Arçrun Ovannisyan
Arçrun Ovannisyan Karapeti | |
---|---|
Արծրուն Կարապետի Հովհաննիսյան | |
Şəxsi məlumatlar | |
Doğum tarixi | |
Doğum yeri | Cızıxlar, Ermənistan SSR, SSRİ |
Vətəndaşlığı | Ermənistan |
Təhsili | |
Hərbi fəaliyyəti | |
Mənsubiyyəti | Ermənistan |
Qoşun növü | Hava Hücumundan Müdafiə |
Hərbi hissə | Artileriya |
Xidmət illəri | 1997 – indiyə qədər |
Rütbəsi | Polkovnik-leytenant |
Vəzifəsi | Vazgen Sarqsyan adına Hərbi Universitetin Zabitlər Fakultəsinin Dekanı |
Təltifləri | "Döyüş Xidmətlərinə görə" medalı |
Vikianbarda əlaqəli mediafayllar |
Arçrun Ovannisyan və ya Artsrun Hovhannisyan (Erm: Արծրուն Կարապետի Հովհաննիսյան, 30 yanvar 1980, Cızıxlar kəndi, Şirak mərzi) - Ermənistan Müdafiə Nazirliyinin keçmiş mətbuat katibi (2012-2020), Vazgen Sarqsyan adına Hərbi Akademiyanın Zabitlər Fakultəsinin Dekanı, hərbi ekspert, Ermənistan Mərkəzləşdirilmiş Məlumat Mərkəzində Ermənistan Müdafiə Nazirliyinin təmsilçisi.
Biqorafiya
Arçrun Karapetani Ovannisyan (Bəzən Artsrun olaraq transliterasiya edilir, Soyadındakı Հ (/h/) səsləri tələffüzdə ixtisar edilə bilər) 30 yanvar 1980-ci ildə Ermənistanın Şirak mərzinin Çoğamarq (Cızıxlar) kəndində anadan olmuşdur[1].
1997-ci ildə İrəvanda yerləşən Vazgen Sarqsyan adına Hərbi Akademiyanın Artileriya birləşmələri komandirliyi üzrə təhsil almağa başlamış və 2001-ci ildə buradan leytenant rütbəsiylə məzun olmuşdur və Ermənistan Silahlı Qüvvələrinin tank əleyhinə bölmələrində tağım komandiri olaraq hərbi karyerasına başlamışdır. 2002-ci ildə bölük komandiri, 2004-cü ildə isə alay komandiri təyin edilmişdir.
2010-cu ildən Ermənistan Elmlər Akademiyasının Beynəlxalq Elm və Təhsil Mərkəzind tarix üzrə magistr təhsilinə başlamış, həmçinin həmin ildən etibarən Ermənistan Prezidenti yanında Siyasi Araşdırmalar İnstitutunda hərbi mütəxəssis kimi işləməyə başlamışdır. 2012-ci ildə magistr dərəcəsi almışdır.
Həmin il, Ermənistan Müdafiə Nazirliyinin məktbuat xidmətinin katibi vəzifəsinə təyin edilmişdir.
2013-cü ildə Ermənistan Elmlər Akademiyasının Tarix İnstitunda aspirant təhsilə başlamış və 2014-cü ildə tarix elmləri namizədi dərəcəsini almışdır.
Arçrun Ovannisyan 2013-cü ildən İrəvan Dövlət Universitetinin Beynəlxalq Əlaqələr və Jurnalistika fakultəsində dərs demiş, 2014-cü ildən etibarən akademik fəaliyyətinə Vazgen Sarqsyan adına Hərbi Akademiyada davam etmişdir.[2]