçi nə deyəcək? İdarəçi də deyəcək ki, yaxşı eləmişəm, düz iş görmüşəm! Elə bu? Siz bürokrat kimi istifadəçiyə bu köməyi edirsiniz? Şəki hökmdarlığı məqaləsinin adında heç bir mübahisə olmayıbdır. Siz o adı şablondan çıxarmağınızda heç bir əsas yoxdur. Siz bu işi edə bilməyəndə, bu iş Sefer Azeri istifadəçi adı ilə edildi. Amma yenə də əsassız olaraq. Tutalım ki, Siz Sefer azeri deyilsiniz, Sefer Azeri də siz deyilsiniz. Necə olur ki, bu məsələdə eyni mövqedən çıxış edirsiniz? Axı heç səbəb də göstərə bilməmisiniz. Yalnız siz yazmısınız ki, Siz yazırsınız ki, "Əhəmiyyətli dövlət quruluşlarının adını şablonda qeyd etmək lazımdır", sizə isə cavab verilir və redaktəniz əsasız hesab edilərək geri qaytarılır "Nə qədər əhəmiyyətli olması bu xəritədən məlumdur: http://upload.wikimedia.org/wikipedia/az/b/b7/Shaki_(tarixi_arazi).jpg". Bundan bir müddət sonra isə eyni hərəkət Sefer azeri istifadəçi adı ilə edilir. Hətta dövlətin yarandığı tarix də saxtalaşdırılır, xəritə məqalədən götürülür, məqalə mühafizə edilir, Aydın Məmmədovun redaktəsinə imkan verilmir, sonra isə bloklanır... Sefer azeri yenə də belə işlə etməkdə davam edir, "Kənd meydanı", "İdarəçilərə müraciət" səhifəsi Sefer azeriden şikayətlərlə dolur, amma siz susursunuz?! Niyə onun etimad səsverməsini keçirmədiniz? Hörmətlə --Don Kixot2014 (talk) 00:00, 6 oktyabr 2014 (UTC)

Sortilegus bəlkə də fəaliyyəti dövründə bu qədər ətraflı və izahlı şərh yazmamışdır :D. --Proger danış 23:50, 5 oktyabr 2014 (UTC)

Siz hələ bürokratın funksiyalarının nədən ibarət olduğunu bilmirsiniz. Elə bilirsiniz ki, mən burda idarəçiləri cəzalandıranam. Bürokratın 2-3 texniki funksiyası var. Məsələn, istifadəçi adı dəyişmək. Sabah istəsəniz ki, istifadəçi adınızı "Don Kixot"dan "Sanço Panso"ya dəyişəsiniz onda mənə müraciət edə bilərsiniz. Yoxsa mən burda sizin narazı olduğunuz idarəçiləri cəzalandırmaq funksiyalarına malik deyiləm. Bloklamağı soruşdunuz - dedim hansı idarəçilər bloklayıb və öz fikirlərimi də yazdım. Lap hansısa idarəçi hansısa istifadəçini səhv edib bloklayıbsa mən yenə ona heç bir şeyi irad tuta bilmərəm. Bunu idarəçilər ümumi müzakirə aparıb qərar verməlidirlər ki, kimsə səhv edib ,kimsə düz. Siz burda fəal idarəçilərin demək olar ki, yarısını ittiham edirsiniz. İndi belə çıxır ki, bütün bu idarəçilər haqsıdır, bir Aydın Məmmədov haqlıdır? Mənim Səfər olmadığımı görmək üçün də burdakı görüş səhifələrinə baxın. Məsələn: Vikipediya:Görüş/Bakı/Bakı 1. İnanmırsınızsa bundan o yana artıq IP yoxlatdırın. Dediyiniz kimi dünya-aləm Səfər Azəridən şikayətlə doludursa idarəçilər müzakirəyə çıxara bilərlər onun fəlaiyyətini. Mən 99% dəstəkləyirəm onun atdığı addımları və buna görə də müzakirəyə çıxarmağa ehtiyac görmürəm. Burda tək idarəçi mən deyiləm ki. O biri idarəçilər narazıdırlarsa onlar müzakirəyə çıxarsınlar. Yenə bürokrat-bürokrat deməyin. Bürokratın funksiyası idarəçi müzakirəyə çıxarmaq deyil. Başqa nə sualınız varsa buyurun.--Sortilegus (talk) 00:18, 6 oktyabr 2014 (UTC)

Hörmətli Sortilegus. Söz verdim ki sizə əlavə heç bir sual verməyəcəyik. Yalnız yazdığımız sualların almağa çalışacağıq. Siz Cavid Suqayıtlının, Aydın Məmmədovun, Şəkixanovların haqlı bloklandığını iddia edirsiniz. Mən isə xahiş etdim ki, onların müddətsiz bloklanmasına səbəb olan redaktəsini göstərin, hamı görsün ki, doğrudan da haqlı bloklanıblar, ya yox. Amma bu xahişimi yerinə yetirmədiniz. Çünki onların müddətsiz bloklanması üçün heç bir əsas yoxdur. Bürokratln funksiyasına gəlincə, bir tərəfdən siz doğru deyirsiniz. Bəli bürokratın idarəçiləri cəzalandırmaq funksiyası yoxdur. Amma digər tərəfdən, siz həm idarəçisiniz, həm də bürokrat. Yəni bütün idarəçilərdən daha geniş səlahiyyəti maliksiniz. Rəsmən heç yerdə yazılmasa da, apelyasiya məhkəməsinin, arbitraj məhkəməsinin funksiyasını siz icra etməlisiniz. Əgər bu funksiyanı yerinə yetirə bilmirsinizsə, onda həmin instansiyaları yaratmalısınız, yaxud yaradılmasına nail olmalısınız. Siz buradakı şərhlərinizdə daha çox özünüzün günahsız olmağınızı sübut etməyə çalışmısınız. Üzr istəyirəm, amma bunun əvəzinə istifadəçilərin tez-tez üzləşdiyi problemləri həll etməyə çalışsaydınız, daha yaxşı olardını. Məsələn, fəaliyyətindən 99 faiz razı olduğunuz idarəçi heç bir müzakirə aparmadan səhifələri silir, mühafizə edir, səhifələrin adını dəyişir və s. Problemi yaradan, vikipediyada gərginlik yaradan odur. Səhifə silinməlidirsə, adı dəyişdirilməlidirsə əvvəlcə müzakirə getməlidir. Müzakirəılər gedərsə, konflik yaranmaz. Çünki ağ ağdır, qara da qara. Heç kim ağa qara, qaraya ağ deyə bilməyəcəkdir. Uzun sözün qısası, idarəçinin fəaliyyətinə nəzarət edən, onu vikipediya qaydalarını pozmasına görə cəzalandıran bir qrum, yaxud vəzifə olmalıdır. Bundan sonra, idarəçi vikipediya qaydalarına daha çox riayət etməyə çalışacaqdır. Vəssalam. O ki qaldı aşağıda Aydın məmmədova ünvanlanmış təklifə, anonim olaraq özü cavab verə bilərdi, amma siz "Kənd meydanı"nı anonim istifadəçilərdən mühafizə etmisiniz, yəqin ona görə də cavab verməyibdir hələ. Sizi narahat etdiyimə və vaxtınızı aldığıma görə görə üzr üstəyirəm. Hörmətlə --Don Kixot2014 (talk) 16:43, 6 oktyabr 2014 (UTC)

Aydın Məmmədov, sizin blokunuzu götürsəm vikipediyada sakit və konfliksizi redaktə ilə məşğul olarsınızmı ? "Hə" ya "yox" ? Sizdən bu iki cavabdan birini gözləyirəm, istənilən digər, ən əsası isə izahlı cavabınız qəbul edilməyəcək.--Acategory (talk) 12:37, 6 oktyabr 2014 (UTC)

Şəxsən məndə Aydın Məmmədovun üzərindən blokun götürülməsini təklif edirəm. Görünən odur ki, həmin şəxs Azvikidə fəaliyyət göstərmək istəyir və bunu hər dəfə bir hesab açmaqla həyata keçirir. Əlbəttə də həmin şəxslə elə məndə daxil olmaqla burada bir çox şəxsin problemləri olub və bu məsələlərədə günahkar tərəf elə əsasən Aydın Məmmədov olub. İstənilən halda istifadə və yaxud idarəçilərə qarşı təhqirdən istifadə edilməsi yol verilməzdir. Sadəcə bu şəxsin prosesə olan böyük marağını nəzərə alıb demək istərdim ki, gəlin həmin şəxsin dilindən burada normal fəaliyyət göstərəcəyinə və heç kimin işinə mane törətməyəcəyinə dair iltizam alaq və oda öz məqalələrini yazsın. Bundan daha gözəl təklifi olan varsa buyursun. Hörmətlə:--Baskervill (talk) 16:21, 6 oktyabr 2014 (UTC)

Mənnəinki həmin istifadəçinin blokunun götürülməsinə, hətta belə bir məsələnin müzakirə olunmasına da birmənalı şəkildə qarşıyam. Çünki həmin adam normal psixi durumu olan insana yaraşmayan ifadələrlə məni və eləcə də digər idarəçiləri bir neçə dəfə təhqir edib. Belə bir adamın vikipediya qaytarılmasını qəbul edə bilmərəm.--sefer azeri 17:00, 6 oktyabr 2014 (UTC)

Əgər iddia edirsinizsə ki, sizi kimsə təhqir edib, buyurun, göstərin. Mən isə sizin yüzlərlə qərəzli redaktənizdən cəmisi birini göstərəcəyəm: "İpəkçi (qəzet)" məqaləsini niyə silmişdiniz?. İstifadəçi zəhmət çəkir, vikipediyada ensiklopedik məqalə hazırlayır, siz isə həmin məqaləni silirsiniz? Üzr istəyirəm, çox, çox üzr istəyirəm, vandallıq deyilən şey, elə bu iş deyilmi?! --Don Kixot2014 (talk) 19:07, 6 oktyabr 2014 (UTC)

Aydın Məmmədov, mən sizə yenidən azərbaycanca vikipediyaya qayıtmağı təklif etdim. Ancaq siz yenidən burada idarəçiləri təhqir və gərginlik yaratmaq yolunu tutdunuz. Bu isə bizim stilə uyğun deyil. Bura toplanan ziyalılar ilk növbədə doğma dildə virtutal ensiklopediya yaratmaq məqsədi üçün çalışırlar. Siz isə müntəzəm surətdə kukla istifadəçi səhifəsi yaradaraq işə mane olmağa çalışırsınız. Buna görə də sizi bloklayıram. Və hər dəfə sizin kukla səhifələriniz bloklanacaq.

Ancaq bununla belə burada sakit və konfliksiz çalışmaq istəsniz, bizlərə bildirin, biz sizə şərait yaradarıq. Hörmətlə azərbaycanca vikipediyanın idarəçilərindən biri --Acategory (talk) 04:30, 7 oktyabr 2014 (UTC)

Düzgün qərardır. Mən sadəcə bir daha müzakirələrdə iştirak edib istifadəçiyə detallı şərhlərlə hər şeyi anlatmaq istədim. Görünən odur ki, bu sadəcə vaxt itkisi idi.--Sortilegus (talk) 11:44, 7 oktyabr 2014 (UTC)

Müzakirəni bütün başdan-başa oxudum. Əvvəla subyektiv fikrimi qeyd edim ki, 3 idarəçinin idarəçi səlahiyyətinin etimad səsverməsinə çıxarılması tam qaydalara uyğun idi. Lakin düşünürəm ki, belə vaxtaparan şeylərdənsə daha yararlı şeylərlə məşğul ola bilərik. Yeni-yeni məqalə yaratmaqla və ya təkmiləşdirməklə məsələn. Aydın Məmmədov məsələsinə gəldikdə isə mən bu mövzuda Baskervill-in fikri və Acategory-nin təklifi ilə razıyam. Don Kixot2014 bəzi şeyləri düz dedi. Məsələn sefer azeri müzakirəsiz məqalə silməsi, adını dəyişdirməsi və s. Düzdü. Müəyyən hallarda bu etdikləri düz olur, yəni qaydalara uyğun olur. Ama istənilən halda bəzi şeylər var ki, onu etməzdən əvvəl idarəçi səlahiyyətlərindən istifadə etməkdənsə müzakirə aparıla bilər. O ki qaldı blonklanmaya. Həqiqətən bəzi idarəçilər bəzən etdikləri bəzi hərəkətlərlə istifadəçini elə həddə çatdırırlar o çarəsiz şəkildə ya "səs tonunu qaldırır" ya da vikidən soyuyur. Məsələn mən keçmişdə özümlə sefer azeri arasında olan mübahisələri hələ də xatırlayıram. Bəlkə də ona görə Aydın bəydə bir o qədər günah görmürəm. Mən Aydın bəyin bir çox məqalələri ilə tanışam. Xüsusən Şəki ilə, Şəki tarixi ilə əlaqədar olan məqalələri çox yaxşıdır. Mən deyərdim ki, Azərbaycanda işlənməyən və bu dərəcədə dərinliyi ilə bilinməyən mövzulardır. Bütün bunları nəzərə alıb məncə Aydın bəyin blokunu götürmək olar. sefer azeri ilə hər hansı mübahisələri yarandıqda isə bu məsələni 3-cü bir idarəçi və ya istifadəçinin həll etməsi yolu ilə bu konfliktə də son qoyula və ya yumşaldıla bilər fikrimcə.--samral ^müzakirə 23:32, 18 oktyabr 2014 (UTC)

Hörmətli İstifadəçi:Samral. Keçmiş istifadəçi Aydın Məmmədovun bacarığına verdiyiniz qiymətlə razıyam. Amma vikipediya üçün bu azdır, mütləq qaydalara riayət etmək, digəriləri ilə səmimi münasibət saxlamaq olduqca vacibdir. Təssüf ki, keşmiş həmkarımız konfliktlərə tez-tez yol veriridi. Əgər sadəcə olaraq qaydalara riayət etməyə söz verərsə onu bu gün blokdan azad etməyə hazıram. Bu barədə ona burada yazılı təklif də etdim, ancaq o buna razı olmadı.

Sizin idarəçi sefer azeri ilə bağlı fikirlərinizlə razı deyiləm. Onun sizin yaratdığınız bir neçə məqaləni silməsinə etiraz etsəm də sefer azerini vikipediya üçün dəyərli istifadəçi hesab edirəm. Ümid edirəm ki, o həmin məqalələri bərpa edəcəkdir. Təəssüf ki, azərbaycanca vikipediyada Arbitraj Komitəsinin olmaması belə redaktə münaqişələrinə son söz demək mümkün olmur.--Acategory (talk) 09:12, 19 oktyabr 2014 (UTC)

Hörmətli idarəçimiz Acategory mən deyəsən öz fikrimi düzgün çatdıra biməmişəm. İdarəçi sefer azeri ilə bağlı etdiyim iradda məqsədim mənim məqalələrimi silməsi deyildi. Ümumiyyətlə müzakirəsiz məqalə silməsi idi. Və həmçinin müzakirələri də biraz qəribə aparır. Əlbəttə ki, haqlı da olur haqsız da. Amma problem bundadır ki, haqlı olsa belə müzakirəsiz məqalə siləndə və ya adını dəyişəndə haqsız vəziyyətə düşürsən istər-istəməz. Məsələ budur. Mənim silinmiş məqalələrimə gəldikdə isə biz face-də inboxda xeyli müzakirə etdik bu məsələni və mənə hələlik AzVikidə olmayan lakin EnVikidə çox gözəl izah olunmuş qaydalarla isbat etdi ki, sözügedən məqalələr ensiklopedik deyil. Yəni deməyim odur ki, müəyyən məqamlarda düz düşünür, lakin tətbiqini düz etmir. Məsələn idarəçi sefer azeri həmkarımızın Aydın Məmmədovla Şəki qalası məqaləsinin müzakirəsinə baxın. Aydın Məmmədovun yerində kim olsa bu cür müzakirə insanı əsəbləşdirər və s. Və mən belə düşünürəm ki, əgər sefer azeri bəy idarəçi olmasaydı heç vaxt bu cür dominat formada müzakirə aparmazdı. O müzakirəyə diqqətlə baxsaz mənə elə gəlir məni anlayacaqsız. Subyektiv fikrimdi.--samral ^müzakirə 11:15, 19 oktyabr 2014 (UTC)

samral, məni nədəsə günahlandırmamışdan əvvəl, fəaliyyətimi bir qədər də araşdırsan, haqsız olduğunu görərdin. Mənim, mövqeyimin üstündə möhkəm durmağım və ya uzun-uzadı müzakirə aparmağımın idarəçi statusumun olması ilə əlaqəsi yoxdu. Bu müzakirə aparılanda [1] sən hələ vikidə çalışmırdın, mənim də idarəçi səlahiyyətim yox idi. Amma sənin yuxarıda qeyd etdiyin Şəki qalası məqaləsinin müzakirəsi ilə müqayisə eləsən, daha sərt mövqedən çıxış elədiyimi görərsən. Mən dediyim sözü isbat edə biləcəyimə əmin olduğum üçün sərt danışıram, səlahiyyətimə güvəndiyim üçün yox. Hörmətlə --sefer azeri 13:06, 19 oktyabr 2014 (UTC)

P.S. Məncə burda mənim fəaliyyətim yox, səsvermə zamanı dəfələrlə aktivliyini bərpa edəcəyinə söz vermiş, lakin səsvermənin başa çatmasından artıq bir aya yaxın vaxt keçməsinə baxmayaraq hələ də fəlaiyyəti gözə dəyməyən idarəçilərin fəaliyyətsizliyi müzakirə edilsə daha yaxşı olar. Mənim fəaliyyətim də, yaratdığım məqalələr də ortadadı, pis-yaxşı imkan daxilində hər gün bir neçə dəfə vikipediyaya baş çəkirəm, əlimdən gəldiyincə fəaliyyət göstərməyə çalışıram. Səsvermə zamanı canfəşanlıq göstərən hörmətli idarəçilərimiz hanı bəs? Artıq bir aya yaxındır ki, Memarlıq ayı keçirilir? Niyə iştirak etmir həmin aktivliyini bərpa etmiş idarəçilər? Məgər idarəçilər öz aktivlikləri ilə istifadəçilərə nümunə olmalı deyildi? Bilsəm ki, mənim getməyimlə vikidə işlər qaydasına düşəcək, mən aktivliyimi dayandıraraq vikidən uzaqlaşa bilərəm. Mənim üçün nə daşıdığm səlahiyyət, nə də burdakı fəaliyyətim xüsusi əhəmiyyətə malik deyil. Problemlərin qaynağı olaraq mənim fəlaiyyətimi görürsüzsə, fəaliyyətimi günü bu gündən dayandırmağa hazıram. Hörmətlə --sefer azeri 13:17, 19 oktyabr 2014 (UTC)

Azvikidə söz soxmaq adlı bir yarışma keçirilsəydi mən tam əminəm ki, bəzi idarəçi dostlarımız həmin yarışda uğurla iştirak edərdilər. Şəxsən mən əlimdən gələn qədər fəaliyyət göstərib nələrsə etməyə çalışıram. Hamının müəyyən qədər aktiv və yaxud qeyri aktiv dönəmləri olur. Əgər kimisə hansı şəxsin aktiv olmaması narahat edirsə məncə həmin adamın müzakirə səhifəsinə yazmaqla bunun səbəbləri ilə şəxsən tanış olmaq olar. Daha burada iki başlı danışmaqla yox. Hörmətlə:--Baskervill (talk) 13:32, 19 oktyabr 2014 (UTC)

Hörmətli Baskervill, birincisi sizdən xahiş edirəm ki, küçə sözlərini vikipediyaya gətirməyəsiniz. İkincisi, mümkünsə özünüzü hamının yerinə cavab verməyə borclu hesab etməyin. Sizin hər gün ərəb əlifbası ilə yazılmış məqalələri silməklə fəaliyyət göstərdiyinizi görürük (heç bir redaktə etməyən idarəçilərlə müqayisədə bunu da, ciddi fəaliyyət kimi qəbul edirəm). Yuxarıda fəaliyyətsizlik ilə bağlı yazdıqlarımın da sizə aidiyyatı yoxdur. Üçüncüsü, düşünmürəm ki, biz kiməsə xahiş-minnət edib, "müzakirə səhifəsinə yazıb" onu vikipediyada fəaliyyət göstərməyə dəvət etməliyik. Dördüncüsü, hamının (söhbət idarəçilərdən gedir) üç illik qeyri-aktiv dönəmi olmalı olduğunu da düşünmürəm. Hansısa idarəçinin növbəti üç illik fəaliyyətsizliyinə də göz yummaq fikrində deyiləm. Əgər müzakirələrdə qeyd etdiyiniz kimi, həqiqətən də ədalət axtarışındasınızsa, o zaman ədalətsizliyə göz yummayıb, siz də bütün idarəçilərdən aktiv olmalarını tələb etməlisiz. Hörmətlə --sefer azeri 15:32, 19 oktyabr 2014 (UTC)

Mənim fəaliyyətim təkcə ərəb əlifbalı məqalələrin silinməsi ilə bağlı deyil. Əgər diqqətlə fikir versəniz görərsiniz ki, mən son dövrlərdə maraqlı məqalələrdə yaratmışam. Sizinlə burada söz güləşdirməyə vaxtım yoxdur. Əgər siz idarəçilərdən kiminsə fəaliyyətsiz qalmasına göz yummaq kimi bir fikiriniz yoxdursa o zaman yeni bir səsvermə təşkil edin. Hörmətlə:--Baskervill (talk) 18:44, 19 oktyabr 2014 (UTC)

Əziz həmkarlar! Gəlin mübahisələri bitirin. Sizə təminat verə bilərəm ki, AzVikidə heç bir məqalə bu mənasız və vaxt aparan mübahidən uzun və geniş deyil. Bundan daha vacib işlərimiz var.--Serkanland (talk) 18:55, 19 oktyabr 2014 (UTC)

Xəbərlər 4

Xəbərlərdə yer alan Nobel sülh mükafatı laureatı tək o qız deyil. Hindistanlı kişi də laureatdır.--samral ^müzakirə 20:47, 11 oktyabr 2014 (UTC)

Məncə bunu Ana Səhifənin müzakirə bölməsinə bildirmək daha düzgün olardı--Serkanland (talk) 20:49, 11 oktyabr 2014 (UTC)

Düzdü. Səhv gedib.--samral ^müzakirə 20:54, 11 oktyabr 2014 (UTC)

Həmin kişi barədə bizim vikidə məqalə yoxdur. Olan kimi əlavə edərəm. Hörmətlə:--Baskervill (talk) 21:02, 11 oktyabr 2014 (UTC)

Xəbərlər bölməsində bütün məlumatları vermək lazım deyil, sadəcə bölməni hazırlayanlar xüsusi çəkiyə malik məlumatlara üstünlük verməlidir. Konkret bu mövzu ilə bağlı qeyd edim ki, Nobel Sülh mükafatını kimin qazanması yox, Məlalə Yusəfzayın bu mükafatı qazanması vurğulanıb. Əlavə şərhə ehtiyac yoxdur. --►Cekli829 12:44, 12 oktyabr 2014 (UTC)

Bu kapakda Samrala gəlsin o zaman. :D Hörmətlə:--Baskervill (talk) 20:12, 12 oktyabr 2014 (UTC)

Yaxşıdıye həmkar tərəfkeşliyiniz/sevginiz fışqırır yenə. Hər şeyə də kobud-kobud/dəxlisiz cavab verməsəz olmaz. Baskervill (talk) və --►Cekli829 xəbər verilirsə kamil və düzgün verilməlidir. Əlbəttə ki, tam genişliyi ilə verilməyə bilər. Lakin bu o demək deyil ki, naqis, yarım, əksik verilməlidir. Nobel sülh mükafatının digər laureatçısı olan şəxsin adı da bir o qədər geniş yer tutmur ki, deyəm ki, bəs yerləşdirə bilməmisiz. Sözlərimi Nizami Gəncəvinin sözləri ilə bitirib, şairin sözü ilə sizə "kapak" qoyuram.

Kamil bir palançı olsa da insan,
Yaxşıdır yarımçıq papaqçılıqdan.

Yarımçıq papaqçıdansa, kamil palançı olmaq diləyi/tövsiyəsi ilə.--samral ^müzakirə 11:07, 13 oktyabr 2014 (UTC)

Ay Samral, dahi Nizami deyib ki,

İncitək sözlər seç, az danış, az din,

Qoy az sözlərinlə dünya bəzənsin.

Hörmətlə, ;) --►Cekli829 11:14, 13 oktyabr 2014 (UTC)

Bunu deyənə bax =D--samral ^müzakirə 11:16, 13 oktyabr 2014 (UTC)

Bəzi seçilmiş məqalələrin statusunun alınması haqqında

Azvikidə hal-hazırda 101 seçilmiş məqalə mövcuddur. Bir sıra dəyərli vikipedistlər tərəfindən yaxşı formada hazırlanmış məqalələr işlənir və Laboratoriya bölməsinə təqdim edilir. Burada xüsusən 3 aktiv istifadəçi: Sefer azeri, Yusif Sərrac və Keete 37 tərəfindən hazırlanan məqalələri qeyd edə bilərik. Zəngin və seçilmiş statusuna layiq olan məqalələrlə yanaşı bu statusun standartlarına tamamilə uyğunlaşmayan və hətta deyərdim ki, kor-koranə sürətdə seçilən məqalələrimzdə yox deyil. Şarl de Koster, Alyaska yupikləri və birdə 6 ərəb əlifbalı məqaləndən seçilmiş statusunun alınması ilə bağlı səsvermənini keçirilməsini təklif edirəm.

P.S "Lütfən kimsə yazmasın ki, dostlar həmin məqalələrdən seçilmiş statusunu almaqdansa gəlin onları zənginləşdirək" falan. Zənginləşdirilən idisə bu günə qədər zənginləşdirilərdi. Görünən odur ki, həmin məqalələr bu statusu daşımağa layiq deyil. Sizlərdən operativ cavablar gözləyirəm. Hörmətlə:--Baskervill (talk) 07:57, 15 oktyabr 2014 (UTC)

Mən Elvis Presli, İnsan ürəyi, Bəbir və Barnaba İncili məqalələrini də statusu alınmalı məqaləlr sırasına aid edərdim. --sefer azeri 08:20, 15 oktyabr 2014 (UTC)

Kateqoriya:Ərəb əlifbasını başa düşən vikipediyaçılar ərəb əlifbalı məqalələrin silinməsinə etiraz edəcək.

Digər bir məsələ də odur ki Atlantida adlı məqalə bir çox vikipediyaçının (mən də daxil) leyhinə səsini qazanıb. Əgər o məqalə statusun itirəcəksə, o məqaləyə status verməyin nə əhəmiyyəti var ? Kim Yushin (talk) 11:30, 15 oktyabr 2014 (UTC)

Prinsipləri işləmək lazımdır. Sonsuz sayda səsvermənin keçirilməsi gərəksizdir. Mən hətta təklif edərdim ki biz statuslara layiq olan məqalələri seçəndə də səs sayına yox, müzakirəyə üstünlük verək. --NKO ^zi 09:49, 16 oktyabr 2014 (UTC)

Məndə məqalələrin seçilməsi zamanı səvermə sistemindənsə müzakirələrin daha çox aparılmasını təklif edirəm. Hal-hazırda Azvikinin realığı bundan ibarətdir ki, hər hansısa bir məqalə Laboratoriyaya təqdim olunanda orada olan istifadəçilərin 90% məqaləni tam oxumur. Və yaxud facebook vasitəsi ilə digər tanışlarına onun tərəfindən yaradılan məqaləyə səs verməyə dəvət edirlər. Bütün bunlara görə gələcəkdə böhranlı vəziyyətin yaranmaması üçün idarəçilərimizdən və bu sahədə əsas işləri görən Cekli829-a bir təklifim var. Bu məsələlər öz həllini tapmadan laba yeni məqaləri qəbul etməsin və biz kiçik bir işçi qrupu yaradaraq seçilmiş və ya yaxşı məqalələrin yeni seçilmə üsulunu işləyib hazırlayaq. Hörmətlə:--Baskervill (talk) 20:06, 16 oktyabr 2014 (UTC)

Razıyam. Məncə də kifayət qədər statusuna layiq olmayan məqalə var. Bəzilərindən status alınmalıdır. (Məsələn: Səyyad Aran və s.) Bəzilərinin isə statusu düşürülməlidir. (Məsələn: Qarabağ FK və s.) Müzakirəli səsvermənin də lehinəyəm.--samral ^müzakirə 15:07, 18 oktyabr 2014 (UTC)

Məncə hər il qabaqcadan müəyyənləşdirilmiş tarix aralığında "Bəzi məqalələrin seçilmiş statusunun götürülməsi" haqqında ancaq idarəçilərin səs verə biləcəyi səsvermə keçirilməlidir. İdarəçilər statusları şübhəli olan 10-15 məqalələrdən ibarət siyahını qiymətləndirəcəklər. Bu siyahı isə bütün istifadəçilərin ən çox göstərdiyi statusu şübhəli məqalələrdən ibarət olacaq. Yəni iki mərhələ: İstifadəçilər və idarəçilər seçir, sonra ancaq idarəçilər müzakirə edir. --Serkanland (talk) 15:22, 18 oktyabr 2014 (UTC)

Serkanland-ın fikri ilə razı deyiləm. :)--samral ^müzakirə 23:36, 18 oktyabr 2014 (UTC)

Daha yaxşı fikri olan? :)--Serkanland (talk) 09:26, 19 oktyabr 2014 (UTC)

Müzakirə, müzakirə, yenə də müzakirə :)--samral ^müzakirə 11:16, 19 oktyabr 2014 (UTC)

Qaydaları yazın, digər layihələrdəki təcrübəyə diqqət edin. Türk vikisində məsələn yaxşı prinsip var bu məsələdə. Qaydalara da diqqətlə yanaşmaq lazımdır ki, məqalənin statusu nəyə əsasən azaldılmalı yaxud alınmalıdı. Məsələn mövzunu tam əhatə etmir, orijinal tədqiqatdır, etibarlı mənbələrə əsaslanmır və s. Yalnız adminlərin səs verdiyi variant Vikipediyanın adminliyin xüsusi imtiyaza malik olmaması haqqındakı prinsipə uyğun gəlmir. Uğurlar. --NKO ^zi 13:15, 19 oktyabr 2014 (UTC)

Məlumat

Hörmətli həmkarlarǃ V "Elektron Təhsil" Respublika müsabiqəsi üçün Vikipediya ilə bağlı hazırladığım təqdimat qəbul olunub. Hamınıza hörmətlə, --►Cekli829 03:58, 23 oktyabr 2014 (UTC)

Məqalələrin silinməsi haqqında

İlk öncə hamını salamlayıram. Xahiş edirəm adminlərdən məni başa salsınlar ki, İŞ GEDİR başlığı olan məqalənin silinməsi vikipediyanın hansı qaydasında yazılıb? Artıq elə zənn edirəm ki kimlərinsə gözünə İŞ GEDİR başlığı SİL!!! kimi görsənir. Dəfələrlə qarşılaşdığım haldır. Yaradacağım məqalənin mövcud kateqoriyadakı (məs.: Kimya elmləri doktorları, Sərdar Zeynalov,Şamxal Məmmədov) məqalələrdən daha ensiklopedik, daha həcimli olacağı halda məqalədə tamamlanma işləri hələ başa çatmamış silinir. Hansı səbəblə? İŞ GEDİR başlığı olduğu üçünmü? Mövcud vəziyyətlə bağlı məqaləmi silən İstifadəçi:Baskervill ə müraciət etsəm də, heç bir cavab vermir. Bəlkə, məqalə yaradılandan sonra müqayisə edilib nəticə çıxarılardı?! Zənnimcə İŞ GEDİR başlığı kifayət qədər nəyisə izah edir. Bir az daha səbirli olaq ki, sonda nəyin nə olacağını görə bilək! Bu məsələyə aydınlıq gətirilməsini istəyirəm.--Chem316 (talk) 11:19, 24 oktyabr 2014 (UTC)

Həmin məqalələr ensiklopedik əhəmiyyət daşımayan şəxslər haqqında olduğuna görə silinir. Hörmətlə --sefer azeri 11:25, 24 oktyabr 2014 (UTC)

Mən də bəzən bu şablondan istifadə edirəm, amma belə halla qarşılaşmamışam. Məqalələrin silinməsinin başqa səbəbləri vardır: Qeyri-ensiklopedik olması, təkrar məqalə olması və s. İş gedir şablonuna görə heç bir məqalə silinə bilməz--Serkanland (talk) 11:28, 24 oktyabr 2014 (UTC)

Məqalə sona çatmamış kim deyə bilər ki, haqqında bəhs edilən şəxs ensiklopedikdir ya yox?İŞ GEDİR başlığı bəs nəyə görədir görəsən?--Chem316 (talk) 09:48, 26 oktyabr 2014 (UTC)

Chem316 tərəfindən yazılan ifadədən çox xoşum gəldi: kimlərinsə gözünə İŞ GEDİR başlığı SİL!!! kimi görsənir. Əgər professorlar, elmlər doktorları ensiklopedik şəxslər deyilsə və silinirsə bəlkə əvvəlcə Kateqoriya:Fəlsəfə doktorları kateqoriyasındakı elmlər namizədləri haqqında məqalələrin silinməsindən başlayaq? Ondan sonra keçərik elmlər doktorlarına :) --İrada (talk) 06:51, 27 oktyabr 2014 (UTC)

İradə xanım, bilirsiz ki, məqalə silməkdən xoşum gəlir, siz sadəcə istiqamət verin, hansı kateqoriyadakı məqalələri desəz silməyə hazıram :) --sefer azeri 06:56, 27 oktyabr 2014 (UTC)

Baş üstə. Yetərincə elmi əsərləri, kitabları, elmi kəşfləri olanlar haqqında məqalələrlə işim yoxdur. Qalanları haqqında rast gəldikcə qeyd edəcəm. Heç kəs inciməsin. Mən artıq məqalələri göstərirəm :) --İrada (talk) 07:03, 27 oktyabr 2014 (UTC)

Səfa Mirzəyev, Qalib İmanov, Əliqismət Lalayev və onlarla belə məqalələr var. Nədən daxil etdiyim sil şablonu ləğv edilir, silinənlər bərpa olunurlar, amma professorlar haqqında məqalələr silinir? Məntiq görmürəm...Qaydalardan danışan adminlər nərədəsiniz?--İrada (talk) 09:47, 27 oktyabr 2014 (UTC)

İrada xanım, özünüz idarəçi ola-ola niyə sil şablonu qoyursunuz? Onu da deyim ki, şəxsən mən indiyə kimi professorlar haqqında olan məqalələri silməmişəm. Mən onları ən azı lokal viki səviyyəsində ensiklopedik şəxs hesab edirəm. --►Cekli829 12:00, 27 oktyabr 2014 (UTC)

Burada yazılanları diqqətlə oxusanız və anlasanız nədən sil şablonu qoyduğumu bilərsiz. Sizinlə müzakirə aparmaq istəmirəm. Məsələ ondadır ki, mən güclü məntiqə malik insanlarla müzakirə aparmağı xoşlayıram --İrada (talk) 12:12, 27 oktyabr 2014 (UTC)

Güclü məntiqə malik insanlarla müzakirə aparmağı xoşlamağınız bir növ mətnaltı bir təhqirdir. Bunu anlamaq üçün daha güclü məntiqə malik olmaq lazım deyil. Məsələn, budur qoyduğunuz sil şablonlarından biri: David Loriya. :) Razılaşın ki, bu çox məntiqsiz və əsassız qərardır. Sizinlə müzakirə aparmaq heç mənə də xoş deyil. --►Cekli829 12:18, 27 oktyabr 2014 (UTC)

Prosesə indi fikir verdim. Hörmətli Chem316 siz bir məqaləyə iş gedir şablonu əlavə etməklə onun silinməməsini sığortalaya bilmərsiniz. Daha sadə dillə desək bir məqalə qeyri-ensiklopedik olanda mən onu dərhal silirəm. Yəni bu adam ensiklopedik deyil, nə iş gedir ? :)) Məni düzgün başa düşün. Gün ərzində 15-20 məqalə silirəm və burada olan şəxslərin çoxusu ensiklopedik şəxs kimə deyilir hələdə bunu bilmir. Hörmətlə:--Baskervill (talk) 07:08, 20 noyabr 2014 (UTC)

Rocer Mayerson və Myerson məqalələri

İqtisadiyyat üzrə Nobel mükafatı laureatı olan Rocer Mayerson haqqında məqalə yaratdım və interviki qurmaq istəyəndə gördüm ki, məqalə bizim dildə olan Myerson adlı məqaləyə bağlanıb. İkinci məqalənin ləğv olunaraq, intervikinin Rocer Mayerson məqaləsinə bağlanmasını təklif edirəm. Hörmətlə: --Yusif Sərrac (talk) 15:20, 24 oktyabr 2014 (UTC)

Məncə məqalə köçürülməlidir. Çünki Myerson məqaləsi birinci yaranıb. Sadəcə kopi-paste edib məqalənin adını dəyişmək lazımdı, vəssalam. Hörmətlə, --Serkanland (talk) 15:24, 24 oktyabr 2014 (UTC)

Y Tarixçələri birləşdirdim. Məlumat verdiyiniz üçün təşəkkür edirəm! --►Cekli829 10:43, 26 oktyabr 2014 (UTC)

Salam

Salam Vikipedistler, şuradaki səsvermədə iştirak yaxşı olar. Türkçe Vikipediya ilə ən çox əlaqəsi olan Viki biri də bura olduğundan söylədim. Yaxşı Viki. Uğurkent (talk) 18:40, 24 oktyabr 2014 (UTC)

Y --►Cekli829 10:37, 26 oktyabr 2014 (UTC)

Meta RfCs on two new global groups

Hello all,

There are currently requests for comment open on meta to create two new global groups. The first is a group for members of the OTRS permissions queue, which would not contain any additional user rights. That proposal can be found at m:Requests for comment/Creation of a global OTRS-permissions user group. The second is a group for Wikimedia Commons admins and OTRS agents to view deleted file pages through the 'viewdeletedfile' right on all wikis except those who opt-out. The second proposal can be found at m:Requests for comment/Global file deletion review.

We would like to hear what you think on both proposals. Both are in English; if you wanted to translate them into your native language that would also be appreciated.

It is possible for individual projects to opt-out, so that users in those groups do not have any additional rights on those projects. To do this please start a local discussion, and if there is consensus you can request to opt-out of either or both at m:Stewards' noticeboard.

Thanks and regards, Ajraddatz (talk) 18:04, 26 oktyabr 2014 (UTC)

Vikipediya:Silinməyə namizəd məqalələr

Hörmətli viki-istifadəçilər. Vikipediyada məqalələrin silinməsi ilə bağlı mübahisələr son qoymaq üçün başqa dillərdəki vikilərdə olduğu kimi bizdə də Vikipediya:Silinməyə namizəd məqalələr səhifəsinin olmasına qərar verdim. Əslində bu səhifə çoxdan yaranmalı idi. Hesab edirəm ki, 100 mindən artıq məqaləyə malik olan Azərbaycan dilində Vikipediyada adı çəkilən səhifənin olması bəzi özbaşanalıqlara son qoyacaqdır. --İrada (talk) 10:59, 27 oktyabr 2014 (UTC)

Bir idarəçi olaraq qeyri-peşəkarlığa yol vermisiniz. Belə ki, həmin səhifədə artıq 3 şəxs haqqında olan məqalələrin silinməsini təklif etmisiniz. Amma nəzərinizə çatdırım ki, VP:SSK və VP:ŞEƏ qaydaları hələ ki, qəbul edilməyib. --►Cekli829 11:50, 27 oktyabr 2014 (UTC)

Qaydalar qəbul olunmayıbsa bu o demək deyildir ki, məqalələrin silinməsində heç bir qayda göözlənilmir. Qaydalar qəbul olunmayıbsa özbaşınalıq etməyə heç kəsə icazə verilmir. Əgər siz VP:SSK və VP:ŞEƏ-də göstərilən qaydalara əməl etməyi qeyri-peşəkarlıq hesab edirsinizsə bu Azərbaycan dilində Vikipediyanın çox çox çox böyük problemi ola bilər. --İrada (talk) 12:03, 27 oktyabr 2014 (UTC)

Ona görə də problemləri birdən-birə aradan qaldırmaq heç də asan deyil. Amma Siz bu gün bunu Səfərlə birlikdə sərt formada başladınız. Onsuz da gec-tez Vikipediya:Silinməyə namizəd səhifələr adlı layihəni həyata keçirməliyik. Amma məncə hələ bunun üçün o qədər də uğurlu vaxt deyil. Növbəti ildə bunu tətbiq etmək məqsədəuyğun olar. Çünki hazırda vikiqaydaları düz-əməlli başlı bilən heç 10 nəfər istifadəçimiz yoxdur. Hələlik isə, ərəb əlifbalı kifayət qədər məqalə var ki, məqalə sayının 100 minlik həddən aşağı düşməməsi şərtilə mütəmadi onların silinməsilə məşğuluq. --►Cekli829 12:10, 27 oktyabr 2014 (UTC)

Vikipediya:Silinməyə namizəd məqalələr siyahısında Ensiklopedik şəxs deyil deyə silinməsi istənilən məqalələr var. Bu məsələ dəfələrlə müzakirə olunub. Hamı gözəl bilir ki, AzVikidə şəxslər haqqında məqalələrin tam əksəriyyəti ensiklopedik deyil. Ancaq AzVikidə belə bir "razılaşdırılmamış razılaşma" var ki, hələlik bu cür məqalələr silinməsin, çünki həm onların sayı çoxdur, həm də AzVikiyə daha çox bu məqalələr maraq oyadır. Bu səbəbdən hansısa ayrıca bir məqalə "ensiklopedik şəxs deyil" məntiqi ilə silinsə bu çox böyük ədalətsizlik olacaq. Hələlik "ensiklopedik şəxs" AzViki üçün real deyil--Melikov Memmed^⇒email 05:54, 31 oktyabr 2014 (UTC)

Hələlik deyəndə nə nəzərdə tutulur? Az-vikinin istifadəçiləri şüurca xaricilərdən geri qalırlar, yoxsa bir-neçə ildən sonra burada inqilab gözlənilir? Konkret deyin görək nəyi və ya kimi gözləməliyik ki, problemlərimizi həll edək? Mən 2007-dən gözləyirəm. Bəlkə işə başlayaq? Amma bildiyim bir həqiqət var ki, Ensiklopedik olmayan şəxslərin silinməsi və Vikipediya:Silinməyə namizəd məqalələr səhifəsinin nəhayət ki, yaradılması çoxlarının kürkünə birə salıb. Xahiş edirəm gözləmə mövqeyinə üstünlük verməyin. Vikipediyamıza yaraşmayan məqalələrin silinməsində birgə iştirak edək. O zaman bütün problemləri tez həll edərik. --İrada (talk) 06:20, 31 oktyabr 2014 (UTC)

Hələ ki, azərbaycanlılar vikipediyaya çox da maraq göstərmir və aktivlik azdır, hələ ki, bizi tarixi şəxslərdən daha çox qohum-qonşu maraqlandırır, hələ ki, TV-lərdə tarixi verilişlər yox hansısa şou və ya dedi-qodu verilişləri reytinq qazanır, AzVikidə "ensiklopedik şəxs" az əhəmiyyətli şeydir. Siz şəxslər haqqında olan məqalərin tam əksəriyyətini silmək istəyirsinizmi? Əgər silinərlərsə, bunun AzVikiyə xeyiri və ya zərəri daha çox olacaq? --Melikov Memmed^⇒email 09:44, 31 oktyabr 2014 (UTC)

Hörmətli Melikov Memmed, Siz sadaladığınız bu "hələ ki"lərə son qoyulacağına inanırsınızmı? Göstərdiyiniz problemlərin həll olunmasını gözləsək Vikipediya elə bu vəziyyətdə də qalacaq. idarəçilər xoşlarına gəlmədiyi məqalələri heç kimlə hesablaşmadan siləcəklər, istifadəçilər də onlarla konfliktə girib ya bloklanacaq ya da küsüb gedəcəklər. Mən bu vəziyyəti xeyirli hesab etmirəm. --İrada (talk) 11:40, 31 oktyabr 2014 (UTC)

Mən Məmməd müəllimlə razıyam. Təbii ki, zərəri daha çox olacaq. Bunu belə layihə ilə, belə kontingentlə belə kontentə tətbiq etmək heç də arzuolunan nəticə verməyəcək. Layihəni tərtib edən idarəçi bəlkə elə bilir ki, digər idarəçilərin, həmçinin bürokratın belə işlərdən başı çıxmır? Şəxsən mən bu layihənin necə təsirə malik olduğunu çox gözəl bilirəm. Ona görə də indiki vaxtda bunun tətbiqinə qarşıyam. Şəxsən mənim üçün 1 gündə azı 2000 məqaləni silinməyə namizəd etmək heç də çətin deyil. Amma analyıram ki, bu AzVikiyə çox böyük zərbədir. Məsələn, mən bu yay bir neçə günün içərisində Vüsal müəllimin yaratdığı azı 2000 min məqaləni sildim. Amma buna görə özümü heç də yaxşı hiss etmədim. Çünki o məqalələr üçün Vüsal müəllim çox zəhmət çəkmişdi. Lakin özü də çox gözəl anlayırdı ki, gec-tez bunu etmək lazımdır. Ona görə də razılıq verdi. Ona görə də çalışmaq lazımdır ki, bunu mərhələ-mərhələ edək. Konkret təklifim belədir:

-Məqalə sayı 100 mindən aşağı düşmədən ərəb əlifbalı məqalələri silək.

-Eyni zamanda da ilk növbədə idarəçilərə təklif olunsun ki, hər kəs öz fəaliyyətini təftiş etsin. Görək kimin nəyi var, kimin nəyi yox? Həmçinin təftiş qarşılıqlı formada da həyata keçirilsin. Məsələn, belə. Qeyd edim ki, bunu şəxsən sınaqdan keçirmişəm. Nəticəsi də uğurlu olub.

Əgər belə etsək, o zaman müzakirələrdə də vaxt itirilməyəcək. Sadəcə iki şəxs bu işləri həll edəcəklər. Ümumi əmək sərf olunan məqalələr üçün isə, yenə də həmin məqalə üzərində işləmiş əsas istifadəçilərlə razılaşma faydalı olar. Silinməyə namizəd məqalələr layihəsini isə, məsələn noyabrın 1-dən sonra yaranan məqalələrə tətbiq etməklə davam etdirmək olar. --►Cekli829 11:07, 31 oktyabr 2014 (UTC)

Ərəb əlifbasında olan məqalələri niyə silirik? --NKO ^zi 11:11, 31 oktyabr 2014 (UTC)

Ərəb qrafikalı vikipediya layihəsinin fəaliyyətə başlaması üçün bu vacib amildir. Burada isə güzgü versiyasının qurulması planlaşdırılır.--►Cekli829 20:45, 1 noyabr 2014 (UTC)

Məncə Vikipediya:Şəxslərin ensiklopedik əhəmiyyəti qarşılaşdığımız reallıq ilə ayaqlaşmır, daha sadələşdirilmiş bir şey olmalıdır, yəni ensiklopedik olmayan, ancaq haqqında mənbə olan və az-çox tanınan şəxslər haqqında məqalələrə icazə verilməlidir. Heç bir mənbə olmayanlar isə silinsin. Ərəb əlifbasında olan məqalələr haqqında da məlumat verilsin, günlərlə müzakirə edib yaratdınız, indi isə silinir? --Melikov Memmed^⇒email 12:11, 31 oktyabr 2014 (UTC)

Hamı silməkzdən danışır. Bir nəfər də demir ki, oturaq fikirləşək görək yaddan çıxmaq üzrə olan vikipediyaya necə istifadəçi cəlb edək. Bunun möhtəşəm konfrans zalında yığışmaqla mümkün olmadığını da gördük. Bu yol da vikipediyadan bir neçə yüz istifadəçinin uzaqlaşdığının səbəbi olacaq. Üzərində əziyyət çəkilən məqalənin silindiyini görən yenidən vikipediyada işləyər? Mən işləmərəm. Mən əleyhinəyəm! Qaydalar qoyulsa da məsləhətləşmədən 1 məqaləmin silinməsinə razı deyiləm, vəssalam. --Vüsal Ağayev (talk) 14:25, 31 oktyabr 2014 (UTC)

Cənab Vüsal Ağayev şəxsən mən də, azərbaycan Vikipediyasında uydurma adamlardan və heç bir ensiklopedik şəxs olmayanlar barədə epopeya məqalələr gördükdə, buradan həmişəlik çıxmaq istəyirəm. Vikipediyanı sevən, gözəl məqalə yaradar, öz vaxtını lazımsız görüşlərdə və konfranslarda keçirməz. Heç mən şəxsən bir dəfə də olsun görüşdə olmamışam, çünki ona bir lüzum görmürəm. Burdan danışdın, oradan yaddan çıxdı. Burada qalıb çalışmaq istəyən onsuzda qalacaq, ötəri keçənlərdən isə onsuz da bir xeyir yoxdu... Hörmətlə: --Keete 37 (Farid Aliev) (talk) 14:34, 31 oktyabr 2014 (UTC)

Hörmətli həmkarlarım, burada aparılan müzakirələri oxudum. Doğrudan da məqalələrin bu cür silinməsinin əleyhinəyəm. Doğurdan da AzVikidə olan məqalələr içərisində hal hazırda silinməsinə ehtiyac olan məqalələr var. Ancaq onlar qalıb bir yanda alimlər haqqında məqalələr silinir. Bu cür silmə üsulu ilə yanaşsaq burada olan məqalələrin çox hissəsi — hər bir müğənni, teleaparıcı, idmançı, jurnalist (siyahını uzada bilərəm) .... olan məqalələr bütünlüklə silinməlidir. -- ■ Sultan ^mesaj 18:02, 31 oktyabr 2014 (UTC)

Mən də o fikirlə razıyam ki, necə olur hər hansı ölkənin istənilən idman növü üzrə yüksək liqasında 1 dəfə də olsun oyun keçirmiş şəxs haqqında məqalə yaradıla bilir amma elmlər namizədi-dosent olan şəxs haqqında yox ?!--samral ^müzakirə 20:58, 31 oktyabr 2014 (UTC)

Languages in censuses

Hello, Dear wikipedians. I invite you to edit and improve this article and to add information about your and other country.--Kaiyr (talk) 10:59, 31 oktyabr 2014 (UTC)