Barselona FK

Barselona FK
Futbol Club Barcelona
Klubun tam adı	Barselona Futbol Klubu
Ölkə	İspaniya
Ləqəb(lər)	Barça (Barça) Blaugranas(Göy-qırmızılar) Cataloness(Kataloniyalılar)
Rəng(lər)	Göy-Qırmızı
Yaranma tarixi	29 noyabr 1899 (1899-11-29)
Stadionu	Kamp Nou, Barselona
Tutumu	99 354
Prezidenti	Xosep Bartomeu
Baş məşqçisi	Ernesto Valverde
Liqa	La Liqa
2019/20	1
Ev forması Səfər forması Üçüncü forma
Rəsmi saytı
Vikianbarda əlaqəli mediafayllar

Barselona Futbol Klubu (isp. Fútbol Club Barcelona, kat. Futbol Club Barcelona). Barselona şəhərini təmsil edən Kataloniya bölgəsindən olan ispan futbol klubu. 1899-cu ildə Joan Gamper başçılıqı ilə bir qrup İsveçrə, İngiltərə və Kataloniyadan olan futbolçularla birlikdə qurulan klub, Kataloniya mədəniyyətinin və katalanizmin simvoluna çevrildi, məhz buna görə klubun devizi "Més que un club" ("Bir klubdan daha artıq") oldu. Dünyanın ən bahalı (4.08 milyard) və ən zəngin (560.8 milyon) ikinci komandasıdır. Rəsmi Barselona himni "Cant del Barça", Jaume Picas və Josep Maria Espinas tərəfindən yazılmışdır.

Ölkə yarışlarında Barselona 26 La Liqa, 30 Kral Kuboku, 13 İspaniya Superkuboku və 2 İspaniya Liqa Kuboku, 3 Yeva Duarte Kuboku sahibidir. Ölkədaxili ən çox kubok qazanan komandadır (74). Həmçinin, Top 5 liqada ən çox rəsmi kubok sahibi olan komandadır (91). Beynəlxalq yarışlarda isə klub Barselona 5 UEFA Çempionlar Liqası, 5 UEFA Superkuboku, 4 UEFA Kuboklar Kuboku, 3 FİFA Klublararası Dünya Çempionatı qazanıb. Uefa reytinq sıralanmasında klub ikinci yerdədir.

Barselona dünyanın ən çox dəstəklənən komandalarından biridir və idman komandaları arasında dünyanın ən böyük sosial mediasına sahibdir. Bundan başqa Ronaldo, Romario və Ronaldinyo da daxil olmaqla FİFA-nın ilin ən yaxşı oyunçusu mükafatını rekord sayda 7 dəfə qazanıb, o cümlədən Ballon d'Or mükafatını 11 dəfə qazanıblar. 2010-cu ildə klubun gənclər akademiyasından gələn Lionel Messi, Andres İnyesta və Xavi FİFA Qızıl topu mükafatının ən yaxşı üç oyunçusu seçiliblər.

Tarixi

1908-ci ildə təsisçilərindən biri Xoan Hans Gamper ilk dəfə klub başçısı oldu. Bu 1905 ildə baş verdi. O vaxtlar Kataloniya çempionatını qazanan Barselonanın maliyyə vəziyyəti kəskin pisləşdi, klub iflas astanasında idi ki, Xoan Gamper beşinci dəfə klub prezidentliyinə seçildi. Xoan Gamperin ən böyük naliyyətlərdən biri o idi ki o Barsaya öz stadionunu tikdi. 14 mart 1909 ildə Barselona Carrer Indústria stadionuna köçdü. Daha sonra klub öz stadionunu bir dəfə də dəyişdi. Onlar yeni Kamp de Les Korts stadionuna köçdü, stadion 60000 yerlik idi. 1912 Gamper kluba ispan əsili filippinli hücumçu Paulino Alkantarayı dəvət etdi. O burda 13 il forma geyecək və 357 qola imza atacaq.

Arzuların komandası

1988-ci ildə Yohan Kroyff baş məşqçi kimi Barselonaya qayıtdı. Onun baş məşqçi olduğu müddətdə Barselonada Xosep Qvardiola, Xose Mari Bakero,Beqiristayn, Ronald Kuman, Mikael Laudrup, Romario və Xristo Stoiçkov kimi tanınmış ulduzlar çıxış edirdi. Bütün bu futbolçular oynadığı oyunla komandanı dünyaya sevdirdi və klub "Arzuların komandası" kimi adlandırılırdı. Klub 1989-cu ildə Kuboklar Kuboku turnirinin finalında Sampdoriyaya 1-0 hesabı ilə qalib gələrək kuboku başı üzərinə qaldırdı. 1991-94-cü illərdə La Liqada ardıcıl olaraq 4 çempionluq qazanıldı. 1992-ci ildə isə UEFA Çempionlar Liqası finalında Sampdoriya ilə qarşılaşmanın əsas vaxtı 0-0 bitsə də, əlavə edilən vaxtda (111-ci dəqiqədə) Ronald Kuman cərimə zərbəsindən möhtəşəm zərbə ilə topu rəqib qapısından keçirdi və klub ilk Çempionlar Liqasını kubokunu qazandı. Bundan başqa klub 1 dəfə İspaniya Kral Kuboku (1990), 1 dəfə UEFA Superkuboku (1992) və 3 dəfə İspaniya Superkuboku başı üzərində qaldırdı. İbrahim Afellay

Bir müddətdən sonra qələbə seriyası sona yaxınlaşdı və komandada uğursuzluqlar başladı. Bunun nəticəsidir ki, klub 1994-cü ildə Çempionlar Liqasının Afinada keçirilən final oyununda Milana məğlub oldu. 1996-cı ildə Kroyff klubdan ayrıldı.

100 illik yubiley

Kroyffun klubu tərk etməsindən sonra onun yerinə ingilis Bobbi Robson gətirildi və o bu postda 1 il işlədi. Lakin bu 1 ildə kluba 3 kubok qazandırdı (Kral Kuboku, İspaniya Superkuboku və Kuboklar Kuboku). Hal-hazırki dövrdə də məşhur olan "Kataloniya ölkə, Barselona isə onun ordusudur" ifadəsini də məhz ser Bobbi Robson işlətmişdi. 1997-ci ildə onu holland Lui Van Qal əvəz etdi. Həmçinin klub Luiş Fiqu, Luis Enrike və Rivaldo kimi oyunçularla gücləndirdi. Həmin mövsüm komanda La Liqa və Kral Kubokunu qazandı. 1999-cu ildə də komanda yubileyini La Liqada çempion olaraq qeyd etdi. Yubiley ilində komandanın liderlərindən olan Rivaldo Avropanın ən yaxşı futbolçusu adına layiq görüldü.

Frank Raykard (2003-2008)

2003-cü ildə Xuan Laportanın Barsa prezidenti seçilməsi ilə oyunçu kimi Ayaks və Milanda xarüqələr yaradan gənc Frank Raykard baş məşqçi postuna təyin edildi. Raykard işə başlaması ilə klub əvvəlki şöhrətini qaytarmağa başladı. 2003-cü ildə transfer edilən braziliyalı ulduz Ronaldinyo komandanın 2003-04 mövsümündə La Liqada ikinciliyi əldə etməsində böyük pay sahibi oldu. 2004-cü ilin yayında komandaya Deco, Henrik Larsson, Samuel Eto'o, Ludovik Giuli və Rafael Markes kimi tanınmış oyunçular cəlb edildi. Həmin oyunçular klubun yetirmələri olan Karles Puyol, Xavi, Andres İnyesta və Viktor Valdes kimi futbloçularla klubu daha böyük uğurlara daşıdılar.

2004-05 mövsümündə Barsa La Liqa və İspaniya Superkubokunu qazandı və komandanın liderləri olan Ronaldinyo və Samuel Eto'o FIFA tərəfindən elan edilən İlin ən yaxşı futbolçusu mükafatı verilə Qızıl top müvafiq olaraq 1-ci və 3-cü yerə layiq görüldülər.

2005-06-cı ildə Barsa əzəli rəqibi Real Madridi Santyaqo Bernabeuda 3-0 hesabı ilə məğlub etdi və Raykaard Barsada əzəli rəqibini iki dəfə məğlub edən baş məşqçi kimi tarixə düşdü. Həmin oyununun qəhrəmanı Ronaldinyo idi (qollardan ikisini o vurmuşdu). Braziliyalı futbolçu həmin görüşdə o dərəcədə möhtəşəm çıxış etmişdi ki, madridli azarkeşlər onun meydançanı tərk etməsi zamanı alqışlamışdılar. Digər golu isə Kamerunlu hücumçu Samuel Eto'o vurmuşdu. Həmin mövsüm Barsa ardıcıl olaraq ikinci dəfə La Liqa və İspaniya Superkubokunu əldə etdi. Bununla yanaşı Çempionlar Liqasının finalında Arsenalı, Samuel Eto'o və Juliano Bellettinin qollarıyla klub ikinci çempionluğunu əldə etdi. 2006-2007 mövsümünün əvvəllərində Barsanın əsas oyunçularının zədələnməsi ilə klub çətin vəziyyətə düşdü. Klubdaxili baş verən hadisələr oyunlara da təsir edirdi. Samuel Eto'o ilə baş məşqçi Raykard və Ronaldinyo arasında münasibətlər yaxşı deyildi. Ronaldinyo əvvəlki formasından uzaq idi. Klublararası Dünya Kuboku finalında Braziliyanın İnternasional klubuna məğlub olan katalonlar Kral Kubokunun 1/2 finalında Xetafe, Çempionlar Liqasının 1/8 finalında isə Liverpul səddini aşa bilmədi. Mövsüm boyu klub La Liqada lider olsa da, sonradan bəzi oyunlarda vacib xalların itirilməsi ilə çempionluq şansını çətinə saldı. Çempionatın sonunda isə klub əzəli rəqibi Real Madridlə eyni sayda xal toplasa və top fərqində üstün olsa da, aralarındakı oyunlarda alınan nəticələrə görə çempionluğu Real Madrid əldə etdi.

2007-08-ci il mövsümündə Barselona hollandiyalı Frank Raykardın başçılığı altında o qədər də yaxşı çıxış etmədi. Klub La Liqada Real Madrid və Vilyarrealdan xeyli geri qalaraq 3-cü yerdə qərarlaşdı. Bu azmış kimi klub Kral Kubokunda Valensiyaya uduzdu. Çempionlar Liqasında isə İngiltərənin Mançester Yunayted klubu keçilməz oldu. Bu nəticələrdən sonra Barselona rəhbərliyi Frank Raykard istefaya göndərildi.

Qvardiola erası (2008-2012)

2008-ci il mövsümünün əvvəlində keçirilən prezident seçkilərində qalib gələn Laporta baş məşqçi postuna Pep Qvardiolanı gətirdi. Klub Zambrotta, Deco, Ronaldinyo, Edmilson ilə yollarını ayırdı. Heyətin yenidən qurulması üçün Daniel Alves, Jerar Pike, və Seydu Keyta kimi oyunçuların alınmasına və Puyol, Xavi, Inyesta, Rafael Markes, Valdes, Messinin müqaviləsinin uzadılmasına 90 milyon avro sərf edildi.

La Liqada Mövsümün ilk iki turunda Barsa xallar itirsə də, 3-cü turundan başlayaraq komanda qələbələri sıralamağa başladı və lider mövqeyinə yüksəldi. 15-ci turda əzəli rəqib Real Madrid Nou Kampda 2-0 (Eto'o və Messi) hesabı ilə məğlub edildi və ikinci pillənin sahibi olan madridlilərlə xal fərqi 12-yə yüksəldi. Komandanın Kral Kuboku və UEFA Çempionlar Liqasında da işləri yaxşı gedirdi. UEFA Çempionlar Liqasında klub Qrup mərhələsini 1-ci pillədə bitirərək 1/8 finala vəsiqə qazandı.

17 yanvar 2009-cu ildə Barsa La Liqada yeni rekord müəyyənləşdirdi. 19 oyununun 16-da qələbə, 2-də heç-heçə əldə edən və yalnız 1-də məğlub olan katalonlar mövsümün ilk yarısını 50 xal toplayaraq və 57 qol vuraraq başa vurdular ki, bu da yeni rekord idi.

Mövsümün ikinci yarısına da yaxşı başlayan katalonlar Çempionlar Liqasının 1/8 finalında Lion'u və 1/4 finalda Bayern Münheni mübarizədən kənarlaşdıraraq yarım-finala çıxdı və Çelsi ilə rəqib oldu. Nou Kampdakı ilk qarşılaşmada 0-0 hesabı qeyd alındı. Həmin həftəsonu keçirilən Real Madridlə oyunda isə komanda 6-2 hesablı tarixi qələbə qazandı. Növbəti həftə keçirilən çempionlar liqası yarım-final cavab qarşılaşmasında Barsa səfərdə Andres İnyestanın vurduğu son dəqiqə qolu ilə hesabı 1-1 elədi və iki oyunun nəticəsinə görə Çelsidən üstün olaraq finala çıxdı.

13 may Barsa Kral Kubokunun finalında Valensiyanın Mestalya stadionunda Atletik Bilbao ilə qarşılaşdı və mübarizədən 4-1 hesablı qələbə ilə ayrılaraq kuboku 25-ci dəfə muzeyinə apardı. Həftəsonu isə La Liqada keçirilən qarşılaşmalardan sonra Barsa rəsmi olaraq çempionluğunu elan etdi. Növbəti hədəf isə çempionlar liqası finalında Mançester Yunaytedə qalib gələrək bu kuboku qazanmaq idi.

27 may Barselona çempionlar liqası finalında Mançester Yunaytedlə qarşılaşdı. 10-cu dəqiqədə Samuel Eto'o və 70-ci dəqiqədə Messinin vurduğu qollar Barsaya 2-0 hesablı qələbə qazandırdı və Barsa 3-cü dəfə UEFA Çempionlar Liqası kubokunu başı üzərinə qaldırdı. Bununla da 2008-09 mövsümündə iştirak etdiyi 3 turnirdə də qızıl medallara yiyələnən katalonlar İspan futbolu tarixində təkrarlanması çətin olan bir mövsümdə 3 kubok qazanmış yeganə klub kimi tarixə düşdülər.

2009-2010 mövsümü başlanmamışdan əvvəl klub çox önəmli bir futbolçu ilə yollarını ayırdı. Belə ki, Kamerunlu hücumçu Samuel Eto'o İtaliyanın İnter klubuna satıldı. Bunun əvəzinə isə məhz İnterdə xarüqələr yaradan İsveçli hücumçu Zlatan İbrahimoviç Barselonaya gətirildi. Klub bu mövsümdə də azarkeşlərini durmadan sevindiridi. Ardıcıl qələbələr klubu La Liqanın lideri etdi. Real Madridlə Nou Kampda oynanılan oyunda 1-0 hesabla qalib gəldilər. Oyunda vurulan yeganə golun müəllifi məhz Zlatan İbrahimoviç oldu. 2010-cu il aprelinda El Klasiko Santiyaqo Bernabeuda baş tutdu. Yenə Barselona Real Madriddən güclü olduğunu sübut etdi. Oyun Barsanın 2-0 (Lionel Messi və Pedro ) hesablı qələbəsi ilə başa çatdı. Aprel ayınının sonu isə Barsa üçün uğurlu alınmadı. Belə ki Kral Kubokunda Səfərdə Sevilyaya 3-1 hesablı məğlubiyyət Barselonanı turnirdən kənarlaşdırdı. Daha bir məğlubiyyət isə Çempionlar Liqasında qeydə alındı. Belə ki, elə də güclü hesab edilməyən İtaliyanın İnter klubu öz meydanında 3-1 hesabıyla qalib gəldi. Barselona Nou Kampda ən azı 2-0 hesablı qələbəyə ümid edirdi. Lakin Barselona Nou Kampda İnterin ciddi müqavimətlə ilə üzləşdi. Beləcə oyun Barselonanın 1-0 hesablı qələbəsi ilə başa çatdı və Barselona Çempionlar Liqasında mübarizəni dayandırdı. Lakin klub mövsümü titulsuz başa vurmadı. La Liqada yenə Barselona çempion oldu.

Son illər (2012-)

2012-ci ilin yayında komandadan ayrılan Xosep Qvardiolanın yerinə koməkçisi Tito Vilanova gətirildi. Yay transfer pəncərəsində Barselona Valensiyadan Erik Abidalin yerinə ispan sol cinah oyunçusu Xordi Albanı transfer etdi. Daha sonra Seydou Keitanın yerinə Arsenaldan Aleksandr Song alındı. Yeni sezona Barselona İspanya superkubokunda Realla qarşılaşdı. İlk maçda Nou Kampda 3:2 qələbə qazandı, ama ikinco maçda Real Madrid 2:1 qələbə qazandı və səfər qoluna görə qalib gəldi. Daha La Liqada Barselona liqanın ilk dovrəsini 55 xalla məğlubiyəttsiz tamamladı. İlk məğlubiyyət səfərdə Anoetada Real Sosiyedada uduzdu. 26 fevralda Kral Kubokundan 1/4 finalda Real sədhini keçə bilmədi. İlk maç Santayaqo Bernabeuda 1:1 bərabərə qaldı, lakin Camp Nouda Barsa Reala 1:3 məğlub oldu. Buna baxmayaraq Barsa liqada çempionluğu erkən elan etdi. 35-ci turdan Barsa artıq çempiondu. Sezon sonunda xəstəliyə görə Tito Vilanova istefa etdi. 2013/2014 sezonunda Barselona Tito Vilanovanın yerinə Argentinalı Xerardo Martino gətirildi. Daha sonra Barselona Neymar Santosdan alındı. Həmin sezon heç bir uğur qazana bilməyən Martino istefaya göndərildi. 2014-15 mövsümündə Barselona Luis Enrike ilə müqavilə imzaladı və La Liqa, İspaniya Kuboku və Çempionlar Liqasının qalibi olaraq trebl etdi. Mayın 17-də klub 23-cü İspaniya çempionluğunu əldə etdi. Mayın 30-da İspaniya Kubokunda Atletik Bilbaonu məğlub edərək çempion oldu. Daha sonra Çempionlar Lİqasının finalın Yuventusu 3-1 hesabıyla məğlub etdi və çempion oldu. 2015-16 sezonunda komandanı Xavi və Pedro tərk etdi, onların əvəzinə Atletiko Madriddən Arda Turan və Sevilyadan Aleiş Vidal alındı. Amma transfer yasağı üzündən oyunçular ancaq yanvarda oynaya bilərdilər. Mövsümə Barselona UEFA Superkubokunda Sevilya üzərində 5:4 qalibiyyətlə başladı. Daha sonra İspaniya Superkubokunda Atletik Bilbaoya iki maç sonunda (0:4, 1:1) məğlub oldu. Çempionlar liqasında işlər o qədər yaxşı qetmədi, 1/4 finalda Atletiko Madridə iki maç sonunda (2:1, 0:2) turu keçə bilmədi. Çempionatda isə Barsa sonuncu turda Qranadanı 3:0 məğlub edərək çempion oldu. İspaniya kubokunda məğlub olmadan bütün rəqiblər keçdikdən sonra finalda Sevilyanı 2:0 məğlub etdi.

Statistika

Hal hazırda Xavi Barselona tarixində ən çox oyun keçirib, 767 bütün yarışlarda və 505 La Liqada, ikinci yerdə Andres İnyestadır o 626 bütün yarışlarda və 409 oyun La Liqada keçirib. Ən çox qol vuran oyunçu isə Lionel Messidir, o 577 maçda 500 qol vuraraq Paulino Alkantaranın 87 illik 369 qolluq rekordunu qırdı. O, həmçinin Barselona tarixində 97 qola Avropa, beynəlxalq və 343 qola La Liqanın ən çox qol vurmuş oyunçudur.

Sıralama	Ölkə	Ad	İl	Qol	Matç
1	Argentina	Lionel Messi	2004-	453	531
2	İspaniya	César Rodríguez Álvarez	1942-1955	232	301
3	Macarıstan	Ladislav Kubala	1950-1961	194	280
4	İspaniya	Josep Samitier	1919-1932	178	333
5	İspaniya	Josep Escolà	1934-1949	163	223
6	Fillippin	Paulino Alcántara	1912-16,1918-27	142	369
7	İspaniya	Ángel Arocha	1926-1933	134	215
8	Kamerun	Samuel Eto'o	2004-2009	130	152
9	Braziliya	Rivaldo	1997-2002	130	136
10	İspaniya	Mariano Martín	1940-1948	123	188

Xavi

Azarkeşlər

Klub azarkeşlərinin sayına görə Avropada Real Madrid və Mançester Yunayted dən sonra üçüncüdür (44,2 milyon nəfər). Pərəstişkarları "Cules" kimi tanınır. Azarkeşlərinin bu cür adlandırılmasının arxasında çox maraqlı bir hadisə yatır. Məsələ orasındadır ki, ispan dilində "culo" üzərində oturduğumuz orqan deməkdir. Camp Nou stadionu tikilmədən öncə Barselona futbol klubu öz ev oyunlarını "Les Corts" stadionunda keçirirdi və stadionun xaricinə çıxıb aşağıdan baxıldığında stadionun ən hündür yaruslarında oturan insanların yalnız o hissələrinin göründüyü bildirilirdi. Və məhz bu səbəbdən adları "cules" kimi tarixə keçmişdir. Hal-hazırda "Barselona"nın bütün dünyada rəsmi olaraq 1335 fan-klubu fəaliyyət göstərir. Barselona yalnız Borussia Dortmundun arxasında Avropa futbol klublarının ikinci ən yüksək orta ziyarətçi var. II İohann Pavel, Xose Luis Rodriges Sapatero klubun məşhur azarkeşləridir.

Klub rəqabəti

Barcelona ilə Real Madrid arasındakı əzəli rəqabət El Clásico adıyla xatırlanmaqdadır. Bu rəqabət İspaniya vətəndaş müharibəsi illərində siyasi sahədə də boy göstərmiş, Katalanlar və Kastilyalılar arasında mədəni və siyasi gərginliklər baş göstərmişdir.

Francisco Franco dövründə Katalanlar başda olmaq üzrə bütün regional mədəniyyətlərə təzyiq siyasəti həyata keçirmişdir. İspan torpaqlarında İspan xaricindəki bütün dillərin danışılması qadağan edilmişdir. Bu dövrdə FC Barcelona Katalan xalqının simvolu halına gəlmiş və "Mes que un club" (Bir klubdan daha çox) adıyla xatırlanmışdır. Diktatorluq dövründə Barcelonanı dəstəkləmək Manuel Vázquez Montalbán'ın da söylədiyi kimi Katalan olduğunu göstərmənin ən diqqət çəkən yolu idi. Bu üsul anti-Franco hərəkətə qatılmadan diktatorluğun müxalifi olduğunu göstərmənin də bir yolu idi. Barcelonanın müxalifəti işarələdiyi Daxili Savaş dövründə Real Madrid isə təzyiqçi mərkəziyyətçilik anlayışının və faşist rejimin bir simvolu olaraq görülmüşdür.

Hal-hazırda yalnız idman mənada sürən bu rəqabət futbolçu transferləri, kubok çempionluqlar, maliyyə gəlir kimi sahələrdə davam etməkdədir.

Kataloniyanın paytaxtı olan Barselonanı təmsil eliyən iki klub: Barselona və Espanyol. Bu derbinin prinsipiallıqı ondan ibarət idiki, iki klubda fərqli politik baxışları var. Barselona yalnız Kataloniyanı dəstəkləyir, Espanyol isə yalnız İspaniya hökümətini dəstəkləyir.

Stadion

Kamp Nou

Barselonanın ev oyunlarının keçirdiyi yer Kamp Nou adlanır. Stadionun rəsmi açılışı 1957-ci il Sentyabrın 24-də keçirilib. Yalnız 1957-ci ildə stadion Kamp Nou deyil, Estadi del FC Barcelona adlanırdı. Lakin 2000-ci ildə stadionun adı dəyişdirələq Kamp Nou adını aldı. Kamp Nou - Avropanın ən çox tamaşaçı tutumuna malik stadiondur - 99,354

Kamp Nou bir neçə dəfə yenidən tikilmişdir. İlk dəfə bu 1981-ci ildə, 1982-ci ildə keçiriləcək olan 1982 Dünya Çempionatına görə genişlənərək tamaşaçı tutumu 120 000 qədər artırılmışdır. İkinci dəfə isə 1998-ci ildə UEFA yeni qərarı, yəni bütün yerlər oturacaqla olmalıdı. Kamp Nou adı katalon dilindən tərcümədə "yeni torpaq" deməkdir.

Kamp Nou – Avropanın bəzi stadionlarından biri di ki, UEFA onu beş ulduzla qiymətləndirib

Sponsor

Barselonanın formasında tarixi boyu heç bir şirkətin adı yazılmamışdı. Lakin 2006-cı ildə 14 iyulda UNİCEF ilə 5 illik müqavilə imzalandı ki, bu da yalnız xeyriyyəçilik məqsədi güdürdü. Bütün dünyada aclıq və yoxsulluğa qarşı mübarizə aparmaq üçün Barselona hər il öz gəlirindən həmin təşkilata müəyyən miqdarda pul ödəyir.

Barselona həmçinin Nike, Coca-Cola, Beko, Audi, İntel, EA Sports kimi şirkətlərlə də əməkdaşlıq edir. Bununla yanaşı 2010-cu ildə Barselona öz tarixində ilk dəfə 111 illik müqavimətdən sonra Qətər Fondu (Qatar Foundation) ilə ümumi dəyəri 125 milyon funt olacaq sponsorluq müqaviləsi imzalamışdır.

İllər	Forma	Sponsor
1982–1992	Meyba	—
1992–1998	Kappa
1998–2006	Nike
2006–2011		UNICEF
2011–2013		Qətər Fondu / UNICEF
2013–2014		Qatar Airways / Intel / UNICEF
2014–2016		Qatar Airways / Intel / UNICEF / Beko
2016–2017		Qatar Airways / Intel / UNICEF / Beko / Gatorade
2017–0000		Rakuten / Intel / UNICEF / Beko / Gatorade

Heyəti

No. Position Player 1 GK Mark-Andre ter Ştegen 2 DF Nelson Semedo 3 DF Jerar Pike (3-cü kapitan) 4 MF İvan Rakitiç 5 MF Sergio Buskets(vitse-kapitan) 6 DF Jan-Kler Todibo 8 MF Artur Melo 9 FW Luis Suarez 10 FW Lionel Messi (kapitan) 11 FW Usman Dembele 13 GK Neto

No. Position Player 15 DF Kleman Lanqle 16 DF Mussa Vaque 17 FW Antuan Qrizman 18 DF Jordi Alba 19 MF Karles Alena 20 MF Serxi Roberto 21 MF Frenkie de Jong 22 MF Arturo Vidal 23 DF Samuel Umtiti 24 DF Junior Firpo

Uğurları

•  

Tip	Turnir	Titul sayı	Sezon / İl
	LA liqa	26	1928-29, 1944-45, 1947-48, 1948-49, 1951-52, 1952-53, 1958-59, 1959-60, 1973-74, 1984-85, 1990-91, 1991-92, 1992-93, 1993-94, 1997-98, 1998-99, 2004-05, 2005-06, 2008-09, 2009-10, 2010-11, 2012-13, 2014-15, 2015-16, 2017-18, 2018-19
Ölkə	Yeva Duarte kuboku (rekord)	3	1947-48, 1951-52, 1952-53
	Kral Kuboku (rekord)	30	1909/10, 1911/12, 1912/13, 1919/20, 1921/22, 1924/25, 1925/26, 1927/28, 1941/42, 1950/51, 1951/52, 1952/53, 1956/57, 1962/63, 1967/68, 1970/71, 1977/78, 1980/81, 1982/83, 1987/88, 1989/90, 1996/97, 1997/98, 2008/09, 2011/12, 2014/15, 2015/16, 2016/17,2017/18
	İspaniya Superkuboku (rekord)	13	1984, 1992, 1993, 1995, 1997, 2005, 2006, 2009, 2010, 2011, 2013, 2016, 2018
	Yeva Duarte Kuboku (rekord)	3	1948, 1952, 1953
	Liqa Kuboku (rekord)	2	1982–83, 1985–86
Qitə	UEFA Çempionlar Liqası	5	1991/1992, 2005/2006, 2008/2009, 2010/11, 2014/15
	UEFA Superkuboku (rekord)	5†	1992, 1997, 2009, 2011, 2015
	UEFA Kuboklar Kuboku (rekord)	4	1978/1979, 1981/1982, 1988/1989, 1996/1997
	Yarmarkalar Kuboku (rekord)	3	1955–58, 1958–60, 1965–66
Beynəlxalq	Klublararası Dünya Kuboku	3	2009, 2011,2015

Şəxsi Heyət

Cari Texniki heyət

Vəzifə	Ad
Baş məşqçi	Ernesto Valverde
Assistent məşqçi	Xuan Karlos Unzue
İkinci məşqçi	Robert Moreno
Köməkci baş məşqçi	Xuan Barbara
Qapıçı məşqçisi	José Ramón de la Fuente
Skautlar	Roberto Moreno Aleks Garcia Jordi Melero Jaume Torras
Psixioterapevtlər	Jaume Minull Juanjo Brau Roger Gironès
Psixoloq	Xoakin Valdes
Fitness üzrə məşqçilər	Rafa Pol Eduardo Pons Frasesk Kos Pako Serilyo
Həkimlər	Ramón Canal Ricard Pruna Daniel Medina
Futbol direktoru	Aryedo Brayda
Futbol direktorunun assistenti	Karles Rexaç
Akademiya Direktoru	Xordi Roura
B Komandasının məşqçisi	Jordi Vinyals

Himn

Himn sözləri

Tot el camp
és un clam.
Som la gent blau-grana.
Tant se val d’on venim, si del sud o del nord.
Ara estem d’acord, estem d’acord —
Una bandera ens agermana:

Blaugrana al vent!
Un crit valent!
Tenim un nom el sap tothom!
Barça! Barça! Barça!

Jugadors.
Seguidors.
Tots units fem força!
Són molts anys plens d’afanys!
Són molts gols hem cridat!
I s’ha demostrat, s’ha demostrat
Que mai ningú no ens podrà tórcer!

Blau-grana al vent!
Un crit valent!
Tenim un nom el sap tothom!
Barça! Barça! Barça!

Cari Direktorlar Şurası

Xosep Bartomeu - Hal-hazırki prezident

Ofis	Ad
Prezident	Xosep Bartomeu
Birinci Vitse-Prezident	Javier Faus
İdarə Heyəti Sözcüsü	Antoni Freixa
Xəzinədar	Susana Monje
İqtisadi və Stratejik Sahə üzrə Direktor	Jordi Moix
Disiplinar Komitənin Rəhbəri	Eduard Coll