Neftçi PFK

Vikipediya, azad ensiklopediya
Sortilegus (müzakirə | töhfələr) tərəfindən edilmiş 12:37, 19 noyabr 2019 tarixli redaktə
Naviqasiyaya keçin Axtarışa keçin
Neftçi PFK
Loqonun şəkli
Klubun tam adı "Neftçi Bakı"
Ölkə Azərbaycan Azərbaycan
Ləqəb(lər) "Flaqman"
"Neftçilər"
"Xalq komandası"
Rəng(lər) ağ-qara
Yaranma tarixi 18 mart 1937 (87 il əvvəl) (1937-03-18) [1]
Stadionu Bakcell Arena
Tutumu 11.000
Prezidenti Azərbaycan Kamran Quliyev
Baş məşqçisi İtaliya Roberto Bordin
Liqa Azərbaycan Premyer Liqası
2018/2019 2
Rəsmi saytı
Vikianbarın loqosu Vikianbarda əlaqəli mediafayllar

"Neftçi PFK" — Bakı şəhərini təmsil edən Azərbaycan futbol klubu. Azərbaycan premyer-liqasında çıxış edir. Klubun müşahidəçilər şurasının sədri Çingiz Abdullayevdir.

"Neftçi" klubu "Qarabağ" klubu ilə yanaşı bütün Azərbaycan çempionatlarında iştirak edən iki komandadan biridir. "Neftçi" komandası ölkə miqyasında bütün yarışlarda rekorda malikdir. Beləki, 8 dəfə Azərbaycan Premyer Liqasına, 6 dəfə Azərbaycan Kubokuna və 2 dəfə Azərbaycan Superkubokuna sahib olmuşdur. Həmçinin, komanda beynəlxalq miqyasda 1 dəfə Birlik Kubokuna sahib olmuşdur; bu Azərbaycan futbol klublarının beynəlxalq səviyyədə qazandığı ilk kubok olmuşdur.

2012-ci ildə, "Neftçi" UEFA Avropa Liqasının pley-off mərhələsində Kiprin "APOEL" klubunu iki oyunun nəticəsinə görə 4-2 hesabıyla məğlub edərək yarışın qrup mərhələsinə vəsiqə qazanan ilk Azərbaycan komandası olmuşdur.[2][3]

Tarixi

Sovet dövrü

1930-cu illər

1922-ci ildən SSRİ birincilikləri şəhərlərin yığma komandalarının iştirakıyla keçirilirdi. 1937-ci ildən isə qərara alındı ki, çempionat klub komandalarının iştirakıyla təşkil edilsin. Həmin vaxt Azərbaycan SSR-də bir neçə sahənin təmsilçisi olsa da, neft sahəsi sanki unudulmuşdu. Halbuki həmin dövrdə Bakı artıq neft şəhəri kimi şöhrət qazanmışdı. Buna görə də "qara qızıl" sahəsində çalışanlar tezliklə 18 mart 1937-ci ildə futbol komandası yaratdılar. Ad üzərində də çox fikirləşmək lazım gəlmədi. Elə öz adlarını da komandaya verdilər. Amma həmin dövrdə rus dili daha işlək olduğundan komanda əvvəlcə "Neftyannik" adlandırıldı. Komandanın geyimində və emblemində də onun neftçilərə məxsus olduğunu bildirən nişanələr əks olundu. Emblemdə neft buruğunun fonunda kiril əlifbasının "H" hərfi - "Neftyannik" sözünün birinci hərfi idi. Təbii ki, "qara qızıl"ın da rəngi formanın əsasını təşkil etdi. Həmin dövrdə neftlə bərabər "ağ qızıl" adlandırılan pambıq da Azərbaycan SSR-in şöhrətlənməsində neftdən az rol oynamadığından qərara alındı ki, pambığın rəngi də formada əks olunsun. O vaxtdan Azərbaycan futbolunun tarixinə çevrilən "Neftçi" ağ-qara rənglərə sadiq qaldı.[4]

"Neftçi" ilk rəsmi matçını 24 may 1937-ci ildə keçirib. Bu həmçinin, komandanın debüt oyunu idi. SSRİ Kubokunun 1/64 finalında o zaman "Neftyannik" adlanan komanda Bakının "Dinamo" stadionunda 5 min azarkeşin izlədiyi matçda İrəvan "Dinamo"sunu 1:0 hesabı ilə məğlub etmişdir. Pavel Ştirlinin 87-ci dəqiqə vurduğu qol "Neftçi"nin tarixində ilk qol idi. Həmin oyunun hakimi Tbilisidən olan Nikolay Larionov olmuşdur[5]. Komandanın baş məşqçisi Aleksandr Qnezdov, kapitanı isə heyətdəki yeganə azərbaycanlı Məmməd-Əli İsmayılov idi[6][7].

Yarandığı ildən SSRİ çempionatının "Q" qrupunda çıxış edən komanda debüt ilində 12 komanda arasında 11-ci yeri tutdu. Həmin il SSRİ kuboku uğrunda yarışlarda isə "Neftçi" 1/64 finalda İrəvanın, 1/32 finalda isə Batuminin "Dinamo" komandalarına qalib gəlsə də, 1/16 finalda "Dinamo Tbilisi" klubuna uduzaraq mübarizəni dayandırdı. 1938-1941-ci illərdə "Neftçi" Azərbaycan və Zaqafqaziya birinciliklərində iştirak etdi. Müharibənin başlaması ilə əlaqədar olaraq, futbolçular da Böyük Vətən müharibəsinə yollandılar. Müharibədə həlak olanlar arasında müharibəyəqədərki dövrdə komandanın şərəfini qorumuş Mirmehdi Ağayev də vardı. 1938-ci ildə SSRİ kubokunda iştirak edən "Neftçi" zona yarışlarındaca yenildi.

1940-1960-cı illər

1949 SSRİ Kubokunun 1/4 final mərhələsinin afişası[8]

Müharibə sona yaxınlaşdıqca artıq komanda da fəaliyyətini bərpa edirdi. 1944-cü ildə "Neftçi" yenidən Azərbaycan birinciliyinə qayıtdı və bir il sonra respublika çempionu oldu. 1946-cı ildə SSRİ çempionatının 2-ci Cənub yarımqrupunda çıxış edən "Neftçi" 1947-ci ildə ikinci qrupda 4-cü yerə yüksəldi. Növbəti mövsüm 17 yaşlı Ələkbər Məmmədovun debüt ili oldu.

1949-cu ildə güclülər dəstəsini genişləndirmək qərarı nəticəsində "Neftçi" də A qrupunda debüt etdi. Həmin heyətə sonralar tanınmış hakimə çevrilən Tofiq Bəhramov və məşhur Ələkbər Məmmədov da daxil idi. "Neftçi" A qrupu tarixində ilk oyununu o vaxt Lenininin adını daşıyan indiki "İsmət Qayıbov" stadionunda HHQ (Hərbi Hava Qüvvələri) ilə keçirib. Bu tarixi matçda komanda 1:0 hesabı ilə qalib gəlib. SSRİ çempionatının A qrupunda ilk qolu isə Viktor Anoşkin vurub.

Çempionatın startı sensasion oldu. Beş turdan sonra birinci pilləyə "Neftçi" yüksəlmişdi. Lakin təcrübəsizlik tezliklə özünü göstərdi və yekunda komanda 14-cü oldu. "Neftyanik" sözünün "Neftçi"yə çevrilməsi Mərkəzi Komitədə ideoloji şöbənin katibi Cəfər Cəfərovun təşəbbüsü ilə olmuşdur.[9]

"Neftçi" SSRİ çempionatlarında ən böyük uğurlarından birini 1966-cı ildə qazandı. Klub vaxtilə "kiçik Avropa çempionatı" adlanan SSRİ çempionatının güclülər dəstəsində fəxri kürsüyə yüksələn ilk və yeganə Azərbaycan klubudur. Əhməd Ələsgərovun başçılıq etdiyi "Neftçi" həmin il SSRİ çempionatının bürünc medalına sahib çıxdı.[10]

1970-1980-ci illər

1971

Hələ ötən il mövsüm bitən kimi baş məşqçi Əhməd Ələsgərov, məşqçi Valentin Xlıstov və komandanın rəisi Rauf Adıgözəlov vəzifələrindən azad edildilər. Ələkbər Məmmədov baş məşqçi, 50-ci illərdə komandamızın həkimi olmuş, sonralar isə Futbol Federasiyasına rəhbərlik etmiş Kamal Axundov rəis təyin edildilər. Orconikidze «Spartak»ına rəhbərlik edən Tuayev isə futbolçu kimi heyətə qayıtdı. Əvəzində Markarov komandanı tərk etmişdi. Banişevski də artıq əvvəlki formasını yığmış və Şevçenko ilə birlikdə həm «Neftçi»nin hücum xəttini təşkil edirdi, həm də SSRİ yığmasına cəlb olunurdular. Hazırlıq prosesi də normal keçmiş və futbolçular mövsümə tam hazır idi. Hətta təlim-məşq toplanışları çərçivəsində komandamız Bakıda, Kislovodskda, Daşkənddə, Aşqabadda xeyli yoxlama oyunları keçirmiş və heç birində məğlub olmamışdı.

Banişevski və Şevçenko ilə yanaşı, komandanın əsas yükünü yarımmüdafiədə Tuayev, Hacıyev, Semiqlazov və Smolnikov, müdafiədə Bruxti, Y.Babayev, Quliyev və Lyoqki çiyinlərində daşımalı idi. Rəsmi oyunlara isə ölkə kuboku uğrunda mübarizə ilə start verildi. 1/16 finalda «Lokomotiv» (Moskva) səddini dəf edən (1:0; 0:0) «Neftçi» 1/8 finalda bütün ittifaqa səs saldı. Ötən çempionatın gümüş mükafatçısı və kubokun sahibi Moskva «Dinamo»su ilə Tbilisidə keçirilən ilk oyunda Smolnikov və Şevçenkonun qolları qələbəni (2:0) təmin etsə də, ruslar görəcəkləri günün Bakıda olduğundan xəbərsiz idilər. Cavab oyununda K.Beskov və L.Yaşinin rəhbərlik etdiyi «Dinamo»nun daşı-daş üstə qalmadı və Banişevskinin het-trikinə Smolnikovun daha bir qolu qoşulunca 4:0 hesablı qələbə hamını çaşdırdı. Çempionatın startında da uğurlu oyunlar davam etdi. Bakıda Kiyev «Dinamo»su ilə heç-heçəni «Karpatı» üzərində böyükhesablı qələbə, Moskvada «Torpedo» və OMİK-lə heç-heçələr izlədi. Bunun bir səbəbi də heyətdəki itkilərlə bağlı idi. «Torpedo»yla matçda yarımmüdafiəçi çatışmadığından 3 müdafiəçi orta sahədə oynamağa məcbur olmuşdu. Bununla belə, Bakıda «Spartak» (Moskva), «Dinamo» (Minsk) və «Paxtakor» üzərindəki qələbələr komandamızı çempionatın favoritləri arasına çıxardı. Xüsusilə də «Spartak» üzərində qələbə deyəsən Moskvada oturanlara xoş gəlmədi. Əvvəlki oyunlarda da hücum futbolu göstərən «Neftçi» moskvalıları 5:3 hesabı ilə darmadağın etdi. Belə qollu qarşılaşmalardan sonra 9 turun yekununa görə «Neftçi»dən Şevçenko, Banişevski və Tuayev hərəyə 5 qolla bombardirlər siyahısında idilər. Bakılı hücumçulara artıq SSRİ-nin yığma komandasında da ehtiyac duyulmuşdu. Banişevski ilə Şevçenko yığmanın heyətində Avropa çempionatının seçmə mərhələ oyunlarında çıxış etdilər. Birinci kiprlilərin, ikinci isə ispanların qapısına qol vurdu. Birinci dövrədə hər şey bakılıların istədiyi kimi gedirdi. «Neftçi» lider Kiyev «Dinamo»sundan 5 xal geri qalaraq 4-cü yeri tuturdu. Vurulan topların sayına görə isə komandamız hamını qabaqlayırdı. Baxmayaraq ki, R.Mirzəyev zədələnərək uzun müddətə sıradan çıxmış, Şevçenko, Smolnikov, Kramarenko və Y.Babayev zədə üzündən bəzi oyunları buraxmalı olmuşlar. Cərrahiyyə əməliyyatından yeni qayıtmış M.Zeynalov hələ həmişəki formasından uzaq idi. Ölkə kuboku uğrunda «Spartak»la yarımfinal oyununda 5:0 hesabı ilə məğlub olan «Neftçi» çempionatın ikinci dövrəsini olduqca zəif keçirməsinə rəğmən 9-cu yeri tutdu.[11]

Müstəqillik dövrü

1990-cı illər

Azərbaycan müstəqilliyini bərpa etdikdən sonra da futbol həvəskarları "Neftçi"nin timsalında parlaq oyununun şahidi oldular. Təsadüfi deyil ki, 1992-ci ildə futbol üzrə ilk milli Azərbaycan çempionatında qızıl medallar məhz "Neftçi"yə qismət oldu. Paytaxt komandasına çempion titulunu Əhməd Ələsgərov qazandırdı. Növbəti nailiyyət bundan 3 il sonra əldə edildi. "Neftçi" 1995-ci ildə Vaqif Sadıqovun rəhbərliyi altında ölkə kuboku uğrunda yarışda bütün rəqiblərini üstələdi. 1995/1996 mövsümünü isə "Neftçi" üçün unudulmaz çempionatlardan biri kimi xarakterizə etmək mümkündür. Çünki klub həmin mövsümü həm ölkə çempionu, həm də ölkə kubokunun qalibi kimi "qızıl dubl"la başa vurdular. Çempionluqla yanaşı, ölkə kubokunun qazanılmasında 3 məşqçi - Vaqif Sadıqov, Asif Əliyev və Kazbek Tuayevin əməyi keçdi.

Vaqif Sadıqov həmçinin "Neftçi" klubuna 1993 və 1995-ci illərdə Azərbaycan Superkubokunu da qazandırmışdır.[12]

"Neftçi" 3-cü dəfə 1997-ci ildə çempion adına layiq görüldü. Lakin AFFA yekunda əsas və yeniyetmə komandaların topladığı xalların cəmini əsas götürərək, qızıl medalları "Qarabağ"a verdi. Hər halda, ədalət öz yerini tapdı. UEFA çempion qismində "Neftçi"ni tanıdı və Çempionlar Liqasında iştirak hüququna da flaqman yiyələndi.

1999-cu ildə növbəti dəfə "Neftçi" klubu ölkə kubokunu Kazbek Tuayevin sayəsində qazandı.

2000-ci illər

2004-cü ildə ağ-qaralar ikinci dəfə “qızıl dubl”a imza atdılar. Kazbek Tuayevin yetirmələri 2004-cü ildə həm milli çempionatda, həm də ölkə kubokunda hamıdan güclü oldular.

2005-ci ildə Ağasəlim Mircavadovlu "Neftçi" çempionatın sonunda "Xəzər Lənkəran" klubu ilə eyni xal yığdığı üçün çempionu müəyyənləşdirmək üçün "Qızıl oyun" keçirildi. Gəncə şəhər stadionunda keçirilən oyunda ağ-qaralar "Xəzər-Lənkəran"ı 2:1 hesabı ilə üstələyərək, ardıcıl ikinci dəfə çempionluğu bayram etdi.[13]

Bundan başqa, flaqman beynəlxalq turnirlərdə də ölkəmizi layiqincə təmsil edib. "Neftçi" avrokuboklarda ilk dəfə qələbə qazanıb (1996-cı ildə Bakıda Bolqarıstan "Lokomotiv"i üzərində 2:1 hesablı qələbə), Çempionlar Liqasında 2 il ardıcıl mərhələ adlayıb (2004/05 və 2005/06 mövsümlərində), avrokuboklarda ilk səfər qələbəsinə nail olub (2005-ci ildə İslandiyada “Hafnarfyordur” üzərində 2:1 hesablı qələbə), avrokuboklarda iki mərhələ adlayan ilk komanda olub (2008-ci ildə İntertoto Kubokunda).

Flaqman, həmçinin “MDB və Baltikyanı ölkələrin çempionlarının Birlik kuboku” uğrunda yarışda ilk dəfə finala yüksələn (2005-ci il) və ilk dəfə baş mükafata sahib çıxan (2006-cı il) Azərbaycan klubudur.[14]

2010-cu illər

APOEL 1-3 Neftçi (UEFA Avropa Liqası Pley-of mərhələsi 30-08-2012).

2011-ci ildə flaqman Arif Əsədovun rəhbərliyi altında 6 ildən sonra sona 3 tur qalmış 6-cı dəfə Azərbaycan çempionu oldu.[15][16][17] 2012-ci ildə ardıcıl ikinci mövsüm çempion olan "Neftçi" bu dəfə bunu Böyükağa Hacıyevin başçılığı ilə əldə etdi.[18][19]

2011-12-ci il mövsümünün qalibi kimi Çempionlar Liqasına vəsiqə qazanmış "Neftçi" mübarizəyə ikinci mərhələdən başladı. Flaqman bu mərhələdə Gürcüstan çempionu "Zestafoni"ni iki oyunun nəticəsinə görə mübarizədən kənarlaşdırdı. Bakıda keçirilmiş ilk matçda rəqibini 3-0 hesabı ilə məğlub etmiş komandamız səfərdə rəqibi ilə heç-heçə etdi. 2-2. Növbəti mərhələdə Flaqman İsrailin "Kiryat Şmona" klubuna uduzsa da, Avropa Liqasının pley-off mərhələsində çıxış etmək imkanı əldə etdi. Pley-off mərhələsində Kiprin "APOEL" klubunu iki oyunun nəticəsinə görə 4-2 (1-1,3-1) məğlub etmiş Flaqman Azərbaycan futbolu tarixində avrokuboklarda qrup mərhələsinə vəsiqə qazanmış ilk klub oldu.[20][21]

"Neftçi" Avropa Liqasının qrup mərhələsində, qitənin ən güclü 10 klubundan biri hesab edilən İtaliya "İnter"i, eləcə də Rusiyanın "Rubin" və Serbiyanın "Partizan" klubları ilə qarşılaşdı. "Partizan"la hər iki oyunda heç-heçə etmiş "Neftçi", "İnter"lə "Cüzeppe Meazza" stadionunda sülh bağladı. 2-2[22][23]

2012/2013 mövsümündə Böyükağa Hacıyevin ardıcıl 2-ci çempionluğu, komandanın isə ardıcıl 3 mövsüm çempion olması, bununla yanaşı, həm də ölkə kubokunu qazanması "Neftçi"nin Azərbaycan futbol tarixi ərzində 3-cü dəfə "Qızıl dubl" edən ilk komanda olmasına səbəb olmuşdur.[24][25]

UEFA Çempionlar Liqasının 2013-2014 mövsümündə 2-ci təsnifat mərhələsindən mübarizəyə başlayan "Neftçi" Albaniyanın "Skenderbeu" komandasına iki oyunun nəticəsinə görə ümumi hesabda 0-1 hesabıyla məğlub olaraq yarışı erkən tərk etməli oldu. Məhz bu uğursuzluqdan sonra Böyükağa Hacıyev istefa verdi və komanda müvəqqəti olaraq Tərlan Əhmədovun başçılıq etdiyi məşqçilər korpusuna həvalə edildi.[26][27][28]

2013-cü ildə Azərbaycan Superkubokunda əzəli rəqibi "Xəzər Lənkəran"-a minimal hesabla məğlub olan "Neftçi" Tərlan Əhmədovu istefaya göndərdi.[29] 2013-cü il oktyabrın 26-da "Neftçi" klubu Nazim Süleymanovu klubun baş məşqçisi təyin etdi.[30] 2014-cü ilin yanvarın 8-də Nazim Süleymanov istefa verdi.[31]

2014-cü il yanvarın 11-də yarım illik fasilədən sonra Böyükağa Hacıyev yenidən baş məşqçi təyin olundu.[32] 2014-cü il mayın 22-də "Neftçi" klubu 6-cı dəfə Azərbaycan Kubokununa sahib oldu. Beləki, Böyükağa Hacıyevin yetirmələri ardıcıl olaraq 2-ci dəfə kuboku başı üzərinə qaldırdı.[33]

2013-2014-cü il mövsümündə Kubokun qalibi olan komanda UEFA Avropa Liqasının II təsnifat mərhələsindən yarışa başladı. Neftçi ilk öncə Sloveniyanın Koper komandasını iki oyunun nəticəsinə görə mübarizədən kənarlaşdırdı. Bakıdakı ilk matçda rəqibinə 1-2 hesabıyla məğlub olan komandamız səfərdə bunun əvəzini çıxdı. 2-0. Növbəti mərhələdə komandamız Gürcüstanın Çikura komandası ilə mübarizəyə davam etdi. Bakıdakı ilk oyunda qolsuz bərabərlik olsada komandamız səfərdə 3-2 hesabıyla layiqli qələbə qazandı və tarixində ikinci dəfə UEFA Avropa Liqasının Pley-Of mərhələsinə adladı. Bu dəfə komandamızın bəxtinə 2 il öncə qrup mərhələsindən bizə tanış olan Serbiyanın Partizan klubu düşdü. İlk oyun səfərdə keçirildi. Səfərdəki oyunda komandamız 2 erkən qol vursada sonrada 3 qol buraxdı və qələbəni əldən verdi. Cavab qarşılaşması da uğurlu alınmadı və komandamız 1-2 hesabı ilə məğlub olub Avropa macərasını Pley-Of mərhələsində başa vurdu. İkinci dəfə qrupa vəsiqə qazana bilməyən Böyükağa Hacıyev bundan sonra istefa verdi.[34]

2014-cü il sentyabrın 4-də 3 illik fasilədən sonra Arif Əsədov yenidən baş məşqçi təyin edildi.[35]

Klubun rəngləri və loqosu

"Neftçi"nin keçmiş və yeni loqoları

1949-cu il "Neftçi"nin tarixində yaranış ili qədər böyük yer tutur. O zaman "Neftyanik" adı altında çıxış edən komanda məhz bu il ilk dəfə olaraq SSRİ-nin güclüləri ilə bir qrupa daxil oldu. Azərbaycanın futbol tarixində düz 11 il əvvəl 1-ci qrupda cəmi bir il çıxış etmiş "Temp"dən sonra komanda respublikasının bu səviyyədə ikinci təmsilçisi oldu. SSRİ Futbol Federasiyasının apardığı islahat nəticəsində hər respublikadan ən azı bir komandanın 1-ci qrupa buraxılmasına qərar verildi. Azərbaycan SSR-in iqtisadiyyatında həmin dövrdə neft aparıcı yer tutduğundan məhz Neftçilərin Həmkarlar İttifaqının komandasının bu şərəfə layiq görülməsi qərara alındı. Qərarın verilməsində bilavasitə Respublika rəhbərliyi əsas rol oynadı. "Neftçi"nin futbol elitasında zəif təsir bağışlamaması üçün heyətdə köklü dəyişikliklər edildi. Üstəlik, komandanın loqosu tərtib edildi. İlk loqoda üzərində kiril əlifbası ilə yazılmış "H" hərfinin arxa planında neft buruğu əks olunub. Bundan sonra "Neftçi"nin loqosu üç dəfə – 1977, 1997 və 2004-cü ildə dəyişdirilib. 2005-ci ildə klubun loqosuna ulduz əlavə edilib. Buna səbəb Neftçinin 5-ci çempionluğu qazanması idi.[36]

Neftçi klubun doğma rəngləri ağ-qara hesab olunur. Klub yarandığı 1937-ci ildən etibarən əsas forma rəngi kimi qara rəngdən istifadə edirdi. Amma 50-ci illərdə klubun formasına ağ rəng də əlavə edildi. Bu da səbəbsiz deyildi. Azərbaycan bütün ittifaqda neft qədər pambıq bitkisi ilə də tanınırdı. Bu səbəbdən həm "qara qızıl", həm də "ağ qızıl"ın rəngləri klubun formasında əks olunurdu.

Forma sponsorları və istehsalçıları

Klubun forması Avropa Liqası Muzeyində

"Neftçi"nin ənənəvi forması qara köynək, ağ şort və eyni rəngli corabdan ibarət idi. Lakin illər ərzində qara köynək ağ və qara zolaqlarla əvəz olunmuşdur. Klubun forması müxtəlif illərdə müxtəlif idman firmaları tərəfindən hazırlanıb. Hal-hazırda klubun formaları Nike tərəfindən istehsal olunur.2004-2006-cı illərdə klubun titul sponsoru Heydər Əliyev adına Bakı Neft Emalı Zavodu (Klub formasında BNEZ olaraq qeyd edilmişdi), 2006-2015-ci illərdə SOCAR, 2015-2017-ci illərdə Asan Xidmət olmuşdur. Hal-hazırda klubun formasında heç bir titul sponsoru qeyd olunmayıb.

Ləqəbləri

Klub əsas "neftçilər" ləqəbindən başqa, "flaqman" və "xalq komandası" kimi də tanınır.[37][38]

Stadionu

border=none Əsas məqalə: Bakcell Arena

"Neftçi" Premyer Liqanın ev oyunlarını Bakcell Arenada keçirir.[39] Son illər klub bəzi seçmə və hazırlıq matçlarını İsmət Qayıbov adına Bakıxanov qəsəbə stadionu, Bayıl stadionu və Tofiq Bəhramov adına Respublika Stadionunda keçirir.[40]

Azarkeşləri

"Neftçi" Azərbaycanda ən çox dəstəklənən klublardan biridir. Ölkənin ən çılğın azarkeşləri Neftçi azarkeşləri hesab olunur. Müxtəlif illərdə Neftçinin bir sıra azarkeş qrupları olmuşdur. Onlar arasında "Flaqman" , "Ultra Neftçi" , "Neftçimaniya" və Forza Neftçini qeyd edə bilərik. Hal-hazırda klubun ən böyük azarkeş qrupu Forza Neftçidir. Forza Neftçi 2009-cu ildə yaranmışdır və Azərbaycan ən güclü və ən çılğın azad azarkeş qrupu hesab olunur. Forza Neftçi Bakcell Arenada kluba dəstəyini 1A sektorundan verir. Neftçini dəstəkləyən digər azarkeş qrupu isə "Köhnə 13" adlanır. Bəzi fikirlərə görə bu qrupun üzvləri artıq fəaliyyətdə olmayan "Neftçimaniya" qrupunun bəzi üzvlərindən ibarətdir. Vaxtı ilə Tofiq Bəhramov adına Respublika Stadionunda 13-cü sektordan kluba dəstək verdiklərinə görə qrupunun adının "Köhnə 13" olduğunu bildirən fikirlər var. Hal-hazırda Bakcell Arenada 4A sektorundan Neftçiyə dəstək olurlar. Klubun azarkeşləri ABŞ, Böyük Britaniya, Türkiyə, Rusiya, Almaniya, Hollandiya və digər böyük azərbaycanlı icması olan ölkərdə var. Lakin 2010-ci illərdə Neftçi öz mövqeyini təkmilləşdirilmişsəni baxmayaraq, klubun orta tamaşaçı sayısı aşağı səviyyəyə düşmüşdür.[41]

Klubun ən məşhur tərəfdarlarına aktyorlar Bəhram Bağırzadə, Bəşir Səfəroğlu, Lütfəli Abdullayev, bəstəkarlar Qara Qarayev, Fikrət Əmirov və Niyazi, cüdoçu İlham Zəkiyev, repçi Anar Nağılbaz və alim Mirəli Qaşqay daxildir.[42][43][44][45]

Rəqabətləri

Neftçi - Kəpəz rəqabəti

Neftçi PFK (Azərbaycan)
Hər iki komandanın xəritədə yeri

Azərbaycan futbol tarixinin ən köklü və ən rəqabətli derbisi olaraq bilinən bu derbi Bakı və Gəncə kimi Azərbaycanın ən böyük iki şəhərindən çıxan və ölkənin ən müvəffəqiyyətli və təsirli iki futbol klubu arasında oynanılmaqdadır.Həmçinin bu iki komandanın qarşılaşmaları ölkənin ilk paytaxtı ilə hazırki paytaxtı olan Bakı və Gəncə şəhərləri arasındakı tarixi rəqabət xüsusiyyətini də özlüyündə əks etdirməktədir.Neftçi'nin tərəfdarları ümumiliktə paytaxt Bakı və Abşeron yarımadasından olan insanlardan ibarətdirsə,Kəpəz'in tərəfdar kütləsi daha böyük bir xəritəyə sahibdir.Klub Gəncə şəhərini təmsil etsə də , Azərbaycanın bütün Qərb bölgəsi , Aran bölgəsi və bir çox rayon və əyalət şəhərlərindəki insanlarda Neftçi - Kəpəz qarşılaşmalarında Kəpəz'ə tərəfdarlıq edir.Hələ Sovet dövründəykən də Kəpəz'in tərəfdar kütləsi böyük əksəriyyətlə xalqın işçi təbəqəsindən ibarət idi.Buna görə də Qərblilər hər zaman Azərbaycanda və Qafqazda ən çox tərəfdara sahib futbol klubu olmuşdur. Rəqabətin kökü SSSR zamanlarına dayanır.Beləki Kəpəz azarkeşləri hər zaman bildirirlər ki,Kəpəzin SSSR dönəmində Neftçi qədər uğurlu olmamasının ən böyük səbəbi məhz Neftçinin paytaxt təmsilçisi olduğu üçün,ölkənin əsas komandası hesab edilərək,Azərbaycanın ən istedadlı futbolçularını ənəlxüsus Gəncə futbolunun yetirmələrini hər zaman Kəpəz'dən "qopararaq" Neftçi'yə aparılmaları olubki buda Kəpəzin uğurlarına əngəl olub.Azərbaycan futbol ictimaiyyəti tərəfindən "Tarixi Derbi" olaraq adlandırılan bu rəqabət 20-ci əsrin 90-cı illərində MDB ölkələri arasında ən rəqabətli derbilər sırasında belə adı çəkilmişdir. İlk qarşılaşma 1962-cı il 26 iyunda SSSR kubokunun 1/8 mərhələsinə təsadüf edir.Klubların o zaman ki adları ilə "Dinamo Kirovabad"-"Neftyanik Baku" qarşılaşması 1-0 hesabı ilə gəncəlilərin qələbəsi ilə nəticələnib.Ümumilikdə isə o zamandan indiyədək bu komandalar 45 dəfə üz-üzə gəliblərki bu görüşlərdə paytaxt təmsilçisinin üstünlüyü nəzərə çarpır.Belə ki,bakılıların aktivində 20,gəncəlilərin aktivində isə 18 qələbə vardır.

Oyunların ümumi statistikası
Yarış Oyun Neftçi
Bakı 		Heç-heçə Kəpəz
Gəncə 		Top fərqi
Azərbaycan Premyer Liqası 44 21 7 16 69-41
Azərbaycan Kuboku 14 8 2 4 18-11
SSRİ Çempionatı 2 1 0 1 2-3
SSRİ Kuboku 1 0 0 1 0-1
Cəmi 61 30 9 22 89-56

Neftçi - Xəzər Lənkəran rəqabəti

border=none Əsas məqalə: Böyük Oyun (Neftçi - Xəzər Lənkəran)

Azərbaycan futbolunun ən maraqlı oyunlarından biri olan "Neftçi - Xəzər Lənkəran" rəqabəti ilk dəfə 8 dekabr 2004-cü ildə Lənkəran şəhər stadionunda başladı. Bu oyundan tərəflər 1-1 hesablı bərabərliklə ayrıldı.[46] Bu matçlarda ilk qələbəni 11 may 2005-ci ildə Tofiq Bəhramov adına Respublika Stadionunda keçirilən oyunda "Neftçi" komandası 2-1 hesablı qələbəylə əldə etdi. "Xəzər Lənkəran" isə əzəli rəqibi üzərində ilk qələbəsini 11 avqust 2006-cı ildə rəqibini 2-1 hesabıyla məğlub etməklə qazandı. Azərbaycan futbolunda ən böyük azərkeş marağına səbəb olan bu rəqabət "Böyük Oyun" adlanır. Böyük oyunlarda ən böyük hesablı qələbə "Neftçi" komandasına məxsusdur. Beləki, 6 noyabr 2011-ci ildə "İsmət Qayıbov" adına stadionda keçirilən çempionat oyununda "Neftçi" rəqibini 5-0 hesabıyla darmadağın etmişdir.[47] "Neftçi - Xəzər Lənkəran" oyunlarında ən çox rəqib qapısına qol vurmuş oyunçu, "Neftçi" klubunun futbolçusu Flavinyodur. O rəqib komandanın qapısından 7 qol keçirtmişdir.

Neftçi - Qarabağ rəqabəti

Azərbaycan futbolunda digər vacib oyunlardan biri də "Neftçi - Qarabağ" rəqabətidir. Bu matçları prinspial edən səbəblərdən ən başlıcası hər iki komandanın 1992-ci ildən indiyədək təşkil olunan bütün çempionatlarda iştirak etməsidir. "Neftçi - Qarabağ" rəqabəti ilk dəfə 26 sentyabr 1992-ci ildə Tofiq Bəhramov adına Respublika Stadionunda başladı. Bu oyundan tərəflər 1-1 hesablı bərabərliklə ayrıldı. Bu oyunlarda ilk qələbəni 20 oktyabr 1992-ci ildə Ağdamın "İmarət" stadionunda keçirilən oyunda "Qarabağ" komandası 2-1 hesablı qələbəylə əldə etdi. Bu tərəflərin çempionatda "İmarət" stadionunda baş tutdan yeganə oyunu oldu. "Neftçi" komandası isə əzəli rəqibi üzərində ilk qələbəsini 1994/1995 mövsümündə evdə 3:2-lik qələbəylə əldə etdi. Azərbaycan futbolunda böyük marağa səbəb olan bu rəqabət "Azərbaycan derbisi" olaraq tanınır. Bu derbilərdə ən böyük hesablı qalibiyyət "Neftçi" komandasına məxsusdur. Beləki, 4 noyabr 2000-ci ildə "Tofiq Bəhramov adına Respublika Stadionunda baş tutan oyunda "Neftçi" rəqibini 4-0 hesabıyla darmadağın etmişdir.[48]

Jurnalı

2009-cu ilin aprelindən etibarən "Neftçi"nin klub jurnalı nəşr olunur. Jurnalın ilk sayında "Tamaşaçısız teatr olmaz", "Əvəzedilməz simalar", "Bir ömrün nəğməsi" və s. başlıqlı yazıları dərc olunub.[49]

Komandanın heyəti

"Neftçi" klubunun start heyəti və düzülüş sxemi (4-5-1).

Mənbə: Peşəkar Futbol Liqası
Son yenilənmə: 4 avqust 2018

Nömrə Ölkə Mövqeyi Futbolçu
1 Azərbaycan GK Səlahət Ağayev
3 Seneqal DF Mamadou Mbodj
5 Azərbaycan DF Anton Krivotsyuk
6 Serbiya DF Voyislav Stankoviç
7 Azərbaycan MF Namiq Ələsgərov
8 Azərbaycan MF Emin Mahmudov
9 Fransa FW Baqali Dabo
10 Braziliya MF Dario JR
11 Yunanıstan MF Vanqlis Platellas
12 Azərbaycan GK Kamran İbrahmov
Nömrə Ölkə Mövqeyi Futbolçu
17 Azərbaycan MF Rəhman Hacıyev
18 Azərbaycan DF Tural Axundov
19 Azərbaycan FW Rauf Əliyev
25 Ukrayna DF Kirilo Petrov
26 Azərbaycan DF Ömər Buludov
28 Fransa FW Stiven Josef-Monroz
30 Azərbaycan GK Aqil Məmmədov
36 Qvineya GK Mamadu Kane
33 Azərbaycan MF Turan Vəlizadə
93 Haiti MF Soni Mustivar

İcarəyə verilənlər

Nömrə Ölkə Mövqeyi Futbolçu
Qana DF Kvame Karikari (Al Oruba FK)
Azərbaycan FW Fəhmin Muradbəyli (Səbail FK)
Azərbaycan FW Mirabdulla Abbasov (Səbail FK)

Uğurları

Ölkədaxili turnirlərdə

Beynəlxalq arenada

Azərbaycan Çempionatında və Kubokunda

Bakının "Neftçi" klubu Azərbaycan kubokunda mütləq rekorda malikdir. Beləki "ağ-qaralar" 27 ölkə kubokunun hamısında 1/4 finala çıxmaqla, bu rekorda nail olublar.[50]

Mövsüm Liqa Yer O Q H M VT BT X Kubok Avropa Qolçular Baş məşqçi
1992 APL 1 36 30 2 4 104 23 62 1/4 - AzərbaycanƏləkbərov (36) Azərbaycan Ələsgərov
Azərbaycan Kramarenko
1993 5 18 11 5 2 39 11 27 1/4 - Azərbaycan Ələkbərov (16) Azərbaycan Sadıqov
1993–94 8 30 11 7 12 37 11 29 1/4 - Azərbaycan Ələkbərov (12) Azərbaycan Sadıqov
1994–95 3 24 17 4 3 67 15 38 Qalib - Azərbaycan Əliyev (26) Azərbaycan Sadıqov
1995–96 1 20 11 6 3 42 17 39 Qalib UKK I t/m Azərbaycan Əliyev (16) Azərbaycan Sadıqov
Azərbaycan Tuayev
1996–97 1 30 23 5 2 98 20 74 1/4 UK I t/m Azərbaycan Qurbanov (34) Azərbaycan Tuayev
1997–98 6 26 13 4 9 43 23 43 1/2 UÇL I t/m Azərbaycan Qurbanov (9) Azərbaycan Tuayev
1998–99 3 26 15 4 4 57 18 52 Qalib - Ukrayna Kalfa (15) Azərbaycan Tuayev
1999–2000 3 22 13 4 5 35 17 43 1/2 UK I t/m Azərbaycan Vasilyev (8) Azərbaycan Ələsgərov
2000–01 2 20 16 3 1 57 11 51 Finalçı UK I t/m Azərbaycan İsmayılov (11) Azərbaycan Namazov
Azərbaycan Abdullayev
Azərbaycan Özbəkov
2001–02 3 22 13 5 4 34 7 44 Qalib UK I t/m Azərbaycan Qurbanov (9) Azərbaycan Tuayev
2003–04 1 26 22 3 1 66 15 69 Qalib - Azərbaycan Vasilyev (17) Azərbaycan Tuayev
2004–05 1 34 24 6 4 52 18 78 1/4 UÇL II t/m Azərbaycan Tağızadə (14) Azərbaycan Mircavadov
2005-06 3 26 15 9 2 51 16 54 1/2 UÇL II t/m Azərbaycan Nəbiyev (12) Azərbaycan Mircavadov
2006–07 2 24 17 3 4 47 15 44 1/2 - Gürcüstan Adamiya (10) Azərbaycan Qurbanov
2007–08 6 26 16 7 3 42 18 55 1/2 UK I t/m Azərbaycan Subaşiç (14) Çexiya Petrjela
Ukrayna Demyanenko
2008–09 8 26 9 9 8 30 21 36 1/4 UİK III t/m Rumıniya Niyaqa (5) Ukrayna Demyanenko
Almaniya Yurgen Gede
Azərbaycan Ağayev
2009–10 5 42 13 19 10 31 26 58 1/4 - Rumıniya Niyaqa (11) Azərbaycan Sadıqov
2010–11 1 32 19 10 3 53 17 67 1/4 - Özbəkistan Nəsimov (15) Azərbaycan Əsədov
2011–12 1 32 20 3 9 55 30 63 Finalçı UÇL II t/m Özbəkistan Nəsimov (16) Azərbaycan Hacıyev
2012–13 1 32 19 5 8 59 32 62 Qalib UÇL
UAL		 III t/m
Qrup m.		 Çili Kanales (26) Azərbaycan Hacıyev
2013–14 4 36 17 9 10 48 42 60 Qalib UÇL II t/m Özbəkistan Nəsimov (7) Azərbaycan Əhmədov
Azərbaycan Süleymanov
Azərbaycan Hacıyev
2014–15 4 32 13 10 9 38 33 49 Finalçı UAL Pley-off Çili Kanales (11) Azərbaycan Hacıyev
Azərbaycan Əsədov
2015–16 6 36 13 10 13 41 41 49 Finalçı UAL I t/m Azərbaycan Qurbanov (13) Azərbaycan Əliyev
Azərbaycan Abdullayev
Azərbaycan Qasımov
2016–17 7 28 9 2 17 24 45 29 1/2 UAL II t/m İspaniya Seqoviya (4) Azərbaycan Qasımov
Azərbaycan Abdullayev
2017–18 3 28 14 4 10 39 28 46 1/2 - Çili Errera (8) Azərbaycan Abdullayev
Azərbaycan E.Əhmədov
Azərbaycan T.Əhmədov
2018–19 2 28 17 7 4 52 26 58 1/4 UAL I t/m Fransa Dabo (14) İtaliya Bordin

Azərbaycan çempionatında yubiley qolları

yubiley
qolu 		tarix oyun müəllif[51][52]
1 08.05.1992 Neftçi – Xəzər S. Yunis Hüseynov
100 13.10.1992 İnşaatçı S - Neftçi Samir Ələkbərov
200 22.10.1994 Xəzər L. – Neftçi Mais Əzimov
300 18.09.1996 Fərid Bakı - Neftçi Yaşar Vahabzadə
400 27.09.1997 Neftçi – Dinamo Bakı Qurban Qurbanov
500 31.10.1999 Neftçi – Kəpəz Aleksey Stukas
600 25.11.2001 Xəzər Universiteti – Neftçi Vadim Vasilyev
700 13.12.2004 Neftçi – Kəpəz Stenli Udenkvor
800 10.11.2006 Bakı - Neftçi Aqil Məmmədov
900 22.08.2009 Neftçi - Turan Adrian Neaqa
1000 04.12.2011 Neftçi - Simurq Araz Abdullayev
1100 12.09.2013 Neftçi - İnter Melvin Platye
1200 01.05.2016 Qəbələ - Neftçi Elşən Abdullayev
1300 03.11.2018 Keşlə - Neftçi Mirabdulla Abbasov

UEFA turnirlərində

border=none Əsas məqalə: Azərbaycan klubları UEFA turnirlərində

"Neftçi" UEFA bayrağı altında keçirilən və Azərbaycan klublarının qatıldığı 5 qitə turnirinin hamısında, ümumilikdə 14 dəfə iştirak edib.[53]

UEFA turnirlərindəki statistika

Mənbə: uefa.com
Son yenilənmə: 26 iyul 2019

Turnir Oyunlar Q H M VQ BQ
UEFA Çempionlar Liqası 18 5 5 8 14 32
UEFA Kuboku / UEFA Avropa Liqası 38 12 10 16 51 53
UEFA Kuboklar Kuboku 2 0 1 1 0 3
UEFA İntertoto Kuboku 6 3 1 2 7 7
Cəmi 64 20 17 27 72 95

UEFA turnirlərindəki oyunlar

UEFA turnirlərində "Neftçi"nin Azərbaycan siftələri

Birlik Kubokunda

border=none Əsas məqalə: Azərbaycan Birlik Kubokunda

Neftçi klubu Birlik Kubokunda 5 dəfə iştirak etmişdir. Ardıcıl olaraq iki il "Birlik Kuboku"nun finalına yüksələn komanda 2006-cı ildə bu kuboku başı üzərinə qaldırmışdır. Bununla da "Neftçi" Beynəlxalq arenada ilk çempionluq qazanan Azərbaycan futbol klubu kimi tarixə düşmüşdür.

Birlik Kubokundakı nəticəsi

İl Yer O Q H M T/F B
1993 - 2 0 0 2 0-9 -9
1995 - 3 1 0 2 1-6 -5
1997 - 3 0 0 3 6-11 -5
2005 Finalçı 5 4 0 1 10-4 +6
2006 Qalib 6 4 2 0 13-6 +7
5 turnir Cəmi 19 9 2 8 30-34 -4

Birlik Kubokundakı bütün oyunları

№ Tarix Mərhələ Rəqib Hesab
1-ci Birlik Kuboku – Moskva 1993
1 25.01.1993 Qrup Skonto (Latviya) 0:1
2 27.01.1993 Qrup Spartak Moskva (Rusiya) 0:8
3-cü Birlik Kuboku – Moskva 1995
3 29.01.1995 Qrup Jalgiris Vilnus (Litva) 0:1
4 30.01.1995 Qrup Spartak Moskva (Rusiya) 0:5
5 31.01.1995 Qrup Sitora (Tacikistan) 1:0
5-ci Birlik Kuboku – Moskva 1997
6 25.01.1997 Qrup Spartak Moskva (Rusiya) 2:4
7 26.01.1997 Qrup Zimbru Kişinyov (Moldova) 1:2
8 28.01.1997 Qrup Novbahor (Özbəkistan) 3:5
13-cü Birlik Kuboku – Moskva 2005
9 15.01.2005 Qrup Şerif Tiraspol (Moldova) 1:0
10 16.01.2005 Qrup Nebitçi (Türkmənistan) 4:1
11 19.01.2005 1/4 Pünik (Ermənistan) 2:0
12 21.01.2005 1/2 Dinamo Kiyev (Ukrayna) 2:1
13 23.01.2005 Final Lokomotiv Moskva (Rusiya) 1:2
14-cü Birlik Kuboku – Moskva 2006
14 14.01.2006 Qrup Vaxş (Tacikistan) 3:0
15 15.01.2006 Qrup Metallurq (Latviya) 2:1
16 17.01.2006 Qrup Aktobe (Qazaxıstan) 1:1
17 18.01.2006 1/4 Paxtakor Daşkənd (Özbəkistan) p. 4:2
18 20.01.2006 1/2 Pünik (Ermənistan) +:-(3:0)
19 22.01.2006 Final Kaunas (Litva) 4:2

SSRİ çempionatında və kuboklarında

SSRİ çempionatında

İştirakçısı olduğu 27 çempionatda 253 qələbə, 270 bərabərlik, 361 məğlubiyyəti var.[57]

SSRİ kuboklarında

Reytinqi

UEFA reytinqində

Mənbə: kassiesa.home
Son yenilənmə: 24 iyul 2014

Sıra Komanda Xal
178 Ukrayna Zorya Luqansk 8.233
179 Ukrayna Arsenal Kiyev 8.233
180 Niderland Den Haaq 8.129
181 Azərbaycan Neftçi Bakı 8.075
182 Polşa Slask Vroçlav 8.050
183 Macarıstan Videotan 7.875
184 Kipr Anortosis 7.860

Beynəlxalq Futbol Tarixi və Statistikaları Federasiyasının reytinq cədvəlində

2010-cu il noyabrın 26-da açıqlanan klublarının XXI əsr üçün reytinqində ilk onilliyi 380,5 xal ilə Azərbaycan klubları arasında 1-ci, dünyada isə 314-cü pillədə başa vurmuşdur.[58]

2012-ci il sentyabrın 3-də açıqlanan klubların yeni reytinq cədvəlində 73 xalla Azərbaycan klubları arasında 1-ci, dünyada isə 305-ci pillədə başa vurmuşdur.[59]

2013-cü il martın 4 açıqlanan reytinqdə 92,5 xalla Azərbaycan klubları arasında 1-ci olan "Neftçi" komandası, dünya klubları arasında isə 180-cı pillə qərarlaşmışdır.[60]

Fərdi nəticələr

Ən çox qol vurmuş oyunçular
Oyunçular Dövrlər Oyun sayı Qollar
1 SSRİ Azərbaycan Samir Ələkbərov 1987–94; 1995–98 251 138
2 SSRİ Anatoli Banişevski 1964–1978 288 136
3 SSRİ Azərbaycan Yunis Hüseynov 1984–92; 1993–98 295 101
4 SSRİ Eduard Markarov 1961–70 251 96
5 SSRİ Vladimir Mikuchadze 1951–60 174 88
6 SSRİ Nikolay Smolnikov 1967–79 338 86
7 SSRİ İqor Ponomaryov 1978–81; 1983–88 226 70
8 Azərbaycan Qurban Qurbanov 1996–98; 2001; 2004–05 80 69
9 SSRİ Maşallah Əhmədov 1977–89 260 64
10 SSRİ Əli Əbilzadə 1950–60 ???? 62
Ən çox oyun keçirən oyunçular
Oyunçular Dövrlər Oyun sayı Qollar
1 SSRİ Nikolay Smolnikov 1967–79 338 86
2 SSRİ Sergey Kramarenko 1964–1975; 1977-81 331 0
3 SSRİ Əsgər Abdullayev 1979-91 319 1
4 SSRİ Azərbaycan Yunis Hüseynov 1984-92; 1993-98 295 101
5 SSRİ Anatoli Banişevski 1964–78 288 136
6 SSRİ İsgəndər Cavadov 1977–82; 1983-88 277 53
7 SSRİ Kazbek Tuayev 1961–70; 1971–72 277 58
8 SSRİ Maşalla Əhmədov 1977-89 260 64
9 SSRİ Azərbaycan Arif Əsədov 1985–93; 1995-97; 2000-2002 258 5
10 SSRİ Azərbaycan Samir Ələkbərov 1987–94; 1995-98 251 138

Prezidentləri

Əvvəllər klubda belə Prezident vəzifəsi yox idi və komanda birbaşa olaraq, Mərkəzi Komitədən idarə olunurdu. 1988-ci ildə SSRİ-də yenidənqurmanın təsiri ilə "Neftçi" də digər klublar kimi peşəkar futbol klubu statusu aldı və kluba ilk prezident seçildi.[61]

 
Adları İllər üzrə[62]
Azərbaycan Aydın İbrahimov 1988–97
Azərbaycan Aqil Paşayev 1997–01
Azərbaycan Ramiz Mirzəyev 2001–03
Azərbaycan Rövnəq Abdullayev 2004–08
Azərbaycan Əkbər Hacıyev 2008–10
Azərbaycan Sadıq Sadıqov 2010–15
Azərbaycan Orxan Hüseynzadə 2017–18
Azərbaycan Kamran Quliyev 2018–

Uğurlu məşqçiləri

Baş məşqçilər Dövrlər Kuboklar
Azərbaycan Əhməd Ələsgərov 1992 Azərbaycan Premyer Liqası
Azərbaycan Vaqif Sadıqov 1993–95 2 Azərbaycan Kuboku, 2 Azərbaycan Superkuboku
Azərbaycan Kazbek Tuayev 1996–97, 1998–99, 2003–04 3 Azərbaycan Premyer Liqası, 2 Azərbaycan Kuboku
Azərbaycan Ağasəlim Mircavadov 2004–06 Azərbaycan Premyer Liqası, Birlik Kuboku
Azərbaycan Böyükağa Hacıyev 2011–13, 2014 2 Azərbaycan Premyer Liqası, 2 Azərbaycan Kuboku
Azərbaycan Arif Əsədov 2010–11, 2014–2015 Azərbaycan Premyer Liqası

Rəhbərlik və məşqçilər

"Neftçi" klubunun ən uğurlu baş məşqçisi Böyükağa Hacıyev.

Rəhbərlik

Vəzifə Adı[63][64]
Prezident Azərbaycan Kamran Quliyev
Vitse-prezident Azərbaycan Elnur Eyvazov
Müşahidə şurasının sədri Azərbaycan Çingiz Abdullayev
İdman direktoru Azərbaycan Ceyhun Sultanov
Baş menecer Azərbaycan Qədir Həsənov
Mətbuat katibi Azərbaycan Rüstəm Allahverdiyev

Məşqçilər heyəti

Vəzifə Adı[65]
Baş məşqçi İtaliya Roberto Bordin
Köməkçi məşqçi Azərbaycan İqor Getman
Azərbaycan Füzuli Məmmədov
Qapıçılar üzrə məşqçi Azərbaycan Etibar Tarıverdiyev
Fiziki hazırlıq üzrə məşqçi İtaliya Andrea Vezzu

Populyar mədəniyyətdə

Rusiyanın dövlət Bədən tərbiyəsi və İdman Komitəsi, “Rusiya peşəkarları” işçi jurnalının “Sovet futbolununu tarixi” layihəsi çərçivəsində “Peşəkar” nəşriyyatı tərəfindən nəşr olunmuş kitabda “Neftçi PFK” SSRİ çempionatlarının ən güclü komandaları siyahısında yer alıb. Kitabın “Neftçi” PFK-ya aid hissəsində, Azərbaycanda idmana eləcə də futbola dövlət səviyyəsində diqqət və qayğının göstərildiyi vurğulanıb. Məqalədə Azərbaycan Prezidenti cənab İlham Əliyev tərəfindən imzalanmış “Azərbaycan Respublikasında 2005-2015-ci illərdə futbolun inkişafına dair Dövlət Proqramı”nın uğurla icra edilməsi qeyd olunub.

“Neftçi”nin tarixi uğurlarından bəhs olunan hissədə, klubun son illərdə qazandığı nailiyyətlər öz əksini tapıb. Sadıq Sadıqovun kluba prezident təyin edilməsindən sonra ardıcıl 3 dəfə ölkə çempionluğunu qazanmış “Neftçi PFK”-nın, Avrokuboklarda tarixi ilki gerçəkləşdirməsi haqqında geniş məlumat verilib. Bununla yanaşı kitabda komandamızın Avropa Liqasında “İnter”, “Rubin” və “Partizan” kimi rəqiblərlə oyunlarından fotolar öz əksini tapıb.[66]

İstinadlar

  1. ↑ http://premyer.az/xeberler/xfutbol/5104-neftchinin-tarixinden-lk-resmi-qol-ermenilere-vurulub.html
  2. ↑ «Нефтчи» стал первым азербайджанским футбольным клубом, вышедшим в групповой этап еврокубков. 1.news.az  (rus.)
  3. ↑ Neftçi” tarixi uğuru yenə təkrarlayacaq. sport.sia.az  (az.)
  4. ↑ "Neftçi"nin tarixi. neftchimedia.az  (az.)
  5. ↑ "Neftçi" – 75 il əvvəl və indi. apasport.az  (az.)
  6. ↑ Кубок СССР 1937. 1/64 финала. 24 мая 1937. Нефтяник (Баку) - Динамо (Ереван) 1:0. fc-dynamo.ru  (rus.)
  7. ↑ Кубок СССР 1936-1939 (Травкин Н., Добронравов И.) & Ткачук И.А.  (rus.)
  8. ↑ Кубок СССР 1949. 1-4. 25 октября 1949. Торпедо (Москва) - Нефтяник (Баку). fc-dynamo.ru  (rus.)
  9. ↑ Erməni qızı Respublika stadionunun diktorunu vəzifəsindən azad elətdirdi. supersport.az  (az.)
  10. ↑ “Neftçi” – SSRİ. apasport.az  (az.)
  11. ↑ http://neftchipfk.com//az/tarix/ilbeil/a_19711980/
  12. ↑ Superkubok xatirələri. apasport.az  (az.)
  13. ↑ "Qızıl oyun": "Neftçi" - "Xəzər Lənkəran" - 2:1. sportal.az  (az.)
  14. ↑ «Neftçi» «Birlik Kuboku»nu qazandı. azadliqradiosu.az  (az.)
  15. ↑ Arif Əsədov tarixə düşdü. apasport.az  (az.)
  16. ↑ Neftçi take title honours in Azerbaijan. uefa.com  (ing.)
  17. ↑ Neftchi are Azerbaijani champions. news.az  (ing.)
  18. ↑ Neftçi take honours in Azerbaijan. uefa.com  (ing.)
  19. ↑ Нефтчи - чемпион второй год подряд. azerifootball.com  (rus.)
  20. ↑ TARİX YAZILDI!!!! NEFTÇİ QRUP MƏRHƏLƏSİNDƏ!!! korner.az  (az.)
  21. ↑ APOEL 1-3 Neftçi. uefa.com  (ing.)
  22. ↑ «Neftçi» Avroliqada özünü necə göstərdi. azadliq.org  (az.)
  23. ↑ “Neftçi”nin Avropa macərası bitdi. zaman.az  (az.)
  24. ↑ Böyükağa Hacıyev Mehman Allahverdiyevə çatdı. apasport.az  (az.)
  25. ↑ Neftçi qızıl dubl etdi. azefutbol.com  (az.)
  26. ↑ Skënderbeu strike late to end Neftçi resistance. uefa.com  (ing.)
  27. ↑ Böyükağa Hacıyev sözünün üstündə durdu. ayna.az  (az.)
  28. ↑ Neftçi Tərlan Əhmədova 5 turluq şans verdi. azerisport.az  (az.)
  29. ↑ Tərlan Əhmədov istefaya göndərildi. futbolmedia.az  (az.)
  30. ↑ Nazim Süleymanov "Neftçi"də! avrofutbol.com  (az.)
  31. ↑ "Nazim Süleymanov istefa verdi. qol.az".  (az.)
  32. ↑ Bu gün klubdaxili iclas keçirilib. neftchipfk.com  (az.)
  33. ↑ Neftçi Kubokun altıqat qalibidir. azerisport.az  (az.)
  34. ↑ Böyükağa Hacıyev rəsmən istefa verdi. rekord.az  (az.)
  35. ↑ "Neftçi"nin yeni baş məşqçisinin adı məlum oldu. rekord.az  (az.)
  36. ↑ "Neftçi"nin loqosu. neftchipfk.az  (az.)
  37. ↑ Azərbaycan futbolunun flaqmanı "Neftçi" "Qalatasaray"la qarşılaşa bilər
  38. ↑ "Neftçi"nin vitse-prezidenti "Qarabağ"ın "xalq komandası" adlandırılmasına münasibət bildirib
  39. ↑ Neftçi “8 km stadionu”nu 8 qolla açdı. azefutbol.com  (az.)
  40. ↑ “Neftçi” “İsmət Qayıbov”a nə vaxt köçəcək?
  41. ↑ Кому нужен азербайджанский футбол?
  42. ↑ "Cüdo üzrə ikiqat paralimpiya çempionu İlham Zəkiyev də "Neftçi"yə dəstək oldu". www.olimpiya.az (Azerbaijani). İstifadə tarixi: 8 November 2014.
  43. ↑ "Keçmişə Salam 08.04.2013". ANS TV (Azerbaijani). 8 April 2013. İstifadə tarixi: 16 April 2013.
  44. ↑ Дело - за первой сборной
  45. ↑ Anar Nağılbaz Azərbaycanda hansı kluba azarkeşlik edir?
  46. ↑ "Xəzər Lənkəran" - "Neftçi" rəqabəti - STATİSTİKA. rekord.az  (az.)
  47. ↑ "Neftçi" "Xəzər Lənkəran"ı biabır etdi. modern.az  (az.)
  48. ↑ "Neftçi" - "Qarabağ": Derbinin tarixi və tarixlərdə derbi. avrofutbol.com  (az.)
  49. ↑ "Neftçi"nin jurnalı satışa çıxdı. fanat.az  (az.)
  50. ↑ "Neftçi" ilə "Qarabağ" arasında fərq artdı. apasport.az
  51. ↑ MİNə 3 qol qaldı - STATİSTİKA. apasport.az  (az.)
  52. ↑ 1100-cü qol və 200-cü ev qələbəsi. qol.az  (az.)
  53. ↑ Azərbaycan klubları avrokuboklarda (STATİSTİKA). qol.az  (az.)
  54. ↑ Kupa Galipleri Kupası Neftchi Baku - Apoel. macanileri.com tərcümədə ing. — "{{{1}}}"
  55. ↑ Neftçi hold Partizan on group stage debut. uefa.com  (ing.)
  56. ↑ "Neftçi" İtaliyada "İnter"ə 2 qol vurdu. azadliq.info  (az.)
  57. ↑ Azərbaycan futbolu: “Neftçi” PFK". inaz.az  (az.)
  58. ↑ Reytinqə sözardı, yaxud “Neftçi” “Qarabağ”ı necə keçdi? apasport.az  (az.)
  59. ↑ Neftçi” iri addımlarla irəliləyir. apasport.az  (az.)
  60. ↑ “Neftçi” dünya klublarının reytinq siyahısında irəliləyib. az.apa.az  (az.)
  61. ↑ Ağ-qara film. topsport.az, 31.03.2015  (az.)
  62. ↑ “Neftçi” son 10 ildə - ARAŞDIRMA. apasport.az  (az.)
  63. ↑ "Neftçi" PFK-nın Müşahidə Şurası. neftchipfk.com  (az.)
  64. ↑ "Neftçi" PFK-nın İcra Orqanı. neftchipfk.com  (az.)
  65. ↑ Məşqçilər heyəti neftchipfk.com  (az.)
  66. ↑ "Neftçi SSRİ çempionatının ən güclü komandaları siyahısında (FOTO)" (az.). azerisport.com. 2013-09-30. İstifadə tarixi: 2014-10-29.

Həmçinin bax

Xarici keçidlər

Mənbə — "https://az.wikipedia.org/w/index.php?title=Neftçi_PFK&oldid=4941580"